Search This Blog

Saturday, September 11, 2010

Early Life 20 (Champhai lam)

Pu F.Lawmkima (ex minister)fapa Mapuia (fam) nen Champhai ah keima tan kan han kal a. Khaw tinah zu kan in chho khanglang a, ka puzawn tur te in kan thleng chu, "Bro, khawnge kan mut dawn a," tiin bul chhe takin ka han tan, a hnua ka zah zia kha. A tukah Vengthlang lamah kan leng a, patling pui pui an lo tlan khawm khup khup mai a, mi insual an thelh dawn emaw kan tih lai chuan, "Helamah kan veng" tiin an in phek sual ta mai a nih kha. Mapuia lah chuan, "fair takin aw" a lo ti hram.

Champhai IB ah tum khat chu ka thianpa (u) nen kan thleng dun a, VDP mit a lo kham deuh aniang, "Vawiin tlai dar 6 ah sawi (shock) in ngai, kan sikul hmeichhe ho in ti chhe zo dawn, ti zawngin lehkha kan dawng. Thianpa in kut suih meuhin ngaihdam adil, min ngaidam.

A hnuah ka thian pakhat nen Champhai kan kal leh a, chumi tum chuan mi zuninah a daikal ru a, Kahrawt bazar thlang a ni nghe nghe. Mi pathum lo chhuk chuan Click 3 camera awmlai angaihawm thu an rawn sawi thla nak nak mai a. Kei lah chuan ka thianpa chu koin, " Click 2 kha i keng em," ka ti a an ngaithei thak lo. Khawi khua nge kan nih min zawt a kei lah chuan khawi khua pawh kan ni ang, Mizo kan ni ka ti mai pek a. Chumi hnu chuan an pathum chuan min rawn bawh bet nghal a. Ka thianpa chuan, "Kal bo rawh u, ka beng ang che u," a ti vei khanglanga, kan awmna kiang kha zu dawr niin. Mikhual mikhual tiin an rawn chhuak ta sup sup mai a, min in chanlo a ni ber e. Puzawn tur te inah mit phui mupin chaw ka ei tak kha.

Tribal Power concert ka han kalpui (tawiawm) ve a, concert zawh chuan, ka thil hman a rutu ka hmu a, kan in pawmchilh nghal, mit a bui tha duh kher mai. Hemi tum hian Champhai magistrate chuan ka pa u, J.Manliana hnen atanga engkim zir a nih avangin a inah thleng a chambang turin min sawm a. A tuk chuan Tribal Power band chuan min hawn san ta a, kei chu ka chambang ta a. Ka inbual zo, silipar ka nei silo chuan magistrate silipar chu ka bun ve mai a, a zu inna lamah ka zuk fin thla ve a. A silipar ka bun ahmuh chuan ka thlenna pa chuan, tinge a silipar ka ruk tiin min sual ta a, a driver nen chuan Vengthlang dawr kawtah kan inchai ta biang biang mai le, A va han zahthlak tak em....

Champhai hi mi taima leh tlawmngai tak khua a ni. Ka tlangnel em a, thalam leh tha lemlo pawh ka tawng hnem.

9 comments:

  1. ngaihnawm e...Zahthlak ve chem2 dawn nih khi...lol

    ReplyDelete
  2. eu eu eu insual chungchang a ni maw????? MAN bian bian ve... a next a chhuah har tawh loh hram ka beisei

    ReplyDelete
  3. Haha! Bro, khawiah nge ka mut dawna tih khi ka tan lutuk :-)

    ReplyDelete
  4. ngaihnawm thei e, kham awm loh thei si

    -littlerascal-

    ReplyDelete
  5. Engtin chuan puzawn te chhung chu impress ta ang che maw...ka hre thuai2 chak, thlen inpa nen insual phot a, driver nen, threnawmte... indawt zelin... :D

    ReplyDelete
  6. Pu HV, i rawn chhuah khat ta hle mai, chhiar zel a chakawm khawp mai. Lo ngaichang leh phawt mai ang.
    ...khrum

    KChT.

    ReplyDelete
  7. "Champhai IB ah tum khat chu ka thianpa (u) nen kan thleng dun a, VDP mit a lo kham deuh aniang, "Vawiin tlai dar 6 ah sawi (shock) in ngai, kan sikul hmeichhe ho in ti chhe zo dawn, ti zawngin lehkha kan dawng. Thianpa in kut suih meuhin ngaihdam adil, min ngaidam."

    lolzzzz...he he he

    ReplyDelete
  8. Lo che bon triap2 gei mai..sual huai tak sual chak em em chuanglo nih hmel lolzzz..

    ReplyDelete
  9. i ziak thiam nge chanchin i nei ngainawm thei hle mai,real life hi ngaihnawm ka ti ber mai,fiction vel mai2 ai chuan

    ReplyDelete