Search This Blog

Friday, July 30, 2010

Early Life 8 (Chawngte lam chhunzawmna)

Chakma ten chawei tura min sawm hian puar a na thei hle thin. Pa hoin chaw kan ei a, nu ho khan kan eilai min vil reng a, kan kham hma chu an ei ve ngailo. Kan chawlak chanve kan ei hma hian sa hi an rawn suak khat zung zung mai thin. Han ei ban luih deuh te kha, 'eihmu nih insawina a ni e,' an ti a, mi tihdanin ka eibang lui ve thin.

Chawngte hi lui hrang hrang hian a hual vel vek mai a, a khawchhung veng hrang hrang te pawh lui kan veka kal ngai an ni hlawm. An tuilut thiam Sorki-a nen lui kan kal dun zeuh zeuh thin a, henglai ram chinchang hria a ni bawk a zui a nuam thei hle. Tumkhat chu Serlui khuaah kan kal dun a, an VCP inah kan thleng nghe nghe a, mikhual min chiauau thiam bawk a, thlen amanhla hle mai.

Chakma tam tak te hi dawi (black magic) ang lampang chi la ring an ni hlawm. Zawlaidi pawh an siam thiam an ti a, keia ringlo lutuk chuan chhungte hriat lovin a rukin ka zir ta a. An zu thami, um khat ka keng a, an dawithiam pa chuan an chhamphual ta vel a. Buhfai tlemte chu thlengah dahin, zu chu a kaah hmuamin a phuh kual seng seng a. Chutah, ar dum hlang ngawng chu a tan bung a, a thi chu a luan kual leh a. Thleng lai takah chuan Mombati a chi a, chumi chungah chuan feet khat awm vela sangah ka mut min dah tir a, thu min intiam tir zui ta bawk a ni.

A ti puithu ve khawp mai mahse, ni engemaw zat min zirtir hnu chuan a ho ka ti ta riau mai a, ka bansan ta a. Min zirtir ah te chuan taksa a chulh chi te, eitura pawlh chi te siam dan a ni hlawm a mahse, chumi an ei emaw, tah an nih hnu khan tui hna nei luang lai an kang loh angai thung. Chuti lova tuiluang emaw, lui emaw an kan chuan a damdawi kha a siamtu rau khan a la kir leh thin, an ti. A damdawi siam ai chuan, mahni mihring zeina a thawk tha zawk tih ka chiang. Hetiang, Mizo ten a Kristian lo kan tih tur ang chi pawh hi hriat ve reng reng ah tiin ka luhchilh hrehlo fo, an dik lohna hmuh ka tum thin vang zawk a ni fo bawk.

8 comments:

  1. hei chu a va gothic ve...he he

    ReplyDelete
  2. hei chu a va gothic ve...he he

    ReplyDelete
  3. ngaihnawm thrin e a bul a trangin ka la chhiar chhuak dap dap mai, rawn ti zel rawh pu HV in nula rim chanchin te pawh

    -littlerascal-

    ReplyDelete
  4. zawlaidi hlang ka nih hi lolzzzzzzzzzz

    ReplyDelete
  5. Tuiluang kan chu dawi sutna tih chhinchhiah reng tur a nih hi.. ha ha Hman a burma dawithiam fanu min hrilh pawh, nau neihna hlam thisen kai pawnfen hian dawithiam/ni a kan rin kha khuh thawk ila andawi a insut vek a ti..

    ReplyDelete
  6. East Lungdar Community Hall a i nau Rinte hla sak, "Vul reng la" tih hla i han thlawh chanchin te kha han sawi ve la...U henry

    ReplyDelete
  7. E.Lungdar inau Mahuma te unau in kan ngai khawp mai che..Fr.Saia, ELD

    ReplyDelete
  8. Tlangnuam pitar dawr nghak ba bu te pawh kan hre chak leh bawk.he3

    ReplyDelete