Search This Blog

Tuesday, October 12, 2010

US kal



Ka lo nih tum thin Jet Fighter pilot chu Shillong atanga Mizoram ka haw hnu chuan ka hlat ta tawlh tawlh mai a. Kum tam an liam hnu phei chuan ka nunna atan hial pawh keimah leh keimah chu hlauhawm ka ni tep zawk ta mai. Rilru siam nghetin, post hmasa lama ka sawi ang khan, antam zuar te leh thil dang danga inhlawh chawp ten ka buai ve ta zeuh zeuh a, rilru pawh a hlim sawt viau mai. Tichuan, kapa hnenah America ka kal theih nan min sponsor tu tur min zawnpui turin ka ngen ta a. Group tour ang chi leh thil dang dang pawn kalna chance chu dap peih tan chuan a tam ang mahse, pa te hnena pangchang theia ka la awm kha ka inchhir lo khawp mai.

Ka pa sikul luhpui thin, Pi Changliani pasal, Pu Eddy Poey in min sponsor na bawhzui chuan tul ang ang te ka buaipui ve a, ka pa'n a neih chhun pawisa tlem min pekte keng bawk chuan Calcutta lam ka pan ve ta a. Visa dil hlawhchham ka hmu nual a, chung te chuan a harsat zia an sawi reng mai si, ka huphurh lutuk chuan zu te chu ka in ta vak mai a, avan mawl thlak tak em. Engpawh nise, kamiz pawr fep fawp chu kekawrtlawn ah benglutin, kum 5 vela upa ka pheikhawk neih chhun chu bun bawkin ka va interview ve ta rawih mai a. Hemi tum hian Mizo dang, pastor pahnih leh tlangval pakhat an awm ve nangin, vanduai thlak takin Mizo dang chu khami ni kha chuan visa an hmu talo a ni.

Ka pawisa neih chhun te chuan ticket man ilo a daih ta mang si lova, ka pa ka han pur leh ta. Tichuan, a neih ang chhun chhun min pek te nen chuan ticket te ka lei ta a, Reagan National Airport (Washington, DC) a tum turin British Airways ah chuan ka chuang ve ta. Heathrow Airport, London ah darkar sarih zet kan han chawl mai kha chu ka van ning tak em. Darkar 20 hnuah chuan Washington, DC ka tum ta a, custom hoin min han check vel chu, pawisa ken leh thuamhnaw ka nei tlem lutuk chu min khung hrang leh ta.

Reagan National Airport ka thlen hian $4.00 chiah ka la nei a, thuamhnaw chu airbag ah pawh a te chi ka nun 2ndhand dawr a mi min lei sak ka nei a, chumi chhungah chuan towel te chi, toohbrush/toothpaste/razor (2ndhand bawm te a dah)leh underpant chiah a awm a ni. Khing te lek kenga US ka kal chu min ringhlel a, min khung hrang chu alo nia, a zahthlak angreng viau nangin min thawnhaw mawlh kha ka hlau ber mai. Tichuan, min lo hmuaktu, Lianthuama Vangchhia, John Vangchhia, Pi Changliani leh an pa Pu Eddy Poey te chuan darkar chuang aliam hnu chuan min ngaihtuahin min rawn ngaihven ta a. Min sponsor tu ber Pu Eddy in custom ho hnenah intiamkamna a siam hnu, darkar rei tak hnu chuan min chhuah tir ta hram a ni. US khawtual thleng ve tawh e tilo chuan min thawn haw leh teuh ther ther ngei mai. Tunah erawh hei, khami ni atang khan kum 10 a ni ve dawn ta der mai!

PIC:(1) Reagan National Airport, ka US thleng hlim min lo hmuaktu te nen. (2)US KA KAL DAWN NI, KA PI KA HMUH HNUHNUN BER NI BAWK A NI.

22 comments:

  1. Eiruk pawisa pai tren trawn ai chuan neih loh vanga thawn haw pawh kha lo ni palh ta la... a chhuanawm ka ti zawk... sponsor tu iva nei tha bik ve :P

    ReplyDelete
  2. Va bei sek ve le :) Hetiang tumruhna hian hlawhtlinna a thlen chawk a nia. A ngaihnawm khawp mai.

    ReplyDelete
  3. I tumruhna hrim hrim pawh hi a chhuanawm alawm le! engtik niah emaw chuan US chu kal ve ngei ka la tum ania! I sawi ngaihnawm thiam khawp mai!

    ReplyDelete
  4. Mei gou thleng tura i beih na a nasa e. Meiguo ren i lo ni reng maia ! :-)

    ReplyDelete
  5. Hemi tum hian Mizo dang, pastor pahnih leh tlangval pakhat an awm ve nangin vanduai thlak takin Mizo dang chu khami ni kha chuan an vanduai ta a ni.

    --he he he Pastor leh pro pastor luck hma ani mau

    ReplyDelete
  6. This comment has been removed by the author.

    ReplyDelete
  7. Seki, Zhongwen, Xiwang wo neng you ni di difang xianzai. ! :(

    ReplyDelete
  8. Kan chhiar dawn chauh emawtia a tawp tak daih! han ziah zawm zel teh a, US awmtirh atanga tun thleng tarlan awm chi i tih apiang.... i lo tum ropui hma bik hle mai...

    ReplyDelete
  9. A ngaihnawm hle mai. I ziak tawi lutuk a, ka duh khawp lo. A bul atangin chipchiar takin ziak tha leh la, a sei lutuk dawn anih chuan Part - I, Part - II tiin i then mai dawn nia.

    Mahnia kawng insah kuak chawpa, harsa taka bul tana, hun khirh tak tak te paltlang vek hnua hlawhtlinna chang thin te hi an ngaihsanawm ka ti thin. Chu'ng zing ami chu i ni e.

    ReplyDelete
  10. dollar li chauh han neih chuh...a nuihzatthlak lem lo ang chu aw....

    ReplyDelete
  11. custom ho chuan lo vaw hrep che se la aw.....akekekeke j/k... :))

    eiruk pawisa a hawi chapo awr ai chuan neih ang chhun chhun a mualpho trep hi a hnuah chuan min tihlim tu an ni zawk fo......as in this post!!

    kha lam life kha rawn sawi zel teh...t.v a kan hmuh phak ho ang (awmawl eitui emaw ti) kan tam sia, han sawi bol bol teh....

    -1dr8oi

    ReplyDelete
  12. Sponsor-tu i nei thra em a nih cu..underpant nen chauh p'n thleng thla la i ngaihtuah om don loh top cuu...

    ReplyDelete
  13. Kum 10 kal ta khan keini rel chuan kan thiam ve tan leih2 a, kan lo intithei ve thin kha a nia. Nangni zawng in lo heti hma em a nih hi. .
    I Tumruhna ka ngaisang, antam kha zuar ta zel la chuan i online khât deuh chu ka ring.

    ReplyDelete
  14. This comment has been removed by the author.

    ReplyDelete
  15. I fak awm e i tum ruh na, i thil tumah i hlawhtling..:).Dam that hrisel that na neih a hlu chuan 'tum chuan kawng a awm' a ni tih hi mahni leh mahni in hril nawm fo theih hi a hlu hlawh hlinna kawng 1 chu a ni bawk.
    ka lawm e.

    ReplyDelete
  16. I huaisen hle mai. Ka ngaisang che. Keipawh a trulna vangin hruaitu neilo in, la kal ngailohna ramah hmeichhia te mah ni ila, ka kal dawr dawr fo, mangan leh thlaphan zual changin ka trap hial thrin... Khawvel hi a tlan char2 tawh si a, survive ve duh chuan kawlhrawn ve kar a ngai si... Tawi te mah nise i thuziah chuan min encourage. Thanks a lot.

    ReplyDelete
  17. Kei pawh ka tips dawn dollars ka khawl ve kar kar mai,engtik ah emaw america ah kal ve theih hun a awm takah tiin,awm tak lo leh dollar a san leh hunah thleng leh thaks ang a ni mai..:)
    I fak awm e!

    ReplyDelete
  18. ngaihnawm khawp mai

    ReplyDelete
  19. Hmmm, ka duh aiin i ziak tawi, fak luai luai hlawm che mah sela ka han sel hlak teh ang che. Ngaihnawm dawn chauh a beidawng takin min siam, delete/edit la, ziak thra leh teh, hei aia sang hi i la thei, i hmanlo a nih erawh chuan thuhran.

    ReplyDelete
  20. chhunzawmna zawk kha ka chhiar hmasa a,ngaihnawm tiin a hmasa lam ka keu leh chu...adang zel han khilai zel la

    ReplyDelete
  21. Misual ah i hming hi ka hmu fo mai a. I blog hi ka vawi khat tlawhna a ni bawk a. Mizo blog ho hi chu ka tlawh hnem tawh viau a. I blog hi ka cham reina ber a ni bawk. Blog ka siam lova. FB etc. ah engmah profile ka nei lo bawk. Mizo blog ka tlawh tawh zingah chuan chhiar ala man hla ber in ka hria. Eng hna nge i thawh tak chiah tih leh engtingne i kal zel dawn tih hriat a chak awm khawp mai. Mi dang te pawhin an hlut pui viau che ka duhsak e.


    mythong.

    ReplyDelete