Search This Blog

Sunday, August 26, 2012

Upa lam thlavang hausakna

Mizo te hian kan ching zual emtih hi ka va'n inzawt ngn tak em... rilru-in! Mizo ka ni miau a, hnamdang aiin mahni lam chu ngaih pawimawh tur rengah te ka ngai tho bawk a.

In kan sa a, a thar lai ngei mai chuan han luahlum te a nuam a, chei that ngai pawh a awm ngai meuh lo. Ama mawi mawiin chu in chu a mawi mai a, kan tuai hnum hle nangin, a aia  mawi lo leh mawi zawk pawh an tam tho mai.

Hun a liam zel a, kum tam an vei hnu chuan chu in, ama tawk a mawi ve thin tak mai chuan chul lam a lo pan tan ta a ni. A hma a chei that leh chuan ngai vak lo kha tunah meuh chuan, rawng hnawih that te, leh thil dang tam a thawm that alo ngai tawh thin a ni.

Chutiang deuh tho chu mihringte hi kan ni awm e!

Kan thatlai ni te chuan keimahni phak ang tawk tawkin kan nalh theuh awm e. Kan nalh viau e tilo chuan keini aia nalh leh nalh lo pawh an kat ve nuk tho mai. Chutia kan nalh vanglai emaw chuan nupui/pasal min pawmlum tu tur kan hmu a, chhungkua dinin fanau nen kan chiar nak nak tawh thin. Hun leh ni te alo liam zel a, upat lam kan pan ve zel bawk a. Chutah meuh chuan kan engkim mai chu thuam that alo ngai fo tawh thin. Kan rilru sukthlek dan pawh mi pangai tan chuan a hun ang zel a intuai thar a ngai a. Thuamhnaw pawh chutiang zelin.

Naupang lam deuh lah chuan, "tar te te si inchei a uar lutuk a," an lo tih sep sep chang a awm. Upat lamah hian mihringte hian chei that kan ngai leh tawh tih kan hriat thiama tul ta hlein ka hria. Mihring an ni a, nalh an duh ve tho tih pawh hriat a pawimawh awm e. Upa lam an nalh zuarin, nupui/pasal ten midang lakah an mit an len tihna a ni chiang lo tih pawh hriat a pawimawh awm e. Midang lak a an mit an len kan hlauh chuan, an mit tlung turin awm thiam ve mai tur, mihring rilru pu theuh theuh!

 Chutih laiin Mizo nu leh pa thenkhat chuan, nupui/pasal neih hnuah inchei/thuamtha inbel ngai vak lo vah an lo inngai thul. Nupui/pasal nih tawh vangin inchei leh insawizawi emaw thlahthlam mai tur a ni lo, nupui/pasal ten hmangaih vang a min hmuh nalh chawpah ringawt innghah loh a tha bawk awm e.

Khawvel thil reng reng, a that laiin tuaihnum a ngai a, a hlui hnuah thuam that a ngai thin a lo ni. Rik zah tur... a lutuk erawh thil  engkimah mai hian tha lam aia tha lo lam a min hruai thei an ni fo tih hre rengin!






6 comments:

  1. Ka van ei tak em.... Ka ngai pawimawh khawp mai. Putar-pitar mai bakah, kum 40/50 nih tawh chuan engkimah in uluk a tulin ka hre nghe nghe! Hemi nen-a inkungkaih deuh chu Nupui-pasal neih hnu pawh hian in-enkawl that a, inchei uluk chhunzawm zel hi tha ka ti bawk (a lutuk erawh a tha lo). Mi tam tak chuan nupui-pasal an neih hnu chuan an inngaihsak vak tawh lo nge... an tla rawk rawk mai a, midang hmuh leh partner-te tan hlei hlei a tha lovin ka hria, i vawng reng teh ang u. Gud Post...

    ReplyDelete
    Replies
    1. insawi sep kan lo ching bawk thin nen... nupui/pasal neih hnua kan in uluk lo deuh tlat thin hi a pawi ka ti.

      Delete
  2. Incheina hian hmelchhiate hmel a titha a, hmelthasa te a tiduhawm lehzual thin. Kan taksa, in ropui tak hi, hai ang a lo tar a, a lo upat meuh chuan, i sawi ang hian duata tuiaihnum a ngai takzet ngei ang le. Thawmhnaw manto pui pui kher a ngai lem lo, zahpuiawm lutuk khawpin kan incheina hi balin tawp lo se, faiin thianghlim se, a tawk viauvin ka hria.

    Ka duhdan angin ka inchei ang a, ka incheina avanga mi an lawm lo anih chuan an thu thu a ni mai...... tih hi ka'n belh hram teh ang.

    ReplyDelete
    Replies
    1. Thuamhnaw chu a man leh to loh aiin, a neitu enkawl danin a zahawm leh awm lohna a sawiin ka hre thin.

      Delete
  3. A dik khawp mai. Tar te hi tum hma lutuk lo deuh ila te ka tia...:D

    ReplyDelete
  4. Dik chiah, inchei a in itfai peih na na na chu an thlalai/hrisel rei zawk pawh a rin awm alawm le

    ReplyDelete