tag:blogger.com,1999:blog-9995392657053318412024-03-13T11:49:24.233-07:00Henry VangchhiaMy LifeH.Vangchhiahttp://www.blogger.com/profile/03385766216471139737noreply@blogger.comBlogger98125tag:blogger.com,1999:blog-999539265705331841.post-16429610229447095832020-04-12T13:55:00.000-07:002020-04-13T04:18:05.669-07:00Tum Angin Thil A Awmlo!<div dir="ltr" style="text-align: left;" trbidi="on">
<div style="text-align: justify;">
Kumin kum 2020 kan chuangkai ta kha chu in chhete lei thar hlim nih nen rilruah tih tum leh hlimna khan ka khatliam a ni ber awm e. Phak ang tawk chhete te lehkha ka zir ve leh thinte pawh chhunzawm leh ka phur khawp mai a, kan hotu ten min sponsor thei dawn tih ka hriat phei kha chuan ka lawm teh asin aw - mahni a intum tur chuan kei ang tan chuan thil harsa a ni. Spring Semester sikul kal tumin ka inbuatsaih a, clinician recert pawh chumi rual tho chuan darkar tibuai lovin kalna hun kalo nei reng pek a - ka phur kher mai.</div>
<div style="text-align: justify;">
<br /></div>
<div style="text-align: justify;">
Tih dan thin pangngai ang bawkin ka eizawnna lamah (Washington DC chhungah) ka kal reng a, kan khua a fire station lamah firefighter leh clinician (EMT) angin ka duty chhunzawm ve zak zak reng bawk a. America a firefighter 72% emaw hi hlawh nei lova volunteer an ni hlawm a, fire station tam tak phei chu a enkawl leh engkim mai an kuta awm anih vangin volunteer te kan buai thei hle a, eizawnna neih a ngaih bawk si avangin - indaih loh a na ta hle bawk.</div>
<div style="text-align: justify;">
<br /></div>
<div style="text-align: justify;">
China leh Europe lam atangin coronavirus chi thar, COVID-19 sawi a awm avangin kan fire chief leh hotute an fimkhur thiam nghal em em mai kha an fakawm ka ti hle mai. Nidangah te chuan pawnlam mi - a duh duh, scout te leh zirlai te leh khawtlang mite pawh rawbn luhchhuahna reng kha a ni thin. Coronavirus chi thar thawm kan hriat hnu kha chuan pawnlam mi tumah station chhungah luh khap bur anih mai bakah, member te pawh duty tur lo chu engemaw pawimawh tak lovah chuan lut lo tura hriattir kan ni ta nghal bur mai a ni; tha ka ti khawp mai - safety saves!</div>
<div style="text-align: justify;">
<br /></div>
<div style="text-align: justify;">
Fire station a duty turte chu an luh chiahin kawngkhar bulah taksa lum zawng enna hmangin an in endik hmasa te te a, chutah mahni phone emaw hmangin thuawl pawimawh dah khah a ngai leh te te phawt a ni. Fire station a ambulance te hi damlo phurh zawh apiang a natna hrik awm thei laka tih thianghlim ziah ni mahse - tun hripui thlengah meuh chuan fire truck te, rescue squad truck te thlengin uluk lutuk tak mai a tih thianghlim an ni ta thin a ni. Hmaikawr vuah lam hi kan tithang hlawm fu emaw ka tih laiin englai mai pawh a N95 emaw tal han vuah reng mai chu a ninawmin thlan a titam ngei mai - keini leh anni himna tura ngaih a ni miau si ale! </div>
<div style="text-align: justify;">
<br /></div>
<div style="text-align: justify;">
Eizawnna lamah kal ziah ngai ka ni a, chulamah pawh thiam ang tawk tawkin protocol an siam a - kan zawm tha viau. Chutih karah chuan ka hnathawhna a kan hmun tifai a remfel, hnathawhna nuam a min siamsak tu te zinga pakhat chuan in lama a chenpui pakhat COVID-19 a test positive tih thu a rawn sawi - a thawh ang thawk dang pahnih, pindan khat a hahchawl tlang thinte chu ni 14 chhung awm hrang turin an haw tir nghal. An vanduaina em em mai chu an ni kha pawnlam cleaning company hnathawk an ni a, an danah hetiang thila an chawlh pawn engmah hmuh an beisei theilo alo ni awm e. Keini lam pawh pindan khatah inhnaih angreng taka awm ho thin chu pindan hran hman ka dil hnu chuan ka ngaih a tha ve ta sawt - midang khawih hnu hru zet zet peih (COVID-19 awm hnu) ka nih vangin a ninawm nep deuh - mi him hram hram duh vete! </div>
<div style="text-align: justify;">
<br /></div>
<br />
<div style="text-align: justify;">
Kan chhehvel khua a firefighter/medic te COVID-19 an test positive nual hnuah pawh kan chenna khua, Frederick, Maryland state ah hian firefighter/medic tih vel April ni 9, 2020 thleng kha chuan tumah chutiang natsa nei kan la awm ve lo. Vanduai thlak takin April ni 10 kan chuan kai meuh chuan kan station ami ngei positive a awm ve ta hlauh mai - ani kha hlawh nei a thawk a ni. Mithiam ten an chhuinaah chuan volunteer tumah tan hlauhawm awmlo angin an sawi thung - hlawh nei ho hian bunker hran an nei hlauh chu volunteer te venneihna a ni maithei. </div>
<div style="text-align: justify;">
<br /></div>
<div style="text-align: justify;">
Maryland state Governor thupek angin kan chenna khuaah hian Maryland state a khaw dang ang bawkin mamawh zual - eitur leh damdawi lam tur emaw, "essential job" an tih mai, loh theih lova thawh ngai ang chia an pawm thawk tur lo chuan tumah chhuah phal a ni lo. Thuawih lova chhuak lui an man chu dollar 5000 chawi emaw kum 1 lungin tan emaw, hremna pahnih tawrh kawp an hmabak a ni. Chutia hremna a nat viau rual chuan police lam chuan kawngah mi an tiding dawn lova - engmaw palh tawng erawh an vanduai khawp ang - a che che sih hlawkah!</div>
<div style="text-align: justify;">
<br /></div>
<div style="text-align: justify;">
Pathianin chenna in min pe a, chhungkaw tha tak min pe bawk a - ventilator hman ngai lova boruak thianghlim hip theia kala awm hi ka lawm em em mai a ni. Fimkhur hian tawhsual tawh a harsa - tawh loh tawpna tur erawh a ni lo. Tum ang zel hian thil a awmlo a ni e!</div>
</div>
H.Vangchhiahttp://www.blogger.com/profile/03385766216471139737noreply@blogger.com1tag:blogger.com,1999:blog-999539265705331841.post-26051657401123727942017-01-21T13:36:00.001-08:002018-10-18T17:27:42.437-07:00United States President 45 na nemnghehni-ah ka tel ve hlauh mai!<div dir="ltr" style="text-align: left;" trbidi="on">
<div style="text-align: justify;">
United States-ah hian kum engemaw zat awm ve tawh mah ila ram hruaitu luber, President lakluh-niah hian kumin hmalam khan kala kal ngailo. President Obama lakluh nawn a nih tum khan telve theihna ticket chu ka nei ve ran mai a, mahse, a term hmasa ka ngaihtuah letin han phur tehhurhna tur tlingah ka ngailo a ka tel talo niberin ka hria.</div>
<div style="text-align: justify;">
<br /></div>
<div style="text-align: justify;">
Kumin 2017 a US President nemnghehni erawh ka phur ve ngang mai. United States President tur rampum inthlanna a ka vote hmasak ber a ni bawk. Kan state Representative, a biktakin keimahni 6th Congressional District changtu, John K. Delaney (D) office chu Presidential Inauguration ticket ka zuk dil ve chawm mai a. Diltu anlo tam deuh vangin thum vawr angin an tih dawn min rawn hrilh a, a hnu chuan a hmulo zingah ka tel thu min rawn hrilh leh ta mai bawk a!</div>
<div style="text-align: justify;">
<br /></div>
<div style="text-align: justify;">
Tichuan le, engtin nge ka kal theih dan tur ni ang tia ka ngaihtuah buai lai, ticket neilo chuan hmun tha ka chang awm silo ti vela ka inngaihtuah lai tak chuan, Washington DC fire department chuan an tih thin dan ang thoin, DC hualtu state hnenah puihna a dil thin chu an rawn ti lehta ngei mai a. Hming pekluh theihna a awm a, tah chuan ka hming pawh mi tam tak zingah chuan ka ziaklut ve ta ran mai a ni. Kum li awrh ka la volunteer ve liuh leuh chauh mai si nen chuan ka tan a harsat viau ka ring hle. Kar khat emaw hnu chuan kan hotu ber chuan, "Henry i pianna hmun ka hreta derlo mai khawngaihin min hrilh thei em, US Secret Service hoin nasa taka background check an neih theuh a ngai a?" a rawnti ta -- ka van phur tak em!</div>
<div style="text-align: justify;">
<br /></div>
<div style="text-align: justify;">
Ni 20 nghah nan kar khat ala awm tihah chuan US Secret Service ten min chhuina lam engmah vak kan la hre derlo mai a, khawiah nge chumi unit chu an duty dawn tih bak. Hna lamah chawlh lak a ti khaihlak zo tep tihah chuan ka background check an neihna ("nasa tak" an ti kher) an duhthusam a ni tih ka hre ta a -- ka helhhawlh miahlo, ka phur zek zek thung! :) Hmunpui lam a hming pekluh zingah kaldawn a tel talo pawh an awm, a chhan kan inzawt lemlo, rindan tawk kan nei theuhin ka ring -- a pawi khawp mai!</div>
<div style="text-align: justify;">
<br /></div>
<div style="text-align: justify;">
January ni 18, Nilaini zanah chuan Maryland lama kan fire department hotuten, kan kalphung tur felfai takin Sheriff office nen a kan trainingna hmun intawm, PSTF (Public Safety Training Facility) https://frederickcountymd.gov/3550/Public-Safety-Training-Facility pindan pakhatah chuan min neihpui ta a ni. Keini station atang hian ambulance leh engine pakhat kal tura tih kan ni a, a lawmawm takzet.</div>
<div style="text-align: justify;">
<br /></div>
<div style="text-align: justify;">
Pic: Debbie Stiffler te chuanna, United Fire Company #3 ambulance a ni:</div>
<div class="separator" style="clear: both; text-align: justify;">
<a href="https://1.bp.blogspot.com/-QkHRhtvEEqo/WIPRedVgMRI/AAAAAAAAA70/tLy9Ium8dvI32wjypMsG9l4euK8Q3pg_wCLcB/s1600/20170121_084246.png" imageanchor="1" style="margin-left: 1em; margin-right: 1em;"><img border="0" height="320" src="https://1.bp.blogspot.com/-QkHRhtvEEqo/WIPRedVgMRI/AAAAAAAAA70/tLy9Ium8dvI32wjypMsG9l4euK8Q3pg_wCLcB/s320/20170121_084246.png" width="243" /></a></div>
<div style="text-align: justify;">
<br /></div>
<div style="text-align: justify;">
January ni 19 zan chu thawhhai hlauh leh helhhawlh ve deuhroh vangin muttui a har angreng phian mai. Zing dar 2-ah ka tho a, ka insiam a kan firehouse lam ka zuk pan ta a. Ka thleng hmasaber dawn emaw tih naklaiin kan hotuber chu alo buai hle tawh mai a, a chuanawm thin ngawt mai ( kan fire chief hi volunteer tho a ni). Tichuan, kan fire engine (fire truck) ET 34 ah chuan kan fire thuamhnawte kan hlangkai sap sap a, ambulance lam pawh chuti tho. Ka chuanna, ET 34-ah chuan a khalhtu-ah Frederick, MD Sheriff office a mi Rick, officer atan kan fire chief, zirna hmun pakhata hotu ni bawk Marc, tichuan keimah leh, sikul pakhat a zirtir hnathawk Mike te kan ni a, ambulance-ah chuan Staci, Jake, leh Debbie te an chuang thung a. Kan chuah hma chuan Frederick county chhung chin a min escort-tu tur Deputy Sheriff chuan kan thla min laksak a -- ka hmuzui ta lem hleilo a!</div>
<div class="separator" style="clear: both; text-align: justify;">
<a href="https://4.bp.blogspot.com/-a2icu0nnsCw/WIPR8C7DimI/AAAAAAAAA74/XDczM1Q-BZAs0lU4tbrDPLhAH7bl2DXLwCLcB/s1600/20170120_143844.jpg" imageanchor="1" style="margin-left: 1em; margin-right: 1em;"><img border="0" height="180" src="https://4.bp.blogspot.com/-a2icu0nnsCw/WIPR8C7DimI/AAAAAAAAA74/XDczM1Q-BZAs0lU4tbrDPLhAH7bl2DXLwCLcB/s320/20170120_143844.jpg" width="320" /></a></div>
<div style="text-align: justify;">
<br /></div>
<div style="text-align: justify;">
<br /></div>
<div style="text-align: justify;">
Washington DC chu vai pathian thawhhmain kan lut a, kan innghahna ber tur fire station, Engine 18 an tihah chuan kan lutfel a, briefing te kan nei leh a, kan radio te chu Washington DC milin kan han set tha nawk nawk hlawm a. Tichuan tul apiang a first responder kan nih angin inpeih at chuan kan duty tanta a ni. Kan ambulance lamte nen kan inbe pawp zel a, anni khawchhung a kan lehlam daihah an awm thung.</div>
<div style="text-align: justify;">
<br /></div>
<div style="text-align: justify;">
President lakluh a nih vel lai chuan, ri eih pawh kan hre pha velo, khawpui a zau bakah a kawthler thlibeng dan a fuhloh chuan lehlam ri hriat harsa tak a ni reng a ni. Tichuan, radio lamah te leh phone message lamah-te chuan Hillary tantuten buaina an tichuak tih thawm kan hre tanta a. An buaina siamna hmun hi K Street lam, keini awmna atanga hmar lamah daih a ni. Kan awmna hmun hi a sen chin, a eng (yellow) chin, a hring chin tiin thenhran a ni a, ka duty vena hi a eng chinah a ni. A sen huam chhung hi ven uluk ngai ber laite a ni a, a eng chu ven uluk ngai tak mahse tlem a zalen theihna deuh tura duan niin, a hring chin huam erawh chu ven vak ngailo tluk a ngaih theih a ni thung.</div>
<div style="text-align: justify;">
<br /></div>
<div style="text-align: justify;">
Kawngpui dalin kan lirthei kan hung (ka thianpa ke langin) :D</div>
<div class="separator" style="clear: both; text-align: justify;">
<a href="https://1.bp.blogspot.com/-hqMqAcn0-e4/WIPS0SgFguI/AAAAAAAAA8E/j3TPuPObit0pdjXbJBmsWrtjDL7sbuRIACLcB/s1600/20170120_161412.jpg" imageanchor="1" style="margin-left: 1em; margin-right: 1em;"><img border="0" height="320" src="https://1.bp.blogspot.com/-hqMqAcn0-e4/WIPS0SgFguI/AAAAAAAAA8E/j3TPuPObit0pdjXbJBmsWrtjDL7sbuRIACLcB/s320/20170120_161412.jpg" width="197" /></a></div>
<div class="separator" style="clear: both; text-align: justify;">
<br /></div>
<div class="separator" style="clear: both; text-align: justify;">
Kan awmna lehlam a National Guard duty te:</div>
<div class="separator" style="clear: both; text-align: justify;">
<a href="https://3.bp.blogspot.com/-9hoKvwS-wYE/WIPTDxcswiI/AAAAAAAAA8I/CsktlKWLJ1w3d29pTFDXyeD0szVo2vmqgCLcB/s1600/20170120_152921.jpg" imageanchor="1" style="margin-left: 1em; margin-right: 1em;"><img border="0" height="195" src="https://3.bp.blogspot.com/-9hoKvwS-wYE/WIPTDxcswiI/AAAAAAAAA8I/CsktlKWLJ1w3d29pTFDXyeD0szVo2vmqgCLcB/s320/20170120_152921.jpg" width="320" /></a></div>
<div style="text-align: justify;">
<br /></div>
<div style="text-align: justify;">
<br /></div>
<div style="text-align: justify;">
Tichuan chawhnu dar thum a rik meuh chuan Hillary tantute chuan fire station pakhat tichhiain, car pakhat an hal a, bawlhhlawh bawm pawh an hal tawh bawk. An ngaihtuah thuilo ka tihna em em pakhat chu, Hillary tlinnan a tangka tam tham tak thawhtu Bank of America an tichhia kha a ni. Inring rengin kan awm nachungin, vawi tam tak tirhchuah kan nita lemlo. Kan ambulance erawh a buai zak zak viau awm e. Kan motor kenah te chuan DC fire department lamin rang taka kalna min kawhhmuh thei turin mi pakhat zel navigator min pe a ni. Mahse, ambulance a mi kha a bota daih mai a, a hlau a tlanchhia chu a ni emlo ang chu maw -- an hotu te atangin thu lawmawmlo erawh a hmuh ngei ka ring thung.</div>
<div style="text-align: justify;">
<br /></div>
<div style="text-align: justify;">
<br /></div>
<div style="text-align: justify;">
Khua a thim awrh tih chuan, keimahni min chhawk turin unit hnih an rawn thleng a, kan haw thei ta. Kalo mangnghilh hlauh pakhat erawh a zialo thui teuh hle -- kan fire chief gear (fire kekawr) keiman ka dahlut mai ang ka tih chu ka dahluh theihnghilh a, kan kalsan teuh hle. Mut a chhuak tlang aniang, hawlam chu a hnunga ka chuanpui nen thlen dawnah bak kan inbiak pawh ka hrelo -- a hnar ri ngher ngher mai. Kan fire house, United Fire Company #3 chu zan dar 7 a pelh hretin kan thleng a, kan pu ber chuan lawmthu min hrilh theuh a kan tin darhta a ni.<br />
<br />
Khawvel awm tirh ata tawh a ram ropui ber mai hruaitu lakluhni a official taka ka zuk inhnamhnawih ve thei hi, a thulo ber pawl mah ni ila ka damchhung hriat reng thil a ni tawh ngei ang le.</div>
<div style="text-align: justify;">
<br /></div>
<div style="text-align: justify;">
Washington DC kan chhuahsan tep. Hnunglamah Washington Monument tlemte ala lang fih feih:</div>
<div class="separator" style="clear: both; text-align: justify;">
<a href="https://4.bp.blogspot.com/-Xc6HAXG9nJA/WIPTQoP-msI/AAAAAAAAA8Q/Iwc_v5Yma5AOdiFPAmJiS30TvZ41O5bFACLcB/s1600/20170120_174339.jpg" imageanchor="1" style="margin-left: 1em; margin-right: 1em;"><img border="0" height="320" src="https://4.bp.blogspot.com/-Xc6HAXG9nJA/WIPTQoP-msI/AAAAAAAAA8Q/Iwc_v5Yma5AOdiFPAmJiS30TvZ41O5bFACLcB/s320/20170120_174339.jpg" width="180" /></a></div>
<div style="text-align: justify;">
Thlalakna hun ka nei nganglo a ni e. </div>
<div style="text-align: justify;">
<br /></div>
<div style="text-align: justify;">
<br /></div>
<h1 class="headline" id="versionHeadLine" style="background: rgba(222, 207, 181, 0.368627); border-radius: 3px; border: 0px none; box-sizing: content-box; color: #61634e; font-family: "libre baskerville"; font-size: 1.5em; font-weight: 400; padding: 0.75em 0.5em; text-align: justify;">
</h1>
</div>
H.Vangchhiahttp://www.blogger.com/profile/03385766216471139737noreply@blogger.com6tag:blogger.com,1999:blog-999539265705331841.post-12141079454766525472017-01-02T06:33:00.000-08:002017-01-02T09:49:28.181-08:00"Vote thlak" chungchang a kei leh United States.<div dir="ltr" style="text-align: left;" trbidi="on">
<div style="text-align: justify;">
Kum 2007 atang tawh khan United States-ah hian "vote thlak" thei dinhmun a insiam ve thei ni tawh mah ila ka phur tehchiamlo bawk nen ka ngaihsak ngailo. Thiante hnenah pawh ka tumloh thu ka sawi zeuh zeuh tawh thin bawk. Kum 2008 a United States President thlanna a awm khan, ram tan a mi tha a ni dawn a ka hriat vangin (a campaign auhla vang a ni ang), vote thlak tumna lam nei chuang hauhlo chuan ka nupui hnenah Barack Hussein Obama vote ngei ngei turin ka fuih. Ka fuih mai pawh nilo-in ka tur zawk mah awm e. Vote tumna lam neive lem rihlo mah ila, awmna ram atan chuan mi dik leh ram tan a tha tur ni a ka ngaih chu party politics a buailo-in kalo tan ve em em ringawt mai a nih chu.</div>
<div style="text-align: justify;">
<br /></div>
<div style="text-align: justify;">
A campaign auhhla a ropuiin a ukil nih hriat tak a tawngkam thiam Hussein Obama chu President a nita ngei a, a lawmluh ni pawh a pui hep hep teh e! Mahse, kum khat pawh a ral hma chuan kalo tanta kha inchhirna leh inngeina deuh ka neita tlat pek a. A rei zel a, mihring lem tak leh America ram chakna haw tak (he seem to hate strong America), khawvel a chak bik nih duhlo niawm taka engkim kalpui a ni chhota zel mai a ni. America hmelma Iran a thlawp a, remchang a hmuh apiangin America hmingin ngaihdam a dil a, middle east a America thiantha ber leh Democracy ram awm chhun chu a hawta em em mai a nih kha. Tichuan, kum 4 a ral dawn... 2012 a inthlan awm leh turah Hussein Obama a ding leh chu a lungchhiat thlak lek lek zawk a ni. Tin, hna a thawh hma a Nobel Peace price an pek khan a lawmman siamtute a ti nep sawtin ka hre nghe nghe. Hussein Obama leh Romney te chu ram tan a tha lo tur nia ka hriat ve ve vangin vote thlak lam ka ngaihtuah leh talo a, ka nupui pawh chuan a tu zawk mah chu a vote ta lo a, kan chhungkua atangin 2012 inthlan khan vote a tla talo a ni. </div>
<div style="text-align: justify;">
<br /></div>
<div style="text-align: justify;">
Kum 2016 inthlan lo awm tur chu Republican party a candidate an tam hle mai a ( mi 17), mi tha deuh hlir nia ka hriat anni hlawm nghe nghe. Democratic party candidate te erawh: pakhat chu kan awmna state, Maryland governor hlui, a mayor nihna a record chhe fahran, governor a nih pawh a record tha nei lemlo a ni. Pakhat dang lah chu Democratic hming a ding independent candidate leh Socialist a ni. An hmeichhe neih chhun lah chu dawt sawi avanga a hna lian thawh hmasak ber atanga an ban, record tha reng reng kum 30 vel chhung neilo a ni. Republican lamah chuan politics lam a hming la nei ngailo pakhat, frank tak mai, mi pawisawi palh hlauhna neilo a thil a nih ang ang a sawi chhuak phawng phawng mai chu an chuk rawn ta luai luai mai a -- a chanchin chhui chian chakna ka neita tlat!</div>
<div style="text-align: justify;">
<br /></div>
<div style="text-align: justify;">
Donald J. Trump, New York billionaire chanchin chu behchian dawl nia ka hmuh theih ang ang ka chhiar ta char char a, chutih pah chuan Hillary Clinton leh Socialist Bernie Sanders chu ka chhui thiam ang tawk tawkin ka chhui ve bawk a ni. Donald Trump a record chuan min hnehta em em mai a, liberal chanchinbu leh professional politician ten an beihrawn nasat em avang chuan ram tan a mi tha a nih rinna ka nei zualta sauh bawk a ni. Amerian politician ho hi (Republican & Democratic), an campaign lai a pawisa tam tham thawhtute hian an thuhnuaiah an dah vek a ni ber a, chumi chu ram tan a pawi telh telh mai a ni.</div>
<div class="separator" style="clear: both; text-align: justify;">
<a href="https://1.bp.blogspot.com/-YJQT5ASqqgo/WGpke2XQPlI/AAAAAAAAA5o/Qwab2GZXMModEVllHTG0idKagXkZLQDxACLcB/s1600/20161102_132244.jpg" imageanchor="1" style="margin-left: 1em; margin-right: 1em;"><img border="0" height="166" src="https://1.bp.blogspot.com/-YJQT5ASqqgo/WGpke2XQPlI/AAAAAAAAA5o/Qwab2GZXMModEVllHTG0idKagXkZLQDxACLcB/s320/20161102_132244.jpg" width="320" /></a></div>
<div style="text-align: justify;">
<br /></div>
<div style="text-align: justify;">
<br /></div>
<div style="text-align: justify;">
Kum 2016 inthlan lo awm tura vote thlak tur chuan inbuatsaih a ngaihna zawng zawng chu ka tifel ve ta hluai mai a, mak tak maiin ka phur ve nek lehnghal a! Vote thlak ni, November ni 8, 2016 hma chuan vote thlak hma duhte tan state 37 leh District of Columbia-ah vote thlak hma (early voting) phal a ni a. Inthlan ni (election day), November ni 8 a ka hman dawnloh vang ni hauhlo chuan Donald J. Trump ka tan em vang chuan November ni 2 chuan vote thlak turin phur fahranin ka inkhalh chhuak ta a ni. A hma a voters registration tilo ka nih vang chuan polling station a duty te chuan Republican angin nge Democratic angin register ka duh minlo zawt a. Kei chuan, independent rih phawt ka duh thu sawi pah chuan, "tun tum chu in register pawh ka tumlo, Mr. Trump ka vote hmu tur a ni tho tho," kan ti hram pek a, duty nu pahnih chu an nui nasa teh asin! </div>
<div class="separator" style="clear: both; text-align: justify;">
<a href="https://4.bp.blogspot.com/-rFA6MUQXSLk/WGpj3AdgmXI/AAAAAAAAA5g/xloFBucvjhE2Ecz7Umgt7lo4j7-ywWf7ACLcB/s1600/20161109_101739.jpg" imageanchor="1" style="margin-left: 1em; margin-right: 1em;"><img border="0" height="320" src="https://4.bp.blogspot.com/-rFA6MUQXSLk/WGpj3AdgmXI/AAAAAAAAA5g/xloFBucvjhE2Ecz7Umgt7lo4j7-ywWf7ACLcB/s320/20161109_101739.jpg" width="243" /></a></div>
<div style="text-align: justify;">
<br /></div>
<br />
<div style="text-align: justify;">
Inthlan ni, November ni 8, 2016 zanah chuan vote chhiar ka nghak ran mai a, state hrang hrang an chhiarte chu ka thlir zel a. Politics lam a lehkhathiam te chu Pu Trump-a chuan dawt a sawi chhoh tirta zel mai chuan ka lawmna an siam hle. Zing lam a liberal media hoin phurlo zet a, "Mr Tump is going to be the next President of the United States," an rawn tih te, Pennsylvania state, Democratic party lam hmun him chu 100% vote chhiar tlin dawn tepah pawh chak zawk anla puang duhlo tlat maite chuan ka nuih anti za a, an che naupang chhia ka ti hle. Tih ngaihna thlawt an neihloh hnu, November ni 9 zing dar 2:30 a a tlin thu an rawn puang chiah kha chu "America-ah hian Kristian nih a nuam leh dawn e," tihna te chuan ka rilru a luah nghal a, "Obama chhuak chiah anga ISIS lam hian America an rawn bei zui zat ang em le?" tihte pawh chuan ka rilru a luah tel ve bawk. Ka nupui muhil chu ka kaitho a, Trump a tlin thu ka hrilh chu, "Tinge a tlin hma atangin min kaihthawh loh..." ti chung chuan lawm hmelpu takin min rawn kuah (hug) a... "a tling ang ka tih reng kha," a ti sap a.<br />
<br />
United States of America a ka vote thlak hmasak berah hian ka tisual emlo turah ka ngai, ilo thlirleh phawt ang aw. Tihsual tak leh inthan leh tikah thlan nawn tawhloh a ni mai. Tihsual loh erawh ka inring viau thung.</div>
<div style="text-align: justify;">
<br /></div>
<div style="text-align: justify;">
Thubelh: University professor tam takte hi liberal zealots an ni a, chutiang zinga mi, North Carolina professor pakhat, Andrew Raynolds chuan Republican party chuan chakna an lak nasat em avangin USA chu democracy pawh ni tawhlo ( " they win so much, it is no longer a democracy...") hialin thu a chhuah a ni. California a hmu tello aniang e Democratic party chak lawrlakna a ni si a! Hairehai :D</div>
<br />
<div style="text-align: justify;">
<br /></div>
<div style="text-align: justify;">
<br /></div>
</div>
H.Vangchhiahttp://www.blogger.com/profile/03385766216471139737noreply@blogger.com14tag:blogger.com,1999:blog-999539265705331841.post-20512849183320579022015-12-02T07:17:00.003-08:002015-12-02T07:17:59.873-08:00Ka Nunkawng Kaihtawi!<div dir="ltr" style="text-align: left;" trbidi="on">
<h2 style="background-color: white; border: 0px; clear: both; color: #111111; font-family: 'Lucida Grande', Verdana, Arial, sans-serif; font-size: 2em; font-weight: normal; line-height: 1.2em; margin: 0px 0px 0.2em; outline: 0px; padding: 0px;">
<br /></h2>
<br /><div class="entry" style="background-color: white; border: 0px; color: #222222; font-family: 'Lucida Grande', Verdana, Arial, sans-serif; font-size: 12px; line-height: 20px; margin: 0px; outline: 0px; padding: 5px 0px 0px; text-align: justify;">
<div style="border: 0px; clear: both; font-style: inherit; font-weight: inherit; margin-bottom: 1.5em; outline: 0px; padding: 0px;">
Naupan laia Shillong a sikul kal thin han nih ve takah chuan a khaw hming ngawt mai pawh hian lung ati leng a, chutih lai a pawlrualpuite min ngaih tir leh thin. Kumpinu-in India a awplai a an hmunpui pakhat a lo nih thinna khan hlutna siamin, belhchian pawh a dawlna chhan niin a lang. A ram neitu Bakthak (Khasi) ho hi an tribal nihna tam takah la lang thin nachungin, kum tam tak Kumpinu thutchilh an nihna a hriat theih viau thin awm e.</div>
<div style="border: 0px; clear: both; font-style: inherit; font-weight: inherit; margin-bottom: 1.5em; outline: 0px; padding: 0px;">
St. Anthony’s High School-ah ka lut thin a, Don Bosco hostel a ka insuan luh hma zawng chuan ka pa u, ka ni Biaknemi, w/o Paul Z. Hauhnar (fam) te in-ah ka khawsa thin a, Laitumkhrah, Beat House ral lehlam, Bakthak ho Presbyterian biak in chhak chiahah, Meena Cottage chu ka awmna thin a ni nghe nghe.</div>
<div style="border: 0px; clear: both; font-style: inherit; font-weight: inherit; margin-bottom: 1.5em; outline: 0px; padding: 0px;">
Hostel-ah khan zan dar kua a rik chuan khumah kan awm tawh thin a, dar kua leh a chanve-ah “light down” an ti a, mut a chhuak e chhuak lo ve muthilh a ni tawp tawh mai. Exam a hnaih erawh chuan kan thianzaho-in zan dar sawm emaw velah, midang an muhilta tihah chuan mombati nen kan chhuak ru thin a. Kan mutna dormitory hnuai chiah, kan classroom-ah chuan lutru-in, zing thawhhun hma hret thleng mombati eng hnuaiah lehkha kan zir thin — kan lo va’n peih tak em! Hostelah hrim hrim khan nitin a huhovin darkar ruk vel kan zir ziah (mandatory) a ngai tho. Khatih lai kha chuan ka thiamthei ve teh asin aw!</div>
<div style="border: 0px; clear: both; font-style: inherit; font-weight: inherit; margin-bottom: 1.5em; outline: 0px; padding: 0px;">
Mizoram lama kan chhungte nen kan inbiakpawh theihna ber chu lehkhathawn emaw telegram emaw ala ni tawp. PCO te chu khawilam, a awm teuhlo. Telephone hman tur lo awm pawh ni tehreng mah se, Mizoram lamah phone nei an la awm mang lo va tangkaina a awm tamlo khawp ang. Hostel naupang ta chu a ‘broke’ ve theih khawp mai. Chhungte pawisa chah kan duh ve si, Laimu (Laitumkhrah) a Kalsang Restaurant leh Police Point inkar a post office-ah kalin, telegraph-ah a tawi thei ang berin, “Fee Rs.400 urgent” tih emaw ringawt-te kha Mizoramah kan thawn thin. Lehkha thawn dawn pawhin envelope leh stamp man ui chang a tam a, Inland letter, a rawng hring ngei mai kha kan hmang thin bawk. “Chhungte an chah leh zel theih a lawm” ti niawm tak khan tangka-te kha kan hmangzo zel a, renchemna chang ka lo hre ngailo. Tun hnu hian chhungte kalo tih luhai theih thin tur zia ka ngaihtuah thiam tan ta a, inchhir a pawi tihna avan lian ta em!</div>
<div style="border: 0px; clear: both; font-style: inherit; font-weight: inherit; margin-bottom: 1.5em; outline: 0px; padding: 0px;">
Zirzawh hmain ka lungleng chu Mizoramah ka haw ta a, ka nu chuan “A van pawi tak em aw!” a ti vawng vawng mai a ni. Ka nu hlauhthawn ang ngeiin college pawh zo fumfe ta manglo chuan ka awm ta mai mai a. Sawrkar pisaah pawh han thawk ve liuh leuh thin mah ila hna nghet a nih loh mai bakah mawhphurhna sang chelh thei dinhmunah ka ding talo reng a. Mizo movie-ah te changin eng eng emaw ti thin mah ila ka nunphung chuan changkan lam aiin chhiatna lam a pan thuk tawlh tawlh a, a tawpah phei chuan mi biak peih meuh lovah ka inchhuah thei ta hram a.</div>
<div style="border: 0px; clear: both; font-style: inherit; font-weight: inherit; margin-bottom: 1.5em; outline: 0px; padding: 0px;">
Ka nun chu ka ning ta a, miten min thlir dan ka hrethiam ta a ni ber ang chu. Tichuan Thakthing bazarah ka nu Silai-Mual huan antam zuarin ka thu ve ta ran mai a. Mi thenkhat chuan, “Ipa first class officer a ni a iti mualpho,” tiin min kaihthawh an tum. Ka pa nihna kha ka nihna a ni lo va, a thawhchhuah ka thawhchhuah a ni tlat lo, ka tho teuhlo mai. Ka antam tel leh kha alo lian deuh aniang chu, ka thut hmasakber tum chuan kharchhawng hovin min lakzawh sak vek nghal nghe nghe a ni. Lungleng khuaah hmunphiah keh zir chawpin kar hnih chhung hmunphiah kekin ka zuk khawsa leh a. Chu’ngte chu Aizawlah rawn hawnin ka zuar kual thin a ni. Kawng siam a inhlawhin Serlui kamah thla thum haw lovin ka inhlawh leh bawk, a nuam ka ti ta phian mai lehnghal a. A chhan ber nia ka hriat chu thianghlim tak leh hah taka thawhchhuah ka nei ve ta kha niin ka hria.</div>
<div style="border: 0px; clear: both; font-style: inherit; font-weight: inherit; margin-bottom: 1.5em; outline: 0px; padding: 0px;">
Mi nuihsawh leh fiamthu thawhna ka nireng duhlo mai ni lovin, mi awh tur nih ka tum ve ran a, Serlui kam atang erawh kha chuan ngaihtuahna bak a kal thui mawh kher mai. Ka tum a ruh viau mai, United States a chhuk theihna remchang ka dap ve ran. Chhungten min phatsan loh zarah sponsor-tu tur ka hmuta hlauh mai a, ka lawm ngei mai. Visa dil turin Calcutta ka thleng ve ta rawih a, kamis var pakhat leh kekawr pakhat kha ka jeans baka ka thuamhnaw neih chhun a ni mai a –ka nu-in, bual-in a ken luh chi sekhawnhan funte zipper nei min leisak nen. Calcutta Mizoram House-ah chuan, Manipur lam a Mizo pastor pahnih leh tlangval pakhat chu U.S. visa dil turin interview an inpuahchah ve bawk a. Interview a hun dawn chuan ka thuamhnaw, Mizoram House mattress hnuai a ka dah mar chu ka phawrh a, mar thalo zet chuan U.S. consulate chu ka pan ve ta a. Min han interview veta ngei mai a, ka kal duh chhanah, “Khawvel a ram ropuiber hi ka damchhung hian vawikhat tal hmuh ve ka duh a ni. Mihring hrisel chin hriat a ni lo va, tun tum hian hlawhtling hlauh ila ka duh hle mai,” ti zawngin ka chhang a—“tlaiah I passport rawn lam rawh,” min ti ta a nih kha. Ka lawm teh e, khami ni khan keimah leh tlangval dang pakhat chiah kha U.S. visa hmu kan ni nghe nghe awm e.</div>
<div style="border: 0px; clear: both; font-style: inherit; font-weight: inherit; margin-bottom: 1.5em; outline: 0px; padding: 0px;">
Tunah chuan United States-ah in leh lo chhete neiin ka inbengbel ve tawh a, lehkhate zir tha lehin ka zirzawh ang chin phu tawkin, Washington DC –ah, full time-in hnachelh ka nei ve ta. Chumi hna a ka thawhloh nite chuan kan awmna khua, Frederick, Maryland ah, firefighter/emergency medical service lamah ka volunteer thin bawk. Upat lamah lehkha ka zir nawn leh e ka ti a, full time a zir turin hun ka nei thei tawh si lo, part time-in ka ti chho ve hram hram zel a ni. Lehkha zir pawimawh zia hi ka upa tulh tulh a ka hre chiang zual zel mai a ni e. Nu leh pa ka lo hmangaih thiamloh thin zia ka inhre zual sauh bawk a, koh kir theih nise tul lo va ka pawisa dil thinte kha ka dil kher loving — “Tlangval lai chuan…” ti a chhuanlam siam chi-ah ka ngailo.<br />Shillong sikul kallai-ah khan han lut lehta lawk ila. Keini aia u Mizo zirlai hruaitu thenkhat khan an zirna lam khawihbuai khawpin (a ni ngei ang) politics an khelh avang khan exam an phal ta lo va. Anni lah chuan Mizo zirlaite exam phallo angin thu an thehdarh a, exam tumte kha an dang thul (kan unaupa ngei pawh an dang a ni). An mahni tih dikloh niawm takah khan Mizo zirlai dangte kha nawr-luh an tum a ni ber ang chu. Mizoram an rawn haw a, pasaltha ang maiin politics chu an luhchilh ta tak tak reng a. An luhna tur taka an lut kha a lawmawm, mahse zirlai dangte an tihbuai ang boruak erawh kha chu tun hnu zelah awm leh tawh ngailo se ka ti takzet.</div>
<div style="border: 0px; clear: both; font-style: inherit; font-weight: inherit; margin-bottom: 1.5em; outline: 0px; padding: 0px;">
Tunlai angin smart phone kan nei ve ngai lo va, internet pawh a awm heklo. Ram hran a mi thian kan siam dan ber chu penpal hmangin a ni. Magazine-ah te hian penpal column a awm thin a, keini tleirawl rual chuan kan bih hmasaber foin ka ring. Chuta ka penpal pakhat chu tun hnu thleng hian thiantha tak kanla ni chho ta zel bawk. Khawvel hmun hrang hrang a penpal thian neih takah chuan stamp chi hrang kan khawl thin a, to tak tak a leichhawng duh pawh an awm ve zel mai bawk a. Peter C. Lalrinmawia hla, “Kar Hla Thian” tih pawh kha penpal uar lai ani bawk nen a lar ngei mai. Penpal neih kha kan social network a niber thin awm e.</div>
<div style="border: 0px; clear: both; font-style: inherit; font-weight: inherit; margin-bottom: 1.5em; outline: 0px; padding: 0px;">
Kum reilote atang khan Mizoram lamah pawh cell phone (mobile phone) kan hmang ve tan a nih kha. Kan unaupa Nonoa (fam) chuan, “Bro’ mobile phone ka nei hmasaber,” tiin a rawn awrh vauh vauh, nei dang awm vak heklo, a awrh a han awrh pawh kha a awm ve viau tho e. Nokia phone holam tak atangin smart phone chi hrang hrang a rawn awm ta zel a, tunah chuan khawvel a tha ber ber, iPhone S6 te leh Samsung Galaxy S6/S6 edge te thleng pawhin Aizawlah pawh lei tur a awm ta. Mahse! Mahse kanti teh ang, kan phone neihte hi a smart hlawm em em nangin a hmangtute hi kan smart lo riauin ka hre fo mai. A hmeh vel leh a tih theih hmehchhuah dan kan thiam viau pawh a ni thei e, hnadang a tlai phah emaw, tihtur tizo thei lawk lova min siamfo ta mai hi a hmangtute kan smart lo hle niin ka hria. Fiamthuin ‘a ruaitu aiin a hlawhfa phone a hlai zawk’ tepawh anti ta hial. Sikul/College naupang mahni zirlai zir hman lo khawpa smart phone khawih nasa te hian an phak tawk tur an phalo foin ka ring. Shillong a kan sikul kal hunlai khan internet hmang a social network neilo mah ila, a hunlai a awm chhun penpal buaipui tak tak ho kha lehkha zirna lamah a hnufual fo mai. Smart phone emaw internet hrim hrim hman chintawk hrelo pawh hian, an zirna lamah an muangchan phah mai bakah, khawvel tak (cyber world nilo) ah hian an bo hu duh hle.</div>
<div style="border: 0px; clear: both; font-style: inherit; font-weight: inherit; margin-bottom: 1.5em; outline: 0px; padding: 0px;">
Ka fapa naupang zawk hi tunah hian ka kiangah, United States-ah awmin internet hmanga game khelh thiam ve angreng tak a ni a, lawmman te pawh a lo dawng ve tawh a ni. Mahse, hunbi ka siamsak loh chuan a zirnain a tuar em em thin a, hunbi ka siamsak chinah erawh chuan zirna lamah rual a pawl pha ve leh ta deuh. Engkim mai hi a lutuk chinah chuan thalam a min hruai aia thalo lam a min hruai thei alo ni fo thin. Kum tam a liam hnuah kumin June, 2015 khan Shillong tlang ka chuan leh a, ka sikul kalpui thiante nen inhmuleh in lung a leng thar leh ngei mai. Shillong Mizo Zirlai-te Pathianin awmpui zel rawh se.</div>
<div style="border: 0px; clear: both; font-style: inherit; font-weight: inherit; margin-bottom: 1.5em; outline: 0px; padding: 0px;">
NB: Shillong Mizo Zirlai hruaitu pakhat-in an magazine/chanchinbu-a chhuah turin fuihna thu min dil a, mahni chanchin ekzampul a hmangin Shillong Zirlai tan deuh a ka ziak a ni. Khawih damlam hret mah ila Shillong lam a awn deuh tui maithei. Hairehai <img alt=":)" class="wp-smiley" src="http://www.misual.com/wp-content/plugins/smilies-themer/kopete/smile.png" style="background: none !important; border: none !important; box-shadow: none !important; display: inline !important; font-style: inherit; font-weight: inherit; height: 12px; margin: 0px 0.07em !important; outline: 0px; padding: 0px !important; vertical-align: -0.1em !important; width: 12px;" /></div>
</div>
</div>
H.Vangchhiahttp://www.blogger.com/profile/03385766216471139737noreply@blogger.com6tag:blogger.com,1999:blog-999539265705331841.post-20890684298029256132015-07-16T05:30:00.000-07:002015-07-16T05:55:16.010-07:00Kum 30 emaw lai kalta a mi kha!<div dir="ltr" style="text-align: left;" trbidi="on">
<div style="text-align: justify;">
Hun a liam hnem leh ta, kum 30 emaw lai a herchhuak ve ta der mai. Tlangval tuai tir ka ni a, Kawlthei huanah chuan nula hmeltha eltiang ka chhai ve khat khat thin. Thianzaho-in kan kal a, an in luah a lian lemlo bawk a pawn lama thu tawkte pawh an awm nawk thin.</div>
<div style="text-align: justify;">
<br /></div>
<div style="text-align: justify;">
Kulikawn a ka pa in a ka khawsak ve lai a ni a, ka pindan chu a kil ber bangpui chhaklam ring a ni. Tah chuan a thian nen tumkhat chu anlo leng a, a bianga ka fawhsak ka intihtheih rilruk zia maite kha aw. Tichuan hun a lo liam ve zel a, induh tawn viau e tilo chuan kan karah thuleng a awm ta. Ka thian kawmthin ber pakhat chuan ngaihzawng dang nei anga min hrilh chu na kati em em mai a, awmngaihna pawh ka hrelo. Tun hnua ka ngaihtuah leh hian, "tinge amah thuchiang zawhna chang kalo hriat loh,"tiin keimah leh keimah ka insawh thinrim fo reng a ni. </div>
<div style="text-align: justify;">
<br /></div>
<div style="text-align: justify;">
Ngaihzawn loh nupui ka neihsanta a, felin puitling viau mahse keimahah hlimna tak a awm ngailo...hmangaihna kawngah. Nupui pawh neita foin ka tluang theilo em em mai a, ka nun lahin a zir bawk heklo, neih tlak ni bik hek lo vi.</div>
<div style="text-align: justify;">
<br /></div>
<div style="text-align: justify;">
Tichuan kum 30 a ral chuan kan inhmu hlawl mai a, kan chanchin inhrilhna hun kan nei hlauh. Avan pawi vawng vawng tak em. Tinge ka hmangai tura ka ngaih ka thiante khan thu lawilo min lo hrilh ni? A thianu lahin kan pualin "Ma-in A Hmangaih Che Asin" tiin, hlain, H. Lalthakima min auh tir lawm lawm kha a ni si. Kei lahin thinurin ka tihtauh san ngawt mai kha a ni si a le...<br />
<br />
<br />
<div class="separator" style="clear: both; text-align: center;">
</div>
<br /></div>
</div>
H.Vangchhiahttp://www.blogger.com/profile/03385766216471139737noreply@blogger.com6tag:blogger.com,1999:blog-999539265705331841.post-61219275618961547332013-11-18T03:19:00.000-08:002013-11-18T03:20:49.993-08:00Ka ngaihtuahna a awm thin thenkhat<div dir="ltr" style="text-align: left;" trbidi="on">
<h2>
</h2>
<br />
<div class="entry" style="text-align: justify;">
1. Hmangaihna hian chatuan a daih a, zaidamin dawhthei viau mahse hremna pawh a neive thin tho mai.<br />
</div>
<div class="entry" style="text-align: justify;">
2. Mipa chuan hmeichhia a zah tur a ni a, chutih karah hmeichhia chu zah turin a khawsak a ngai ve bawk.<br />
</div>
<div class="entry" style="text-align: justify;">
3. Mihring che muang tak mai thiltihpui an hreawm duh phianin a rinawm. Mihring che vawt vawt pawh an thiltih a phelh pheng phung duh hmel. Viak-ṭha tak erawh thatchhia an vang phian thung awm e!<br />
</div>
<div class="entry" style="text-align: justify;">
4. One’s dream may falter but to give up is a failure.<br />
</div>
<div class="entry" style="text-align: justify;">
5. Rilru hah em em tihrehna ṭha tak chu thil ṭha leh lawmawm lam ngaihtuah tlat a ni.<br />
</div>
<div class="entry" style="text-align: justify;">
6. Politician-te inkar ni lova midang hnehsawh hmang deuhte hi mawl tak an nih loh vek leh intifing chhaw veh vawh tak an ni duh viauin ka hria. Pi leh pu ten, “ṭawngkam ṭha-in sial a man,” an lo tih thin kha a dik chho zel dawn niin a lang.<span id="more-118040"></span><br />
</div>
<div class="entry" style="text-align: justify;">
7. Mi rinawm chuan midang pawh chutiang turah chuan a ruat fo thin. Mi diklo leh mi lepler-te chuan midang pawh chutiang tur chuan an ring rilru ve tho bawk thin awm e. Mahni rilru put ang hi midang put tir tumna hi mihring tam tak zia zuk ni thin tlat pek a!<br />
</div>
<div class="entry" style="text-align: justify;">
8. Midang kan ṭanpui hian thinlung chhungril a hlim a, chumi chuan kan thiltih tur hmachhawn zelnaah phur tak a tih theihna pawh min pe ṭhin a lo ni.<br />
</div>
<div class="entry" style="text-align: justify;">
9. Thank God humans are born “somebody” and not something else!<br />
</div>
<div class="entry" style="text-align: justify;">
10. Inzahtawnna neih hi mi pangai nihna a niin ka hria. “Nangmah I inhmangaih ang bawkin I vengte hmangaih rawh,” tih nen pawh a inzul viau awm e!<br />
</div>
<div class="entry" style="text-align: justify;">
11. I hriat chu hria la, I hriat loh chu hrelo ngam bawk ang che. I rilru-in dik a a ngaih kha a diklo thei tih hria la, i hriatna (source) pawh chhuikir hmasa fo ang che. Tichuan rawn tlak i ni fo dawn nia.<br />
</div>
<div class="entry" style="text-align: justify;">
12. Mahni ṭawng chin umphak tum zel hi mi puitling nihna niin ka hriat tlat pek chu!<br />
</div>
<div class="entry" style="text-align: justify;">
13. Thawhrim rah chu a hlu a, thawh loh rah chu a hlu lo!<br />
</div>
<div class="entry" style="text-align: justify;">
14. Harsatna kan tawh hian kan nihna, kan chhungril kan phawrh chhuak fo ṭhin. Thlasik khawro lai a ram leilung a lang chiang zual ṭhin ang bawk hian, kan nihna, tunge kan nih leh enge kan nih theih tih chu harsatna leh hreawmna tawrh lai hian alo lang chhuak thin!<br />
</div>
<div class="entry" style="text-align: justify;">
15. Ka upa tawlh tawlh a ka chhungte leh ṭhiante hlut zia ka hre zual zel e.<br />
</div>
<div class="entry" style="text-align: justify;">
16. Mipa chuan “Pa” takin zaidam a zir. Mipa chuan pa takin mawhphurhna hlen a tum hram ṭhin a. Mipa chuan bialnu emaw, nupuite emaw a vau khur khur ngai lova, pa takin an thusawi a ngaihthlak sak zawk ṭhin. Mipa chuan mipa a nih a hria a, inchhung chetah hmeichhia ten puih an ngai a ni tih hriain hlim hmel pu takin a pui fo ṭhin.<br />
</div>
<div class="entry" style="text-align: justify;">
17. Chapona tel lova induhna te, hmuhsitna tel lo leh thawhlawm thawh hnem be tlawn lova Kristianna te, party ruih chilh lova mi ṭha thlan duhna te, development pawisa eiru lova ram tan a hnathawh duh tlatna te, Mizoram pawn a kan chipuite mihrang ang a en lova, vai, Takam leh Tuikuk-te mihrang an nih zawk hriat duhna te, a lang a tuai nuihzat a thimtham kar a kawp leh hreh hauh siloh simna te, hawihhawmna vawng tlat a NGO enkawlte, ngaihsamna aia thil chik peih-te, dan leh hrai zahna chang hria a kan khawsak hunah te leh, dan kengkawhtute pawhin an tih turah hlauh nei lova an thawh ngam hunah chuan Mizoram hian lemchang nun a nung lovin Pathian nung bia tiin ramdang mi ten min la fak hle tur nia!<br />
</div>
<div class="entry" style="text-align: justify;">
18. Thawhrim rah chu rilru hlimna, eiruk rah chu mi huat ruk hlawhna.<br />
</div>
<div class="entry" style="text-align: justify;">
19. Pawisa hlutna hre tur chuan thawhrim rah a nih a ngai ṭhin.<br />
</div>
<div class="entry" style="text-align: justify;">
20. Dâktawr ten natna chi hrang hrang anti dam thei, mahse thinlung na erawh chu a neitu chhelna leh beiseina neihah a inghat thung si!<br />
</div>
<div class="entry" style="text-align: justify;">
21. Hringnun a pawimawh 7 te:<br />
a. I hun liam tawh ngaihtuah run lo la, I tun hun I hmang ṭha thei zual sauh ang.<br />
b. Miin an ngaihdan cheah buai suh, I thu a ni lo.<br />
c. Hun hian engkim deuhthaw a liampui thei. Hun pe fo rawh!<br />
d. I nun leh midang nun khaikhin ngai suh la, an nunah ngaihdan nei bawk hek suh. Eng thil chiah nge an paltlang I hre lo.<br />
e. Nun kalphung chhut buai lutuk suh, hriat loh kha a pawi hrih lo thei. A hun takah ṭul chu I hre tho ang.<br />
f. I hlimna kawng daltu leh siamtu chu nangmah chiah I ni.<br />
g. Han nui seih mai teh khai, khawvel a harsatna I ta vek a ni lo tlat!<br />
</div>
<div class="entry" style="text-align: justify;">
22. Hnam inlungrual nitur chuan tawng hman zau ber (majority) chuan, tawng hman tlem zawkte (minority) chu a huikhawm a ngai thin. Chutiang chuan hnam zahawm tham, hnam lian leh chak tak anni thin.<br />
</div>
<div class="entry" style="text-align: justify;">
23. <span class="userContent" data-ft="{"tn":"K"}">Chhungkua a awm hi a hlu em em a, chhungkhat-laina kan nei hian a ti phuisui zual awm e. Mahni chhung leh khat hrelo, ngaihsaklo leh inhrelo an tam ta hle mai, a pawi takzet. Chhungkhat chu kan tu leh fate thleng hian inhre tawn turin kan intlawhpawh zeuh zeuh a pawimawh; hun kan insiam mai tur niin ka hria. Hnam darh/ṭhendarh a hlauhawm ang hian chhungkhat pawh hi kan darh I hlau viau zel ang u. Mimal tinah ṭhianṭhate an hlu, chhungkaw tan chuan chhungkhat lainate an pawimawh em em thung.</span><br />
</div>
<div class="entry" style="text-align: justify;">
<span class="userContent" data-ft="{"tn":"K"}">24. <span class="userContent" data-ft="{"tn":"K"}">A tu a mai pawh hian tlin lohna kan nei ṭheuhin ka ring. Chutia "tlin lohna kan nei ṭheuh" han tih chuan, tlinna kan ngah zawkin ka ring lawi si. Tlin lohna lai tlemte inhriat sak ai chuan kan tlinna lai zel hi inhriat sak ta ṭhin zawk ila "ngaitnatawm" kan ni zel mai awm e!</span></span></div>
</div>
H.Vangchhiahttp://www.blogger.com/profile/03385766216471139737noreply@blogger.com3tag:blogger.com,1999:blog-999539265705331841.post-62826164104953396902013-07-11T07:57:00.000-07:002013-07-11T08:26:51.087-07:00Gettysburg indona rapthlak kum 150 tlinna.<div dir="ltr" style="text-align: left;" trbidi="on">
July 1863 chu Gettysburg leh a chhehvel a American civil war lai a mihring nunna hmun khat a channa rapthlak ber a ni. Tun kum, kum 2013 hi chumi kum 150 na denchhenin, khami hmun vel a thil thleng chu a ang thei ang ber a lemchan an tum thu chu chanchinbu chi hrang hrangah tar a ni chiai chuai a. Kei pawh chuan chhiar vein, ka fanu zirlai tan American history a zirna tha tak tur a nih theih ka beisei bakah, hetiang han hmuh ve hrim hrim ka lo chak bawk nen chuan ka chhungte chu hruai ve ngei ka tum ta a ni.<br />
<div class="separator" style="clear: both; text-align: center;">
<a href="http://3.bp.blogspot.com/-KgTjvB8p_aI/Ud7HLnYDVfI/AAAAAAAAAeY/RCVvcurc4nc/s1600/war48.jpg" imageanchor="1" style="margin-left: 1em; margin-right: 1em;"><img border="0" height="221" src="http://3.bp.blogspot.com/-KgTjvB8p_aI/Ud7HLnYDVfI/AAAAAAAAAeY/RCVvcurc4nc/s320/war48.jpg" width="320" /></a></div>
<br />
An lemchan (reenactment) hun alo thleng dawn ta a, an program duan dan kan en chian chuan , Gettysburg kiang mai, Hanover hmun a indona nghawng nei thui tak mai chuan ka rilru a lak tlat avangin chutah chuan kal kan tum ta a. Tunkum a reenactor-te hi mi 13,000 lai an tling awm e.<br />
<div class="separator" style="clear: both; text-align: center;">
<a href="http://2.bp.blogspot.com/-1hNqpaKHEt0/Ud7G6wfkl3I/AAAAAAAAAeI/OZ4FV86a4yc/s1600/war30.jpg" imageanchor="1" style="margin-left: 1em; margin-right: 1em;"><img border="0" height="229" src="http://2.bp.blogspot.com/-1hNqpaKHEt0/Ud7G6wfkl3I/AAAAAAAAAeI/OZ4FV86a4yc/s320/war30.jpg" width="320" /></a></div>
<br />
<div class="separator" style="clear: both; text-align: center;">
<a href="http://2.bp.blogspot.com/-Pod0IEyB2Zg/Ud7HETs-inI/AAAAAAAAAeQ/jOHvPYSVmNI/s1600/war51.jpg" imageanchor="1" style="margin-left: 1em; margin-right: 1em;"><img border="0" height="205" src="http://2.bp.blogspot.com/-Pod0IEyB2Zg/Ud7HETs-inI/AAAAAAAAAeQ/jOHvPYSVmNI/s320/war51.jpg" width="320" /></a></div>
<br />
<br />
Hanover hmun a an indona hi, "The Battle of Hanover" an ti a. Hemi tum a an indona hian American civil war kha a her danglam tir takmeuh niin historiante chuan an sawi a ni. Maj. Gen J.E.B. Stuart, Confederate cavalry ami chuan, helai hmunah hian Union sipai regiment kal hual a, Gettysburg a Gen. Lee fin tum chuan, fin tum e tilo chuan a bei ta thut mai a. Hanover kawtthlerah te chuan a umlut zel a, an inkap nasa ta mai a ni. Union lam a tangin Brig. Gen. Elon Farmworth-a brigade chuan an rawn bei let ve ta, Gen. Stuart chu an man lek lek ta zawk mai a ni. Hetiang vang hian Gen. Stuart chuan a fin tum, Gen. Lee awm mekna, Gettysburg thlang lam hret, Cashtown Gap an tih a panna chu a kual vak phah ta a. Chumi chuan Gettysburg indona a thil thleng tur a her danglam nasa hle niin historiante chuan an sawi a ni. Gen. Stuart khan an tumsa angin Gen. Lee kha fin hman ta sela chuan Gen. Lee khan Washington thlengin a lak theih mai ring an tam hle. Gettysburg indona an tih mai, Gettysburg leh a chhehvel a July ni 1-3, 1863 khan Union leh Confederate sipai 50,000 vel thiin, American civil war a an thih tamna ber a ni ta a ni.<br />
<div class="separator" style="clear: both; text-align: center;">
<a href="http://2.bp.blogspot.com/-V5fr6fQd3RU/Ud7GB9CkKKI/AAAAAAAAAdY/2GheoOX9rjI/s1600/war70.jpg" imageanchor="1" style="margin-left: 1em; margin-right: 1em;"><img border="0" height="307" src="http://2.bp.blogspot.com/-V5fr6fQd3RU/Ud7GB9CkKKI/AAAAAAAAAdY/2GheoOX9rjI/s320/war70.jpg" width="320" /></a></div>
<br />
<br />
The Battle of Hanover an chanlemna (reenactment) en tur chuan kan kal ve ta a. Heta an reenactor ho hi historian te, sipai tanglai mekte leh sipai bangte, America ram hmun hrang hrang atanga lokal khawm hlawmte an ni. An lemchan hma hian an camp-ah te kan kal kual a, a hunlai a an khawsak ang theiber turin an theih ang angin engkim an sawngbawl a, a hunlai a chengve ang maiin ngaihtuahna pawh a kal ding thei a ni.<br />
<div class="separator" style="clear: both; text-align: center;">
<a href="http://1.bp.blogspot.com/-FoH5WqHC_eQ/Ud7HoxhDCqI/AAAAAAAAAeo/fjqMbfFaOeU/s1600/war1.jpg" imageanchor="1" style="margin-left: 1em; margin-right: 1em;"><img border="0" height="212" src="http://1.bp.blogspot.com/-FoH5WqHC_eQ/Ud7HoxhDCqI/AAAAAAAAAeo/fjqMbfFaOeU/s320/war1.jpg" width="320" /></a></div>
<br />
<div class="separator" style="clear: both; text-align: center;">
<a href="http://4.bp.blogspot.com/-QR6nDfsaHfU/Ud7Her8yImI/AAAAAAAAAeg/lF8Th_cEYp8/s1600/war16.jpg" imageanchor="1" style="margin-left: 1em; margin-right: 1em;"><img border="0" height="320" src="http://4.bp.blogspot.com/-QR6nDfsaHfU/Ud7Her8yImI/AAAAAAAAAeg/lF8Th_cEYp8/s320/war16.jpg" width="212" /></a></div>
<br />
<br />
<div class="separator" style="clear: both; text-align: center;">
<a href="http://4.bp.blogspot.com/-CUH5vtJ1pX0/Ud7GMVjoVrI/AAAAAAAAAdg/-wkzzEISb_Q/s1600/war13.jpg" imageanchor="1" style="margin-left: 1em; margin-right: 1em;"><img border="0" height="212" src="http://4.bp.blogspot.com/-CUH5vtJ1pX0/Ud7GMVjoVrI/AAAAAAAAAdg/-wkzzEISb_Q/s320/war13.jpg" width="320" /></a></div>
<br />
<br />
Reenactment an tih tan hmain, historian pakhat chu mipui hmaah lokalin, chulai indo chanchin chu fiah tawi fel takin a sawi a. An tawtawrawt (Union/Confederate) an ham rik dan hmang a sipai an inbiak (signal) dante chu a sawi a, tawtawrawt chu an ham angin a ham zel bawk a. Hmun hrang hrangah chuan civil war lai a an inthuam ang a inthuam a history sawitu leh an sipaite ralthuam te chu hrilhfiahtu an awm zel bawk a, a manhla hle mai.<br />
<div class="separator" style="clear: both; text-align: center;">
<a href="http://3.bp.blogspot.com/-LJgA-mRsGHc/Ud7GgaErqsI/AAAAAAAAAdw/dZzXDvauHno/s1600/war27.jpg" imageanchor="1" style="margin-left: 1em; margin-right: 1em;"><img border="0" height="212" src="http://3.bp.blogspot.com/-LJgA-mRsGHc/Ud7GgaErqsI/AAAAAAAAAdw/dZzXDvauHno/s320/war27.jpg" width="320" /></a></div>
<br />
<div class="separator" style="clear: both; text-align: center;">
<a href="http://4.bp.blogspot.com/-EJphL2xWLZ8/Ud7GZamw4XI/AAAAAAAAAdo/UuhiZPLMUfE/s1600/war47.jpg" imageanchor="1" style="margin-left: 1em; margin-right: 1em;"><img border="0" height="191" src="http://4.bp.blogspot.com/-EJphL2xWLZ8/Ud7GZamw4XI/AAAAAAAAAdo/UuhiZPLMUfE/s320/war47.jpg" width="320" /></a></div>
<br />
<br />
Mak ka tih em em mai erawh chu Asian hmel awm ka zawng ka zawng a pakhatmah ka hmu lo. Hetih hunlai a kalkhawmte hi mi 700,000 vel lai niin chhut a ni. Kan chenna khua, Frederick thleng pawhin hotel a khat hneh hle a ni awm e. Gettysburg, PA leh Frederick, MD hi Aizawl leh Saitual aia inhlat a ni ang.<br />
<div class="separator" style="clear: both; text-align: center;">
<a href="http://2.bp.blogspot.com/-2u67rXepSs4/Ud7GxtaG2OI/AAAAAAAAAeA/afIOwULYlSI/s1600/war24.jpg" imageanchor="1" style="margin-left: 1em; margin-right: 1em;"><img border="0" height="212" src="http://2.bp.blogspot.com/-2u67rXepSs4/Ud7GxtaG2OI/AAAAAAAAAeA/afIOwULYlSI/s320/war24.jpg" width="320" /></a></div>
<br />
<div class="separator" style="clear: both; text-align: center;">
<a href="http://2.bp.blogspot.com/-q9jwf9jpAiY/Ud7Gp4kHdkI/AAAAAAAAAd4/5-KB-GhdP5M/s1600/war93.jpg" imageanchor="1" style="margin-left: 1em; margin-right: 1em;"><img border="0" height="212" src="http://2.bp.blogspot.com/-q9jwf9jpAiY/Ud7Gp4kHdkI/AAAAAAAAAd4/5-KB-GhdP5M/s320/war93.jpg" width="320" /></a></div>
<br /></div>
H.Vangchhiahttp://www.blogger.com/profile/03385766216471139737noreply@blogger.com2tag:blogger.com,1999:blog-999539265705331841.post-43275634813399028072013-06-15T14:40:00.000-07:002013-06-27T12:43:43.114-07:00Emergency Medical Technician<div dir="ltr" style="text-align: left;" trbidi="on">
<div style="text-align: justify;">
Kan awmna khua, city of Frederick, Maryland state a Fire & Rescue station-ah chuan member ka ni ve a, ka member nihna station chu United Fire Station #3 a ni a, downtown Frederick a awm a ni. A awmna hmun hi a khawmite leh zin veivakte tlai lenna'n a hmun lar tak, Carroll Creek an tih kiang chiah a ni nghe nghe a, awl deuh chang pawh a khaw hawi nuam tak a ni.
Fire & Rescue station a a nghet a thawkte leh volunteer a thawkte hi Fire fighter te, rescue technician te, emergency medic lamte etc. kan ni nuaih mai. Chu'ngte chuan an mahni zir chhuah chinah an thawh tur ang bituk sak (a nghet a thawk) emaw, mahni a in ziak lut emaw an ni ber a, an hun neih tur zat nen volunteer-te chu an inziak lut mai thin a ni. <br />
<br />
<div class="separator" style="clear: both; text-align: center;">
<a href="http://2.bp.blogspot.com/-QApiYwZouKM/Ub3QEUhs9zI/AAAAAAAAAck/xJJK21MDxig/s1600/fire104a.jpg" imageanchor="1" style="margin-left: 1em; margin-right: 1em;"><img border="0" height="212" src="http://2.bp.blogspot.com/-QApiYwZouKM/Ub3QEUhs9zI/AAAAAAAAAck/xJJK21MDxig/s320/fire104a.jpg" width="320" /></a></div>
<br />
<br />
<div class="separator" style="clear: both; text-align: center;">
<a href="http://3.bp.blogspot.com/-kTpQj7wOHI8/Ub3HK4j7FRI/AAAAAAAAAbs/wQ0tEqr4TyI/s1600/fire80.jpg" imageanchor="1" style="margin-left: 1em; margin-right: 1em;"><img border="0" height="240" src="http://3.bp.blogspot.com/-kTpQj7wOHI8/Ub3HK4j7FRI/AAAAAAAAAbs/wQ0tEqr4TyI/s320/fire80.jpg" width="320" /></a></div>
<br />
<br /></div>
<div style="text-align: justify;">
</div>
<div style="text-align: justify;">
Mi tu emawin, emergency nambar #911 an koh hian an sawi dan takah 80% chu ambulance lam kaihhnawih a nih thin avangin firefighter lam ngawt chu thiam tha dawnin ka hre lova, emergency medic lam, EMT (Emergency Medical Technician) nih chu tumin zirnaah ka inziaklut ve leh ta a ni. Keini ang volunteer, station zuk kal ve tak lem a, thut tlawk tlawk mai leh fire truck, squad truck etc. silfai emaw, station thenfai a puih ngawt mai (kangmei chhuak a awm loh chuan) kha a ninawmna chen a awm ve reng mai.
Tichuan, University of Maryland hnuai a awm, Maryland Fire & Rescue Institute-ah chuan ka zir ve tan ta a ni. EMT te hna ber chu emergency pre-hospital care pek a ni a, chumi awmzia chu damlo emaw, hliam na tak emaw etc. kha thi lova damdawiin thlenpui a ni ber.<br />
<br />
<div class="separator" style="clear: both; text-align: center;">
<a href="http://2.bp.blogspot.com/-RBCm2bz_1u0/Ub0Vd-xeanI/AAAAAAAAAa8/bKpRsYIPTls/s1600/977972_10201259117864360_1136340825_o.jpg" imageanchor="1" style="margin-left: 1em; margin-right: 1em;"><img border="0" height="212" src="http://2.bp.blogspot.com/-RBCm2bz_1u0/Ub0Vd-xeanI/AAAAAAAAAa8/bKpRsYIPTls/s320/977972_10201259117864360_1136340825_o.jpg" width="320" /></a></div>
</div>
<div style="text-align: justify;">
</div>
<div style="text-align: justify;">
Kan class kal dan hi a dangdai angreng riauin ka hria. Hun reilo te, thla 6 emaw lek chhung a zir zo hman tur kan nih vangin an mi nawrna a rura hle mai a (demanding) min tur nasa-in kar tin mai kan tla phak phak ta mai reng a ni. Keimahni pawl (class) bikah khan a tir chuan mi 57 kan awm a, kar tin exam kan nei a, chutah chuan an duh ang a thiam hman lo chu an tla tawp zel mai a nih ber chu. Module 10-ah then a ni a, module 9-naah pawh thlawn an la awm ta cheu mai, an zawh hnaih tawh nen an khawngaihthlak khawp mai.
Kartin written exam leh practical test kan nei thin a, an fir (strict) si a, thiam hle loh chuan bahlah pawh awl tur tak a ni reng mai. A ngai tlat reng a, thiam tak tan lo chuan hliam nasa tak tuar emaw, mi thi lek lek emaw han enkawl khan hamhaih leh hmaih neih a hlauhawm reng a ni. <br />
<br />
<div class="separator" style="clear: both; text-align: center;">
<a href="http://1.bp.blogspot.com/-RfG5lx9vgH8/Ub0-O_636FI/AAAAAAAAAbM/hsLO5JIwtck/s1600/Fire76a.jpg" imageanchor="1" style="margin-left: 1em; margin-right: 1em;"><img border="0" height="240" src="http://1.bp.blogspot.com/-RfG5lx9vgH8/Ub0-O_636FI/AAAAAAAAAbM/hsLO5JIwtck/s320/Fire76a.jpg" width="320" /></a></div>
<br /></div>
<div style="text-align: justify;">
</div>
<div style="text-align: justify;">
Asian keimah chauh ka awm thin laiin, a hnu chuan Chinese tleirawl county dang atangin a rawn lut ve ta a, Asian pahnih kan awm ve ta tleng a! Emergency medical technician zirte hi hnathawh pangai nei vek kan ni. Pakhat chu Bechtel company a electrical engineer a ni a, a dangte chu Navy officer te, Navy recruiter, Army officer te, registered nurse 2 an awm bawk a, nurse pangai 3 an awm a, mechanical engineer pakhat a tel bawk a, school football coach te an ni nawk hlawm mai. Kan vai hian kan tum a inang tlangpui ang a, chumi chu, khawtlang tan a thawh (contribute) neih duh vang a ni hlawm. <br />
<br />
Hetih karah hian FEMA (Federal Emergency Management Agency) hnuaiah Introduction to Inident Command System ICS-100 leh ICS for Single Resources and Initial Action Incident, ICS-200 min in certified tir bawk a. Emergency helicopter koh a, a tumna tur buatsaih dan leh helicopter a damlo dah dan thlengin min zirtir a ni.<br />
<div class="separator" style="clear: both; text-align: center;">
<a href="http://2.bp.blogspot.com/-UaOtd5UxshM/Ub3G4VS5A4I/AAAAAAAAAbc/iwqBzazvQX8/s1600/FEMA.png" imageanchor="1" style="margin-left: 1em; margin-right: 1em;"><img border="0" height="246" src="http://2.bp.blogspot.com/-UaOtd5UxshM/Ub3G4VS5A4I/AAAAAAAAAbc/iwqBzazvQX8/s320/FEMA.png" width="320" /></a></div>
<br />
<div class="separator" style="clear: both; text-align: center;">
<a href="http://1.bp.blogspot.com/-XpVQ9ji_S0U/Ub3G9eltOdI/AAAAAAAAAbk/9kqSe8LTU6w/s1600/FEMA2.png" imageanchor="1" style="margin-left: 1em; margin-right: 1em;"><img border="0" height="246" src="http://1.bp.blogspot.com/-XpVQ9ji_S0U/Ub3G9eltOdI/AAAAAAAAAbk/9kqSe8LTU6w/s320/FEMA2.png" width="320" /></a></div>
<div class="separator" style="clear: both; text-align: center;">
<a href="http://3.bp.blogspot.com/-YGqTBELyJUY/Ub3I-dKK_nI/AAAAAAAAAb8/7MBaxAwi6AI/s1600/537388_10200436290254184_1786603081_n.jpg" imageanchor="1" style="margin-left: 1em; margin-right: 1em;"><img border="0" height="213" src="http://3.bp.blogspot.com/-YGqTBELyJUY/Ub3I-dKK_nI/AAAAAAAAAb8/7MBaxAwi6AI/s320/537388_10200436290254184_1786603081_n.jpg" width="320" /></a></div>
<br />
<br /></div>
<div style="text-align: justify;">
</div>
<div style="text-align: justify;">
Module #5 kan thlen meuh chuan mi 30 bawr vel chauh kan awm tawh a. Exam a lo hun leh ta ngei mai a, "Critical thinking and decision making" ah chuan an duh ang ka hmu zo ta lova, mahse percent 2 lek a pha lo ka nih vangin re-test min phalsak hlauh mai. Re-test tur chuan khaw dang kan awmna atang a hla vak lo, Mt. Airy khua a trainingna hmunah chuan ka inkhalh thlak a ngai ta a ni. Pindan lai takah keimahin min thut tir a, zawhna min rawn lak sak a, chhanna tur lehkha nen. Tichuan ngawi rengin keimah chauh chuan re-test chu ka nei leh ta a ni. An khawl leh chhanna lehkha (answer paper) kha computer hmang a inenfiah thei tur a duan a ni bawk a, ka re-test zo chu an khawlah ka chhanna an barh lut a, computer screen-ah chuan ka mark hmuh zat a lo lang nghal ta mai a ni. Tunah chuan 82% hmu phain module #5 chu ka pass ve ta hram a ni. Tlem a tlemah ka thlawn ve lo chauh chu a ni e.
<br />
<br />
<div class="separator" style="clear: both; text-align: center;">
<a href="http://1.bp.blogspot.com/-WVPR_GzwBlU/Ub3OW5TCxBI/AAAAAAAAAcM/DSEge0GPw1o/s1600/fire12.jpg" imageanchor="1" style="margin-left: 1em; margin-right: 1em;"><img border="0" height="240" src="http://1.bp.blogspot.com/-WVPR_GzwBlU/Ub3OW5TCxBI/AAAAAAAAAcM/DSEge0GPw1o/s320/fire12.jpg" width="320" /></a></div>
<br />
<div class="separator" style="clear: both; text-align: center;">
<a href="http://2.bp.blogspot.com/-bMSx2Qz8Jpw/Ub3OaELNHqI/AAAAAAAAAcU/-bTTCKAx9mI/s1600/fire13.jpg" imageanchor="1" style="margin-left: 1em; margin-right: 1em;"><img border="0" height="294" src="http://2.bp.blogspot.com/-bMSx2Qz8Jpw/Ub3OaELNHqI/AAAAAAAAAcU/-bTTCKAx9mI/s320/fire13.jpg" width="320" /></a></div>
<br />
<br /></div>
<div style="text-align: justify;">
</div>
<div style="text-align: justify;">
Module #6 kan kai tak hnu chuan internship kan nei ve a, mahni station zelah ambulance koh anih hunah 3rd rider angin damlo kan buaipui a ngai ta a ni. Ambulance inventory kan neih phawt a ngai a, ambulance a awm zawng zawng, an awmna nen kan hriat chian a pawimawh hle. Accident ilovah, medic ten "traction splint ka mamawh" han ti sela lak tur leh a awmna hriat loh chuan kan fail a ni dawn tlat a ni. US a ambulance reng rengte hi hospital emergency room kal thei an ni ber awm e, mamawh engkim a awm vek mai. <br />
<br />
Ambulance a call kan hmuh leh damlo kan enkawl dan chu chipchiar takin, kan zir ang thlap a report pek a ngai leh thin. Baltimore khua a Trauma center lar tak mai, damlo satliah pawh admit theih miah lohna, damlo serious tak tak, amblance leh helicopter-te rawn phurh luh chiah an enkawlna hmunah te chuan internship chu kan zuk ti bawk a ni. <br />
<br />
Terrorists Incident lampang min zir uluk tir hle a, CBRNE agents an tih mai, chemical agents, biological agents, radiological agents, nuclear leh explosive agents te leh chutiang lam hawi kan zir ngawrh hle bawk a. Tin, "Hazmat" an tih mai, Hazardous Material Incident an ngai pawimawh hle bawk. A tak a min train mai bakah on-line course min la tih tir leh hram!<br />
<br />
<div class="separator" style="clear: both; text-align: center;">
<a href="http://2.bp.blogspot.com/-M3_hcuTJDZo/Ub3UA_-BJYI/AAAAAAAAAc0/1e56bGSTq8M/s1600/hazmat.png" imageanchor="1" style="margin-left: 1em; margin-right: 1em;"><img border="0" height="213" src="http://2.bp.blogspot.com/-M3_hcuTJDZo/Ub3UA_-BJYI/AAAAAAAAAc0/1e56bGSTq8M/s320/hazmat.png" width="320" /></a></div>
<br />
<br /></div>
<div style="text-align: justify;">
</div>
<div class="separator" style="clear: both; text-align: center;">
<a href="http://2.bp.blogspot.com/-MV0X2rk9ehE/UbziaDPG6bI/AAAAAAAAAac/u3YU0OgJLug/s1600/trauma.jpg" imageanchor="1" style="margin-left: 1em; margin-right: 1em;"><img border="0" height="212" src="http://2.bp.blogspot.com/-MV0X2rk9ehE/UbziaDPG6bI/AAAAAAAAAac/u3YU0OgJLug/s320/trauma.jpg" width="320" /></a></div>
<div style="text-align: justify;">
</div>
<div style="text-align: justify;">
</div>
<div style="text-align: justify;">
Chhungkaw chawmna tur eizawn ngai bawk, zirlai pangai bahlah miah lova skul kal bakah intern tih zawh a ngai ta bawk si chu thaw a pik ve lek lek thin. Chu a chhapah, kan in lei tum mek buaipuitu kan realtor lah chuan min lo be buai sek mai lehnghal a. Kan in lei tum neitute nen final settlement kan sign hun tur an rawn sawn sek mai bawk nen, chu mai a ni nang, ka fapa Aizawl atanga hruaithlak ka tum lampang chu buaipui tur a tam em em mai lehnghal a. Ka rilru te te chuan, "patling ka ni ve tak tak dawn ta aniang e, ngaihtuah tur reng mai a kat nek nuk mai a lawm mawle," te ka ti niah nuah thin. Ka EMT zirlai chu zo hman lova India ka haw angai maithei ( ka fapa hruai turin) tih kan immigration lawyer rawihin min la rawn hrilh leh zui. Thinlung hi a changelhmun nuaih mai a ni ber e!<br />
<br /></div>
<div style="text-align: justify;">
</div>
<div style="text-align: justify;">
Maryland Fire & Rescue Institute hnuai a kan zirlai kan zawh dawn meuh chuan mi 27 awrh kan ni tawh a, zirtirtu pahnihin min enkawl thin pawh chu pakhatin mi enkawl tawh a ni. Tichuan eMeds an tih mai, medic ho laptop tetakte hmang a report pek dan chu urhsun tak, hmanhmawh tak siin min zirtir ta bawk a (a hma kha chuan lehkhaah report min ziah tir), radio (wireless) hmang a hospital biak leh medical consul dan min zirtir tawh bawk a ni.
May ni 5, 2013 chuan kan institution (MFRI) hnuai atang chuan ka pass chhuak ve ta hlawl mai a, ka lawm ve hle mai. Mahse, thawk tak tak phalna nei tur chuan state license ka lak leh phawt a ngai a ni. Practical exam kan neih hma hian kan pawl (class) ho chuan kan practise ngawrh ve hle, kan instructorte pawhin an hun hlutak min rawn pein min pui chho zel a, min zirtir uluk a, thahnem an ngai bawk a, a lawmawm takzet a ni. Kan thiam loh a awm chuan phone/txt message emaw e-mail thlengin kan zawt thei a, zirna pindan lovah chuan thian ang maiin kan be ngamin kan kawm ngam bawk a ni. </div>
<div style="text-align: justify;">
</div>
<div style="text-align: justify;">
<a href="http://3.bp.blogspot.com/-KPdZuloVoSE/Ubze4x5gN6I/AAAAAAAAAZ8/gEdqRzgxvRE/s1600/emt.jpg" imageanchor="1"><img border="0" src="http://3.bp.blogspot.com/-KPdZuloVoSE/Ubze4x5gN6I/AAAAAAAAAZ8/gEdqRzgxvRE/s320/emt.jpg" /></a>
</div>
<div style="text-align: justify;">
</div>
<div style="text-align: justify;">
State license exam chu kan nei ta ngei a, a hma angin result erawh a chhuak nghal lo thung. Kan awmna khua atang a km 65 vel a hla Howard County a Fire & Rescue training na hmunah chuan practical exam nei turin June ni 2, 2013 chuan ka inkhalh chhuk ve leh ta a ni. Howard county hi Maryland khaw lian ber Baltimore thlen hma mai a ni nghe nghe. Motor parkna hmun ka thleng chu exam hun a damlo buaipui dan tur (patient assessment) ringawt ka rilruin a mitthla aniang e, ka hnung a electric ban chu ka tauh dawt pek a, motor erawh vanneih a siamin a khem lo hlauh!<br />
<br /></div>
<div style="text-align: justify;">
</div>
<div style="text-align: justify;">
Pindan lianpui, zau takah min luhkhawm tir a, kan haklai bak ken luh an phal miah lo. Hemi pindan zau tak hi kan examna hmun tur a ni lo. Hetah hian Emergency Medical Services lam a hotute an thu a, kan mark hmuh zat an chhutna hmun tur leh exam na hmun tur a in kal darh tirna tur hmun a ni. Kan class kal lai khan cheng 15 ($15) theuh kan thawh khawm a, chumi hmang chuan kan zing ami hmeichhe firefighter fel tak pakhat Britney chuan exam zawng zawng leh exam min buaipuitute breakfast leh lunch tur a lo buatsaih chu hun tlar dul a ni bawk. Fire & Rescue lam hrim hrim hi tlawmngai awmkhawmna hmun (ka tel chak chhan pakhat) a nih angin Britney chuan tlawmngai takin chhum chawp ngai a awm chuan chhum chawpin chutiang chuan alo buatsaih vek mai a ni. A tan kut kan beng dur dur reng a, a zak deuh chu a sen ap ap a, a cute reuh khawp mai, an pa a lo lai vel bawk :)
<br />
<br /></div>
<div style="text-align: justify;">
</div>
<div style="text-align: justify;">
Examna hmun hi station pathumah an then a, ie., medical patient, trauma patient, leh Cardiopulmonary resuscitation (CPR) lampang tihna turte an ni. Nambar min pe theuh a, chumi nambar an koh chhuah velah, min kotu kianag kalin nambar min lo pe a, chumiah chuan kan kalna tur station a lo inziak a, chutah chuan kalin kan tih tur ang ang chu kan thiam tawkin kan partner te theuh nen kan va tita thin a ni. Partner kan nei theuh a, partnerte nen kal mah ila, mi 2 a damlo enkawl (two person assessmemt) leh mi pakhat a damlo enkawl (one person assesssment) kan ti zel a ni. <br />
<br /></div>
<div style="text-align: justify;">
</div>
<div style="text-align: justify;">
Ka partner Kayley nen hian kan vannei hle mai, a tir atangin a tawp thleng partner ngai hmang awm chhun kan ni hialin ka ring. Midangte chu an partner an tlak tak vang a partner dang neita an ni fur.
Practical exam chu kan nei ta a, damdawi pek dan, enkawl dan chi hrang hrang kan phaktawk tur a min zirtir ang ang chu mit khap tha duh miah lova min thlir kar hnuaiah chuan kan han ti ta vel chu a ni a, thiam chian loh, practise khat leh practise uluk chu a hriat khawpin ka ring. Ka thiam ve viau emaw ka tih laiin, thawhah chau tawh lutuk enkawlna lamah a damdawi ka pek hmain oxygen ka pek theihnghilh pek a, ka enkawlna ka zawh hmain ka hrechhuak leh hram. ka fail phah em lova, mark erawh ka hmuh hniam phah ngeiin ka ring.
</div>
<div style="text-align: justify;">
</div>
<div class="separator" style="clear: both; text-align: center;">
<a href="http://1.bp.blogspot.com/-UQs9Tlzk62I/Ubzh75Zw61I/AAAAAAAAAaU/bGkZvnm5JFg/s1600/kay.jpg" imageanchor="1" style="margin-left: 1em; margin-right: 1em;"><img border="0" height="212" src="http://1.bp.blogspot.com/-UQs9Tlzk62I/Ubzh75Zw61I/AAAAAAAAAaU/bGkZvnm5JFg/s320/kay.jpg" width="320" /></a></div>
<div style="text-align: justify;">
</div>
<div style="text-align: justify;">
</div>
<div style="text-align: justify;">
Breakfast ei hun hma, zing dar 7 a tangin chawhnu dar 3 an thleng ta a. Hotute lam pawhin chawei pawh chawlh phah nan hmang lovin kan mark hmuhte chu an chhut buai hle mai. Mi 4 velin an ennawn zel a, enge an ziah leh an titi kan hre thei si lova, an che vel kan hmu kar hlawm mai si, tlem chuan a zamawm ve duh angreng viau mai.
Result an puang tan ta a, kan partner te nen zel pindan hrangah min ko lut zel a, a then rawn kir chu hlim takin kut pharin an rawn au lut a, a thente erawh an mittui a tla par hlawm bawk a.<br />
<br />
Tichuan ka partner nen chuan min ko ve ta ngei mai a, ka rilruah chuan oxygen ka pek theihnghilh kha a awm reng mai a, ka zam ru viau, mahse dan pangaiin ka nui sang tho mai. A nih tur tur chu a ni dawn tho tho a, lo ngui lawk vel khan awmzia a nei lo viau awm e. MFRI instructor chuan, "Henry leh Kayley, written ah in pass ve ve a, mark ...% in hmu a, practical-ah chuan..." a tia min en a a nui tha duh vak lova, Kayley chuan ka kut a rawn hmer vak a... tah tak chuan instructor chuan, "in pass ve ve," a rawn ti a, a nui sang mai a, "Ka lawmpui lutuk che u. Khawtlang leh ram tan mi tangkai tak ni zel ang che u," tiin duhsakna min hlan ta a ni. <br />
<br /></div>
<div style="text-align: justify;">
</div>
<div style="text-align: justify;">
Kan lawm lutuk chu pindan zau tak, mi 100 chuang awmnaah chuan hlim leh lawm takin banphar meuhin kan lut a, tum lawk pawh awm lovin chunglam hawiin, "Lalpa ka lawm e," ka ti a, hnuk a ulh dawn dawn mai. Ka zirpui thinte chuan, "Henry kan tawngtai thin kha chhanna kan hmu," tiin min lo pawm chung chung bawk a.
<br />
<br />
Kan EMT state license chu dak (post) hmang a lo thleng tur a ni a. Kar khat a ral hmain ka thiante chuan an hmu vek tawh a, kei chiahin ka la hmu ve lo. Exam laiin kan insawn buai si, change of address ka pek kha an hmu hman lo aniang," tih ngaihtuahna te a lo lut rum rum a, kan address hlui lamah mail te ka va en vel thul. Kar 2 a ral hma chuan ka hmu ve ta a, uluk takin ka chul hleuh hleuh mai a ni ber e. License card bakah hian dar a bel tur, "Emergency Medical Technician, Maryland" tih mawi tak, Maryland state flag chung a thui beh chu ka dawng bawk.<br />
<br />
<a href="http://3.bp.blogspot.com/-fx_r0FWkEKg/UbzfDroKM3I/AAAAAAAAAaE/bJ7lwGdOYMc/s1600/mfri.jpg" imageanchor="1"><img border="0" src="http://3.bp.blogspot.com/-fx_r0FWkEKg/UbzfDroKM3I/AAAAAAAAAaE/bJ7lwGdOYMc/s320/mfri.jpg" /></a><br />
<div class="separator" style="clear: both; text-align: center;">
<a href="http://2.bp.blogspot.com/-eDGVARwI_28/Ub4kwRzfroI/AAAAAAAAAdE/3RklbWc6sq8/s1600/henry.jpg" imageanchor="1" style="margin-left: 1em; margin-right: 1em;"><img border="0" height="320" src="http://2.bp.blogspot.com/-eDGVARwI_28/Ub4kwRzfroI/AAAAAAAAAdE/3RklbWc6sq8/s320/henry.jpg" width="247" /></a></div>
</div>
<div style="text-align: justify;">
</div>
<div style="text-align: justify;">
Kan station (United Fire Station #3) hi November 22, 1845 a din a nih atang khan a hming tha em em reng mai bawk a, hmingchhiat an hlau hle. License ka neih vang ngawtin ambulance ah primary caregiver ka la ni thei hauh lo. A tlemberah vawi 25 tal ambulance a 3rd rider angin damlo ka enkawl leh te te a ngai a ni.<br />
<br />
<div class="separator" style="clear: both; text-align: center;">
<a href="http://1.bp.blogspot.com/-eb2Nh9B-ad8/Ub0UBHV1fbI/AAAAAAAAAas/u50xCoUYOSY/s1600/972253_10201233826632095_592752459_n.jpg" imageanchor="1" style="margin-left: 1em; margin-right: 1em;"><img border="0" height="293" src="http://1.bp.blogspot.com/-eb2Nh9B-ad8/Ub0UBHV1fbI/AAAAAAAAAas/u50xCoUYOSY/s320/972253_10201233826632095_592752459_n.jpg" width="320" /></a></div>
<br />
<br />
Kan chhungkua a kan khawsakna khuaah hian ka theih ang tawk tawkin kangmei leh dam lohna lam emergency a awmin, midang pui thei tur a Pathianin min enkawl zel ka beisei. Damlo na zualte, sawrkar-in phalna min pek, mitthi a puan a hun tikah, ngaihtuahna fim tak ka neih theih ka beisei. Ropuina A man chang zel rawh se.</div>
</div>
H.Vangchhiahttp://www.blogger.com/profile/03385766216471139737noreply@blogger.com16tag:blogger.com,1999:blog-999539265705331841.post-73537516589791036352013-03-24T13:11:00.001-07:002018-09-11T03:45:42.938-07:00Remembering 9/11/2001<div dir="ltr" style="text-align: left;" trbidi="on">
<span class="userContent"><br /><br /> 9/11/2001, zing nichhuak zung eng mawi tak dawng chungin Washington, DC lamah ka hna chhete thawhlai chu thawk turin ka kal leh a.<br /> <br /> Zing dar 9 rik hma deuh emaw chuan “World Trade Center North Tower, thlawhna-in a su,” an rawn ti ta!. Chutih hunlai a ka pu, tun a ka thawhpui nita, kan senior engineer Greg-a te office ah kan tlan lut a, TV kan tinung nghal. Kan en mek lai chuan thlawhna dang rawn thlawk leh nal nal chuan a nger chhur chhur a South Tower chu a su ta pa pawp mai le. Chutah chuan , ka pu chuan, “We are under attack, damn f..ing ass…,” a ti teng chhuai a, dawhkan a chum, tih theih dang avan awm silo em!<br /> <br /> Chumi hnu maiah chuan, “Pentagon a puak,” an rawn ti leh. Kan hnathawhna in chungah kan tlan chho, Pentagon building dinglam khu chum chum chu kan hmu thei nghal mai a. U Saia Sailo pawhin kan hnungah a camera a rawn ak chho bawk a. U Saia chuan in chung bathlar aṭang chuan Pentagon khu chum chum mai thlala chuan a camera chu a hmet pawp pawp a. Kan awmna aṭang a hla vak lo a nih vangin hre pha emaw te kha chu kan awmna hnuai kawngpuiah thlabarin an tlan hlawk hlawk te pawh kan hmu reng mai.<br /> <br /> Chutah leh, “dar 10 bawr velah United Airlines Flight 93 pawh hijack niin, Somerset County, Pennsylvania-ah a tla,” an rawn ti leh…a va’n hrilhai thlak duh tak em.<br /> <br /> A lunglen thlak loh hle mai. Hemi thu ka ziah lai mek hian History channel 2 ah Twin Tower a thita ten, an chhungte an phone a voice mail an dahte an tichhuak mek… rilru a van khawih thar tak em!<br /> <br /> Hemi ni, mi sang telin nunna chan a, an chhungte an kalsan takte zawng zawng hre rengin kan theih hram chuan i tawngtai sak ang u. Anni chang ni lo vin, khawvel a rilru hreawmna tuarte tan zawng zawng… Lalpa chu ropui ber rawh se!<br />
</span><br />
<span class="userContent"></span><br />
<div class="separator" style="clear: both; text-align: center;">
<span class="userContent"><a href="http://4.bp.blogspot.com/-hF7WUSdg-wg/UU9d6T_keqI/AAAAAAAAAYs/uqLstDplCkQ/s1600/557461_4561863689014_1917988966_n.jpg" imageanchor="1" style="margin-left: 1em; margin-right: 1em;"><img border="0" height="320" src="https://4.bp.blogspot.com/-hF7WUSdg-wg/UU9d6T_keqI/AAAAAAAAAYs/uqLstDplCkQ/s320/557461_4561863689014_1917988966_n.jpg" width="213" /></a></span></div>
<span class="userContent">
</span></div>
H.Vangchhiahttp://www.blogger.com/profile/03385766216471139737noreply@blogger.com6tag:blogger.com,1999:blog-999539265705331841.post-88969917475258219462013-01-31T07:12:00.001-08:002013-05-11T21:50:01.876-07:00Sapram zawlbuk!<div dir="ltr" style="text-align: left;" trbidi="on">
<div style="text-align: justify;">
Ka hmuh phak hauh loh, thlalak pawh chiang lo riai ruai tak ka hmuh ve fih feih, a ang tur a an sak bak leh, a chanchin pawh mi sawi ka hriat chauh ni thin Zawlbuk, chutiang ang chu, sapramah hian alo awm reng mai hi a lo ni a! Chumi ka hmuh leh, a khawsate chanchin, an kalphung chu ka hriatbelh chak ta riau mai a, ka zawt a, hmuh theih a nih vangin ka thlir bawk a. Movie leh chanchinbu a ka hmuh ai mahin an ropui ka tiin ka ngaisang ta em em mai a, luhchilh ve law law duhna rilru ka nei ta a ni.</div>
<div style="text-align: justify;">
<br /></div>
<div style="text-align: justify;">
Chanchinthar hrang hrangah United States a Fire & Rescue Services te hnathawh ropui zia leh mipui ten an chawimawi thiam zia te, an ngaihsan zia te ka hre ve thin. An chanchin a phawvuak lek a ka hriat lai pawhin, a ngaisangtute zing ami ka ni reng fo. Ka'n zir chiang a, kan bel chiang tawlh tawlh a, "Mizo ten tlawmngaihna kan sawi vung hle a, anni chuan sawi sawi lovin, a takin an lo nunpui reng mai anih hi mawle," tiin an mahni zahna namen lovin ka neih zual phah a, an zing a tel ve theih ka chak zual ta sauh a ni. Tichuan, nu ber be rawnin, ani chuan min thlawp thu a sawi ta bawk a, kan awmna khua, city of Frederick, Maryland state a station lian tak pakhat, United Steam Fire Company #3 ah chuan zuk kalin, member nihna ka dil ve ta a. Chutah chuan, training tur leh ngaite chi hrang hrang min hrilh a, application form te ka ziah fel hnu chuan, pe lutin ka haw leh ta a ni.A hnuah chuan training te nei ve zelin, station-ah orientation te min neih pui a, member-ah min la lut ve ta a ni. </div>
<div class="separator" style="clear: both; text-align: center;">
<a href="http://1.bp.blogspot.com/-eVrtnJAFomE/UQqJeRWCghI/AAAAAAAAAXs/fLvcW-ayZI4/s1600/fire17.jpg" imageanchor="1" style="margin-left: 1em; margin-right: 1em;"><img border="0" height="318" src="http://1.bp.blogspot.com/-eVrtnJAFomE/UQqJeRWCghI/AAAAAAAAAXs/fLvcW-ayZI4/s320/fire17.jpg" width="320" /></a></div>
<div style="text-align: justify;">
<br /></div>
<div style="text-align: justify;">
<br /></div>
<div style="text-align: justify;">
Fire station tinah hian infiamna pindan a awm a, choka a awm bawk a, TV enna pindan te, a duh tan a insawizawina (gym), conference hall te leh mutna pindan a awm thin. Fire fighter te leh Paramedic te hi a tlangpuiin volunteer, hlawh nei lo va thawk an ni hlawm. Hnadang nei, ie., dâktawr te, engineer te, zirtirtute, nurse te, police leh sipai etc. an ni nawk a, hna dang hranpa neilo pawh an kat nuk bawk. An hunawl neih changin, an rawn kal a, station registerah chuan on duty Lt. hmuh leh turah, an hming leh an awm theih tur chhung an inziak lut mai thin. </div>
<a href="http://3.bp.blogspot.com/-Aj33S8TdHkM/UY8ed52H1eI/AAAAAAAAAZU/Q1_3ZxdUx0o/s1600/fire73.jpg" imageanchor="1" ><img border="0" src="http://3.bp.blogspot.com/-Aj33S8TdHkM/UY8ed52H1eI/AAAAAAAAAZU/Q1_3ZxdUx0o/s320/fire73.jpg" /></a>
<br /></div>
<div style="text-align: justify;">
Mutna pindanah chuan tuma'n mahni khum bik an nei lem lo. Riak lut duh chuan an mutbu rawn kengin khum ruakah an inphah mai thin. Mutna pindanah hian bulb de zawk zawk thei an dah a, kohna a awm chuan chumi chu a de zawk zawk a, a harh loh theih loh, chuta tang chuan fire truck emaw, ambulance-ah emaw an in detail-naah an tlan lut tawh mai thin a ni. Hmun tifaitu bik an awm lova, a awm awm tihfai tur a ni mai a, chutiang bawkin fire truck leh ambulance tihfai thlengin an vai a hnaah an nei mai thin. Ti ti khawm pawh a nuam nak nak thei viau mai, chhuak leh awm ngai hek lo. "Brothers and sisters" intih (ang a ngaih vek) an nih vangin, tu emaw thih chuangchangah pawh, sapram e tilo chuan an tuar tlang thiam khawp mai.<br />
<br />
<div class="separator" style="clear: both; text-align: center;">
<a href="http://1.bp.blogspot.com/-UKqgCVaZK-I/UQqepGIFYRI/AAAAAAAAAX8/tXHzy3sgrJg/s1600/fire20.jpg" imageanchor="1" style="margin-left: 1em; margin-right: 1em;"><img border="0" height="240" src="http://1.bp.blogspot.com/-UKqgCVaZK-I/UQqepGIFYRI/AAAAAAAAAX8/tXHzy3sgrJg/s320/fire20.jpg" width="320" /></a></div>
<br /></div>
<div style="text-align: justify;">
<br /></div>
<div style="text-align: justify;">
An luh chhan han zawt ila, "khawtlang tan tangkaina neih ka duh a ni," an ti deuh vekin a rinawm. A ni chiah lah tak a, mahni chenna hmunah theih ang ang, tam lo mahse, tih kan neih hi kan mawh niin ka hre thin. Chu bakah, khawtlang a inhman hian chumi hmunah chuan ta neitu nihna min pek mai bakah, hlawhtlinna rilru/hlimna min pe tu a ni thei chiang hle awm e. Fire & Rescue Services-ah hian 5% pawh a nghet (hlawh nei) a thawk an awm tling ang em aw, ka ti thin. Kum 2007 khan a nghet a thawh tumin ka bei ve chiam tawh a, min zai (surgery) tak avangin ka taksa-in a tlin ta lo kha ani a, a pawi ka ti viau nangin, tihian volunteer- a ka awm hi ka lawm em em tho mai.<a href="http://4.bp.blogspot.com/-PasgoQ3nME8/UY8fcCeza4I/AAAAAAAAAZg/wxC5Sw31e80/s1600/388133_10201062056977961_1695408044_n.jpg" imageanchor="1" ><img border="0" src="http://4.bp.blogspot.com/-PasgoQ3nME8/UY8fcCeza4I/AAAAAAAAAZg/wxC5Sw31e80/s320/388133_10201062056977961_1695408044_n.jpg" /></a><br />
<div class="separator" style="clear: both; text-align: center;">
<a href="http://4.bp.blogspot.com/-tpPbqYoRGWE/UQqfBiKEpnI/AAAAAAAAAYM/E7MOExT5l0I/s1600/kumthar42.jpg" imageanchor="1" style="margin-left: 1em; margin-right: 1em;"><img border="0" height="212" src="http://4.bp.blogspot.com/-tpPbqYoRGWE/UQqfBiKEpnI/AAAAAAAAAYM/E7MOExT5l0I/s320/kumthar42.jpg" width="320" /></a></div>
<div class="separator" style="clear: both; text-align: center;">
<a href="http://2.bp.blogspot.com/-o12Ps5fqodI/UQqe5Xa18yI/AAAAAAAAAYE/_5a2GiM5mTc/s1600/kumthar36.jpg" imageanchor="1" style="margin-left: 1em; margin-right: 1em;"><img border="0" height="212" src="http://2.bp.blogspot.com/-o12Ps5fqodI/UQqe5Xa18yI/AAAAAAAAAYE/_5a2GiM5mTc/s320/kumthar36.jpg" width="320" /></a></div>
<br /></div>
<div style="text-align: justify;">
<br /></div>
<div style="text-align: justify;">
An chet dan hi tun hma, kan pi leh pute hunlai a Zawlbuk tangkaina an sawi kalo hriat nen a inzul riau a hriatna ka nei a, min hneh zual phah em em mai a ni. Hetia, tlangval mai pawh ni lo, nu leh pa te thlengin, an hunawl neih chang chang a khawtlang tanpui thei tur a an rawn fuankhawm thin, a tul chuan riak lut a, thihchilh hial khawp pawh huam a inpe zo, khawtlang tan a mi inpete zing a min la lut ve ta hi ka va'n lawm tak em.<br />
<br />
<div class="separator" style="clear: both; text-align: center;">
<a href="http://1.bp.blogspot.com/-BgRwJazfoyc/UQqfVe9MgiI/AAAAAAAAAYU/hIrOqN9uTKI/s1600/kumthar35.jpg" imageanchor="1" style="margin-left: 1em; margin-right: 1em;"><img border="0" height="212" src="http://1.bp.blogspot.com/-BgRwJazfoyc/UQqfVe9MgiI/AAAAAAAAAYU/hIrOqN9uTKI/s320/kumthar35.jpg" width="320" /></a></div>
<br /></div>
<div style="text-align: justify;">
<br /></div>
<div style="text-align: justify;">
Hetiang deuh hian Mizoramah pawh hian YMA emaw hian tih rawt chhuak sela ka ti thin hle. Basic CPR emaw lek pawh training han inpe ila, kangthelh dan te a nihna tur ang thlapin han inzirtir ila, in kang leh mi nunna chu engemaw zat kan chhanchhuak theiin ka ring tlat a ni. US a paramedic te hna ber pawh pre-hospital care a ni mai a, damdawiin thlenpui an nih hma a mi nunna chelhdin sak a ni ber. Zunthlum nei, stroke nei thei mai etc. kan tam tawh si a, kan electric wiring etc. a fuh ber lo fo bawk nen, fire dept. lah an indaih bik lovin, an awmna atangin in kang awmna a hla viau thei bawk si...<br />
<br />
H.Vangchhiahttp://www.blogger.com/profile/03385766216471139737noreply@blogger.com9tag:blogger.com,1999:blog-999539265705331841.post-75640829473502298142012-10-31T06:13:00.001-07:002012-11-01T06:12:53.925-07:00Hurricane Sandy<div dir="ltr" style="text-align: left;" trbidi="on">
<div style="text-align: justify;">
Hurricane kan tawrh ve dan tlem: Thlalakte hi click len theih an ni e.</div>
<div class="separator" style="clear: both; text-align: justify;">
<a href="http://1.bp.blogspot.com/-StFiKRJrpbg/UJEipU0BnsI/AAAAAAAAAWg/qodiNn7_4mI/s1600/hurricane.png" imageanchor="1" style="margin-left: 1em; margin-right: 1em;"><img border="0" height="240" src="http://1.bp.blogspot.com/-StFiKRJrpbg/UJEipU0BnsI/AAAAAAAAAWg/qodiNn7_4mI/s320/hurricane.png" width="320" /></a></div>
<div style="text-align: justify;">
<br /></div>
<div style="text-align: justify;">
<br /></div>
<div style="text-align: justify;">
Mizoram ka awmlai khan thlipui na tak tak kan tuar ve fo kha ania, mahse United States ka pem hnu hian, state hrang hrangah thlipui chi hrang hrang (ie., tornado, hurricane, sand storm etc.) tuar thin mahse, ka awmna state, Maryland hi chuan a tuar khatin, ka hriat ve theih chinah phei chuan vawikhatmah, chutia han sawi tham a awm ve ngai lem lo a ni.</div>
<div style="text-align: justify;">
<br /></div>
<div style="text-align: justify;">
Tuntum erawh chu Bahamas thliarkar a pelh atang tawhin, 'Hurricane Sandy' an tih mai chuan min rawn nger chho deuh ngur tawh mai a. Mithiamte lah chuan gulf coast lam atangin kan awmna state lam hnaih, hla feah lo chho zelin, thlanglam thlivawt leh vur lo thaw mek chuan a nawr kawi dawnin, kan awmna lamah a rawn inher dawn niin an hriat thu an puang chamchi mai pek a.</div>
<div style="text-align: justify;">
<br /></div>
<div style="text-align: justify;">
( Hurricane hming an sak dan hre duh tan: <a href="http://www.nhc.noaa.gov/aboutnames.shtml">http://www.nhc.noaa.gov/aboutnames.shtml</a> )</div>
<div style="text-align: justify;">
<br /></div>
<div style="text-align: justify;">
Chutia kan lam a rawn nger chhoh tak chhur chhur-ah chuan, mithiamte'n, mipuite kan lo inven theih dan tur chu uar tak leh hriatthiam awlsam takin, mipui tithlabar lo chiin, TV leh radio lamah te, chanchinbu lamahte chuan an puang chhuak reng a. Tichuan, ni 2 emaw lek, kan awmna state, Maryland dinglam tuifinriat a a awmlai chuan, Sandy chu kan awmna khawmual lam a rawn lut tak tak dawn tih an chiang ta a, tunah chuan computer rinthu ngawt a ni tawh lo a ni!</div>
<div style="text-align: justify;">
<br /></div>
<div style="text-align: justify;">
Virginia state Governor leh Maryland state Governor-te chuan, National Guard leh Federal lam atanga tanpui vat theihna, tul ang ang a hmalak theih zawk nan, 'states of emergency' an puang ta rup mai a ni. A tukah chuan Washington, D.C. (District of Columbia) mayor pawh chuan a puang zui ve ta bawk a. Zan lamah chuan sawrkar lam (Federal & local) khar vek a nih tur an puang a, sikul lam leh business lam te pawh. A hma atanga mamaawh lo inleikhawl tamtak awm mahse, generator leh tuisik intur leitur zawng erawh an tam kher mai. In tam takah back up generator, current awm loh thut a engnghal thei tur awm mahse, neilo an tam bakah, a hun hril angin, 'just in case' a tan lei pawh an tam ang. Dawrah reng reng generator hmuh tur a awm lo a ni tawp mai.</div>
<div style="text-align: justify;">
<br /></div>
<div style="text-align: justify;">
Ka hnathawh vena hi kan awmna state piah, Washington, DC a ni a, mel 55 (88.52kms) lai a hla a ni nghe nghe. Keini hna erawh, kan area chinah, mi harsatna sutkian sak lam a ni kan ti thei ang a. Chu vangin, 24/7 hnathawk kan awm angai. Hurricane Sandy lo thlen ni, Thawhtanni, October 29, 2012 chuan, nidang ang bawkin hna ka thawk leh a. Chhun lamah chuan thli leh ruah chuan nasat lam a pan zel avang chuan, ka supervisor, kan chief engineer, Pu Kevin Brown chuan, " Haw mai ta che, I inkhalh hawna tur a hla bawk si," tiin, thurawn min pe a. Ka inthlahrun deuh avang chuan, "ka hna thawh tur min cover sak thei ang, mahse nang tunge i haw kawng thli na tawh lutuk-ah backup ve ang che," kan ti he haw a. Ani chuan," chain saw ka keng a, thingtlu a awm paw'n ka tan thei mai ang, bakah mel 15 chauh khalh tur ka nia lawm, haw rawh khai..." tiin duhsak takin min chhang a. Haw san hreh hmel ve deuh chuan ka awm na'ngin, ka lawm rilru hle thung.</div>
<div style="text-align: justify;">
<br /></div>
<div style="text-align: justify;">
Garage atangin ka han inkhalhchhuak chiah chu, ka hma maiah chuan thingtang a lawn tla thlawrh mai a, ka phu chiang teh e! Washington atang a ka haw hian, kawng pahnih, Cabin John's Parkway emaw George Washington Memorial Parkway emaw chu, highway thlen hmain ka zawh thin. Mahse, tuntum chu a thuilam hret zawk, GW Memorial Parkway lam atang a haw ka thlang a, ka thlan chhan chu thingkung a tlem zawk bakah, an dinna, kawngpui a tanga tlem a an hlet deuh zawk vang a ni.</div>
<div style="text-align: justify;">
<br /></div>
<div style="text-align: justify;">
GW Memorial Parkway:</div>
<div class="separator" style="clear: both; text-align: justify;">
<a href="http://2.bp.blogspot.com/-wfhOuBOPzlk/UJEjqlIsGII/AAAAAAAAAXI/dYNLJXgIbMs/s1600/thli3.jpg" imageanchor="1" style="margin-left: 1em; margin-right: 1em;"><img border="0" height="212" src="http://2.bp.blogspot.com/-wfhOuBOPzlk/UJEjqlIsGII/AAAAAAAAAXI/dYNLJXgIbMs/s320/thli3.jpg" width="320" /></a></div>
<div style="text-align: justify;">
<br /></div>
<div style="text-align: justify;">
<br /></div>
<div style="text-align: justify;">
Highway kan lut chu, 'Sandy' chuan khawmual lola thlenglo mahse, a thawm a na tawh hle mai tih hai rual a ni lo. Thli chu 60 m/hr (97 km/hr) ang velin a thaw tawh a (radio atang a ka hriat), ruah a sur nasa em em mai bawk a, kawng hmuh a harsat bakah thli chuan car a beng chet nasat vangin khalh a harsa hle. Car bang hi a che dur dur a, ka tehklhin ber chu Kolkata - Aizawl thlawhna service, a tum nghing dur dur ang hi a ni awm e. Car ke lam chu ruah leh thli vang chuan, engine oil bua a tlan ang deuh hian a nal pit piat hle mai ,a ka leu zik zek reng mai bawk a. Fimkhur a ngai hle mai. Motor zangthal te, saisir zawng a awm, car hnuai lang heng hungte chu ka tlanpel nawk nawk zel bawk a. Ka rilru chuan in lam a ngaihtuah hle mai. Kan nu leh ka fanu Janis te kha an lo thlabar ang em? tih ngawt mai chu ka ngaihtuah a, chumi chuan thlen thuai thuai duhna rilru min pe a, khalh erawh ka fimkhur phah hle thung. Ka fimkhur lo va, hmanhmawh tak a motor ka khalh chuan ka ngaihtuah, ka chhungte chu ka hmu leh tawh ngailo thei dawn tlat a ni.</div>
<div style="text-align: justify;">
<br /></div>
<div style="text-align: justify;">
Highway/Freeway I-270 N</div>
<div class="separator" style="clear: both; text-align: justify;">
<a href="http://2.bp.blogspot.com/-8R6h1sek_40/UJEiwSXuK-I/AAAAAAAAAWo/j0smSNCEsNU/s1600/50.jpg" imageanchor="1" style="margin-left: 1em; margin-right: 1em;"><img border="0" height="212" src="http://2.bp.blogspot.com/-8R6h1sek_40/UJEiwSXuK-I/AAAAAAAAAWo/j0smSNCEsNU/s320/50.jpg" width="320" /></a></div>
<div class="separator" style="clear: both; text-align: justify;">
<a href="http://3.bp.blogspot.com/-WrmV5ECD-48/UJEjakPzCrI/AAAAAAAAAW4/rPnmoCPY2Lw/s1600/thli6.jpg" imageanchor="1" style="margin-left: 1em; margin-right: 1em;"><img border="0" height="212" src="http://3.bp.blogspot.com/-WrmV5ECD-48/UJEjakPzCrI/AAAAAAAAAW4/rPnmoCPY2Lw/s320/thli6.jpg" width="320" /></a></div>
<div class="separator" style="clear: both; text-align: justify;">
<a href="http://4.bp.blogspot.com/-eQAaWswdeCs/UJEjh_9dzOI/AAAAAAAAAXA/0O0c-Qow10Q/s1600/thli5.jpg" imageanchor="1" style="margin-left: 1em; margin-right: 1em;"><img border="0" height="212" src="http://4.bp.blogspot.com/-eQAaWswdeCs/UJEjh_9dzOI/AAAAAAAAAXA/0O0c-Qow10Q/s320/thli5.jpg" width="320" /></a></div>
<div style="text-align: justify;">
<br /></div>
<div style="text-align: justify;">
<br /></div>
<div style="text-align: justify;">
In ka thleng chu, ka fanu chuan, "Apa hei, flashlight (torchlight) te, emergency light te ka dah chhuak vek tawh," tiin hlim leh intifel takin min lo be siam siam a, min va'n tilawm thin tak em! Ka inbual sawk sawk a, portable radio inchhawp chhuakin (current awm loh thut atan!), TV lam chanchinthar kan thlir zui a. New Jersey Governor thusawi lai alo ni a. An state chu 'Sandy' chuan a sut tur chiah (eye of hurricane awmna) anih vangin, tuipui hnaih a awmte chu chhuak vek turin thu pek a chuah mek lai alo ni a, thlipui alo thlen tak tak hunah chuan inpuih a harsat tawh tur thute chu alo sawi mek a ni.</div>
<div style="text-align: justify;">
<br /></div>
<div style="text-align: justify;">
Zan dar 10 a ri dawn chiah, minute 3 emaw ala awm tihah chuan kan eng (light) chu a phe zuk zuk a, a thim ta hmuk mai le. Ka fanu Janis chu zuang tho vin, a flash light chu an tieng nghal pap a. Emergency light te chhi chuan radio kan ngaithla ta zel a, pawn lam thawm erawh a nasa ta hle mai tih hairual a ni lo. A ri fur fur a, a ri thuai thuai a, ruah lah chu a zit hian a zit per per a ni ber awm e.</div>
<div style="text-align: justify;">
<br /></div>
<div style="text-align: justify;">
West Virginia lam atang a thli vawt leh vur thaw mek chuan boruak a ti vawt hle a, 'Sandy' pawh chu "hurricane" (thli lum siam) ni tawh lo vin, 'super storm' an ti ta ber awm e! A hma atanga an lo rin lawk ang ngeiin, "history' chu a siam dawn ta ngei a nih hmel. Mithiamte chuan he hurricane hi "THE PERFECT STORM" an lo tih lawk kha a ni hrim hrim a, a chhan pawh, high tide lai tak alo lo thleng anih dawn bakah, thlipui lum leh vur thli inpawlh sawp, rapthlak tak tur anih an hai loh vang a ni. A thlipui ngawr ngawr ana a ni lova, a behbawm te nen erawh chuan rapthlak tak a ni tawp.</div>
<div style="text-align: justify;">
<br /></div>
<div style="text-align: justify;">
Thawhlehni kan thleng a, ala na viau tho nangin ruah leh thli chuan ban lam a hnaih ta deuh bawk a, fridge a dah tur ICE lei tur zawngin ka chhuak ta a. Tivawttu a awm loh chuan fridge leh freezer a kan thil dah a chhe vek dawn a ni. Chaw lam erawh, tih lum ngailo chi kan ngaihtuahsa nual avangin kan huphurh lo ve phian. Tichuan, zan dar 7 bawr velah chuan radio kan ngaihthlak mek laiin, current alo awm leh ta a, coffee tui tak, sa takin kan in a, hurricane Sandy chu kan tuarchhuak ve ta a ni. Kan vanneihna emem chu kan fanu Janis khan hlauhna chang a hre miah lo mai te, kan nu khan ka rin aiin hlau hmel a pulo te kha a ni awm e. Ama sawi hmangin anu kha thli hlau em em mai ani awm a, ka lo rindan chuan, ani pawh hlau ve hle turah ka ngai ngawt, alo ni lo hlauh :)</div>
<div style="text-align: justify;">
<br /></div>
<div style="text-align: justify;">
Kan thenawmah chhia tlem a awm ve. In pakhat chimney a thlawn hlawk a, pakhat bang a hik tuar a, thenawm pakhat chu an truck thingzar tlain a delh ve bawk. Tuilian a tam hle thung! Kan state thenawm West Virginia lamah vur a sur nasa tawh hle a, vawiin Oct' ni 31, 2012 hian a la sur reng a, feet 3 vel te a tla tawh a ni. New Jersey leh New York lamin an tuar nasa zual hle mai. New Jersey Governor Chris (Republican) leh President Obama (Democrat) an tangrual thiam hle, an fakawm thlawt. Ram tan chuan party party tih loh hun an hre viau a ni, an puitlingin an tih tur reng, ram tan an thawk a ni. Hire man an awm e!</div>
<div style="text-align: justify;">
<br /></div>
<div style="text-align: justify;">
Kan thenawm:</div>
<div class="separator" style="clear: both; text-align: justify;">
<a href="http://4.bp.blogspot.com/-QGH_n_HMZqE/UJEjK27gQFI/AAAAAAAAAWw/RKXyswVm73U/s1600/thli7.jpg" imageanchor="1" style="margin-left: 1em; margin-right: 1em;"><img border="0" height="212" src="http://4.bp.blogspot.com/-QGH_n_HMZqE/UJEjK27gQFI/AAAAAAAAAWw/RKXyswVm73U/s320/thli7.jpg" width="320" /></a></div>
<div style="text-align: justify;">
<br /></div>
<div style="text-align: justify;">
<br /></div>
<div style="text-align: justify;">
Vawiin, October ni 31, 2012, halloween ni hian sawrkar lam leh skul pawh hawn an ni leh ta, a thawven thlak khawp mai. Thli erawh ala thaw fur fur reng tho a, thlifim aia na hret chauh a ni tawh thung. Pawn a vawt vur tih loh chu a zia tawh hle a ni.</div>
<div style="text-align: justify;">
<br /></div>
<div style="text-align: justify;">
Thubelh: Adventure Sports lam tuimi nih chuan, hetiang a lo thlen hian awm dan tur engemaw chen a hriat theih hle tih ka inhre thar leh thin. Long live KYAC.</div>
</div>
H.Vangchhiahttp://www.blogger.com/profile/03385766216471139737noreply@blogger.com10tag:blogger.com,1999:blog-999539265705331841.post-65771122354283823772012-08-26T10:06:00.000-07:002013-01-08T04:48:36.506-08:00Upa lam thlavang hausakna<div dir="ltr" style="text-align: left;" trbidi="on">
<div style="text-align: justify;">
Mizo te hian kan ching zual emtih hi ka va'n inzawt ngn tak em... rilru-in! Mizo ka ni miau a, hnamdang aiin mahni lam chu ngaih pawimawh tur rengah te ka ngai tho bawk a.</div>
<div style="text-align: justify;">
<br /></div>
<div style="text-align: justify;">
In kan sa a, a thar lai ngei mai chuan han luahlum te a nuam a, chei that ngai pawh a awm ngai meuh lo. Ama mawi mawiin chu in chu a mawi mai a, kan tuai hnum hle nangin, a aia mawi lo leh mawi zawk pawh an tam tho mai.</div>
<div style="text-align: justify;">
<br /></div>
<div style="text-align: justify;">
Hun a liam zel a, kum tam an vei hnu chuan chu in, ama tawk a mawi ve thin tak mai chuan chul lam a lo pan tan ta a ni. A hma a chei that leh chuan ngai vak lo kha tunah meuh chuan, rawng hnawih that te, leh thil dang tam a thawm that alo ngai tawh thin a ni.</div>
<div style="text-align: justify;">
<br /></div>
<div style="text-align: justify;">
Chutiang deuh tho chu mihringte hi kan ni awm e!</div>
<div style="text-align: justify;">
<br /></div>
<div style="text-align: justify;">
Kan thatlai ni te chuan keimahni phak ang tawk tawkin kan nalh theuh awm e. Kan nalh viau e tilo chuan keini aia nalh leh nalh lo pawh an kat ve nuk tho mai. Chutia kan nalh vanglai emaw chuan nupui/pasal min pawmlum tu tur kan hmu a, chhungkua dinin fanau nen kan chiar nak nak tawh thin. Hun leh ni te alo liam zel a, upat lam kan pan ve zel bawk a. Chutah meuh chuan kan engkim mai chu thuam that alo ngai fo tawh thin. Kan rilru sukthlek dan pawh mi pangai tan chuan a hun ang zel a intuai thar a ngai a. Thuamhnaw pawh chutiang zelin.</div>
<div style="text-align: justify;">
<br /></div>
<div style="text-align: justify;">
Naupang lam deuh lah chuan, "tar te te si inchei a uar lutuk a," an lo tih sep sep chang a awm. Upat lamah hian mihringte hian chei that kan ngai leh tawh tih kan hriat thiama tul ta hlein ka hria. Mihring an ni a, nalh an duh ve tho tih pawh hriat a pawimawh awm e. Upa lam an nalh zuarin, nupui/pasal ten midang lakah an mit an len tihna a ni chiang lo tih pawh hriat a pawimawh awm e. Midang lak a an mit an len kan hlauh chuan, an mit tlung turin awm thiam ve mai tur, mihring rilru pu theuh theuh!</div>
<div style="text-align: justify;">
<br /></div>
<div style="text-align: justify;">
Chutih laiin Mizo nu leh pa thenkhat chuan, nupui/pasal neih hnuah inchei/thuamtha inbel ngai vak lo vah an lo inngai thul. Nupui/pasal nih tawh vangin inchei leh insawizawi emaw thlahthlam mai tur a ni lo, nupui/pasal ten hmangaih vang a min hmuh nalh chawpah ringawt innghah loh a tha bawk awm e.</div>
<div style="text-align: justify;">
<br /></div>
<div style="text-align: justify;">
Khawvel thil reng reng, a that laiin tuaihnum a ngai a, a hlui hnuah thuam that a ngai thin a lo ni. Rik zah tur... a lutuk erawh thil engkimah mai hian tha lam aia tha lo lam a min hruai thei an ni fo tih hre rengin!</div>
<div class="text_exposed_show" style="background-color: white; color: #333333; display: inline; font-family: 'lucida grande', tahoma, verdana, arial, sans-serif; font-size: 12.800000190734863px; line-height: 13.600000381469727px;">
<br />
<br />
<br />
<br />
<br />
<br /></div>
</div>
H.Vangchhiahttp://www.blogger.com/profile/03385766216471139737noreply@blogger.com6tag:blogger.com,1999:blog-999539265705331841.post-28793981640402065842012-07-17T07:36:00.002-07:002012-08-26T10:06:26.555-07:00Min rawk an tum!<div dir="ltr" style="text-align: left;" trbidi="on">
<div style="text-align: justify;">
United States ka luh tirh khan, min hruaithla tu, Pi Changliani te in lamah ka khawsa thin kha a ni a. An ni nupa khan min duhsakin min buaipui ta lo sela tun ang dinhmun hi ka thleng kher lovang! Hna lam vangin remchan zawkna avang chuan, Lianthuama Vangchhia te in lamah ka insuan ta kha a ni a. Ani ni nupa pawh hi Mizo rilru tak pu mi, mikhual neih hrehna nei hauhlo, hlimlo hmel hmuh tur awmlo an ni a, an fakawm ngei mai.</div>
<div style="text-align: justify;">
<br /></div>
<div style="text-align: justify;">
Engpawh nise, kum 2002 kum tir lamah chuan kan u ( ka 1st cousin), u Valtea (Joseph Lalchhuana MPS) chu India aiawhin USA lamah, Antiterrorism Assistance Program hnuaiah, "Critical Incident Management Course" zirna neiin alo chhuk hlauh mai a. A tih tur a tih zawh hnu chuan ka khawsakna lam Maryland state a rawn tlawh zawk hman tur thu ka hria chu ka lawm ngei mai. Unau ram hlaa han inhmuh chu chakawm ve tak a ni.</div>
<div style="text-align: justify;">
<br /></div>
<div class="separator" style="clear: both; text-align: justify;">
<a href="http://3.bp.blogspot.com/-4VxtUh3mbYA/UAV2_yAvTNI/AAAAAAAAAWA/ZxdN7OtqIYA/s1600/u+valtea.jpg" imageanchor="1" style="margin-left: 1em; margin-right: 1em;"><img border="0" height="320" src="http://3.bp.blogspot.com/-4VxtUh3mbYA/UAV2_yAvTNI/AAAAAAAAAWA/ZxdN7OtqIYA/s320/u+valtea.jpg" width="213" /></a></div>
<div style="text-align: justify;">
<br /></div>
<div style="text-align: justify;">
<br /></div>
<div style="text-align: justify;">
Tichuan ani pawh March ni 15, 2002 hnu lam chuan a tih tur pawimawh a zo ta bawk a, Maryland lam a rawn pan ta a. Keimah min hruaithlatu, Pi Changliani te nupa chuan ngai pawimawhin, ka thisen zawmpui, Andrew Ngurdinga (2nd cousin) telin chawhlui kilpui min tum ta a. Kei motor la neive talo chu nau Ngurdinga (Andrew) car chuan Pi Changliani te awmna khua Bowie lam kan pan ta nal nal a. Pan nal nal han tihah ka awmna khua College Park nen in thenawm mai a ni a, hla em em pawh a ni hran love!</div>
<div style="text-align: justify;">
<br /></div>
<div style="text-align: justify;">
Pi Changliani te in kawtah car kan park fel a, kan chhuk ta a, hlim takin an kawngkhar lam chu kan pan tlang ta a ni. Kawngkhar dar (door bell) ka hmet-ri fel chiah tihin car dum lam lianpui a rawn ding nghing lawih mai a. Chuta tang chuan midum 3 an rawn chhuak a, pistol an keng a, min tinzui ta.</div>
<div style="text-align: justify;">
<br /></div>
<div style="text-align: justify;">
Midum tangrang ho chuan, "In pawisa 'bag' min pe vat rawh u, chulo chu kan kap ang che u," tiin, movie a pistol he deuh ha a an tin ang hian min han tin ta vel anih kha. Ka ngaisanglo mai mai teh a sin!</div>
<div style="text-align: justify;">
<br /></div>
<div style="text-align: justify;">
Engpawh nise, pawisa bag kan neih loh thu ka sawi hnu chuan, "In wallet phawrh vek rawh u, vat vat..." tiin silai chuan min tin sawk sawk zui a. Ka u Valtea (Joseph Lalchhuana) thin tuarlo chuan pakhat chu an khawih nghal nawk nawk ta mai a. Mahse, mi 3 silai keng an nih vangin chet zui chi ni heklo, a ninawm duh hle mai. Silai hi movie ang a nilo, in tin meuh chu a dan a dang zar ania, he deuh he hu a intin pawh kah fuh harsa viau mahse a hlauhawm tho. A fuh palh thei tlat!</div>
<div style="text-align: justify;">
<br /></div>
<div style="text-align: justify;">
Kan nau Ngurdinga (Andrew) chu ka phenah a biru zar zar mai a, a wallet erawh hnim buk karah alo paih hman zauh, a che rangin a tha ka ti khawp thung! Ka u Valtea nen chuan thingthi turin min ti a, ka thingthi duhlo chu ka lu-ah pistolin min chhu bur mai a, ka nghawng a nghing ve lawih. Mahse, a hnu lama kan sawi dan takah, silai an keng zeilo a ania'ng e, zak kau hawk a min chhu si kha, min chhu thlu tlat lo. Min chhutna hi a pawng lova, a khuar hlauh thung a, tun thleng hian ala hniam deuh bui. A vunpui chu an chhu chat ve a ni mahna!</div>
<div style="text-align: justify;">
<br /></div>
<div class="separator" style="clear: both; text-align: justify;">
<a href="http://3.bp.blogspot.com/-B3682tWOgNU/UAV4WIEodrI/AAAAAAAAAWI/uAQd24HCNDA/s1600/SuperStock_4029R-181911.jpg" imageanchor="1" style="margin-left: 1em; margin-right: 1em;"><img border="0" height="320" src="http://3.bp.blogspot.com/-B3682tWOgNU/UAV4WIEodrI/AAAAAAAAAWI/uAQd24HCNDA/s320/SuperStock_4029R-181911.jpg" width="157" /></a></div>
<div style="text-align: justify;">
<br /></div>
<div style="text-align: justify;">
<br /></div>
<div style="text-align: justify;">
Chutih lai mek chuan in chhung-lam atangin Pi Changliani kawngkhar hawn tum chuan mi'n rawn hmu. Ring tak a auvin, "Police ko ru, police ko ru" (Call 911, call 911) a ti ta chul a. Chumi thawm hlau chuan kan midum tangrang ho chu an tlanchhe ta a ni. Engmah min laksak lova, kei tih loh chuan kut pawh an tuar ta lo, a vanneihthlak khawp mai.</div>
<div style="text-align: justify;">
<br /></div>
<div style="text-align: justify;">
Police an lo thleng tuk tuk a, detective alo lang nghal bawk a. Pi Changliani-te dinning room-ah interview kan nei a misual man tum chuan an chhuak leh ta a ni. Kar engemaw zat hnuah an mahni niawm tak man an nei ta a, mahse an ni chiah em tih ka hre thei ta tlatlo.</div>
<div style="text-align: justify;">
<br /></div>
<div style="text-align: justify;">
Engpawh nise, wallet nilova, 'pawisa bag' kher min dilna chhan tur kha hetiang hi ani maithei! Pi Changliani hian vending machine engemaw zat a nei a. Tlai lamah chu'ng vending machine atang chuan pawisa nawi chu la khawmin in lamah a hawn thin a, keipawhin ka kalpui zeuh zeuh tawh thin a ni. Chutiang a Pi Changliani te che vel chu anlo thlir thin anga, remchang zawngin an veh fo thin anih ka ring ta ber. </div>
<div style="text-align: justify;">
<br /></div>
<div style="text-align: justify;">
Chaw ei a hun tawh si, min sawmtu te nupa lah chuan nuam an ti chiah tawhlo. Keini lah chawei lam a lang tawh chiah bikin ka ring hlawm heklo. In atangin kan chhuak ta rawih a, restaurant nuam takah an fapa Jimmy te nen vawksa nakruh hem hmin min va eipui ta a. A tui bawk a, min sawmtute chhungkua an fel bawk nen, hlim leh tui ti takin kan ei puar ta leng tho mai. :)</div>
</div>
H.Vangchhiahttp://www.blogger.com/profile/03385766216471139737noreply@blogger.com9tag:blogger.com,1999:blog-999539265705331841.post-25606958992077350232012-07-12T11:03:00.000-07:002012-08-26T10:18:58.951-07:00Min thlatute<div dir="ltr" style="text-align: left;" trbidi="on">
<div style="text-align: justify;">
Min thlahtute han tih hian keimahni chhungkua bil (keimah thlahtu) ka sawina a ni a. Tuntum chu a hnam zawnga min thlahtute sawina lam a ni dawnlo a ni. Ka pa lamah hian tlemin hriat a thui deuhva, a chhan pawh ka pu khan ziak a alo dah that vang ani thei ang.</div>
<div style="text-align: justify;">
<br /></div>
<div style="text-align: justify;">
Keini chhungkua thlahtute hriat theih chin:</div>
<div style="text-align: justify;">
<br /></div>
<div style="text-align: justify;">
1. Thipari - Hauliana a hring</div>
<div style="text-align: justify;">
2. Haulian'an Roliana a hring.</div>
<div style="text-align: justify;">
3. Selpui'an Lalbuanga a hring.</div>
<div style="text-align: justify;">
4. Lalbuang'an - Tuahlala, Kaka leh Hautaka leh Thangtereti a hring.</div>
<div style="text-align: justify;">
5.Tuahlal'an Saihnuna a hring</div>
<div style="text-align: justify;">
7. Saihnun'an Laia, Denga leh Chhinga te a hring.</div>
<div style="text-align: justify;">
8. Kak'an Rodaia, Thangpuia leh Laldailoba a hring.</div>
<div style="text-align: justify;">
9. Hautak'an a dam lova, Lalchhingpuii chauh a ni. Chawngbuli leh Nuthangi an thi.<br />
<br />
<div class="separator" style="clear: both; text-align: center;">
<a href="http://1.bp.blogspot.com/-jAimrdzuQbI/UABlnrQLNXI/AAAAAAAAAV0/Huoulkvb7-Y/s1600/Min+thlahtu+te.jpg" imageanchor="1" style="margin-left: 1em; margin-right: 1em;"><img border="0" height="320" src="http://1.bp.blogspot.com/-jAimrdzuQbI/UABlnrQLNXI/AAAAAAAAAV0/Huoulkvb7-Y/s320/Min+thlahtu+te.jpg" width="226" /></a></div>
<b>Family tree hi click len theih a ni e.</b></div>
<div style="text-align: justify;">
<br /></div>
<div style="text-align: justify;">
Keimah bik min thlahtu Lalbuanga atangin han thlurbing ta deuh ila. Ani kha Lungleng lal, Lalngura khawnbawl min a ni. Lalngura chu Mizo lehkha ziakthiam hmasaber Khamliana Sailo pa kha a ni nghe nghe. Lalbuanga chu Mizote zingah Hindi tawngthei hmasaber nia sawi niin, Vailen hmasa alo reh deuh khan Kulkhut lamah remna thuthlung siam tur a Mizo lalte an zuk kal khan an tawnglettu ani nghe nghe. Kulkhut an thlenkum kha kum 1872 niin, December thla a ni nghe nghe.</div>
<div style="text-align: justify;">
<br /></div>
<div style="text-align: justify;">
Lalbuanga chuan Kaka a hring a (Kaka tih hi Rulngan kak sawina ri anga lam tur a ni). Kaka chu Lungleng lal, Khamliana Sailo khawnbawl min a ni reng fo. Nupuiah Ralte Kawlni nula Liankhawli a nei a, sial vawi 2 a chhun. Kaka hi Lalbuanga fapa pathum zing a milai a ni a, a fate puitlin hmain a thihsan ta mai a. Tichuan a nupui Liankhawli Kawlni chuan a mahin a enkawl ta hlawm a ni. Kaka thih hian a fapa M.Laldailova (ka pa pa) chu kum 9 emaw chauh ala ni nghe nghe. Ka pu Laldailova kum 9 a nih a a pa Kaka a thih chuan kum 1881 ah a thi tihna a ni ang.</div>
<div style="text-align: justify;">
<br /></div>
<div style="text-align: justify;">
Ka pu, Kaka fapa, M.Laldailova chu May ni 16, kum 1890 ah a piang a. Kum 1909 ah Lower Primary a pass a. Kum 1913 ah middle English a pass leh. Kum 1914-1915 khan Saphluia tanpuiin, thlakhatah 8/- hlawhin hna a thawk. Kum 1915-1916 ah chuan 15/- a hlawh ve ta a. Kum 1917-1919 ah chuan Lushai Labour Corp. ah chuan Head Clerk hna a thawk ta a, thlatin 90/- a hlawh pha. WWI a France lam a an thawn thlak thlak hnu chuan Head Clerk cum Interpreter hna a thawk ta a, chanchin nuihzatthlak tak tak sawi tur pawh a ngah viau a ni. </div>
<div style="text-align: justify;">
<br /></div>
<div style="text-align: justify;">
Kum 1919 ah chuan civil sergeon office clerk niin 45/- in hna a tan. Heta tang hian kum 1950 thleng a pension hma zawng a thawk ta a ni. A pension hian a thlatin hlawh chu Rs.100/- chauh a ni. </div>
<div style="text-align: justify;">
<br /></div>
<div style="text-align: justify;">
Sum up:</div>
<div style="text-align: justify;">
<br /></div>
<div style="text-align: justify;">
1. Indian Red Cross Society, Aizawl branch ah secretary in rei tak a awm.</div>
<div style="text-align: justify;">
2. Aizawl Panchayat member-ah kum reitak a awm.</div>
<div style="text-align: justify;">
3. Mizo zingah phaitual a chhuti a kal a, T.A. la hmasa ber a ni. Ama sual chhuah a ni nghe nghe.</div>
<div style="text-align: justify;">
4. Mizo tan a R.C.A. hi a dil chhuah a ni.</div>
<div style="text-align: justify;">
5. Co-operative Society District Marketing ah kum rei tak chairman a ni.</div>
<div style="text-align: justify;">
6. Society Village Welfare McCall (?) bawrhsap chhung zawngin secretary hna a thawk.</div>
<div style="text-align: justify;">
<br /></div>
<div style="text-align: justify;">
M.Laldailova (ka pu) hi Mizoram a Catholic kohhran dintute zing ami niin, kum 1992 May ni 4 khan kum 102 na lawm kan tum mek laiin a chau thut a mual min liamsan ta a ni. Presbyterian lam a a lawi laiin hla 3 lai a letling hman a, chuta 2 te phei chu Pu Lloyd te nupa te nen an inlehlin tawm a ni nghe nghe. Tun thleng hian Kristian Hla bu ah hian an la awm awm tak e; Letlingtu hmingah "Laldailova 1890 - 1992)" tiin!</div>
<div style="text-align: justify;">
<br /></div>
<div style="text-align: justify;">
Ka pu M. Laldailova hian Mizo hmeichhe zing a English tawng thei hmasa ber Lalnu-i nupuiah a nei a, mahse vanduai thlak takin Lalnu-i chuan a thihsan ta mai a, Kulikawn thlanmualah phum a ni. Tichuan, Hmarchaltlang lal fanu, Sapliani Sailo chu nupuiah nei lehin, an pahnih thih thlengin an innei ta a ni.</div>
<div style="text-align: justify;">
<br /></div>
<div style="text-align: justify;">
M.Laldailova fate:</div>
<div style="text-align: justify;">
<br /></div>
<div style="text-align: justify;">
1, Vani (thi) Zemabawk.</div>
<div style="text-align: justify;">
2.J.Manliana (thi) Dawrpui vengthar.</div>
<div style="text-align: justify;">
3. Lily (thi) Shillong, Meghalaya</div>
<div style="text-align: justify;">
4. Johana (thi) Kulikawn</div>
<div style="text-align: justify;">
5. Biaknemi, Umran, Meghalaya</div>
<div style="text-align: justify;">
6. Dominic Lalhmangaiha, Kulikawn, Aizawl.</div>
<div style="text-align: justify;">
7. David Dosailova, Kulikawn, Aizawl.</div>
<div style="text-align: justify;">
<br /></div>
<div style="text-align: justify;">
Tichuan, kei chu M.Laldailova fa naupang ber dawttu, Dominic Lalhmangaiha fa hming koh niin, unau 7 kan ni.<br />
<br />
Source: M.Laldailova lehkhabu, ama ziak.</div>
</div>
H.Vangchhiahttp://www.blogger.com/profile/03385766216471139737noreply@blogger.com4tag:blogger.com,1999:blog-999539265705331841.post-37333859809724844272012-07-05T07:05:00.002-07:002012-07-05T09:25:17.062-07:00System tha<div dir="ltr" style="text-align: left;" trbidi="on">
<div style="text-align: justify;">
Ram hrang hrang hi ka awm kual tamlo nangin tlawh erawh ka nei ve ta nual mai. Hetiang ram ka hmuh ve chinah te hian (country ani emaw state a ni emaw) ram rethei ho hian dan leh hrai an zah lovin, an palzut hrehlo zual niin ka hmu fo mai. Chutih karah, a chengte chuan chhuanlam fahrah te te an nei ve far hlawm a, belhchian erawh a dawl ngai lem hlei lova!</div>
<div style="text-align: justify;">
<br /></div>
<div style="text-align: justify;">
Ka pianna ram, Mizoram hi han thlurbing ta ila. Mizoram state-ah hian dan leh hrai fumfe tak tha tak tak kan ngah kher mai. Mahse, chu dan leh hrai awmte chu a siamtute thleng maiin palzut a zahloh an ni tlat hlawm si. Chu mai a ni lova, vantlang pawhin dan leh hrai awmte chu a hming mai a awm ang deuh lekin kan ngai a, inhawrkhawm nikhuaah phei chuan zahna chhete mah kan nei tawh ngailo. Khawvel hmun hrang ami te'n min rawn thlir reng a ni tih pawh kan ngaihtuah pha tawh thinlo nite'n ka hre thin. Kan pi leh pute ngaihtuah dan kan la chhawm zel te pawh a ang lek lek fo mai. An ni kha chuan an ramri piah khawthlang lamah khuan mihring chêng an awmlo emaw anti hial a nih kha!</div>
<div style="text-align: justify;">
<br /></div>
<div style="text-align: justify;">
Ram tha leh dan leh hrai tha nei tur chuan dan leh hrai awm sate zah thiam a, theih ang tawk a zawm peih leh zawm duhna rilru neih a pawimawh. Kan ram kan hmangaih anih chuan dan leh hrai kan hmangaih tur a ni ang. Tawngkam-in "Ram ka hmangaih," ti ti mah ila, dan awmsa te kan zah lova, kan palzut hreh miahlo anih chuan kan lei (tongue) kan vial thlawn, kan tawng thlawn tihna a lo ni dawn a ni.</div>
<div style="text-align: justify;">
<br /></div>
<div style="text-align: justify;">
Han sawi ta lawk ila, nimin, July ni 4, 2012 khan kan chenna khua, Frederick, MD ah chuan United States piankum 236 na lawmin Baker Park-ah kan chhung kal ve a. Chuta ka thil hmuh leh kan chik zual deuh pakhat chuan rualawhna nasa tak min pek bakah, "ram anlo van hmangaih tak em," tihna rilru min pe zual sauh mai.</div>
<div style="text-align: justify;">
<br /></div>
<div style="text-align: justify;">
Chutia USA kum 236 tlin lawmnaah chuan zan lamah halmawi (fireworks) mipui en turin nasa leh ropui takin an hal a. Hetia mipui kalkhawm hi 50,000 atanga 60,000 vel kan niin Frederick chanchinbu chuan a chhuah nghe nghe.<br />
<a href="http://www.fredericknewspost.com/sections/news/display.htm?storyID=137817">http://www.fredericknewspost.com/sections/news/display.htm?storyID=137817</a><br />
<br />
Chutiang zat mipui kalkhawm te halmawi siper emaw laka an him nan tiin, police lamin, "Police line do not cross" tih an thlung kual duah mai a ni. Chumi line an thlun kual duah pel a thu mi 2 chu ralkhat atangin chiang tak maiin ka hmu thei a. Ka rilru te te chuan "hispanic an ni ngei ngei ang," ka ti niap niap a, ka pan hnai ta ngat a... anlo ni ngei bawk a. Ka rilru bawk chuan, "Border pawh dan lovin an rawn paltlang (cross) ngam a, hetiang police hrui zam mai mai zahna chang hreawm pawh an nilo reng a ni," tihna rilru negative angreng tak ka neih phah ta nghe nghe a.</div>
<div class="separator" style="clear: both; text-align: justify;">
<a href="http://4.bp.blogspot.com/-lUEpf_evrMk/T_WfJ2dO_tI/AAAAAAAAAVo/xlAmgWyviUw/s1600/july24.jpg" imageanchor="1" style="margin-left: 1em; margin-right: 1em;"><img border="0" height="212" src="http://4.bp.blogspot.com/-lUEpf_evrMk/T_WfJ2dO_tI/AAAAAAAAAVo/xlAmgWyviUw/s320/july24.jpg" width="320" /></a></div>
<div style="text-align: justify;">
<br /></div>
<div style="text-align: justify;">
<br /></div>
<div style="text-align: justify;">
Thlalak kual pah chuan ka teikual deuh chiam a, kan hawi vel thin a, nichin a hispanic 2 ka hmuhte bak kha police hrui thlun pel a awm tumah ka hmu derlo nia mawle. A rammite chuan,"Dan a awm a, kan zawm tur a ni," ti niawm takin felfai takin hruithlun pawnah an awm vek mai. Hetiang a vantlangin dan leh hrai an zawm chuan 'SYSTEM THALO" neih a harsa khawpin ka ring. </div>
<div style="text-align: justify;">
<br /></div>
<div style="text-align: justify;">
Frederick khua a ka awm tirh hian tumkhat pawh petrol ka thunna hmunah tum lemlo takin engemaw leiah ka paih palh zeuhva. Nu pakhat chuan hla deuh tak atangin minlo hmureng chu niin, a rawn kal nal nal a, "tinge tawih theilo leiah i paih a, i ram i hmangaihlo em ni," min rawn ti chhak mai. Ka zah dan zia kha ka theihnghilh mai mai tawhin ka ringlo.</div>
<div style="text-align: justify;">
<br /></div>
<div style="text-align: justify;">
Ram tha leh system tha nei tur chuan dan leh hrai awmsate kan zawm that peih a pawimawh a, dan kengkawhtute kan thlawp that a pawimawh bawk ang. Chutih karah dan kengkawh tute pawhin mipui zah leh fak an hlawh zual theih nan dan chu khauh takin an kengkawh tur a ni bawk ang.<br />
<br />
Dan leh hrai zawm leh zawm loh hi dawt sawi ang deuh ani awm e. Dawt sawi laklawh tawh chuan a khuhna tur a ngai a emaw, dawt dang sawi a harsa tawh ngailo. Chutiang deuh chuan dan hotê kan zawm peihloh hian a dang chu zawm loh mai harsat lohna a awm tawh ṭhin niin ka hria. Ram a awm chuan dan leh hrai a awm a. Dan leh hrai zahna hmun a piang ram nuam leh zahawm, chenna tlak, radang thik phak anlo ni thin.</div>
</div>
H.Vangchhiahttp://www.blogger.com/profile/03385766216471139737noreply@blogger.com11tag:blogger.com,1999:blog-999539265705331841.post-60303655226174244722012-06-20T09:11:00.001-07:002012-06-20T13:43:36.419-07:00Pa thlazar hnuaia awmlai kha aw!<div dir="ltr" style="text-align: left;" trbidi="on">
<div style="text-align: justify;">
Mihlun tih takah Aizawl a a rualpui te chuan an hre hlawm viau maithei, mahse inchhung lam a a fate a enkawl dan erawh hria an tlem pharh maithei thung! Mitê'n, "pâ te tluk an har e," anlo tih thin angin, ka pa kha ka tluk hlawllo a ni. Ani kha chuan a hunah min zilhin min hau a, a tlangpui thuah erawh thiantha kawmin kan unau kha min kawm thiam tlat thin.</div>
<div style="text-align: justify;">
<br /></div>
<div style="text-align: justify;">
Rimawi ngaina mi tak alo ni hlauh mai kha kan vanneih phah bawk. Chhungkua inkawmhona tha kan neih tam phah hle. Rimawi a ngaina satliah mai lova, fate rualpui duh tur a hre hnem a, min zirtir peih hle bawk. Chutiang hlate chu a hovin kan unauin kan sa ho dâl dâl thin a, a lunglen thlak ta hle mai.</div>
<div style="text-align: justify;">
<br /></div>
<div style="text-align: justify;">
Sound of Music movie min han enpui a, khami film kha naupang rimawi zirtir nan alo tha viau mai lah tak a, kan hlimpui thin hle mai. A movie ami ang deuh khan kan unau chuan kan sak tur tlar te chu kan nei hrang thliah hlawm a, kan unau pawh kan inngeih phah viau awm e.</div>
<div style="text-align: justify;">
<br /></div>
<div style="text-align: justify;">
♫ Doe, a deer, a female deer</div>
<div style="text-align: justify;">
Ray, a drop of golden sun</div>
<div style="text-align: justify;">
Me, a name i call myself</div>
<div style="text-align: justify;">
Far, a long, long way to run</div>
<div style="text-align: justify;">
Sew, a needle pulling thread</div>
<div style="text-align: justify;">
La, a note to follow Sew</div>
<div style="text-align: justify;">
Tea, a drink with jam and bread</div>
<div style="text-align: justify;">
That would bring is back to Do♫</div>
<div style="text-align: justify;">
<br /></div>
<div style="text-align: justify;">
Nopang tan a rimawi zirna tha tak alo nih bakah, hetiang kan han saho dial dial mai thinte kha chuan, unau leh nu leh pa inkar boruak pawh alo siamtha thin viau awm e.</div>
<div style="text-align: justify;">
<br /></div>
<div style="text-align: justify;">
Ka 'tifin' (lunch) pai tur min siamsak thin laite kha avan ngaihawm ta vele. Mi fate angin sa hmeh tur paive thei renglo mah ila, dal leh artui min paitir te khan phur takin Mary Mount lam paninka tifin box kha ka khaichho ve hnak hnak thin kha ania. Kei lah kha ka harh ve angreng si, Mary Mount sister te lukhum phihthlak te kha ka hmang a, ka pa emaw an koh chang a awm leh zauh thin. Khatiang hunte khan thil dang daih sawiin nundan mawi min zirtir thin.</div>
<div style="text-align: justify;">
<br /></div>
<div style="text-align: justify;">
Mizoram-ah hian naupangte tan infiamna hmun avang thin em em mai a, kan play ground ber chu motor kawngpui kha a ni mai thin a. Thian inkawm nan tawlailir neihte kanlo duh ve thin a, chutiang tur thing kan putte chu phur takin a ke turte min tukpui thin.</div>
<div style="text-align: justify;">
<br /></div>
<div style="text-align: justify;">
Amah kha a hmun leh a hun a zirin min kawmhlim thiam hle tak a, nelawm takin a awm thiam fo! Fa hmuh hmasakber ka nih angin min duat thin bik hle a, ka pangchan phah viau nangin ka hlimna turin theih tawp a chhuah hreh ngailo. Ka sual vanga min hauh tapte hian a rilru ana tih ka hai ngailo, ka pa min ngaidam ang che.</div>
<div style="text-align: justify;">
<br /></div>
<div style="text-align: justify;">
Ka ngaihtuah kir leh hian, a thuamhnaw thar neih khat em emna chhante kha keimahni unau vang ani ngei ang tih ka ring a, ropui ka ti a, ka zahna avan zual tak em! A thawhpuite hausak bik zia ka sawite khan ka mitah en-kalin, "Kan neive thei vek alawm, mahse kan inkhawm ngam tawh dawn emni?" a tih tawngkam kha ka theihnghilh leh tawh ngai lovang. Kan unau khan midik nih, nun dik neih a pawimawh zia min hrilh ngun hle thin a. Aman a nunpui thin avangin entawn tlak tak niin ka hria. Chutiang nilo sela chuan, tunah hian ka dam tawh kher awm love. Ka pa'n min zirtir thinte kha aman a nunpui thin zel vangte pawh ania'ng e, Pathian zarah sualin ka thi lova, ka harhchhuah leh theih ni!</div>
<div style="text-align: justify;">
<br /></div>
<div style="text-align: justify;">
Mitê'n anlo sawi thin, "a family that prays together stays together," an tih ang deuh khan, chhungkaw zaiho dêl dêl theite lo inpawh bik dan hi alo ril thei viau awm e! Pa in a fate thutha a hrilhin, chutiang chuan amah ngei kha a nun alo pawimawh zia ka hriat phah ta bawk. Kan chhungkua a kan tawngtai ho thin laite, Rosary sawi thla alo nih a, chhungkaw hrang hrang tlawh kual a Rosary kan sawi ho thin lai te kha avan ngaihawm tak em!</div>
<br />
Tunah chhung-thar dinin fanau ka chawi. Zuapa thlazar hnuai a unau za kan lenlai ngaih rêng ka bâng chuang silo!<br />
<br />
<br />
<br />
<br /></div>H.Vangchhiahttp://www.blogger.com/profile/03385766216471139737noreply@blogger.com6tag:blogger.com,1999:blog-999539265705331841.post-34543339255775749992012-06-12T09:51:00.001-07:002012-07-21T06:38:42.193-07:00Mawl vanga ruihhlo tih ṭhin lai.<div dir="ltr" style="text-align: left;" trbidi="on">
<a href="http://2.bp.blogspot.com/-SeROtfi_VgY/T9d5kLpEI3I/AAAAAAAAAVQ/O-9cuf64lmA/s1600/effectsofdrugabuse.jpg" imageanchor="1" style="clear: left; float: left; margin-bottom: 1em; margin-right: 1em;"><img border="0" height="214" src="http://2.bp.blogspot.com/-SeROtfi_VgY/T9d5kLpEI3I/AAAAAAAAAVQ/O-9cuf64lmA/s320/effectsofdrugabuse.jpg" width="320" /></a>
<br />
<div style="text-align: justify;">
Shillong aṭanga kalo haw hnu deuh, Aizawl ka'n awm ta kha nulat tlangval, khawvel nawmchenna lamah ka tlan nasa em em ṭhin. Rualpui tamtakte aiin ka mawl fal ania'ng chu, intih tunlai nan khang hunlai a ruihhlo lar ṭhin <i>Optalidon</i> mum chu ka ei ve ṭan ta a. Mi hriat a ruih lan kan hlau si, han nawm deuh chiai chiai châkna awmve bawk si khan kan ti ṭhin ni maiin ka hria.</div>
<div style="text-align: justify;">
<br /></div>
<div style="text-align: justify;">
<i>Hasish</i> (Charas) alo lar thar leh a, tola khat (kutzungpui chanve tiat vel) kha cheng 100 emaw te a ni ṭhin a, Afghani leh Kashmiri kha a awm hrang a Afghani hashish kha to zawk ṭhin nghe nghe awm e. Hetih lai hian <i>heroin</i> (No.4 an tih mai) pawh a awm ṭan ta zeuh zeuh bawk a. Hetih hunlai (early 80's) hian heroin chhe chi, <i>brown sugar</i> an tih mai pawh chuan Aizawl alo thleng ve der tawh mai.
Chutiang ruihhlo ka hmuh angte chu ṭhiante zarah ka tive thei zel a, han kai deuh chhalh lah khan nula kiangah te khan intihtheih nan deuh tak kan la hmang zui lehnghal a! Thil chhuak thar ala nih vang leh a hlauhawm zia kan ngaihtuah chhuah phak loh leh hriat loh vangte pawh ani mahna.</div>
<div style="text-align: justify;">
<br /></div>
<div style="text-align: justify;">
Tichuan hun a kal zel a, ṭhiante neih chauh rin theihloh hun alo thleng ta. Chutih hunah erawh chuan a ngawl kalo vei der tawh chu alo ni a, avan pawi tak em!
Tichuan heroin ngawlvei kalo nih tak hnuah chuan a nuam tur a ruih/tih pawh ani tawh lova, <i>chiri</i> (suffer) dal tur emaw zawk a tih fo mai alo ngai ta zawk a! A thuhrimah, kan ngaihtuah let leh hian, heroin (no.4) kha nuam tiin vawikhatmah ka ruih awm reng reng ka ngaihtuah chhuak zolo. Ka tih ṭantirhin ruihna khawp ka tih hma aṭang phatin luak lamah a kal a. Ruih chhung lah kha darkar 4 emaw lek ani a, tih ngun a ngaiin alo van ho tak em!
Ka thisen-zâm, ka ban veilam ami chu a bawk bik lel lawl hlawm reuh a, chumi ahte ngei chuan ani vawi tam tak kalo injection ṭhin chu ni.</div>
<div style="text-align: justify;">
<br /></div>
<div style="text-align: justify;">
In <i>fix</i> (injection) ka ngam hma hian a khu hiplut-in, chutiang chu '<i>chase</i>' kan ti ṭhin. Cigarette tuamna foil a lehkha inbel chu hîk thlain, chumiah chuan heroin chu tlemte dahin a hnuaiah mei a hliauin chumi khu chu a bik tak a siam '<i>pipe</i>' hmangin kan hiplut ta ṭhin a. A khu tlemte tih chhuah palh emaw, hmaih palh emaw a uihawm duh ṭhin viau bawk.
</div>
<div dir="ltr" style="text-align: left;" trbidi="on">
<div style="text-align: justify;">
<div class="separator" style="clear: both; text-align: justify;">
<a href="http://1.bp.blogspot.com/-0gPr8UDtOJ8/T9d42aMjfgI/AAAAAAAAAVE/Dy1ZESkAL_4/s1600/drug_addict.jpg" imageanchor="1" style="margin-left: 1em; margin-right: 1em;"><img border="0" src="http://1.bp.blogspot.com/-0gPr8UDtOJ8/T9d42aMjfgI/AAAAAAAAAVE/Dy1ZESkAL_4/s1600/drug_addict.jpg" /></a></div>
<br />
Heroin zukna pipe hi pawisa tlang leh foil hmangin kan siam ṭhin. Cigarette chu foil chuan a lehlam kan han khuh a. Pawisa lehlam tlang khuhthlengin kan tuam ṭhin. Foil chu chhunglam a hmangin cigarette kan zial hnan a, a inzial ṭhat hnu chuan cigarette chu la chhuakin kan han zial te leh deuh a, tichuan pipe tur chu lachhum bungin kan han ṭawn leh a, zuk nan kan hmang ta ṭhin a ni. Heroin pure deuh (fish egg kan tih) chu han zuk khan a luang delh delh thei a, a heklo deuh bik ṭhin a. Tin, pipe hman rim tawh chu a chhunga tuamna foil-ah khan alo bet tuar tawh ṭhin a, khami kha pure heroin anih tawh vangin a hlu thei em em bawk. Heroin a van deuh pawhin opium leh MX (tablet) kan tih mai chak tha zet, khawchhak China lam siam niawm tak kha a awm ve reng bawk a...<br />
<br />
Engmah hna tak tak thawh nei talo chu tihzel tur neih alo harsa ta si a, mahni bungruate hralh ka hmang ṭan ta. Penicillin bur khat (can khat) emaw lei theih chang chuan a chanve emaw chu te tak te te a fun hrangin a dang lei lehna daih turin ka hralh ve ṭhin. Funte khat chu cheng za-in ka hralh tlangpui awm e. Vawikhat phei chu ka ṭhianpa pakhat scooter, Moreh lamah heroin a thlengin kan zuk tiral nghe nghe a ni. Kan taxi driver Chunga lah chuan '<i>hawng</i>' (30 gms vel ani maithei) khat emaw min rawlruk a, a hlawkna insem turin. Hei erawh a tifuh vaklo, pakhatmah a hmukir lo.
Tichuan ka ṭhian thenkhatte chuan an thihpui ta zauh zauh bawk a a ṭhen lah an chiri tuar lovin anlo inkaphlum bawk nen, intihtheihna lampang a lang talo hle mai.<br />
<br />
Mi hmuhsit leh endawn turin kalo insiam reng mai chu alo ni a, kei lah chuan ka hre duhlo lui tlat zel a, ka sim duh lawk pek lova. Khawi emaw camping naah emaw te lutin emaw chi hrang hrangin nghei kan tum ve ṭhin tak naa, a sawtlo ṭhin viau mai. Ka hmelhriat ṭhenkhatte lah chu phai lamah an thisen te an thlak tir a, an han nghei zawk a, an tileh mai zel bawk a. Mite lah chuan "kum 10 nghei tawh pawhin a rim emaw, a hmel emaw an hriat chuan tih châkna an nei leh ngei ngei," anlo ti chamchi bawk a! 'A rim hria' han tih takah chuan, injectionna syringe chhunga thisen bang kha cigarette ah hian kan phuh kai sen ngiai ṭhin a, chumi han zuk chuan a nam veng veng ṭhin rêng a ni. Tih loh hnu pawh khan reitak chhung chu cigarette khu rimah khan, ka ngaihtuahnain a rim minla hriattir fo ṭhin.<br />
<br />
Chutiang chuan kum tam tak heroin ka tihve tak hnu chuan kan inchhung bungraw ṭha reng reng bo thei chu a bo zo titih tawh a, kei lah chu cher namen lovin ka cher bawk a; ka rilru pawh manganna namen lovin a mangang tawh a ni. Ka nu leh pa te ṭawngtaina-te chu holam leh mumang ang maiin ka hriatsak ṭhin a, sim tumna tak tak erawh ka nei thei lawk lo. Vengchhung mite lah chuan min enliam mai mai tawh a, ka inning viau ṭhin. Ka nghawngah hian hruaihrual ka valh lut zeuh chang a awm a, hmalam hmachhawn ngam lova thih erawh ka duh miahlo thung. Silai kawhmawr lah ka kachhungah hian ka van chuktuah ngun tak em, mi dawipzep tak anga thih erawh ka duh leh lawi ṭhin silo.<br />
<br />
Kan in a awm tlangval pakhat, Dingtea hnenah chuan, "U Dingte, zanin aṭang hian no. 4 hi ka nghei dawn. Ka nat viau chuan khawngaihin min hmet mai dawn nia aw," tizawngin ka ngen a. Ani chu tlawmngai takin ka kiangah a tlaivar ta ṭhak reng a, min hmet zankhua a ni ber awm e. Khami ṭum a ka ruh chuktuah reng reng natzia mai kha aw! Inkhel ngailo darkar tam tak inkhel a rawl hluah hluah ang hi a lêt engemawzat a taksa kham ani maithei. Theih nise, ruh chuktuah hi chemin zuk hawlh ila kher nawk nawk mai a chakawm berin ka hria. A chang leh lum ka ti em em a, a chang leh vawt kati em em leh si. Ka ṭhianpa pakhat chuan ka pindan tukverh aṭangin min rawn rawlruk a tum, ka duh tawh lo, no. 4 kha tih tawh loh ka tum a ni.<br />
<br />
A tuk zanlamah chuan ka nazual nasa mai si a, u Dingtea mangang chuan kapa ava hrilh ta a. Ani chuan civil hospital lamah Jeep (ZRM 1006) chuan min phur phei ta a, motorah pawh hlan chhoh hial ngaiin ka kawm vek mai. Casualty khumah chuan min dah kawm ngal mai a, daktawr thu angin nurse chuan morphine ample 2 hmangin min chiu ta a. Min chhawk loh avangin a dang min pekbelh leh a, chutah erawh chuan ka ka lamah alo nam chhuak ta hak mai a, min chhawk ta a. Nachhawkna chak tak tak min pêkte hawnin in lam kan pan lehta a ni. Inlamah chuan nachhawkna min pekte chu vawi khat emaw ka ei chuan ka inhria, ka ei chhunzawm duh ta lova, khami nachhawkna kha ka chak zel ang tih ka hlau tlat.<br />
<br />
Tichuan, na tuar leh hnaptawlh reng reng chuan thla 3 emaw ka awm awm e. Ka taksa chu alo chak telh telh a, chiri (suffer) miah lova nichhuak ka hmuh leh ni hmasaber kha aw... ka hrethiam tawh chiahlo na'ng a khami ni nuam ka tih zia erawh kha chu kala ngaihtuah chhuak thiam deuh viai vuai a ni.<br />
<br />
'Ka nghei tawh dawn" tih emaw, mi hriat a ka tih pung pung ṭhin emaw khan nghei kalo tum ngai miahlo anih ka ring. Nghei ka'n tum tak tak kha chuan 'engemaw palh thutah' tiin ka mi rinzawng pakhat ka hrilh a, ka tilo tawp mai. Ka nu leh pate ṭawngtaina chu chhan a awmin heroin lakah chuan ka fihlim ta der mai. Kum 10 hnuah pawh ka kianga miin an tih emaw, a hmel ka hmuh pawh hian châkna chhete mah ka nei hauhlo mai, kavan vannei tak em! Tihian kum 25 vel chu Pathian zarah heroin lakah chuan ka fihlim ta zel a ni. Tum chuan kawng a awm, mahse a tih a tih ṭang ṭang peihna erawh alo ngai khawp mai.</div>
</div>
<a href="http://3.bp.blogspot.com/-JPHv3_4FWT0/T9d5sY0QDGI/AAAAAAAAAVc/QUgwofpK-JQ/s1600/Born%2BAgain.jpg" imageanchor="1" style="clear: left; float: left; margin-bottom: 1em; margin-right: 1em;"><img border="0" height="201" src="http://3.bp.blogspot.com/-JPHv3_4FWT0/T9d5sY0QDGI/AAAAAAAAAVc/QUgwofpK-JQ/s320/Born%2BAgain.jpg" width="320" /></a></div>H.Vangchhiahttp://www.blogger.com/profile/03385766216471139737noreply@blogger.com11tag:blogger.com,1999:blog-999539265705331841.post-13353845519328142032012-05-23T10:23:00.000-07:002012-05-24T17:13:06.965-07:00Aizawl - Washington kir leh lam (avan buai theih vele!)
India lam kan haw chu zinkual reng rengin hun kan hmang ral a. Chhungte leh thianthate pawh tlawhkim hman lek lovin kan khawsa ani ta ber a! "Kan haw chhan ber ka pizawn ani miau mai si a," tiin ka inthiam lui hram hram zel a. Kar 4 chawlh neiin kar 3 dawn motor a chuangin hun kan hmang ani deuh ber a! </div>
<div style="text-align: justify;">
<br /></div>
<div style="text-align: justify;">
North America lam kir leh a hnai tawh hle mai. Kanu chuan kan unau kimin chawei-khawm a rawt ta a. Chu erawh chu kan ti hman hram. Naupan lai atanga thiante nen kanlo tum lawk, chaweikhawm erawh kan puitlin thei ta nganglo a ni. Chutia May ni 10, 2012 zanriah unau a kanu kan kilpui mek lai chuan kapa-in min rawn phone ta rang rang mai a. Ani chuan tunlai khua a chhiat avangin Aizawl atanga Kolkata lam thlawhna a a thlawh that loh hle thu a rawn sawi duh chu alo ni a. Tichuan a thurawn angin Silchar atanga Kolkata thlawk turin chawplehchilh takin ticket kan la ta chung chung a, anlo tito em em mai lehnghal a kan nu leh ka fanu ta tur chu Jet Airways ah chuan Rs.30,000 chuang kan seng ta lawih mai.</div><div class="separator" style="clear: both; text-align: center;">
<a href="http://4.bp.blogspot.com/-5XzC-U3E0TA/T70e1dMj5BI/AAAAAAAAAT4/W5L0YBADtts/s1600/haw%2Bzan3.jpg" imageanchor="1" style="clear:left; float:left;margin-right:1em; margin-bottom:1em"><img border="0" height="214" width="320" src="http://4.bp.blogspot.com/-5XzC-U3E0TA/T70e1dMj5BI/AAAAAAAAAT4/W5L0YBADtts/s320/haw%2Bzan3.jpg" /></a></div>
<div style="text-align: justify;">
<br /></div>
<div style="text-align: justify;">
Bungrua kan nei ve nual si nen ka farnute motorah kan leng dawn leh talo, thianpa Pu Sama Khiangte ka kova, ani chu lo phei vatin ro min relpui ta a. Ani chuan a motor leh a khalhtu min pe tawp mai a a chunga kan lawm zia kha. Zanah la la chuan Silchar lam panin kan chhuak ta a, kan cousin Ronny Singson petrol pump a thawkte kaithovin car tui kan thunkhat a, kan chhuak ta zel a.</div><div class="separator" style="clear: both; text-align: center;">
<a href="http://1.bp.blogspot.com/-Mlyej3j6JqE/T70iOti7jtI/AAAAAAAAAUc/cWLgtrjV29E/s1600/sama.jpg" imageanchor="1" style="clear:left; float:left;margin-right:1em; margin-bottom:1em"><img border="0" height="320" width="292" src="http://1.bp.blogspot.com/-Mlyej3j6JqE/T70iOti7jtI/AAAAAAAAAUc/cWLgtrjV29E/s320/sama.jpg" /></a></div>
<div style="text-align: justify;">
<br /></div>
<div style="text-align: justify;">
Silchar kawng chu kum reilote liam lekah alo chhe hle tawh mai. Tlan that ngaihna a awmlo a ni ber e, hmun thenkhatah chuan bawngtawlailir leh car tlan chak zawng a inthlau vaklo tawpin ka ring! Silchar chu khawvar hnuah kan lut a, ala hma bawk a tiin Mizoram House-ah L.O. kan tlawh zawk a. Ani chuan min duhsakin breakfast tui tak min buatsaih sak nghe nghe a, a lawmawm viau a ni. Silchar airport kan thlen dawn chuan eng milian emaw hi police escortna hnuaiah minti muang hrepin an kal ta pek a. Tichuan leh, airport kan thlen meuh chuan kan hlauh ang ngei ngein kan thlawhna kan chuangve hman talo. Minute reilote mah nise, kawngkhar an khar hman ta tlat. Kolkata kal tur ticket dang lei turin ATM kan zawng, airport chhung ami alo chhia, pawnah chak tawkin ka vei kual leh ta. Chawplehchilh a thlawk tur kan nih vangin a to leh kher tho mai. Air India chuan cheng 20,000 chuang min chawitir leh ta, thinlung ati changel hmun duh hle mai.</div><div class="separator" style="clear: both; text-align: center;">
<a href="http://3.bp.blogspot.com/-hkU1IdSQGxM/T70g9sM9veI/AAAAAAAAAUQ/XK5eP8FvXUw/s1600/Kawnpui%2Bdai.jpg" imageanchor="1" style="clear:left; float:left;margin-right:1em; margin-bottom:1em"><img border="0" height="213" width="320" src="http://3.bp.blogspot.com/-hkU1IdSQGxM/T70g9sM9veI/AAAAAAAAAUQ/XK5eP8FvXUw/s320/Kawnpui%2Bdai.jpg" /></a></div>
<div style="text-align: justify;">
<br /></div>
<div style="text-align: justify;">
Kolkata chu tluang takin kan thleng ve mai a, mahse thlawhna atanga chhukna tur laihlawn nghakin kan ding thup a. Reife hnuah alo thleng a, a hnuailamah bus nghakin nisa hnuaiah kan ding leh vang vang bawk a, Janis zunchhuak tawh nen a hahthlak viau a ni. Kan thlenin tur neitu Catherine Khiangte, kan monu u fanu chuan hlim hmel putak hian minlo hmuak a. Ani hlim hmel han hmuh chu a hahdam sawng sawng theih tak tak a ni. Khawlum nen engkim mai diklo vel vek mai han tawn hnuah kan nau nui sang hmuh chu a hahdam thlak viau reng a ni.</div>
<div style="text-align: justify;">
<br /></div><div dir="ltr" style="text-align: left;" trbidi="on">
<div style="text-align: justify;">
<div class="separator" style="clear: both; text-align: center;">
<a href="http://4.bp.blogspot.com/-2TTVsVJJSYo/T70dqiv2ibI/AAAAAAAAATs/hdzLR28A_Go/s1600/kol21.jpg" imageanchor="1" style="margin-left: 1em; margin-right: 1em;"><img border="0" height="240" src="http://4.bp.blogspot.com/-2TTVsVJJSYo/T70dqiv2ibI/AAAAAAAAATs/hdzLR28A_Go/s320/kol21.jpg" width="320" /></a></div>
<div style="text-align: justify;">
Kolkata-ah nuber ni hnih a bazar zak zak hnu, April ni 13 zanlaiah chuan April ni 14 zinglam dar hnih bawr vel a thlawkchhuak tur, <i style="font-weight: bold;">Qatar Airways </i>ticket tihfelna lam kan pan ta a. Kolkata atang hian Qatar khawpui <i>Doha-ah</i> darkar 7 hnuah kan tum anga, chuta tang chuan darkar 12 emaw thlawh leh hnuin <i>Dulles Washington International Airport</i> kan thleng dawn a ni a (tum dan chuan). </div>
<div style="text-align: justify;">
<br /></div>
<div style="text-align: justify;">
A hun takah kan thlawk-chhuak a, Doha pawh a hun takah kan thleng niin ka hria. An airport chhung kan lut chu kal lam ang bawk khan anlo zi leh nuai nuai mai a. Mite chu an tlan hlawk hlawk a, tlanlo ate pawh chu an ding cham pet put hlawm mai a ni. Washington lam thlawk turte kalna tur kawngkhar (gate) no. chu a hma ang bawkin hmuh mai a harsa leh hle mai. Kan ipte ahlai (hand baggage) an enfiah nawn lehna te chu an in nek tulh tulh ani ber a, an thil kalphung a fumfe lo hle mai.</div>
<div style="text-align: justify;">
<br /></div><div class="separator" style="clear: both; text-align: center;">
<a href="http://3.bp.blogspot.com/-H-0Z-uFTG58/T70fjIzHgyI/AAAAAAAAAUE/Cldc2orIv_A/s1600/Janiszin22.jpg" imageanchor="1" style="clear:left; float:left;margin-right:1em; margin-bottom:1em"><img border="0" height="214" width="320" src="http://3.bp.blogspot.com/-H-0Z-uFTG58/T70fjIzHgyI/AAAAAAAAAUE/Cldc2orIv_A/s320/Janiszin22.jpg" /></a></div>
<div style="text-align: justify;">
Washington lam thlawk tur ticket an enfiahna kan va thlen chuan kan luh phalna (boarding pass) chu min en sak a, a thawktunu chuan a computer an hmeh kual hnu chuan, <i>"kapu a pawi hle mai, in thutna a hrang vek dawn a nih hi,</i>" a rawn ti roh pek a. Kei chuan ticket pawh kumtir a kan lak tawh anih bakah engkim felfai thlap a neisa kan nih thu sawi pahin kan ticket a kan thutna tur no. te chu ka kawhhmuh a. Ani chuan, <i>"in tlai lutuk a, bakah thlawhna chuang duh an tam em avangin tih ngaihna a awmlo a ni</i>," tiin min chhang leh thlarawk pek a. Thlawhnaah an lut mek si a, tih ngaihna dang awm tawh vak heklo, kal lamah lah thlawhna nang hman lovin an mahni tho hian min tumpui tawh bawk si. Huiham ka tih ngaihna hrelo chuan, "Qatar Airways ah hian kei leh ka chhungte vawikhat mah kan chuang tawh ngai lovang. US atanga kan kal lam pawh flight min miss tir tawh bawk, ka duhlo reng reng," tiin ring takin ka sawi chhuak a; mi pawh anlo hawi thap reng a... ka tum reng a ni bawk! Ticket buaipuitu chuan hun a awm tawh loh vangin thlawhna chhungah flight attendant ten min buaipui turin alo hrilh tur thu a sawi ta a, thlawhna lam kan pan ve ta a.</div>
<div style="text-align: justify;">
<br /></div>
<div style="text-align: justify;">
Thlawhna chhung kan lut chu flight attendant hnenah kan thuthmun inanglo nuai mai leh, ka fanu kum6 mi lek amah a a thu hrang tur chu ka duh loh thu ka sawi a. Ani chuan airport office lam atangin anrawn hrilh tawh thu min hrilh pah chuan, mahni a thlawkte hnenah an thutna thlengpui turin min dilsak tur thu min hrilh a; tlem chuan ka thawveng deuh! Keimahni mai kanlo nilo tawp mai, midang pawh chhungkua a zinho an thut hran tir nuai mai alo ni a, an nep kati hle mai. Thlawhna a thlawk chhuak tep tihah chuan ka chhungte pahnih chu thudun thei turin min ruahman fel sak thei ta hram a, kei erawh a hrangin fal deuh nalhin ka thut angai ta a ni.</div>
<div style="text-align: justify;">
<br /></div>
<div style="text-align: justify;">
<b>Tlipna</b>: Qatar Airways thlawhna te hi an thar hmel hlawm khawp mai, a thuthleng inkar pawh a zau tha. Bakah TV program a tha a, tin, video games a tha a, seat tinah phone hman theih a awm bawk. A hnathawkte hi hnam hrang hlir anni mai a, chumi chuan a tinuam viau mai. Mahse, zuang lo tur, direct flight atan chiah a chuan tlakin ka hria. A chhan ber chu, tum lailawkna a an tum hun leh thlawhna dang kan man leh tur thlawh chhuah hun a inhnaih hlawm lutuk a, flight miss a hlauhawm em em ringawt mai a ni. Tin, engemaw thuhlaah medical emergency lam mithiam an neilo niin alang. Kan kal lam pawhin mi pakhat phungzawl buaipui ngaihna an hre derlo mai, airlines dangah nive tho tak maw?!.</div>
<div style="text-align: justify;">
<br /></div>
<div style="text-align: justify;">
Keimah ringawt chuan ni ila a zia tak pawh a awm ang chu, mahse nu nau nen kan ni bawk si, zin kual hah nen phei chuan a chi loh lehzual ani tawp mai. </div>
<div style="text-align: justify;">
<br /></div>
<div style="text-align: justify;">
Tichuan tluang takin Dulles Washington International Airport chu kan thleng ta a. Kan nau pakhat chuan phur takin minlo hmuak a...ka inthiar te te a, kan haw ta vang vang a. A tawp ta a.</div>
</div>
<b>NOTE</b>: Thlalak te khi click len theih vek anni e.H.Vangchhiahttp://www.blogger.com/profile/03385766216471139737noreply@blogger.com17tag:blogger.com,1999:blog-999539265705331841.post-38748057786988401232012-05-09T11:24:00.000-07:002012-05-10T12:06:22.458-07:00Ka pawl zawm pakhat inhmuhkhawm leh inthlanna<div dir="ltr" style="text-align: left;" trbidi="on">
<div style="text-align: justify;">
Mihring han nihve takah chuan awmna khua leh tui tan emaw ram tan a pawl pawimawh tak tak zinga engemaw ber han zawmve tehi chakna a awm thin a. Chutiang pawl han zawmve ka chakna thin pawh rualpawl nan a tha ka tih bakah, khawtlang tan kan tangkai theih vena a awm theih vang a ni thin. Tichuan, eng eng club emaw ka zawmve ta ngei a, chuta ka pawl zawm pakhat chuan thu-relkhawm (meeting) an neih dawn bakah member thar lakluh chungchang sawikhawmna leh vote lak anih dawn avangin ka member puite chuan telve ngei turin min ngen avangin kava telve ta ngei a ni. Hemi tum a kava telve na chhan pakhat erawh chu an inrelbawl dan ka hriat belh duh vang a ni ber awm e.</div>
<div style="text-align: justify;">
<br /></div>
<div style="text-align: justify;">
Tichuan, April ni 24, 2012 alo nih chuan ka member nihna hmun, <i>Fraternal Order of Eagles, Hagerstown khua a Aerie 694 </i>ah chuan tlai dar 7 (April thlatawp atang hian dar 8 ah ni ala tlalo) meeting thleng hman turin kan awmna khua, Frederick, Maryland atang chuan Hagerstown lam panin ka inkhalh chhuak ta a. Hagerstown hi Frederick atangin mel 29 (Km 47) bawr vel ani a, minute 28 emaw tlan a ni.</div>
<div style="text-align: justify;">
<br /></div>
<div style="text-align: justify;">
Kan aerie ah hian bar, restaurant, dancing hall, karaoke tihna hmun bakah pool dawhkan 4 leh snooker dawhkan pakhat kan nei ve nghe nghe a. Memberte tan dancing hall zau tak, Vanapa hall tiat thuak tur chu $100 lek chawiin thil tihkhawm nan a hman hawh theih bawk a.</div>
<div style="text-align: justify;">
<br /></div>
<div style="text-align: justify;">
Engpawh chu nise, dar 7 a rik chuan inchung lamah conference room (!) ah chuan kan lut chho ta dial a. Kawngkhar kan luh chiah chuan ticket minlo pe a, thawhlawm $1 kan pe zel bawk a. Thawhlawm kan pek akhan ticket min lo peve zel kkha ania. Khami ticket kha meeting zawh hnua duh duh pakhat in theihna ticket anih bakah meeting zawh a lucky ticket anga thum-vawr ani bawk dawn a ni.</div>
<div style="text-align: justify;">
<br /></div>
<div style="text-align: justify;">
Member nawlpui thutna hmun ka pan phei a, ka thu ve ta a. Hall lianpui maiah chuan Order of Eagle hmuchhuaktu te leh chumi <i>aerie 694 </i>hruaitu hmasate thlalak leh milem mak pui pui a intar thlar bung mai a. Kawngka zawn bang hnunglam lai takah chuan thuthleng lianpui, a chunga mu (eagle) thla zar duai lem chuang chu a awm a. Chumi chu president thutna a ni. A ep chiahin pindan kil lehlamah <i>Vice-president</i> thutna a awm leh a. Kil lehlam lehlamah <i>Chaplain </i>leh<i> advisor </i>an thu bawk a, president hnaih takin a dinglamah secretary a, secretary piah lehah chuan tul tul a puibawmtu (!) a thu thung a ni. a pindan lai takah hian pulpit ang deuh a siam a awm bawk.</div>
<div style="text-align: justify;">
<br /></div>
<div style="text-align: justify;">
<br /></div>
<div style="text-align: justify;">
President chuan rorelna hmun tuboh an khawngri a, kan ngawi ta thap a. Eagles thuchah a sawi zawh chuan puibawmtu pakhat chuan American flag rawn keng pheiin, pindan lai taka dawhsan kiangah chuan a tungding a. Tichuan Mu (Eagle) lianpui, dar (brass)a siam chu rawn la lehin dawhsanah chuan a dah leh bawk a. Tichuan meeting a tel zawng zawngte chuan <i>Pledge of Allegiance</i><span style="font-family: sans-serif;"><span style="line-height: 19px;"><b style="font-size: small; font-style: italic;"> </b>kan nei ta a. Hemi hi America flag hnuai a rinawmna thu-tiamna a ni. Tichuan Aerie chaplain alo kal leh a dawhsan kiangah chuan dingin tawngtaina a nei a, lawmthu sawina a ni ber.</span></span></div>
<div style="text-align: justify;">
<span style="font-family: sans-serif;"><span style="line-height: 19px;"><br /></span></span></div>
<div style="text-align: justify;">
<span style="font-family: sans-serif; line-height: 19px;">Meeting naah hian topic tlangpui an siam dan chu: 1. Pawl kalphung 2. Minute hmasa chhiar.3. Minute hmasa atanga thil tih tur tih tawh sawina/ tih loh a awmin enge a chhan? 4. Tih tum thar hrang hrang saihona. 5. Hmalak dan tur hrang hrang te leh thil tul pawimawh tak tak bakah, thawhlawm tlingkhawm zat leh mi tanpui nan a semdarh anih dan tur te sawi a ni a. Tin, surveillance camera thar vuah anih tur thu leh, pawl pawisa hmang lova member ten</span><span style="font-family: arial, sans-serif;"><span style="line-height: 14px;"><b> </b>an mahni pawisa an thawhkhawm mai tur thute kan ngaithla a, a ngaihnawm kher mai. Kan pawl hian kumtinin dollar maktaduai tam tak an thawhkhawm chu mamawh zualte tan a sem darh chur chur thin a. Tin, naupang rualbanlo tan thil tihkhawm leh infiamna leh inelna te a buatsaih kumtin thin a ni.</span></span></div>
<div style="text-align: justify;">
<span style="font-family: arial, sans-serif;"><span style="line-height: 14px;"><br /></span></span></div>
<div style="text-align: justify;">
<span style="font-family: arial, sans-serif;"><span style="line-height: 14px;">Meeting kan zawh hnu chuan member thar nih tumte kan duh leh duh loh thlanna kan nei dawn ta a. President chuan kan vote thlak dantur a sawi hnu chuan puibawmtu-in bawm chhungah crystal dum leh var mum chu a dah hlawm a, chumi chu dawhsanah khan a dah ta a. A crystal dah dan hi a duh duhin enfiah hmasak thiang a ni. Tichuan, thuang khat (line siamin) a kalin, dawhsan, vote thlakna tur bawm awmna lam chu kan pan ta a. Vote thlak tur apiang chuan mahni veilam awm khawih hmasa-in president lam hawiin kan phar phei leh thin a...chibai bukna a ni. Hetia chibai buk hi thusawi duh nei emaw pawhin tih zel tur a ni a, thusawi tur nei chuan, "Worthy president" tiin president kha zah takin a chibai (address) phawt angai nghe nghe.</span></span></div>
<div style="text-align: justify;">
<br /></div>
<div style="text-align: justify;">
Vote kan thlak chu mimal member ni tura kan duhlohvah khan crystal dum kan dah zel a, kan duh ate-ah khan crystal var kan dah zel thung a. Crystal dum nge a var tam zawk kha puibawmtu khan an en a, a tam zawk a sawi hnuah Worthy president, worthy vice president leh advisor ten an en leh a, member dangte pawhin duh chuan a en theih a. An en apiang khan an hmuh dan an sawi nghal zel bawk a ni.</div>
<div style="text-align: justify;">
<br /></div>
<div style="text-align: justify;">
Inthlan zawh chuan chaplain-in tawngtaina hmangin, "Engkim siamtu chungnung ber Ropuia" ( a tih dan) chu chawimawi chungin kan inhmuhkhawm chu a khar a. Lawmman mantu tur ticket number an vawr a, ka manlo chiang leh viau a, mahse a free-in ka duh duh pakhat ka inthei tlat. Motor khalh tur ka nih vangin intalo chuan midang ka pe a, Rolling Stones hla, "<i>Waiting on A friend</i>" ngaithla hmasa berin ka inkhalh haw leh ta a.<br />
<br />
Tun atanga kar hnih naah trustee thar thlanna kan nei leh dawn a, chumi erawh chu kan meeting naa anlo duan lawk tawh angin, inthlanna buaipuitu tur ten engkim anlo peih fel vek anga, chhun dar 12 atangin tlai dar 7 thleng duh hun hunah va thlak mai tur ani tawh thung. Eitur a thlawnin a awm reng bawk ang.</div>
</div>H.Vangchhiahttp://www.blogger.com/profile/03385766216471139737noreply@blogger.com8tag:blogger.com,1999:blog-999539265705331841.post-53992527933871953922012-05-01T16:05:00.001-07:002012-05-24T03:29:24.252-07:00Nunhlui thing fe fe!<div dir="ltr" style="text-align: left;" trbidi="on">
<div style="text-align: justify;">
Tunhmate kha chuan ruihtheihthil khan minti buaive thin khawp mai a. A rim nam leh namlo chi kha ka duh vek zel mai kha ania, alo hoh theih viau mai. Chutiang vang chuan mi nuih leh mahniah pawh insitna tur atam thin viau reng a ni.</div>
<div style="text-align: justify;">
<br /></div>
<div style="text-align: justify;">
<b>1.</b>Tumkhat chu Kulikawn thlanmualah thlan kan lai a, tlak lam, Tlangnuam block (Patan) veng epah ani nghe nghe. Tichuan, kan lai thukta viau tihah chuan thlan hlui kan laichhuak ta nawlh mai a. Kuang chim tawh kan lai chhuak a, mihring ruh leh a thi awrh, 'Rosary' (Catholic tawngtaina) tuiek tawh, dar tuiek hring nghal tawh a awrh pawh chu kan hmu a. Tichuan, kei a phawk chhuak chuan a luruh leh aban ruh chu hawn ka tum ta roh pek a. Ka rilruk dan chuan a luruh kha bati chhit nan, a ban ruh kha phenglawng siam nan ka ti rilru a ni.</div>
<div style="text-align: justify;">
<br /></div>
<div style="text-align: justify;">
Val upate chuan min khap tak avangin a rukin a hapui ka phawi hram a, chumi chu ka hawn ta thova. Chuti chuan leh, zan lamah a rim namlo chi ka kai chhelh chhawlh tihah chuan ka khum bulah mi pakhat dingrun hian ka hmuta tlat mai a. Ka pindan hi kan inhnuai zawng zawng kha keimahin awm nan ka hmang a. Tichuan thil rimnamlo chi hnathawh ningei tur chuan, chu ka thil hmuh chuan, "Ka ha min pe rawh," rawnti tlat hian kala hre zui. Khum atanga zuang chhuakin kan kawmthlang lungrem ko atang chuan kawngpuiah ka tum thla a, thianpa Madawnga-te (Kulikawn YMA president ni thin) inah ka tlan ta nal nal mai a nih kha.</div>
<div style="text-align: justify;">
<br /></div>
<div style="text-align: justify;">
Ani Madawnga lah, kan thianpa tho Hmingliana motor carburator alh a hup hlum tumna lamah a kut a kang sawrbawk nasat lai, a tui hlup hlup lai alo ni kher bawk. Tichuan, hlau em emin a khumah ka zuanglut, thaw hleithei lovin ka hrilh hlawp hlawp a, ani lah chuan alo hlau ve nasa mai, kan nasalo dun teh e.</div>
<div style="text-align: justify;">
<br /></div>
<div style="text-align: justify;">
Thianpa Madawnga khumah chuan kamu ve zun mai a, a kut kang natak maiah chuan saphai thau a chulh a, rizai-kawr ang chi, puan pan takin a khuh dir diar bawk a. Ani mang tha bik vak talo chuan ka hmaiah a kut durh keh chuan min rawn chulh zauh nghe nghe. Inthlahrunna tlem awm nen chuan kaitho lovin ka inhrufai ve mai bawk a. A tuk lamah erawh hlauve tho khan fiamthu thawh nan min hmang ta chiam zui a... rim nam chi emaw, namlo chi emaw lo ruih chhilh chhelh fo kha thalo tak a ni. Hmuh loh tur tur kan hmu duh dawn riau.</div>
<div style="text-align: justify;">
<br /></div> <div class="separator" style="clear: both; text-align: center;">
<a href="http://2.bp.blogspot.com/-Qq7hLPIAuyY/T74Nc_9OvBI/AAAAAAAAAU4/NCJMc7cJLk4/s1600/vai%2Bsipai.jpg" imageanchor="1" style="clear:left; float:left;margin-right:1em; margin-bottom:1em"><img border="0" height="213" width="320" src="http://2.bp.blogspot.com/-Qq7hLPIAuyY/T74Nc_9OvBI/AAAAAAAAAU4/NCJMc7cJLk4/s320/vai%2Bsipai.jpg" /></a></div>
<div style="text-align: justify;">
<b>2. </b>Kum 1991 kumtawp lam a ni a, Mizoram sports department sponsor-in Delhi leh Himalaya tlang bulthut velah, "<i>National Annual Adventure Festival</i>" a tel tur zinga thlan kani ve a. Tichuan kan hunte chu hlim leh nuam takin kan hmang a, Rishikesh, UP atangin Delhi lam kan pan leh ta a.</div>
<div style="text-align: justify;">
<br /></div>
<div style="text-align: justify;">
Delhi atanga Mizoram lam kan pan leh hma, Delhi kan awm hnuhnunber zan chuan kan zing ami, RK-a (Champhai) chuan, "Hawh u Agra i kal ang u," a ti ta roh pek a. Keini ho chuan pawisa kan neih tlem tawh vangin kalloh kan duh a. Ani RK-a chuan kal a rawt tlat avang chuan pawisa anei anih ringin, kei, Pazawna (Kulikawn), Sangpuii (Chawnpui) leh Rk-a (s/o Vanbawiha, Champhai) te chu Agra kal tumin kan zan chhuah ta a ni.</div>
<div style="text-align: justify;">
<br /></div>
<div style="text-align: justify;">
Auto Rickshaw kan la a, kan tlan thui tawh viau tihah chuan Rickshaw driver chuan Agra a kal theih loh thu leh taxi zawng mai turin minti ta a...Auto Rickshaw tan chuan a hla viau reng mai a. Kan chhuk dawn, chuanman ape tur chu Rk-a chuan khami bak pawisa aneih loh thu a sawita mai. Keini lah pawisa kan nei bik der tawh silo, bazar nan kan neih ang ang kan hmang zo tawh si. Tichuan kirlehna tur pawh nei lovin kan hawi kan hawita mai a. Sangpuii tih loh chu kan nu phut hlawm a... a rim nam chi.</div>
<div style="text-align: justify;">
<br /></div>
<div style="text-align: justify;">
Kan piah hla fe ah chuan Delhi police gypsy pahnih an ding chu kan hmu thei a. kan zinga tu emaw ber ngaihtuah chhuah nge ka hre talo, mahse police hnenah chuan kan phei ta chhak chhak mai a ni. Han inthlahtir ngawt kha nithei heklo, kan zing ami pakhat chuan keimah chu, "<i>Vietnam ambassador fapa</i>" angin min sawi ta pek anih kha. A sawi takah chuan chutiang ang deuh a hawiher siam angai ve ta, avan hahthlak tak em. Min hrechhuak anga min hlap zek ang tih hlau chung chung chuan kan betlawn ta a.</div>
<div style="text-align: justify;">
<br /></div>
<div style="text-align: justify;">
Kan zing a pakhat kha police S.I. anih vangin han chetvel dan tur a thiam hlauh zawk a, min hrechhuaklo mai mai nitain ka hria. Ani kan police thian tan pawh han tih ngaihna dang vak awm tawh heklo, kan thian zing ami khan a sawi zo vek tawh si a! Tichuan, police inspector chuan a thutna, Gypsy hma seat min kian a, a hnungah ka thian dangte nen chuan an thu a, Vietnam embassy thleng min thlah ta a. Gate bul kan thlen thleng min thlir zui a, mahse luh tum awm taka kan kal zel vang emawni dawn... min kalsan ta a ni. Tichuan Mizoram house lam panna kawng Rk-a chuan alo hre hlauh mai a, reiloteah chuan Chanakyapuri a Mizoram House chu kan thleng ta a ni.</div>
<div style="text-align: justify;">
<br /></div>
<div style="text-align: justify;">
Vietnam Embassy nen khan Mizoram House a inhnaih tihte kha ka kalpuite khan anlo hre hman tlat. Delhi vawikhat kalna siah chuan an hawizau hman viau a ni. Englekhawle, a chet thin theih hle mai... ngaihtuah kir leh chang hian zah chem chem a awl duh hle. Miin hmai chhana an sawi chhuah chang phei chuan, zalo leh zak rilru tak a nuih vun vun a awl duh hle. Thaw-te thleng hian a ipik up up thei mai thin. :)</div>
</div>H.Vangchhiahttp://www.blogger.com/profile/03385766216471139737noreply@blogger.com25tag:blogger.com,1999:blog-999539265705331841.post-21466458832933695162012-04-17T10:24:00.014-07:002012-04-19T03:46:18.925-07:00Qatar Airways in Mizoram lam...<a href="http://2.bp.blogspot.com/-NDwP0R6EDE4/T42vFJTWaxI/AAAAAAAAATI/T7GcYW388WM/s1600/DSC02659.JPG"><img style="float:left; margin:0 10px 10px 0;cursor:pointer; cursor:hand;width: 320px; height: 240px;" src="http://2.bp.blogspot.com/-NDwP0R6EDE4/T42vFJTWaxI/AAAAAAAAATI/T7GcYW388WM/s320/DSC02659.JPG" border="0" alt="" id="BLOGGER_PHOTO_ID_5732430403643796242" /></a><br /><div style="text-align: justify;"><span style="font-size: 100%; ">March ni 15, 2012 zan dar 10:45 bawr velah chuan Qatar Airways thlawhna thar that hmel zet mai QR 52 chuan Dulles International Airport, Washington atangin an khawpui Doha lam kan pan ta a. </span></div><div style="text-align: justify;"><br /></div><div><div style="text-align: justify;"><span style="font-size: 100%; ">Kan thlawkchhuah atanga darkar 8 emaw velah chuan kan piah a thu vaipa chu a thuthmunah a sai ta hlerh hlerh mai le!... a phungzawl chu niin. Flight attendant ten thlawhna chuang list an han en a, doctor tumah an chuang silo, passengerte lah chuan an kil luih ringawt mai si. Ka tih ngaihna hrelo chuan khawihduh chuang lovin ka hriatve ang ang, zu vanga chiri te kanlo enkawl tawh thin ang ka hrilh ve ta mawp mai a ni. "A kiangah khan tumah awmhnaih tir lo ula, a hmai kha hmaizahna hmangin zap ula, a kuthum kha hmet mar sak ula, a bante kha hmehzawi sak rawh u. A tihrawl a zawi chuan alo harh mai ka ring," ka ti a...zu vang anih hmel loh avangin silipar seh tir lam erawh ka sawi tello! Attendant pakhat Tracy Lua chuan training ka nei tawh em tih min zawt a, "emergency response chu ka train zo tawh a mahse, hetah khawih theihna ka neih ka hrelo," tiin ka chhang a. Ka sawi ang chuan an sawngbawl ta thova, vanneih a siamin alo harhchhuak ve ta hlauh mai a, a nuamve duh phian mai.</span></div><div style="text-align: justify;"><br /></div><div><div style="text-align: justify;"><span style="font-size: 100%; "><br /><a href="http://3.bp.blogspot.com/-LrsChwdtuG8/T420wak-uAI/AAAAAAAAATg/4otbTNMhIJg/s1600/DSC02667.JPG"><img style="float:left; margin:0 10px 10px 0;cursor:pointer; cursor:hand;width: 320px; height: 240px;" src="http://3.bp.blogspot.com/-LrsChwdtuG8/T420wak-uAI/AAAAAAAAATg/4otbTNMhIJg/s320/DSC02667.JPG" border="0" alt=""id="BLOGGER_PHOTO_ID_5732436644573657090" /></a>Tichuan Qatar khawpui Doha kan thlen hun tur hi an local time tlai dar 6:20 tur a ni. Mahse, Dulles lamah khan anlo muang khawtlai deuh ningei tur a ni, Kolkata lam pan a thlawhchhuah leh hun pawh darkar khat emaw lek anih vang chuan minlo thlawh san daih tawh mai chu alo ni a. A thawkte ka'n zawh lah chuan "a thlawhsan daih tawh che u alawm," anti mai si, a manganthlak duh viau a ni.</span></div><div style="text-align: justify;"><br /></div><div style="text-align: justify;">Qatar Airways a thawkte chuan kan ticket min laksak a, an han vir vat vat a, an thu rawn ken erawhin lung a tiawi lemlo hle mai. Mumbai lam kan thlawh duhloh chuan naktuk lam a kan thlawh a ngai dawn tih min hrilh ta hau mai le. Aizawl kha ni 17 ami tur ticket kan neisa bawk si, lu ahai duh hle mai. Mumbai atanga Kolkata thlawk lehnghal tur min siamrem sak theih dawn chuan Mumbai lam kan thlawk mai ang kan ti ta a. Tichuan Kolkata a March ni 17 India zing dar 2:15 thleng tura ingai chuan Mumbai lam kan pan ta nul nul mai anih chu...huiham.</div></div></div><div style="text-align: justify;"><br /></div><div style="text-align: justify;">Mumbai chu zing dar 4 bawr velah kan thleng ve ta a, a lum uap churh mai nen lungawina tur neih lemloh nen tawng pawh a peihawm tawh meuhlo a ni ber e. Tichuan, Qatar Airways a thawk chuan minlo ko chat a, min hruai kual a, Kolkata ticket min peihfel sak vek thu min hrilh a. Kan lawm dawn viau nangin a thlawhchhuah hun khan Kolkata atanga Aizawl thlawk tur a nang hman dawn tlatlo mai. "Kolkata atanga Aizawl thlawk tur kan nih inhre si a, tinge he ticket hi min laksak..." tiin dam tak si, thutak zetin ka zawt a. Ani chuan Qatar lam atanga an rawn tihdan anih chu min hrilh a. Kei, ka ngaihdan a ni hauh talo mai le. Ticket dang min laksak ka phutta tlat mai a, kannu hah tawh pawh chuan an hotupa chu kan cart a nawr tir ta nghe nghe a.</div><div style="text-align: justify;"><br /></div><div style="text-align: justify;">Dar 5 a ri tep tihah chuan kan beidawng dawnlo, kan ngenngawl hle tih an hria ania'ng chu, an han inberawn a Kolkata dar 9:45 bawr vela thleng tur Jet Airways chu min laksak ta nge nge a. Wine umkhat min pek an tum a, kan la duh teuhlo mai, kan nu-in "huh" tiin kut zaizirin a huisawn sak a nih kha.</div><div style="text-align: justify;"><br /></div><div style="text-align: justify;">Kolkata kan thleng a, Janis zun alo chhuak leh hman, zunin lama an tlan laiin keiin kan thuamhnaw kalo lakhawm a, vaipa kainpuih tir a, rang takin Aizawl lam thlawk tur awmna lamah kan innawr lut ta a. Kan thuamhnaw an han buk a, kanlo keng hnem em em mai alo ni a. US atanga India kal hian mi pakhatin bungrua kg 30, pahnih an kengthei a, Kolkata to Aizawl ah chuan chutiang alo ni derlo mai a, a chuangbang avangin cheng sang 8 dawn kan chawi phah ta a ni.</div><div style="text-align: justify;"><br /></div><div style="text-align: justify;">Imphal ah min tumpui leh te te a, darkar chanve emaw hnu chuan Mizoram lam kan pan veta tak tak ta a. Tichuan chawhnu dar 2 dawnah chuan Mizoram tlang kheng reuro, thingkung awm silova hring ve nghel site pawh anlo lang ve ta a. Lo halna hnuhma ram kheng reuro te chuan ngaihtuahna ati kal thui hle mai. Lengpui chu dar 2:30 bawr velah chuan kan tum ve ta a, thla a muang ta sawng sawng a.</div><div style="text-align: justify;"><br /></div><div style="text-align: justify;">Bungrua kan la dawn a, chunglam kan hawi chho, Pu James Lalsiamliana, David Ralte leh Tsa te an lo nui seu mai ka han hmu chuan min chhawk hahdam chiang ngei mai. Anni hi ka thiante niin, unau ang mai a ka ente anni hlawm nghe nghe. Ka chhungte lamah ka fapa Jacob, u Tirh-a leh makpa Chhara thawhpuite anlo awm nual mai bawk a, a nuam ham ham hle mai. Airport a restaurant ah pu James-an thil tui tak tak eitur min hlui a, lawmawm tak a ni, kan puar pang mai. Tichuan zawi muangin thlalak chhoh pah zelin Aizawl kan lut chho ta a. Son of The Soil chuan a chhuahna khua a thleng leh ta a ni.</div><br /><a href="http://1.bp.blogspot.com/-s711RYx20PM/T42vqT-kvWI/AAAAAAAAATU/lOv6yFnFqM4/s1600/536129_3726131076221_1364244452_3508234_315880698_n.jpg"><img style="float:left; margin:0 10px 10px 0;cursor:pointer; cursor:hand;width: 320px; height: 214px;" src="http://1.bp.blogspot.com/-s711RYx20PM/T42vqT-kvWI/AAAAAAAAATU/lOv6yFnFqM4/s320/536129_3726131076221_1364244452_3508234_315880698_n.jpg" border="0" alt=""id="BLOGGER_PHOTO_ID_5732431042164604258" /></a>H.Vangchhiahttp://www.blogger.com/profile/03385766216471139737noreply@blogger.com13tag:blogger.com,1999:blog-999539265705331841.post-2659467313094749912012-03-10T06:21:00.010-08:002012-03-12T16:43:20.648-07:00Ka tih loh dan! (1)<div style="text-align: justify;"><span style="font-size: 100%; ">Zu hi ka nghei miah lova, kawl pawh ka kawl nual mai. Engemaw ni pawimawh emaw, chaw eikhawm nikhua angah te emaw chuan , a buatsaihtu ten an hlui (serve) anih chuan ka dawm hreh hauhvin ka ringlo. Chutiang ka nih vang erawhin, a awm remchan vang emaw, ka kiang ami ten an in vangin ka inve kher chuang hauh lovang!</span></div><div style="text-align: justify;"><br /></div><div style="text-align: justify;">Tun hmaa ka zu-in kha chu ruih hnuah pawh a awm chhung, ka la melh peih tek tek anih chuan ka dawm peih kerh kerh reng mai thin. Ka zurui lah hi ka pai tha duh der lova, ka mitah erawh a lang chiang thin viau ani awm e. Ka nokhat inpawh ka mit atangin a hriat thu ka nu khan a sawi thin reng a ni.</div><div style="text-align: justify;"><br /></div><div style="text-align: justify;">Ka blog ziak hmasa lamah ka zu hmun tal chanchin ka ziak nual tawh a. Khami chhiar kha chuan zu inthin mai nilovin a hmunah pawh chenchilh khawp a duh ka nih thin inhre turah ka ngai. Chaw ei mumal lova han in char char mai chu, inloh hlekin taksa chhungril a khur der der a, min hnawh up up mai thin bawk si. Intur neih mailoh chuan hreawm ve thei tak a ni.</div><div style="text-align: justify;"><br /></div><div style="text-align: justify;">Chhungkaw pawisa neih chhun ka hmangzo vek thin mai pawh a nilo, kan bungruate khan avan tuar thin tak em. Keilah chuan nghei reng reng tumna rilruah ka nei ngai lova, gospel camping kal emaw lah chu in leh tura inup khu vut vut ang mai ka ni thin a. Chhuah velah midang hriat lovin ka inru leh nghal vat mai thin. Chutiang vang chuan naupan lai a ka thiante chuan eizawnna tha neiin min tlansan vek reng a ni.</div><div style="text-align: justify;"><br /></div><div style="text-align: justify;">Tunah chuan kum lamin a zir vangah ka ngai lemlo nangin, nihna chen a neive tho maithei. Zu inchakna ka neita zen zenlo tlat mai, hun pawh ka neilo reng a! Ka rilru a, "Ka damchhung ka nghei lovang," ka tih meizial zuk pawh ka ngheina a rei ta a, zu in lemloh pawh a hun ve tawh ania'ng e. </div><div style="text-align: justify;"><br /></div><div style="text-align: justify;">Thian inkawmho naah emaw chuan ka-in hreh hauhlo nangin chutiang hun tur chu ka insiam duh lemlo. Nupui fanau nei kalo ni hlauh bawk nen, lengchhuak lovin chhungkua han inkawm thin chu alo nuam viau mai tih pawh Pathian zarah ka hmu chiang sawt hle. </div><div style="text-align: justify;"><br /></div><div style="text-align: justify;">Eizawnna lam hnaah phak tawk a theihtawp chhuah thinte chu entawn ka tum ve thin a. Kan chhungkua min chawmtu anih hriain an hlawh min pek chu a thlawn a lalo turin tan ka lak phah thin. Hlawh pun tura nawrna rilru siam ngailote, duhsak tlak a awmdan thiamte entawn ka tum thin bawk. Hlawh pun a hun dawnah, kan pu ten kan hnathawhdan thlirletna (review) min nei thin a. An hnen atangin thuchhia ka lakah a awmloh nan tan lak pawh a nuam kati ta viau mai. In lamah pawh nupa-in, titu bik awm lovin, tul ang ang kanti dun mai thin a, nupa pawh kan hlim zual phah viauin ka hria. </div><div style="text-align: justify;"><br /></div><div style="text-align: justify;">"Zu in-na hun emaw, ruihna hun emaw neilo tur chuan tul dap peih ila, mahni inchhung ngaina ila," tih hi ka thutlukna ani ber awm e.</div><div style="text-align: justify;"><br /></div><div><br /></div>H.Vangchhiahttp://www.blogger.com/profile/03385766216471139737noreply@blogger.com13tag:blogger.com,1999:blog-999539265705331841.post-84434443411649362562012-02-26T05:16:00.030-08:002012-02-29T18:36:16.808-08:00Kamera leh kei!<a href="http://2.bp.blogspot.com/-0hJG1xW4vbM/T0wCs9A4DJI/AAAAAAAAASo/vfdx2y-YY9M/s1600/kanu.jpg"><img style="float:left; margin:0 10px 10px 0;cursor:pointer; cursor:hand;width: 200px; height: 320px;" src="http://2.bp.blogspot.com/-0hJG1xW4vbM/T0wCs9A4DJI/AAAAAAAAASo/vfdx2y-YY9M/s320/kanu.jpg" border="0" alt=""id="BLOGGER_PHOTO_ID_5713944998542052498" /></a><br /><br />Ka naupan tet atangin kamera kianga tal tam ka ni a. Kapa hi kum 1970 chho chawhma-lam khan Aizawl a amateur photographer tlemte zing ami a nive thin. Chunglam atanga bihthlak chi, "<span style="font-weight: normal; font-style: italic; ">Yashika kamera</span>" a hmang thin a, tha viauin ka hre thin. Kapa pisa kal chhungin kanu-in thlalak lamah alo chhawk thin a, ka zuive hnak hnak thin a. Kapa pisa bang lohaw chu kan in pindan chhak dinglam, Tlangnuam kawng ân lam a '<i>darkroom</i>' ah chuan lutin '<i style="font-weight: normal; ">roll film</i>' te chu thlalalak damdawi a silin a 'develop' thin a. Dark room chhung, bulb rawng sen thim ruai kar a kapa che vel thlirte kha nuam ka ti thin hle mai. Naupang mai ka nih vangin tihpalh awm thei a tam a, ka awm tam erawh rem a ti ngailo thung.<div style="text-align: justify; font-style: normal; font-variant: normal; font-weight: normal; line-height: normal; font-family: Georgia, serif; "><span><br /><br />Kapa lak:<br /><a href="http://2.bp.blogspot.com/-FLWyxKD9Lmo/T0wCsjBFoNI/AAAAAAAAASg/wrH0cYjf68E/s1600/26809_1364388914143_1364244452_1010670_1847057_n.jpg"><img style="float:left; margin:0 10px 10px 0;cursor:pointer; cursor:hand;width: 248px; height: 320px;" src="http://2.bp.blogspot.com/-FLWyxKD9Lmo/T0wCsjBFoNI/AAAAAAAAASg/wrH0cYjf68E/s320/26809_1364388914143_1364244452_1010670_1847057_n.jpg" border="0" alt=""id="BLOGGER_PHOTO_ID_5713944991563620562" /></a><br /></span></div><div style="text-align: justify; font-variant: normal; font-weight: normal; line-height: normal; font-family: Georgia, serif; "><span><span style="font-style: normal; ">Ka len-deuh hnu chuan thlalak '</span><i>roll film</i>' a damdawi a sil dan leh siam dante chu min zirtir chhove ta zel a. Shillong atanga kalo kir leh hnu, kum 1984 ahte kha chuan Darlawn nula tlangval thlalak pawh ka siam ve nual nghe nghe.</span></div><div style="text-align: justify; font-style: normal; font-variant: normal; font-weight: normal; line-height: normal; font-family: Georgia, serif; "><span><br /></span></div><div style="text-align: justify; font-style: normal; font-variant: normal; font-weight: normal; line-height: normal; font-family: Georgia, serif; "><span>Mi hausa chhungkua atanga seilian ka nilo bawk a, mahni pualin kamera hi ka nei har khawp mai. <span style="font-style:italic;">Click III</span> mi hmannu kha ka neih hmasak ber ani awm e. Chu pawh a changa la theilo thin, tang leh tlat mai thin kha a ni a. Chu tih lovah chuan kum 2008 khan digital kamera fahrah ve tak pakhat ka nei ve ta. Pawisa chuangbang neilo tan chuan a leina man tur intuak chhung a rei duh ngei mai!</span></div><div style="text-align: justify; font-style: normal; font-variant: normal; font-weight: normal; line-height: normal; font-family: Georgia, serif; "><span><br /></span></div><div style="text-align: justify; font-style: normal; font-variant: normal; font-weight: normal; line-height: normal; font-family: Georgia, serif; "><span>Kum 2010 ah Minolta siam 10.2MP compact digital kamera ka nei leh a, chu erawh kum 2010 September thla a dil nuam tak mai, "<span style="font-style:italic;">Deep Creek Lake</span>" an tih kam a chhungkaw camp out kan neih tumin kan tibo ta hlauh mai. Kamera nei lova awm nuamlo kati ve tan tawh alo ni reng mai a, rilruah alo lang leh zauh zauh thin. Tichuan BestBuy dawrah kalin ka pocket money tur ka dahthat chuan Sony kawmpani siam, Cyber-Shot 14.1 MP, 25mm wide-angle lens hmang chu ka lei leh ta a. </span></div><div style="text-align: justify; font-style: normal; font-variant: normal; font-weight: normal; line-height: normal; font-family: Georgia, serif; "><span><br /></span></div><div style="text-align: justify; font-style: normal; font-variant: normal; font-weight: normal; line-height: normal; font-family: Georgia, serif; "><span>Mahni inhrêng taka ka khawl atang ngei mai a lei ka nih vangin $200 chuang awrh man lek mah nise ka lawm kher mai. Thla kan lakve te lah chuan thiante'n tawngkamtha-in mawi min han tihsak changte a awm ve thin a, dawnsawn a nuamin a lawmawm thin takzet.</span></div><div style="text-align: justify; font-style: normal; font-variant: normal; font-weight: normal; line-height: normal; font-family: Georgia, serif; "><span><br /><br />Sony Cyber-Shot hmang a ka thlalak (edit loh):<br /><a href="http://1.bp.blogspot.com/-uHHYTHaJC0E/T0pEpXC7U2I/AAAAAAAAASU/pdw9Yvc6QkE/s1600/155572_1703747957907_1364244452_1812888_4106430_n.jpg"><img style="float:left; margin:0 10px 10px 0;cursor:pointer; cursor:hand;width: 320px; height: 240px;" src="http://1.bp.blogspot.com/-uHHYTHaJC0E/T0pEpXC7U2I/AAAAAAAAASU/pdw9Yvc6QkE/s320/155572_1703747957907_1364244452_1812888_4106430_n.jpg" border="0" alt="" id="BLOGGER_PHOTO_ID_5713454554624512866" /></a><br /></span></div><div style="text-align: justify; font-style: normal; font-variant: normal; font-weight: normal; line-height: normal; font-family: Georgia, serif; "><span>Ka fanu Janis-i hi Mizoram lam chhunte'n an la hmuh loh vangin hawpui kan tum ve ta a. Janis-i tel a chhungkaw inhmuhkhawm hmasakber tur anih vangin thlate pawh tha ve deuh lak a tha dawn a ka hriat avangin kamera pangai ve tak, keini chhungkua-in kan neihzawh tawk awm tur ka dap tan ta a. Electronics dawrah ka kalkual nasat bakah internet hmangin ka zawng nasa ngei mai. Chumai ani nang, thlalakna lam lehkhabu, "<span style="font-style:italic;">Popular Photography magazine</span>" ka chhiar nasat phah hle mai bawk.</span></div><div style="text-align: justify; font-style: normal; font-variant: normal; font-weight: normal; line-height: normal; font-family: Georgia, serif; "><span><br /></span></div><div style="text-align: justify; font-variant: normal; font-weight: normal; line-height: normal; font-family: Georgia, serif; "><span><span style="font-style: normal; ">"Nikon (pronounced 'Knee Kon') nge Canon, nge Pentax..." tih ngaihtuahna ka hman bakah, ka chhiar a a zawhkual hrep hnu chuan duh deuh pakhat, Mizo zing a larlo ve tak, ka mitla deuhtu ka hmuta tlat mai. Chumi chu NEX-7 tih ani a, Sony company siam thar a ni. </span><i>NEX-7</i><span style="font-style: normal; "> ka hmuhna chu Popular Photography magazine niin, "</span><i>Camera of the Year 2011</i>" atana anlo thlan chu ani nghe nghe. </span></div><div style="font-weight: normal; font-style: normal; "><div style="text-align: justify;"><span><br /></span></div><div style="text-align: justify;"><span><br /></span></div><span><span><div style="text-align: justify;"><span>NEX-7:</span></div></span><a href="http://3.bp.blogspot.com/-X2AU9A2VVzI/T0pAHijsIvI/AAAAAAAAARw/qdvQjdvruDk/s1600/NEX-7.png" style="font-family: Georgia, serif; font-style: normal; font-variant: normal; font-weight: normal; line-height: normal; "><img style="text-align: justify;float: left; margin-top: 0px; margin-right: 10px; margin-bottom: 10px; margin-left: 0px; cursor: pointer; width: 320px; height: 173px; " src="http://3.bp.blogspot.com/-X2AU9A2VVzI/T0pAHijsIvI/AAAAAAAAARw/qdvQjdvruDk/s320/NEX-7.png" border="0" alt="" id="BLOGGER_PHOTO_ID_5713449575552656114" /></a></span><div style="text-align: justify;"><span><br /></span></div></div><div style="text-align: justify; font-style: normal; font-variant: normal; font-weight: normal; line-height: normal; font-family: Georgia, serif; "><span>Chu <span style="font-style:italic;">NEX-7</span> chu 24.3MP niin, te takte, DSLR leh compact inkar ami ani ber awm e. He kamera tetakte hian thil tam tak, kamera dang tih theihloh a ngah kher mai! </span></div><div style="text-align: justify; font-style: normal; font-variant: normal; font-weight: normal; line-height: normal; font-family: Georgia, serif; "><span><br /></span></div><div style="text-align: justify; font-style: normal; font-variant: normal; font-weight: normal; line-height: normal; font-family: Georgia, serif; "><span>Chutiang teh hrep a tha ani tih nei tawhte leh thlalakna bu meuhin an fakna ka hmuh hnu chuan kan nupa inrawn-in lei kan rawtve ta a. Phur takin biakhlatna (telephone) kala a, ka beta hlawm a. Duhtu (demand) an tam vangin khawi dawrah mah leitur a awmlo. February ni 13 zanah biakhlatna hmangin ka order ta a. Karkhat velah chuan an rawn thawnchhuah theih an beisei avang a 'order' ka ni.</span></div><div style="text-align: justify; font-style: normal; font-variant: normal; font-weight: normal; line-height: normal; font-family: Georgia, serif; "><span><br /></span></div><div style="text-align: justify; font-style: normal; font-variant: normal; font-weight: normal; line-height: normal; font-family: Georgia, serif; "><span>Ka order-ni atanga ni 2 naah chuan 'memory card' leh kamera bawm (case) arawn thleng mai a. Kamera erawh e-mail atanga ka chhuinaah pawh "In process" tih ani reng ta mai. Ngaih thalo tak a ka awmlai chuan e-mail ka dawng ta a. An thu minrawn thawnah chuan March ni 23-ah an rawn thawn theih dawn chauh thu an rawn sawi hi alo ni a. Keini chhungkua, March ni 15 a Mizoram hawtum tan chuan a manganthlak duh hle mai. Ka phone ta sek a, anni lam chuan e-mail ah "re-schedule-ni" rawn thawn leh-in, March ni 2 atangain order awmsa a indawtin an thawn chhuak dawn tih a ni thung. February ni 22 chuan e-mail dang dawng lehin March ni 30 ah an rawn thawn chhuah theih choh hmel thu ani leh ta dawrh maile, huiham. Tu tihdan takah emaw tunlai chu ka puja fuhlo thei khawp mai.</span></div><div style="text-align: justify; font-style: normal; font-variant: normal; font-weight: normal; line-height: normal; font-family: Georgia, serif; "><span><br /></span></div><div style="text-align: justify; font-style: normal; font-variant: normal; line-height: normal; font-family: Georgia, serif; "><span>Engpawh chu nise, ka kamera awh ve em em mai chu ka nghakchhuakzo dawn lovin ka inhre ta a. Kan nupa inrawnin NEX-7 order thaichhia-in (cancel), Sony siam tho, <span style="font-weight: normal; font-style: italic; ">A65 DSLR chu kan order</span> leh ta zawk a. Sony A65 ka thlan na chhan chu he kamera hi TIME magazine-in "Invention of the year 2010" a an thlan, an chanchinbu kawmah pawh an chuantir van Sony A55 tih changkan belh (improved version of Sony A55) anih vang a ni. "<span style="background-color: rgb(255, 255, 255); font-family: arial, sans-serif; ">when you snap a picture, the mirror that's been redirecting the image to your eye and to a focusing sensor pops up momentarily as the image is captured. Until it goes back down, the camera can't focus. <b>Sony's Alpha A55 fixes that with an ingenious translucent mirror that stays put. That means you can shoot up to 10 perfectly focused photos a second and record HD video that never goes blurry.</b>" -- Time magazine</span></span></div><span style="margin-top: 0px; margin-right: 0px; margin-bottom: 0px; margin-left: 0px; padding-top: 0px; padding-right: 0px; padding-bottom: 0px; padding-left: 0px; border-top-width: 0px; border-right-width: 0px; border-bottom-width: 0px; border-left-width: 0px; border-style: initial; border-color: initial; border-image: initial; font: inherit; vertical-align: baseline; background-color: rgb(255, 255, 255); "><div style="text-align: justify;"><br /></div><div style="text-align: justify;"><br /></div><div style="text-align: justify;"><br /></div><div style="text-align: justify;">Sony A65:</div><a href="http://4.bp.blogspot.com/-MXOjlHslijw/T0pAlAaz2rI/AAAAAAAAAR8/hByymrOku-w/s1600/A65.png"><img style="text-align: justify;float: left; margin-top: 0px; margin-right: 10px; margin-bottom: 10px; margin-left: 0px; cursor: pointer; width: 320px; height: 179px; " src="http://4.bp.blogspot.com/-MXOjlHslijw/T0pAlAaz2rI/AAAAAAAAAR8/hByymrOku-w/s320/A65.png" border="0" alt="" id="BLOGGER_PHOTO_ID_5713450081784683186" /></a><div style="text-align: justify;"><br /></div></span><div style="text-align: justify; font-style: normal; font-variant: normal; font-weight: normal; line-height: normal; font-family: Georgia, serif; "><span><br /></span></div><div style="text-align: justify; font-style: normal; font-variant: normal; font-weight: normal; line-height: normal; font-family: Georgia, serif; "><span>Hei meuh chu Pathian zar a dam chuan March ni 17,2012 ah Mizoram chhungah ka hmetri ve kharh kharh tawh mai dawn a ni. Mi angin man tober ber chi nei zolo mah ila, kan chhungkaw tlin tawk, mahni kutchhuak ngei mai a kan leive theihna hian thinlung chhungah minti lawmve thin hle</span><span style="font-size: 100%; ">.</span></div><br /><br />Kamera thar hmang a ka thlalak hmasak ber, a ngai ngaiin:<br /><a href="http://3.bp.blogspot.com/-taFtqTXqGMw/T07geAruBFI/AAAAAAAAAS4/OO4bFLMR-Bg/s1600/a65.jpg"><img style="float:left; margin:0 10px 10px 0;cursor:pointer; cursor:hand;width: 320px; height: 214px;" src="http://3.bp.blogspot.com/-taFtqTXqGMw/T07geAruBFI/AAAAAAAAAS4/OO4bFLMR-Bg/s320/a65.jpg" border="0" alt=""id="BLOGGER_PHOTO_ID_5714751783363806290" /></a>H.Vangchhiahttp://www.blogger.com/profile/03385766216471139737noreply@blogger.com20tag:blogger.com,1999:blog-999539265705331841.post-22499666823940113342012-02-12T06:11:00.000-08:002012-02-14T13:23:21.133-08:00Chheile -2 !<div style="text-align: justify;">Visa dilna ka thehluh khan, "darkar 24 leh 48 inkarah beisei tur tih kha enge a awmzia," tiin ka zawt tawh a. Ka zawhna chhan pawh chutia sawi chung khan zinglam a dilna thehlut ho chuan tlai lamah an lam leh theih <span style="line-height: 20px;">thin</span> vang a ni a. Clerk chuan, "chawhhma dar 11 hmaa thehlut tan chuan tlai dar 4:30 hnulamah an beisei theih <span><span style="line-height: 20px;">thin</span></span>. Nang chu tunah i thehlut chauh a vawiinah chuan beisei chi ani lovang," tiin min chhang a. Kei chuan, "anih chuan hei, thehluh hun tawp dawn, tlai takah ka rawn thehlut si a, naktuk atan chuan chawhma dar 11 hmaa thehlut ang ka ni dawn tihna a ni maw. A nih chuan naktuk tlai lamah ka beisei thei ang em," ka ti zui zat a. Ani chuan, beisei a pawi loh tur min hrilh mai a, a chian ngamloh thu leh e-mail/txt a min rawn hrilh zel dawn bakah ka chhui theih dan min hrilh a. Tichuan ka hawsan ta kha a nia.</div><div style="text-align: justify;"><br /></div><div style="text-align: justify;">Nilaini apiang hian ka fanu Janis shot (injection) tur a hruai a ngai thin a. Visa dilna thehluh ni kha Thawhlehni, ni 7 ani a, a tuk chu Nilaini anih tak chu. Tichuan, visa/passport lam tura kal a ngaih tak thutin tiin, ka fanu shot lakni chu Ningani atan ka sawn tir ve mai bawk a. A tuk Nilaini chuan ka fanu skul ban (chawhnu dar 3:30) chuan, nidang a shot la tura hruai nghal <span><span style="line-height: 20px;">t</span></span>hin chuan a putea tein lam ka panpui ta a ni. A putea hi a hma nia khan Janis alo awmpui lawk hman dawn em tih kan zawt hmasa tawh a. Anu hnabang lo haw in rawn lamkual mai turin kan inbia kha a ni a.</div><div style="text-align: justify;"><br /></div><div style="text-align: justify;">Midang hnenah mahni fanu va dah meuh a 'visa an peih tawh' tih thlir reng a ka nghah chu tlai dar 5 a pelh hnu, ka fanu te in an rawn thlen leh hnu pawh chuan ka dawng thei ta reng reng lo mai. Huiham, Nilainiah chuan a chhuak dawn talo anih chu, ka nghak thlawn e. Ka thehluhna thiamloh a ni lova, ka thiamloh nipawhin ka hrelo. A 'beisei theih' tih a sawi a, ka tan kar a hlat em avangin an khar hman loh nan chhuah vat ka duh vangin kalo inpuahchah ve ni maiin ka hria!</div><div style="text-align: justify;"><br /></div><div style="text-align: justify;">Ningani alo thleng leh ta. Visa an peihfel tawh tih min rawn hrilh ta bawk. Hemi ni hian allergy lam doctor hnenah ka hruailo thei tawh lova, ka hruai ta a. Chutia a shot lak hnu, darkar chanve nghak tura kan <span><span style="line-height: 20px;">thut</span></span>lai chuan ka fanu ha-nghing tan chu ana ta a. Kar hmasa lam khan dentist-in a ha nghing a phawiin pakhat zawk chu a na a tih loh chuan a phawi hrih dawnlo tih min hrilh bakah, a nat chuan ko turin min chah kha a ni a. Janis-i nu min rawn chhawk hun nghah pah chuan dentist chu ka ko ta a. Janis-i nu pawh lo thlengin inbe hman lovin, kan invai liam a, ka kalsan ta a. Motor helkual pahin dentist pisa clerk nen chuan kan inbe zel a, appointment chu ka siam fel ta a, tlai dar 4:45 bawr vel chuan Washington, DC lam chu ka pan ta a ni.</div><div style="text-align: justify;"><br /></div><div style="text-align: justify;">Washington, DC helkual pawp kawngpui<span style="font-style: italic; "> I-495</span> thlen hma zawng, <span style="font-style: italic; ">I-270</span> kawngpui (highway/Freeway) chu pangai takin ka tlan vei par par a. Tichuan le, Maryland leh Virginia state inrina, Potomac luipui chunga '<i>American Legion Memorial Bridge</i>' ka thleng dawn chiah tih chuan motor kal reng reng a awm talo, kan ding <span><span style="line-height: 20px;">thup</span></span> ta mai! Radio kan ngaithla a, accident na tak kan hmalamah alo awm chu niin. Visa/passport lam hnuah in ka haw anga ka mu-sek (nap) ang tih nak laiin, ka thil lam tur pawh chu ka lam hman ang em tihlam a ni ta.</div><div style="text-align: justify;"><br /></div><div style="text-align: justify;">Han pen chhuahna mai tur lah a awm der ilo. Peng awm hmasaber chu ka kal tumna panna kawngpeng, <i>George Washington Memorial Parkway</i> kha a ni mai a. Chumi lah chu mel hnih (Km 4 vel)emaw lekin thlenglo mah ila, kan chetsawn that duhloh em avangin ka thleng hleithei der silo. </div><div style="text-align: justify;"><br /></div><div style="text-align: justify;">Khua pawh a thim ruai tawh a, tlai dar 6 a ri thuak ta mai. Visa/passport lam chu khami ni atan chuan beisei tur a awm talo. Ka ngaihtuah ber chu, "khawilam atangin nge haw tum ila tha ang aw," tih ngaihtuah lam a ni ta. Ka penna tur lamah chuan ka peng ta thova, chuti lam atang chuan remchang hmasaah hawna tur lamah pen chhuak leh ta ila ka ti a ni.</div><div style="text-align: justify;"><br /></div><div style="text-align: justify;">"<span style="font-style: italic; ">Chhei</span>" Km 5 emaw lek kan tlan hman tihah chuan chuti lam pawh chu kan ding leh ta tlat maile. Radio vêk chuan motor accident a awm tih a rawn puang leh ta. Hun khawhral nen, zun a chhuak tan tawh bawk, kannu lah chuan chanchin min rawn zawt ta deuh deuh. Ka penchhuah tumna peng lah chu lehlam an inhnawhkhah vek avangin Washington chhung, Georgetown a lei pakhat, '<span style="font-style: italic; ">Key Bridge</span>' thlen a, veilam a kual a '<span style="font-style: italic; ">Canal Road</span>' lam atanga haw tum chu ka rilruk ta zawk a. Chumi lai (bridge) ka thlen chuan zan dar 7 a ri der tawh mai, "<i>A-si</i>". In ka thlen meuh chuan zan dar 8 ari tawh a, mut-sek (nap) chu khawilam. Chaw ka ei a, hnalam kal turin ka inbuatsaih zui ta a ni.</div><div style="text-align: justify;"><br /></div><div style="text-align: justify;">Zirtawpni chu kannu a chawlh vangin thinthiin ka muhil thei a. Tichuan hahdam takin ka thova, chaw eikham hnu chuan inlam <span><span style="line-height: 20px; ">tul</span></span> ilo ti a kannu ka puih hnu chuan Washington lam bawk kal turin ka chhuak leh ta a. Ka chhuah hun hi dar 2:30 bawr vel a ni. Ka chhuah hma chhan pawh, 'engemaw kawng lakah a awm leh pawhin ka tlai tawh lovang, money order ziah dikloh pawh an hming anih vangin pawisaah min chantir sak theih takin' tih vang ani ber awm e.</div><div style="text-align: justify;"><br /></div><div style="text-align: justify;">Dar 4 rik hma hretah tluang takin ka thleng thla a, money order a an mahni agency hming lo inziak tawh chu kan pe a, ani clerk chuan pindan-ril lam a panpui vei vut a. Nur nang nangin alo chhuak leh, "sir, keini chuan kan thleng theilo tlat mai. An mahni, money order lamah thawn mai ta che, avan pawi ve aw," a rawn ti zawi deuh sup a. '<i>Sarigama papa, hairehai</i>!' love tak ani awm e. Chutah le dar 4 alo ri a, inchhungah tumah awm an phal talo. "Nakin dar 4:30 ah kawngkhar kan hawng leh anga, chutah chuan visa/passport a lam theih ang," tiin nui sangin min chhuah tirta hlawm e. Nui sang thlir nuamlo pawl tak ani awm e. </div><div style="text-align: justify;"><br /></div><div style="text-align: justify;">Pawn lah chu a vawt vur mai si, .C phei chuan minus hial ani ang chu mawle. Awmna ngai renga awm chuan ka khawngzo mai dawnin ka hria a, dawr velah chuan ka lutkual ta a. Dawr hmasaberah chuan kan lut tawl mai a, an thil zawrh chuan min tinui chhuak huk nghe nghe. Mipat hmeichhiat hmanna lam atana hmanraw chi hrang hrang zawrhna alo nia, then tha in ka chhuahsan leh ta a. A chhak maiah chuan thuamhnaw dawr a awm a, kan lut ve rawih a. Nalh tih ve tak (lei dawnlo mah ila) ka hmuh chu kan thlek kual vel a, "<i>chheile</i>" avan to tak em! Tshirt pakhat chu $119+tax (Rs 6000 dawn) anih pek chu mawle. Rilru tete chuan "vel mai mai che u hian aw," tiin ngaisang lemlo tak chuan ka chhuahsan leh a. Dar 4:30 a rik dawn tawh avangin ka kir thla a, Afghan nula pakhat alo tawng zet zet a, ngawi rengin ka ngaithla ta a. </div><div style="text-align: justify;"><br /></div><div style="text-align: justify;">Kawngkhar an rawn hawng a, a thleng hmasate kan inhriat avangin tumah inchuhbuai lovin thlen hmasak dan indawtin kan lut a kan intlar ta a. Lak chhuah dawn a, hming ka sign lai chuan clerk chuan, "Stay safe, have fun" tiin nui ver verin min thlah ta a ni.</div><div style="text-align: justify;"><br /></div>H.Vangchhiahttp://www.blogger.com/profile/03385766216471139737noreply@blogger.com13tag:blogger.com,1999:blog-999539265705331841.post-35472853475376898542012-02-07T14:52:00.000-08:002012-02-07T22:07:21.545-08:00Chheile!<a href="http://3.bp.blogspot.com/-wXPTktIHsx8/TzG3uelemBI/AAAAAAAAARU/EbZQO-sKrZ0/s1600/2.jpg"><img style="float:left; margin:0 10px 10px 0;cursor:pointer; cursor:hand;width: 162px; height: 174px;" src="http://3.bp.blogspot.com/-wXPTktIHsx8/TzG3uelemBI/AAAAAAAAARU/EbZQO-sKrZ0/s320/2.jpg" border="0" alt=""id="BLOGGER_PHOTO_ID_5706544211967252498" /></a><br />Vawiin February ni 7, 2012 ngat zawng Lungleng ho tawngkam takin, mak tih hmel putak a "<span style="font-style:italic;">A-si</span>" tih emaw, "<span style="font-style:italic;">Chhei</span>" pui hliah hluah tham nihialin ka hre mai! Washington, DC leh kan awmna khuavel kavan leu kual nasa tak em, ka duh rêng vang erawh ani hauh silo!<div style="text-align: justify;"><br /></div><div style="text-align: justify;">Tun hma kha chuan Indian visa dil tur hian Washington DC metro area amite hi chu Indian embassy ah kalin, dilna ziakchawpin an thehlut nghal mai ṭhin kha a ni a. Khatiang ang kha ani tawhlo tih ka hriat thawi chu chiang zawka ka hriat theih nan Indian embassy website ka lutta a. Ka hriat thawi ang ngeiin, embassy lamin dilna chu buaipui tawh lovin agency "<span style="font-style:italic;">Travisa Outsourcing</span>" te chuan anlo buaipui tawh alo ni a. Visa dilna pawh chu an website <a href="https://indiavisa.travisaoutsourcing.com/homepage">https://indiavisa.travisaoutsourcing.com/homepage</a> chhungah chuan ziak felsain, khawl hmanga chhut chhuah (print) angai a. Chumi chu thehluh huntur kan siamah chuan thehluh chauh tur hi alo ni a, a kikawi sa nghal hrep mai. Indian visa hi nupui/pasal emaw fate tan emaw chuan a indilsak theih avangin, chhungkaw thil ka zuk mal beih dawn anih ber chu.</div><div style="text-align: justify;"><br /></div><div style="text-align: justify;">Tichuan le, nidang aia hmaah ka fanu mutui laitak chu ka kaitho ta a. Aha a nawh zawhin a hmai ka phihpui a, breakfast chu hmanhmawh takin, zan lama ka hrilh lawk angin, sipai takin eihun chhung bituk thlapin ka nawr hmanhmawh a. Ka rilru tak chuan ka khawngaih reuh khawp mai. Mahse, a skul kal ka thlah hnuah Washington, DC kalkawng ka kal hun tur chu, office kal, kawng tawt lai (rush hour) tak anih dawn avangin ka tlai ang tih ka hlauh vang ani bawk si. Engpawh nise, tur nawn ngai lovin fel tak leh zai rat rat chung chuan a thil eizo chu inthlak turin a pindanah a lut ta a.</div><div style="text-align: justify;"><br /></div><div style="text-align: justify;">Ka kalna tur vel hi motor dahna vang thei tak mai anih vangin ka hnathawhnaah chuan motor ka va dah a. Chuta ṭang chuan hmanhmawh takin taxi hmangin ka kal chhunzawm ta a ni. A hmun ka va thleng chu dilna ka thehluh turah chuan tihsual ka nei palh ta hlauh mai. A hmunah chuan dilna siamthar tul thila hman tur computer an hung thliah nangin, kannu hmingziak (signature) ka mamawh tlat mai si. Tichuan KM 73 a hla kan awmna lam pan chuan ka tlan haw leh nal nal angai ta anih chu, huiham.</div><div style="text-align: justify;"><br /></div><div style="text-align: justify;">In ka thleng, ka printer a nuar ta tlat mai le. Kan chenna piah a Fedex office ah ka tlanlut, sumdawn nana hman tih hriat tak mai a an internet muang fan raih mai hmang chuan Indian visa dilna chu kan buaipui leh ta a. Ka peih fel a, ka hman-man ka pek hnu chuan kan nu hnathawhna, KM 30 dawn chu a signature mamawh vangin ka pan leh ta a. Kawngka rawn hawng zauhin a rawn sign zuai a, ka tlan chhuak leh nghal a.</div><div style="text-align: justify;"><br /></div><div style="text-align: justify;">Ka rilruin, "Kal thlak leh hmain kan enchiang leh lawk teh ang, a hma pawhin enchian hnuah sual ala awm cheuh kha," tizawnga ngaihtuahna neiin kan thlir nawn leh a. Dilna phek (application form) kha a hma ami ang nilo, a thar anih avangin kalo hmuh loh,a hmasaa awmlo, thlalak hnuaiah chuan signature alo ngai leh a nih chu, huiham. Kannu hnathawhna lam bawk pan chuan ka inkhalhchhuak leh ta a. A signature dang ka mamawh thu ka hrilh tur ka phone min chhang tur, a ṭawng urin alei (tongue) alo seh ve bawk.</div><div style="text-align: justify;"><br /></div><div style="text-align: justify;">Huiham, diklo a awm tawh lovin ka hria... Washington, DC lam panin ka chhuak leh ta. Zing dar 8 bawr vel aṭanga chutia inkhalhbuai sek chu tunah chuan chawhnu dar 1:40 a ri der tawh mai. Kan chenna khua aṭanga km 40 vel ka thleng tihah chuan motor khalh pahin, "diklo a awm takin," tiin phurhte ṭhutna (passenger seat) chunga file folder chhung chu kan keu let mai mai pek a. "<span style="font-style:italic;">CHHEI</span>" a ni tawp... huiham, ka fanu visa fee tur 'money order' ka ken kha a nilo zawk $30 zawk a ni tih ka hmu leh ta a nih pek chu. Hetah zet zawng ka rilru chuan naktuk lamah chunzawm tawh mai chi nitein ka hre rumrum hman a. Mahse, vawiina ka tihfel loh chuan nithum a zawnin Washington-ah ka kal angai dawn tih ka hre bawk si. Phur surh lo vei tak chuan ka inkhalh kîr leh ta boh boh a.</div><div style="text-align: justify;"><br /></div><div style="text-align: justify;">Indian visa dilna ka thleng ta a, ka hnathawhnaah motor pawh dah tawh lovin, mi karah a inthuah em a dah angaih loh chuan dahna zawn mai ka thlang ta zawk a. An office kawngkhar chu muangchangin ka hawnglui ngat a, rilru a zalo taksi chuan nui deuh sangin clerk hnenah chuan, "<span style="font-style:italic;">Here i am... again</span>" tiin bul ka tan a. Ani chuan hnazo takin dilna chu a mal malin min enfel sak a, kan titi pah zel a, fiamthu alo duh ve phian mai a, ka thawl huai paw'n ka inhre nghe nghe awm e. </div><div style="text-align: justify;"><br /></div><div style="text-align: justify;">Diklo awm lova a hriat hnu chuan kava intlar ve ta ran a. Ka hma chiahah chuan Malaysian American awm nen chuan kan titi a, India ram <span style="font-style:italic;">nita </span> a piang ka ni tih a hriat chuan kawngsir a thil zawrh a eingam leh ngamloh tur thu min zawt a. Ka bawl chho ta a, ani lah chu fiamthu duhve deuh mai lo niin, clerk te zawng zawng chuan kan fiamthu an rawn zawm ta a, kan hlim ta phian mai. Ka hun a thleng ve ta a, clerk chuan mi biangbiak a thiam viau mai a, dawr an nuam hle mai. Ka hah hmel a ti deuh ania'ng chu min zawt ta chawt rêng a, kan hrilh chiah mai chu a nui nasa teh e. Tichuan a tuk tlai lama visa/passport ho lam turin kan inhrilh hnu chuan inthlen hlan nghalhlel takin ka chhuak ta a.</div><div style="text-align: justify;"><br /></div><div>"<span style="font-style:italic;">A-si</span>" chaw ka ei theihnghilh daih mai ka ti. :D</div>H.Vangchhiahttp://www.blogger.com/profile/03385766216471139737noreply@blogger.com27