Search This Blog

Thursday, March 31, 2011

United States a pêm


Ticket kalo hauhsa chu ka va tichiang (confirm) ta a, hotel lam ka tihfel/man pek ilo hnu chuan airport lam ka pan ta a. Zing dar 4 velah hotel ka chhuahsan a, airport erawh mipui an lo zi mur mur tawh tho mai. Airport ah chuan British Airways inziahfelna lam chu ka pan phei a, ka thingrem neih ang ang bawr tak mai chu ka buk tira, an la lut ve ta. Ka thingrem an hawnglo hlauh chu ka lawm rilru khawp mai, tuikuk pem tur an sawi ang kha ni ringawt mai si a!

Ka thingrem chhungah chuan Mizoram thlai rep chi hrang hrang, pressure cooker (Hawkins) leh thil nepnawi atam. Hawng sela chuan kan inphawrh mualpho viau maithei a ni. India company dang siam leh ram chi hrang hrang siam awm mahse, Hawkins pressure cooker tluk hi tun thlengin kala hre miahlo mai; eisiam a in tuihleih em a ni e. Engpawh chu nise, thlawkchhuak tur chuan thlawhna chhung ka lut ve ta a, ka thut fel hnu chuan ni pawh kawl atangin alo dak chhuak sût tawh a ni.

Darkar sawmhnih vel thlen nan ka mamawh avangin rilru a phur/phurlo/phur a ni ber awm e. Thuthleng hnung, ka hma zawna TV hmai a khawvel mapin kan thlenchin min hrilh chu ka thlir deuh reng a ni ber. Muthilh ahar si, ka ning ta deuh chuan Whiskey ka lam a, bur te thum ka dil a, chumi kan tlak pawp pawp hnu chuan tui takin ka muhil ta siai siai a. Heathrow airport, London a thlawhna thlak tur kan nih avang leh chawlh chhung a rei dawn avang chuan ka peihlo kher mai. Heathrow airport ah hian darkar sarih kan chawl a, thil lah a to bawk si a ninawm ngei mai. Tui um te chi pakhat te kha US dollar 3+ ani veh mai. Kan nu kan be ve a, ka thlen hun tur pawh zing dar thum anih ka hrilh ve mai bawk a. London atanga US biak nan khan UK naia nga in minute tam tak kan inbe thei a ni. Kan thlawk leh ta a, BWI (Baltimore Washington International) airport ah chuan tlai dar thumah kan thleng ta! Hemi tum hian ni khatah (darkar 24 chhungin) ni chhuak vawi hnih ka hmu hman a ni.

Kannu kha zing dar thumah ka thleng dawn tih ka hrilh avang khan thawh hai a hlau chu zan pawh mu lovin zing dar khat pelh awrh ah truck tlan tam laiin airport alo pan chu niin. Ka thlen hun ka sawi sual tih a hria, a tlan haw leh. Mu leh hman vak tawh chuang vak heklo, meng bui chûrin tlaiah chuan kan inhmuak thleng ta a nih chu. Airport ka chhuahsan dawn chuan thir kha an ngaimawh deuh aniang chu ka thingrem an han hawng chiah mai chu custom ho an then tha mai mawle, in mansak lam a langlo kher asin.

Kannu hi a u te nen inkhata la awm annih avangin inthlahrung angreng takin M.P.Ch.K. (Makpa chhungkhung) ang deuhin kan lut ve phawt a; e khai, rawng te ka bawl suah suah mai mawle. A tuk lam chuan Social Security pisa lamah America ram thil pawimawh ber pakhat, Social Security number dilna chu kan va thehlut ve ta a. Social Security number neih loh chuan dan (law) in engmah a tih theih loh a ni ber. Social Security number hi kar hnih naah alo thleng mai a, ka tluang khawp mai. Tul dang, work permit te kan dil leh bawk a, lehkha ziahfel ngai a tam thin hle a ni, ninawm tham a ni takzet. Fiamthuin USA ah chuan paper work a tam lutuk a, kan nunna hi kan ziak ral tep a ni (Almost sign my life away) an lo tih te pawh chu a hriatthiam theih ve ta rum rum mai. Ka Green Card alo thlen hma chu work permit hmanga hna ka thawh lailawk angai dawn tihna a nih chu.

Engpawh nise, nupui emaw pasal emaw te US citizen annih chuan, an nupui/pasal te khan ni velo mahse, Green card an tih mai, permanent resident nihna an pe nghal mai thin. Mahse, hetiangah hi chuan conditional permanent resident card tih a ni a, kum khat hnuah green card tak tak chu an pe leh choh thin. Nupui/pasal te citizen annih chuan an nupui/pasal te kha green card an neih atanga kum thumah citizenship an dil ve thei bawk. Thildang vanga green card nei te erawh chuan kum nga an nghah angai thung.

Green card pawh alo thleng ve ta mai bawk a,  kannu thawh na, Aegis Missile Guidance Systems thil vel siamnaah chuan ka thawh an remti ve hlauh mai a, training neih hmasak loh chuan thawh ngaihna awm heklo le, training la tur chuan ka zawm ve ta nghal a. Hemi hi US a dan ang thlapa ka hna neih hmasak ber a ni ta nghe nghe a ni. Rei vaklo kan thawh ve naw naw hnu lawk chuan , U.S. Navy hotu, Mike Mullen te nen pawh kan team hnathawh that zarah chawhlui te kan kilho ve ta nghe nghe a, thiante fel zar ka zo ve a nih ber chu. Ani Pu Mullen chuan,  kan kutchhuakte chu US Navy indo lawngah sang chuangte an awm hlawm thute chu a sawi a, ngaihthlak a nuam ve khawp mai. Hetih lai hian Mike Mullen hi 'chief naval operations' ani awm e.

CLICK PIC FOR LARGER SIZE

26 comments:

  1. Mumbai a kan inzui vel dan te kha ziah lan ve tur a lawm le..neways a ngaihawm khawp mai :)

    ReplyDelete
  2. A hmasa i chhiarlo tih achiang hle mai.

    ReplyDelete
  3. This comment has been removed by the author.

    ReplyDelete
  4. A ngaihnawm khawp mai. In nu pawh chu a fel hmel ka ti, mahse, a thlalak tal pawh ka la hmu lovin ka hria. Paragraph 4-naah ka nui hawk hawk mai..Haha. In awmna lama mi, US khua leh tui nihna nei ngei kha nupui atan min lo zawnsak dawn nia.. :-) In awmna lam chanchin han chhiar hi chuan an sorkar ang sorkar neih hi a châkawm ka ti ngawih ngawih thîn. Lo ziak zel rawh.

    ReplyDelete
  5. An sawrkar dan hi ziakin a awm mai ni lovin an zawm tlat, hei hi awhawm tak a ni. Kan dan neih ang ang hi zawm that chuan dan siamtu te hian dan chhe/thalo vak hi an siamlo asin mawle.

    ReplyDelete
  6. TS-a ngenna khi lo tihhlawhtlin sak hram turin ka ngen chhawng a che... Thingrem chhunga thlai rep chi hrang hrang i khung khawm, rinhlelhna nena an han hawng tur leh an hawn hnua an hmel hmuh a chakawm kher mai. USA ah chuan thil tihfel neuh neuh tur a tam dawn hi le. Pem lut tur ngawt pawhin i chai rei em mai. "Ka peih leh lo mai" tih a awl ngawtin ania ka rin ni.

    I blog-a i thuziak reng reng ngaihnawm lo a awm pawh hi ka hre ta lo ve.

    ReplyDelete
  7. British Airways ah t ei thlakw thei ania, tuikuk pem turah ang rau rauvah chuan i van CHK ve Pu Meigou Ren :-)

    Hawkins pressure cooker aia hman nuam kan ram ( Zhongguo ) ah hian atam, ka la rawn thawn dawn che ami aw. Mei Guo ho khan an siam ve thiam lo aniang chu maw le :-)

    A ngaihnawm tak zet, Pu Zahawm !

    ReplyDelete
  8. seki, tuikuk pem tur = bâwr hle tihna :) Chinese siam, Korean siam, USA siam.... a awm vek alawm Hawkins kher hi ka hmu ngailo thung.

    ReplyDelete
  9. Ngaihnawm lehpek e, ka chhiar pahin ka nui thaaa mai. In nu hi a fel hmel a nih hi mawle, a thlalak te rawn pho chhuak ve la mawle kan chuhpui miah lovang che he he.

    ReplyDelete
  10. ngaihnawm khawp mai

    ReplyDelete
  11. Ngaihnawm leh ta..

    ReplyDelete
  12. Chinese siam chu a last man standing lo tlat thin.

    Ngaihnawm khawp mai. Pu HV in nu nena in intawn dan khi han ziak teh a, a hmasa lamah i ziah awm ka hre hauh lo!

    ...khrum

    ReplyDelete
  13. tum ruhin ngaihsan awm khawp mai. in chhungkaw chanchin tlem tal han tar lang tel thei la chu -ralte86

    ReplyDelete
  14. ngaihnawm thin hle mai. han ti zel teh khai. Tin, i chhuanawm ka ti :)

    ReplyDelete
  15. whiskey bottlete 3 lek ka va awilo em :)

    -zbonez

    ReplyDelete
  16. zualbon, shot bottle/mini bar size chi hi

    ReplyDelete
  17. chutakchu,....shot bottle 3 lek a telm lutuk hairehai i tan chuan

    ReplyDelete
  18. Mut a ti tui tawk chauh alawm. Ruih duh hrim2 tan chuan aia tam angai ang chu.

    ReplyDelete
  19. Hv i experience ngaihnawm tak tak hre theia kan han awm ve hi vannei ka inti riau. mi tum ruh tan thil a theih mai zel zawng anih hi. Mahse Mizoram i ngai ve thin ngawt ang chu, i awmna nuam hle mahse...

    ReplyDelete
  20. Rp, Mahni pianna ram chu ngaihloh ahar zawng anih hi, chhung leh khat lo tamna a ni bawk nen.

    ReplyDelete
  21. Hawkins Pressure Cooker-a rawngbawl a tui bik tih vawikhat ka hriat na..ha ha ha ha...I kalna man zawng zawng tumsak che se la a that dawn hi ! MCK...lolzzzz....Helamah pawh Ghaar Jamai chu an tam alawm :D

    ReplyDelete
  22. chhangte_ll, Bel hman a zir hian Chaw chhum (rice) te leh chawhmeh dang pawh a tuidan a dang thei tih ila hrelo a ni chek anga!

    ReplyDelete
  23. I ziak ngaihnawm thinkhawp mai,comment lem lovin ka la chhiar kim ve thlap a,i tum ruhna ah i ngaihsan om thin hel, ka fanu nen te kan chhiar a, a chang chuan ka nuih thlawrh2 chang a tam mai..u deserve whatever u have achieved...great inspiratation...

    ReplyDelete
  24. I blog hi blog ka tlawh deuh tak2 anih chu mawle..i thu leh hla chhiar a manhla ngei e..
    _chemtatrawta

    ReplyDelete