Search This Blog

Sunday, September 19, 2010

Early Life 21 (Teihawi)

Thian ngaina em em mi e tilo chuan hmun ngaia awm hi nin chang ka nei fo thin. Chung hunah chuan haklai nen mai chauh te hian ka chhuak daih a, ramhnuai ah emaw, khaw dang dang ah ke te leh lirthei ka hmuh ang ang te pawn ka zin kual vak mai thin.

Tum khat chu chutiang deuh chuan buhfai no 5 emaw ka pai ve tet a, chem leh Bomb tlem leh Lenkhang chu ka ak chhuak a, Tlawnglui lam ka pan leh ta chawt pek a. Lenkhang te zarin, leh Tumbu hmuam emaw, a khaileng emaw pawh chu la zelin chaw ah ka ring chho zel a, ka tui ta phian mai a. Mauthei satin Vaipaden ang hian rawng ka bawl ber a, mei erawh ka buk chhung a mi chu ka ti mit ngailo, nawalh bawm khat chauh ka neih avangin. Ruak te'n ka awm vel mai mai thin a, a nuam danglam phian mai. Kalo tui deuh aniang chu thla chuang fe mai chu ramhnuaiah chuan kalo tal pek a, Lungleng ho chuan ka chhungten an khuaah ka awm em tih an zawh thu min hrilh chuan ka haw ve ta hram a!

Tumkhat leh pek chu, Serchhip lama ka thian pakhatin nupui a neih dawn avangin hakthlak pakhat leh bus chuan man bak Rs.50 neiin kal turin ka in buatsaih ve a. Zarkawt ah bus ticket vel ka buaipui lai mek chuan hmelhriat hlui te ka hmu ta pek alawm mawle. An ni nen chuan Ramhlun lamah kan phei a, an inluahah chuan kar khat vel ka chambang leh ta a, Serchhip lam chu ka kal talo chiang hle mai. Chutia nula ina ka awm lai chuan an thian hmeltha deuh mai pahnih te lo leng chuan Shillong, Guwahati, Calcutta an kal tum an sawi chu, ka zui ve dawn tih ka sawi a, ka zui leh ta mai bawk a. Thla hnih vel a liam dawn tihah chuan ka nu ka phone a, ka awmna chin ka hrilh chuan a awihlo angreng khawp mai a, ka fiam emaw a ti a ni. Ka haw leh hnuah ticket vel ka hmuhin a awih ve ta hram a, a ngaihdan chuan Serchhip ah ka cham ta reng a, ka fiam emaw a ti a lo ni awm e.

Tum khat chu Darlawn atangin Zamsanga nen Ratu ke in kan kal pek alawm mawle. Kawngpui kha a kual em avangin, a ngilin kan tinzawn a, chutiang chuan kan kal tawp mai. Ruahpuiin min nan pek a, nihliap atan changel hnah ka sat a, Zamsanga chuan a seh ngatin a seh chhum :D Hmar lam khaw phakhat ah hian buaina kan tawk nasa hle a, min vih an tum a Zamsangan min nam sawn hman a, lungpui ka thutna chu an vit ri chhak mai. Khawkhat lal fapa lah chuan mi thenkhat lak atangin min thukru zak zak bawk a, mi buhzem a min thuhruk chang lah bolo. Zamsanga mu lai pawh an vit tur a lo dang hman hlauh zawk a, a ban a kak diai mai. Min cho, kan tlawm duh bik silo khan a ti pawr zual hlawm ni berin ka hria.

Tumkhat leh pawh, sawi ve reng reng ah tiin, Champhai atangin kein Aizawl ka haw ngawt pek a, Aizawl chu a hla ve ngian ngian hle mai. A hlat ai mah khan, ni sa lutuk leh biak tur awmlo khawharthlak lutuk khan kawng a ti thui zual ni mahin ka hria. Sawi tur atam ang, kan la sawi zel dawn nia.

8 comments:

  1. Heng hun hi i ngai ve thrin ngawt lo maw Henry??

    ReplyDelete
  2. "Sawi tur atam ang, kan la sawi zel dawn nia."

    nia la sawi zel teh :P ngaihnawm thin e

    ReplyDelete
  3. Darlawn 2 ratu kalngil khi, bon e, Champhai 2 Azl ke a haw pawh chu ni engzat tak thang che u maw...i tum tawh hi chu i tum bawk a nang hi chu 'kuttum ngawt pawh a chhungkaw chawmzo tur' antih ang hi i ni ngat mai..

    ReplyDelete
  4. ngaihnawm thrin e, chanchin hi i van ngah tak e aw! I vanglai ti mai ang khitiang hunlai khian i hrisel viauin ka ring

    -Littlerascal_

    ReplyDelete
  5. hehe a ngaihawm leh ling dawn anih hi :) ho deuh a awm chang te hi a awm ngai e :)

    ReplyDelete
  6. Littlerascal, kala hrisel viau tho asin hairehai lolzzz

    ReplyDelete
  7. Ramhnuai a mahni a tal khi a nuam dangdai fu ang..

    ReplyDelete
  8. he he he....buhfai no 5 i paia tlawng dungah thla 1 i cham a maw..he he tumbu i ei nasa awm....

    hrim2in i NOMAD ve khawp mai maw boss chu...he he

    ReplyDelete