Search This Blog

Tuesday, April 26, 2011

Judy nu (Pahnihna)

Champhaiah chuan IB, sap ho kutchhuak nuam takah chuan kan u, Te-a (Venghlui) alo awm avang chuan a roomah ka innghat ve mai a. Palai te pawh I.B. inthar an sak, I.B. veng (chhuahlam) hnaih berah chuan an thleng ve bawk a.

A tuk zingah chuan palai te chu Cyndi te inlam panin an chhuk ta a. Ahnu chuan keimah min hmuh an duh ve avangin u Te-a nen chuan kan zuk chhuk ve ta a. Zanlam mai ni lovin, zing lamah kan lo tauh deuh hlek hman avang chuan kan rim leh mitmeng vel a inthlahrunawm duh kher mai. Zing karah min koh kan rin loh avangin kan lo fimkhur tawklo a ni ber awm e! Engpawh nise, palai te leh Cyndi chhungte zingah chuan kan zuk thu ve ta chu ania, min lo chibai ve sap sap a, kan rim pawh hre awmlo takin an awm ve mai bawk a!

Palai te leh hmeichhe lam chhungte an inbiak lai chuan a khat mawitawk hian u Te-a chuan, "Kapu, kan rui miahlo ania aw," a rawn ti deuh fo mai a, a nuamlo duh viau a ni. Anni pawh chuan, "Ni e, kan hria alawm," tiin nui sangin an chhang ve mai zel bawk a. Zing chaw te kan ei nghal a, I.B. lam pangin kan chho leh ta a.

Tul ang ang sawifel anih hnu chuan Aizawl lam kan pan ta a. Cyndi kum tling (kum 18) anih loh avang chuan Mizo dan tih danglam hret a, man inhlan an relthlu ta kha a ni a. An thurel dan chuan Cyndi (Thartei) chuan aman eitu te amah ngeiin a hlan/pe ang tih te leh chumi lai chuan keipawh ka awm ve dawn a ni. Hetianga thurel hi keimahni bak tumah ka hre leh tawh ngailo.

Aizawl atang chuan Cyndi, kei, ka thianpa Mapuia (fam) s/o F.Lawmkima (ex-minister) leh palai pahnih bakah, palai pakhat, Pu. Berha nupui telin Champhai chu kan pan leh ta a ni. A hmaa kan chawlhna in lianpuia kan chawlh leh hnu chuan Champhai kan lut leh ta a, Palai te chu Electric veng lama an chhungte inah an thleng a, keini pathum chu Cyndi te in kan pan ta a ni.

Kalkawngah khan khawtin deuhthaw a zu inchho kan nih avang khan kan lo tha deuh hlek ni tur a ni, Champhai kan luh chuan Mapuia chu motor hnungah chuan a lo muhil der tawh mai a. Cyndi nen kan zawn lut a, thuthleng seiah chuan kan muttir a. Cyndi pa kan lam lokal hnenah chuan, a ruilo zawk chuan, "Bro, khawnge kan mut dawn a," kan tih pek anih kha. Engmah sawilo chuan room min kawhhmuh a, a chhuak leh nghal daih, ka zak teh asin. Ngaihtuah mang lova tawng liam puat lo tura inzir alo ngaih zia hi!

Mapuia chu hunawl kan neih laiin Champhai ka fan pui e ka tia, hmuh tur atam ngei mai. Pakhat chu, I.B. veng atanga Vengthlang lam pana kan kal mek lai chuan patling pui pui, (a then te chu upa tawh tak annih hmel) an lo tlan thla tuk tuk mai a. Vengthlang leh I.B. lam inrina, Zomi Run kiang chiah, dinglama kawng peng ah chuan an tlan thla sup sup chu a kiang in atangin kan thlir zui ta a. A hnuai kawngpuiah chuan an lo inphek sual chu niin. A thenin, "Helamah kan veng," ti ten an au bawk a, veng leh veng insual annih hmel e. Mapuia chuan, "Fair in ti ta che u," alo ti ve lawm lawm bawk a, kan chhangchhe tlang hle a ni.

Man eitu tur an lo kal khawm ta tak tak mai a, keini pahnih pawh innei tawh ang ziain midang hmachhawnin min thutdun tir a. Cyndi chuan ama man eitu te chu sem zelin, chawhlui te kan kil ho ta a ni. Palai te an tlawmngaihna an fakawm hle mai, an sumdawnna kalsanin, an hnathawh atangin chawlh hman phah thakin min tulpui ani ber a, ka lawm takzet a ni. Palai te an haw hmasa a, keini pawh chu kan haw zui ve deuh mai bawk a.

Haw kawngah chuan mut khamlo ve ve kan ni bawk a, kan inkhalh chhawk thla deuh sek a. Seling luh dawn tepah Mapuian min chhawk deuh chiah tih chuan truck pakhat, kawngkawi a dinglam pang awna rawn tlan chuan keini chuana kan taxi ZRT 271 chu kawngchhak luikawr lut tepin min hnawl phei ta rawp rawp a. Vanneih siamin tumah kan nalo hlauh. Mapuia nen chuan motor atangin kan chhuak a, truck driver zurui deuh lah chu a pawr dawn viau lehnghal a, a mawilo viau a ni. An chawi tur ani tih kan sawifel hnu chuan a hood (bonnet cover) kang huau kara kawng lang en chuan Aizawl kan lut ta a ni.

Nupa niin hun kan hmang chho tan ta a...

13 comments:

  1. Bro.Ngaihnawm leh pek khawp mai. Tawi thei lam hret chu a ni e.

    I puzawnte hi an fakawm hle mai, an dawhthei pawh ti ila kan tisual lovang chu! Han ti zel rawh khai.

    ReplyDelete
  2. "Bro, khawnge kan mut dawn a,"

    Hei hi a pa ka ti khawp mai. Min tinui nasa khawp mai. Nupui hmu chuan thil tha hmu a ni. Thil tha hmu tur chuan "hmuh huaina" a ngai hmasa zel hian min tihlim kher mai. Hetih hunlai hi chuan i la cowboy hmel tek tek khawp mai.

    Thianpa, i thuziak hi a chiang thei bawk a, a ngaihnawm thei bawk a, chhiar a khamawm loh thei khawp mai. Zu rim nam huam huama i puzawn te nena in han inchibai te, i puzawn te'n hrelo ang hmiaha an haider thiam te khi an fakawm khawp mai. A ngaihnawm e. A chhunzawmna tur i ziak leh thuai chu a ngai dawn anih hi.

    ReplyDelete
  3. u Hen, ngoi rengin hei ka lo tloh ve ziah toh che a..hmana link min pek atrang khan..a ngaihnawm ka ti thei ltk...tun a mi hi chu ka luh ngun phah ania..han ziak leh vat vat plzz plzz..

    ReplyDelete
  4. I Pu zawn chu ni ila...ka khawng ang che mawle...lolz....a ngam meuhlo che niang a....ngaihnawm e...nexttttt

    ReplyDelete
  5. m_bawitlung, zahngai zahngai hairehai

    ReplyDelete
  6. Pu Rp, asawi angin , Cydi chhungte hi an fel hmel hle mai! Ka fanu kum tling lo hi miin ru ta ngawt se; zaidawh takin- arutu; rui deuh lehnghal chu chhawnchhaih har ka ti ngawt ang.

    A ngaihnawm thin e.

    ReplyDelete
  7. An fel khawp mai, fel tak anni. An fel bakah an fanu future ngaihtuah tel angai ve bawk alawm.

    ReplyDelete
  8. "Kapu, kan rui miahlo ania aw," a rawn ti deuh fo mai a,

    "Bro, khawnge kan mut dawn a,"

    LOlz... chhe lo thei ee....han ziak zel teh khai :D

    ReplyDelete
  9. insual chuan fair takin tih zel tur

    ReplyDelete
  10. Nupa bul tran dan ah chuan a bon hle mai.. :)

    ReplyDelete
  11. Pa thei fia fia..haha...ngaihnawm khawp mai.

    ReplyDelete
  12. Puzawnte "Bro" han tih lai tak khi a hit tawp :-) I puzawnte chhung hi mitha tak an nih dawn khi.

    Zuruiin,"Ka rui deuh tlat mai" an tih hi chuan an la rui lo hle tihna a nia "Ka rui miah lo a nia aw" an tih chhen hi chuan an kai fu tihna he he

    Ngaihnawm thei hle mai (pathumna) kan lo nghak leh e

    ReplyDelete