Search This Blog

Saturday, October 16, 2010

US kal (chhunzawmna)

US ka thleng chu Pi Changliani ten an in nuam tak maiah min hruailut a. An ni hi Maryland state a Bowie khuaah khawsain, veng thar deuh in nuam tak tak awmna a ni nghe nghe. Inbual chu angai ve ta ngei mai si a, bathroom ka hman tur ka zawt a, kan inkhar khum ve ta rap mai a. Bathtub lian tha heng hawng takah chuan kan ding ve tau mai a, tui tih haw danah buaina ka nei ta. Tuilum leh tuivawt han herh chhuah dan/adjust dan kha ka hre der lo mai tih ka in hrechhuak ta a ni. Khami tum khan ka inbual chhung aiin, tui herh haw dan ka zawng rei zawk ngei ang.

Hnathawh hun tu vakmah inang heklo le (US hrim hrim) chawei hun pawh a inang thei lova, mahni ei duhzawng zawng kan insiam mai a engemaw zawng tak chuan a nuam phian mai, mahni thleng kan sil zel mai bawk si. A tir lam chuan an thuk te ka hmang thiam chiah si lova, ka thaw a sa tha pap pap thin hle mai. US ka thlen hnu hian min lo hmuaktu te tih lovah chuan Kulikawn mi, Biaksanga'n (Ku BS-a) min rawn tlawh hmasa ber a, a dawtah Saithangpuia Sailo a ni. Pi Changliani te hian min duatin min duhsak em em mahse, an veng lamah kei tourist visa maia kal tan chuan, thawh ve theih ang, 'odd jobs' han thawh mai tur avang hle mai. Aizawl a ka pa, pa anga rawn nei tu, US ah pawh ka unaupa (cousin) Patrick Hauhnar (fam)in a hruaithlak, Lianthuama Vangchhia te in lamah hna zawn a remchan zawk avangin ka insuan phei ta a.

Lianthuama Vangchhia te hi College Park khua, Maryland state thova awm an ni. An kawmthlang maiah chuan 'Greenbelt Plaza' a awm a, chutah chuan dawr nghah hna dilin ka vei kual ta zak zak a. Hna rem chang chang (odd jobs) dap ka nih avangin duh tui a theih lova, hmuh theih apiang hna tha a ni vek mai. Dawr pakhat kan zawh lehna ah chuan ka kalna (zinna) apianga ka hmuh, 'Lady' tak Parte-i (Pami of 7day tlang) chuan dawr a lo nghak chu ka hmu ta thut mai a, kan hlim dun hawk hawk hle mai. A ni chuan dawr nghah hna chu min dilpui ta a, a tuk atang chuan kar hnih chhung dawr nghah ka train ta char2, ka tih ngailoh a ni bawk nen fimkhur angai ngei mai. Mizoram dawr nghaktu te nghah dan kan lo hmuh ve thin nen a inang lo lutuk leh dawrtu (customer) an in ngaih pawimawh hleih zia chu ka hre rang kher mai.

15 comments:

  1. thra hle mai....in lo tough ngawt mai mi hi...

    ReplyDelete
  2. A tawp lak lawh ltk, cowboy bu chhiara a tawplam phek kim tawh lo ang velin chhiar chhunzawm a chakawm. . Chhunzawm vat teh, ngaihnawm teh a nia.

    ReplyDelete
  3. Mizoram dawr nghaktu te nghah dan kan lo hmuh ve thin nen a inang lo lutuk leh dawrtu (customer) an in ngaih pawimawh hleih zia chu ka hre rang kher mai.

    dik khawp mai...misoram lam chuan zir tur an ngha khawp mai

    ReplyDelete
  4. A ngaihnawm chho zel dawn a ang viau mai aaa. Next chapter chhiar a chakawm nghal khawp mai.

    ReplyDelete
  5. Thriannu'n wai wai a lei a, a bulah chil put in ka awm ve a, ei chawp tur tlemte te min ron sohchhuah hlek hlek a, ka ei zo rang si, a lehpek hun ka thlir leh dauh dauh thrin. Chutiang deuh chu kan ni, tawi te te i rawn chhawp chhuak a, sawi tur i la ngah tih hria chuan chil putin kan nghak zel e..hahai

    ReplyDelete
  6. Hun liam tawh te, rilru lama lo lang apiang ka ziak ve e ka tia, min lo chhiar sak thin a ka lawm e.

    ReplyDelete
  7. E khai!! Hetiang hi i lo ziak reng nia... van ngaihnawm mai mai ve. ya uvazayu tebya!

    ReplyDelete
  8. Pu HV han ti zel teh, i rawn chhuah khat mah mah. ngaihnawm dan a dang tlat.

    KChT

    ReplyDelete
  9. nie...a ngaihnawm e...ziah zawm zel teh...


    chhak-chhuak

    ReplyDelete
  10. Va bei tawi thei ang reng ve. Han tih belh teuh la.

    ReplyDelete
  11. a ngaihnawm hle mai, ka hmuh hmain inlo chhiar treuh bik a :D

    ReplyDelete
  12. Henry chu, thuziak pawh i ti mi tho mai a, a ngaihnawm ve tlat! ziak zel la, kan lo chhiar zel ange!

    ReplyDelete
  13. next a chhuak don hnai toh em le?? mi blog hi ka chhiar khat khawp mai a,(ka chhiar peih lo tluk ani..) i blog hi chu chhiar a nuam khawp mai...

    ReplyDelete