Search This Blog

Sunday, August 21, 2011

Ka pu in ka hming a sa mal minsawm bawk

Ka pu Mathew Laldailova khan min duat em em thin a. Duat tih mai bakah min atchilh ani zawk hial awm e. Malsawmna nasa tak min hlan a, min awih hla te hial nei hrangin chumi hmang (sa in) min awi mu thin.

A hnuai lama link ah khuan ka pa in a chhiar chhuak lai video chhete ka dah e!

"..hmanah pi leh pu ten Thangchhuah pa dial tial lo hlan. Tunah erawh thiamthang IAS val turin thanglian ang che."

"Hmana kan pu Lalbuanga laibangah cham e. Sappui chhawn thiam a ngur an lal nan e... A ngur lal tual tual ngai e sappui chhawn thiam vangin, sumtual mawiin an lam e, pheisen rual. Kan lianin kan lal nemmaw, sakhming ar ang kan vai e. Pipu sakhming chawi zel nange Lalbuanga. Pipu sakhming au zelin tuchhuan hmingan ka chawi dawn e Lalbuanga. Chem ang dam vawng vawng ang che,khuanun hual ve na ngai e. Pi leh pu chhing turin seilian ang che. Tuchhuan lunglawm Lalbuanga, khuanu leng auzel ila. Thuam luai luai ngai... "

Ka pa kianga thu hi Pu Mangchhuana, hlaphuah thiam, "Buaina chhumpui kara leng zofa ten, puan ang hnawl ila chawlhtuiningzu.." tih phuahtu kha a ni.




NB: Lalbuanga hi ka pu pu leh hming, Mizo hindi thiam hmasa ber an tih thin kha a ni. Lusei lal hoin kum 1872 December thlaah Kulkhut a sapho an zuk dawr pawh khan an tawng letlingtu a ni nghe nghe. Lungleng lal Khamliana Sailo pa, Lalngura Sailo khawnbawl min a ni thin.

Pu Mangchhuana hla phuah, amah pawhin alo hriat tawhloh ka pa in a phawrh sak kan dah tel ang e:



Video te hi August ni 21, 2011 a Sangtea lak te an ni.
Posted by H.Vangchhia at 6:08 AM

13 comments:

  1. Rp PachuauAugust 21, 2011 at 10:37 AM

    I pu chuan a duat hle dawn tak mai che a; Pu-te hi an lo hlu thlawt a, kei zawngin ka hmu hman lo ve ve tluk a ni, pakhat ka hmu a, mahse ka hrechiang thei tawh lo ka ngaihtuah let pawn.

    Malsawmna dawn hi a hlu a sin aw-Bible-ah pawh kan hmu. Pu malsawmna dawn zar i zo a nih kha lee..IAS ni kher lo mah la.

    ReplyDelete
  2. H.VangchhiaAugust 21, 2011 at 12:04 PM

    Rp, a dik alawm. Pi leh Pu te duhsakna dawn hi alo hlu tak tak a ni. IAS tih vel khi chu, min duhsakna a lantirna a ni mai a, "IAS ni rawh se/Ni turin ka duh," a tih naah ngaih chi anih ka ringlo. Malsawmna tawngkam atana hman mai anih hmel zawk e.

    Ka pu kha May ni 14 1890 ah a piang a, a kum 102 kan lawm hma lawk, May ni 4 1992 khan accident thil avangin a thi ta a ni. Ka uiin ka ngai thin khawp mai.

    ReplyDelete
  3. AnonymousAugust 21, 2011 at 12:04 PM

    I pu malsawmna chu tunah a rah i seng mek ni-ah ka ngai. IAS lem lo mah la, a duh nazawng kal theih lohnaah nupui fanaute nen in leh lo i din tawh a, hna tha tak i nei bawk a, i hriatna leh thluak bakah hriselna tha tak i nei bawk a, he'ngte tluka malsawmna a awm chuang lo. Video ho hi ka en thei rih lo va, ka lo en tha leh dawn nia.

    ReplyDelete
  4. H.VangchhiaAugust 21, 2011 at 1:38 PM

    TS, min thlirpui thiam angreng hle mai, ka lawm e

    ReplyDelete
  5. caribouAugust 21, 2011 at 7:14 PM

    Pu i nei tha hle mai. Mi vannei tak i nih hi. I pu malsawmna che hi a ropui ka ti khawp mai.

    ReplyDelete
  6. AnonymousAugust 22, 2011 at 6:54 AM

    'VOH BIK' han tih mai awm i nih hi mawle. Malsawmna i dawn hi a thlawn hauh lovang, tun apangin a rah kan seng tan tawh chu a nih hi. IAS ni lo mah la, IAS ei ru ai chuan mizo thalaite tan hian i hlu tawh hrim hrim e.

    "Ka pu Lalbuanga" i tih khan ka pu Lalbuanga(ka pa pa) emaw ka lo ti hman tep a lawm mawle.
    -triplestar

    ReplyDelete
  7. H.VangchhiaAugust 22, 2011 at 2:59 PM

    triplestar, i ti lutuk lo maw aw, ka lai mai dawn alawm mawle. I ti lawmawm reng reng e, ka lawm e.

    ReplyDelete
  8. NoddyAugust 22, 2011 at 11:10 PM

    Ka lung a leng thar tlat. Ka pu min duat thin zia ka hrechhuak. Ka pu chuan min paw ngai lo a ni maithei. Pute malsawmna i dawn vang pawh a ni maithei a sin, lei malsawmna i dawn zozai han en hian..

    ReplyDelete
  9. AnonymousAugust 23, 2011 at 5:05 AM

    Min duattu tur Pu/Pi hmel ka hmu pha ve lo. Vannei chungchuang I ni e

    hitchhiker

    ReplyDelete
  10. marvinicAugust 23, 2011 at 5:40 AM

    In thlah tute atang daih tawh a...mi ropui inlo nih hi le...i Pu duat em em tu che malsawmna chu nang hian i dawn ta reng a nih hi tiraw...?

    ReplyDelete
  11. dolerichAugust 25, 2011 at 6:53 AM

    A va tha ve. Hla phuah lama tui pha hi chu an pangngai duh ve riauin ka hria. Pu i nei fel bik hle mai. Ka vawi thum luhnaah ka comment ta chauh a nih hi. Inhriatthiamah.

    ReplyDelete
  12. H.VangchhiaAugust 25, 2011 at 10:09 PM

    Ka blog in rawn tlawh hram hram a ka lawm tawh nak laiin, fuihna tawngkam leh duhsakna in han sawi thin hi chu a lawmawm thin mange. Thu thiam nih ve te pawh a chakawm thei rum rum mai alawm.

    Ka lawm e

    ReplyDelete
  13. AnonymousAugust 29, 2011 at 12:41 PM

    Kei poh,ka pu in 2nd april 1992 khan motor accidnt in min boral san ve sin,ka pu hmuh phak chhun ani a,la dam se ka ti thei ltk,i rilru tur om cu ka hrethiam ve in ka hria.Kei poh,ka pu in 2nd april 1992 khan motor accidnt in min boral san ve sin,ka pu hmuh phak chhun ani a,la dam se ka ti thei ltk,i rilru tur om cu ka hrethiam ve in ka hria.

    ReplyDelete

Subscribe to: Post Comments (Atom)