Search This Blog

Wednesday, December 14, 2011

Pawl pahnih, ka tuina!

Kohhran emaw sakhuana ang te chu pawl ka sawi tumah ka telh dawn lova, tun atan chuan ziak tel turah ka ruat bawk heklo. Ka sawi tum, "Pawl" erawh chu mi hrang hrang ten thiltum nei a an pawl din (fraternal club) emaw, mi awmkhawm emaw zekhat neihna hnuaia inthurual (fraternal society) lam ani dawn a ni.

Hetiang society/club ka tuina thenkhat zinga pahnih kan sawi ang e.

Free Mason:

Anni hi khawvel club emaw, society ang emaw indin tawh zawng zawngah thuthup thei ber leh mifng leh chhuimi ten an pawl chhui nasat pawl ber ani hial maithei. Kum zabi 16 na bawr vel atanga din tawh niin sulhnu leh thuruk an ngah zia hi hahip a sawi tham a awm. Kum 2004 a movie lar ve tak, "National Treasure" pawh kha hemi pawl te chanchin hrûl a ziak anih kha. Biakin nichiahlo, "Lodge" hrang hrang nambar hrang nei thlapin a awm a. Khawvelah hian tunah membâr maktaduai 6 chuang an awm mek a ni.

Free Mason nih tum chu a har lova, zawm thei nih erawh thil awlailo tak a ni thung. Dilna chu manchawi tur zat (fees) nen an pawl mi leh sa sawipuitu hnenah thehluh tur a ni a. Chumi thehlut tur ngawt pawh chuan kan nunhlui leh mizia (background check) uluk takin an nei dawn tih hriatsa a pawimawh hle a. Tin, Pathian awm a ring tur a ni bawk. Dilna thehluh hnu chuan lehkhabu chhiar tur ie:Lal Solomona chanchin adt. hrilh anni thin. Chutih chhung chuan mi pali emaw a diltute inah leng lutin an chhungkaw zia an thlithlai a, engkim chik takin an en thin. Tichuan membâr nihna diltu chu a inlengte chuan vote an la a, an vai a an 'aw' theih a an thilchhui dang a that bawk chuan an pawl zawmna tur lamah harsa a awm tawh lemlo a ni.

Kei min thehluh saktu hi Prudence Lodge No.... P.H.A. a Senior Deacon Emeratus a ni a, hawihhawm tak leh duhsak takin min pui a ni. An pawl-in a zirtir leh an duh bawk, an mizia nibawk chu, hawihhawmna an nei tha em em a, midang, an pawl nilo te nen chuan a tlangpui thuah titi pui pawh an nuam em em mai. Nungchang thalo tan zawm theih a nilova, mi rinawmlo tan zawm theih a ni bawk heklo.

He pawl hi "Secret Society" ti a hriat lar tak niin, an inzirtirna leh an thil tum hi pawnlam miin tun thleng hian an la hre thei lova, an inrinsiak vel mai mai a ni. Thenkhat inti hredeuhte chuan, "Khawvel hi he pawl hian an thuhnuaiah dahin 'New World Order' siam an tum a ni," ti te pawh an awm bawk. Khawvel mi ropui ber berte he pawlah hian membâr anlo ni thin tawh a, an la ni chho zel bawk a. Chumite zingah chuan American President hlui 14 chuang, George Washington tiamin an awm nghe nghe a ni. An pawl membârte hi an in duhsak mai bakah an inpui hrehlo reng reng a, thil tihtum mi naran tan a harsa tak niturte hi, puihna an ngen chuan, "Engmah an tan harsatna a awm ngailo," an ti hial thin. Dan leh hrai an nei mumal hle a, an zawm-in a kengkawh tha hle bawk. Inchibai dan adt. a hrang ngatin neih a ni nghe nghe.



An pawl hi chi hnih a awm a, chumi chu "tunlai leh Hmanlai Mason zirtirna zawmtute an ni a, F.& A.M. (Free and Accepted Masons)leh A.F.&A.M. (Antient Free and Accepted Masons /a hlui zawk) te anni a. An kalphung erawh a danglam hranlo a ni. Washington D.C. designtu French pa, Pierre Charles L'Enfant pawh kha Free Mason niin George Washington khan a thawhtir a ni a. A sulhnuah an pawl chhinchhiahna chi hrang hrang Washington kawtthler leh in-sakahte thleng ala hmuh theih nasa em em a ni. Chutiang te chu chhuitu thenkhatte chuan "Satanic" chhinchhiahna tam lutuk angin an sawi thin. Hriat chak an tam si, an zeldin thu bak thutak an hre silo hian he pawl hi a tihlu zual a, an ropuina a chawisang zual hle niin ka hre bawk!


Fraternal Order of Eagles:


He pawl hian membâr maktaduai khat chuang a nei a, United States ah leh Canada-ah te chuan, "People Helping People" tih a hriat anni ber awm e. Anni pawl hian kumtin dollar maktaduai chuang an tuak thin a, chumi chu mi harsa zualte tanpuinan pek chhuah ani thin.

Kum 1898 khan Seattle, Washington state ah lemchanna in neitu mi paruk te tangrualin, harsa zualte tanpui theihna tur anih hriaa an din a ni a. An tum a hlawhtlin tak em avang chuan, "Fraternal Order of Eagles" alo piangchhuak ta a ni.

An din chhan chu: Liberty - Truth, Justice - Equality for home - for country and for God a ni a.
A tum ber chu: The Fraternal Order of Eagles, An international, non-profit Organization, unites fraternally in the spirit of liberty truth, justice and equality, to make human life more desirable by lessening its ills, and by promoting p[eace, prosperity, gladness and hope, tih a ni.

United States leh Canada khawpui deuha chuan awmhmun "Aerie" a awm deuh zel a,keipawh chu Aerie 694 ah chuan lakluh ka ni ve a. Chungteah chuan bar, karaoke te leh live band leh chaw adt. membâr tan tlawm tak takin a awm a. Membâr te chuan mikhual (guest) an nei thiang a, an hming an ziahluh thlapangai thung. Phalna lova luh mai mai thianglo anih vangin membâr tin ten chabi (Magnetic key) an nei theuh a, chumi chabi chuan khawi khua ami pawh a mil bawk. Ni serh bikah te membâr te chhungkaw tan intihhlimna chi hrang hrang neih a ni thin a, naupang tan pawh intihhlimna tha tak an nei thin a, picnic na hmun thlengin he pawl hian "private" in an nei thin.

Eagles tana hun pawimawh thenkhat
:

Mothers Day:
Kum 1904 a, Eagles Memorial Service neih laiin,Frank E. Hering a thusawi chu Mothers Day tan a "First Public Plea" tia hriat a ni a. Eagles atangin Mothers Day hman tan tumna a piang anih chu.

Social Security:
President Franklin Roosevelt in kum 1935 a Social Security Act a sign khan, Eagles ho chu "He Act hlawhtlin nan a "Vision and courage" inni," tiin a signna pen chu a hlan a ni.

Jobs After 40:
President Lyndon B.Johnson in "Jobs After 40," kum upat vanga hnathawhna lama inthliarna awm dotu inni," tiin a signa pen a hlan.

Medicare:
President Johnson in Medicare a sign khan, "For your energetic and dedicated espousal of social justice...and the compassionate treatment of the sick and disabled," tiin a signna pen a hlan.


Khing pawl pahnihte khian an pawlah mi an lakluh dawnin engkim tithei (supreme being) kan ring em tih leh intiamkamna tam tak urhsun leh khunkhan takin neih a ni a. Chumi hnu chuan an lehkhabu chhah takah chuan membâr thar hming chu a luh ni nen ziak kaiin a awm ta thin a ni. Han ziah teuh ka chak tehlul nen sawi chhuah thianglo/khap tlat a awm nual avangin heti zawng hi ni mai sela, aduh tan chuan an hming hmangin internetah a zawn theih maiin ka ring.




21 comments:

  1. I zarah ka hriat ngai loh ka hriat phah leh ta. I blog nge nge, luha chhiar man a awm bik thin. I pawl zawm pahnihte khi an lo ropui hle mai. Chutihlaiin khitiang ang pawl ropui tak khum zo tur leh mipui zawng zawng huapzo YMA kan nei a, kan vannei teh e. Huatthu suhah khing pawl hnih te khi YMA aia an ropui zawkna ka hre miah lo, an hausa zawk e tih mai loh chu.....

    ReplyDelete
  2. caribou , haw love a. Hriatchian loh chuan an ropui zia hriat a harsa ang. Mason ho phei chu zeldinthu hian an chanchin ziak leh sawi a tam teh asin. Lo search chhin rawh khai.

    Pawl pakhat khi pawl mahni hmasial tak (ti mai ang)leh inthup em em mai...an pawl kalhmang chiangtak pawl mi leh sa nilovin an hriat chian theih loh... pawl mi leh sa te duhsak eltiang annih laiin, pawl pakhat zawk erawh khi chu midang tan a thawk anni thung.

    ReplyDelete
  3. Free Mason khi chhiar chiang teh ang.. ka duhzawng ani tkat..!!

    ReplyDelete
  4. This comment has been removed by the author.

    ReplyDelete
  5. A va bengvar thlak thin ve aw. Mason hi tlem a zawng ka lo hriat ve dan chuan i sawi ang deuh khian Stanic deuh ang a sawi a ni deuh thin a, in sawi chiang a, ka var deuh ta hawk mai.

    ReplyDelete
  6. Ramesh & Unknown, ka blog min tlawh sak a ka lawm e.

    ReplyDelete
  7. Sap putar, Free Mason hmelhriat ka nei, in pawl chhinchhiahna Zungbun lian lawk deuh kha a bun a... Pu HV, zungbun chu i nei ve em? Bun ve ruh lo maw?

    ReplyDelete
  8. Kimi, Inneih zungbun pawh kan bun tha peihlo ania...

    ReplyDelete
  9. A bengvar thlak hle mai, i inhmanna awm tak pawh a ni. Ramdang ah awma ṭanpui ngaite pawl han zawm chat mai chu i fakawm e...kan Burma unau lo chhuk ten kan YMA min zawm ṭha duhlo lai te hi tu thiamloh zawk nge ni ang tihte pawh min ngaihtuah tir fan e :)

    ReplyDelete
  10. Bengvarthlak hle mai. Chu Pu HV chu Lodge member i ni der tawh e lo?

    ReplyDelete
  11. keimah, ka blog milo lenluh sak ani maw, ka van lawm vele. Tihian, chhui kir ngam thah tur, ka piantirh atanga ka nunphung kal chho ka ziak ve rei rei a. Thuthiam nilo mah ilang, dahthat dan chikhat niin ka hria a, ka ti ve zel chu anih hi.

    I mi zawhna khi, i comment chung chiah a link khi copy/paste chhin ta che.

    ReplyDelete
  12. KKK chu lo zawm miah suh aw....(fiamthu)..:)
    -Sihal

    ReplyDelete
  13. sihal, KKK chuan Asian mite pawh min hua alawm. :)

    ReplyDelete
  14. black chauh emaw ka lo tia, ka hriat belh leh ta, knowledge a zau sawt e.
    -Sihal

    ReplyDelete
  15. Mizoram lamah hetiang pawl ruk deuh hi chu awm ve se ka ti ngawt thin a sin!(An lo awm ru reng tawh zawk emaw?) I ziak ngaihnawm khawp mai.

    ReplyDelete
  16. Free Mason tih hi chu hriat chian leh zual a chak awm ve ngawt mai pawl ah chuan!!

    ReplyDelete
  17. avena, hrechiang tur chuan an pawlah ngei awm angaih hmel.

    Diktea_Pa leh avena: Min chhiarsak a ka lawm e.

    ReplyDelete
  18. Ka novel chhiar tan chiah ('The Lost Symbol' by Dan Brown) a kan chhiar fuh chu le..Tnx

    ReplyDelete
    Replies
    1. Ngaihruatna bakin an hre hlawmlo reng asin.

      Delete