Search This Blog

Friday, October 29, 2010

America ah dawr nghakin!



Hmelhriat sa zarah dawr nghah chu kan zir chho ve tan ta chu a nia le(h), Tlawng luia sangha man nen chuan a inanglo rim rem hle mai. Dawr chhunga lo lut te reng reng mai biak that dan inang vek tur tih atang te leh, engpawh nise min dawr tute an thiam zawk tih theihna rilru neih te leh hlim hmel put theih sarh mai chu kan zir chho ve ta chu a ni a. Hehehe a tir lam kha chuan a hahthlak lam hret chu a nih kha mawle. Dawr a lo lut thenkhat te hi chu an vak mai hrat tak (phunchiar)te pawh an ni. Chumi te pawh chu nui deuh sang chungin, "in lo kal leh hun chuan in duh ang ngeiin thil a lo awm theih tawh kan beisei," ti ang zawng te khan kan han dawr thin ta kha a ni a, zaidam leh hawihawm zirnan pawh a lo tha ta phian mai!

Ka dawr nghah thin neitu hian farnu vervek em em mai dawrkai ve tho a nei a, Wheaton khua (Maryland)ah daih mai a ni. A farnu chuan cookies leh ice cream dawr hi Wheaton Mall ah chuan a nei a. Chu dawr an indaih loh chang chuan min thawn phei ta thin alawm mawle, thuamhnaw zawrh leh cookies/ice cream dawr nghah chu inanglo tak a ni. Chumai a nilo, cookies siam te kha ka zir leh a, ice cream pawh chi hrang hranga siam dan kan zir chho leh ta a nih kha, avan thawipik thlak tak thin em, bul tan reng mai kha zawng. Odd jobs lo thawk thei dinhmunah ka awm bawk silo, duhthlan tur awm vak heklo, nui sangin kan thawk bawrh bawrh mai ta thin a, Chinese movie te pawh kan ang tep thin awm e.

Thla tam a ral ve ta mai a, ka visa extend dilna pawh immigration lamin an en mek tih thu min rawn hrilh a, chumi chhung chuan ka awm theih thu lehkha ka dawng ta zel a. Hetih lai hian Saithangpuia Sailo chuan Washington, DC lama a hnathawhna hmun a engineer pakhatin ama side job ah assistant a mamawh thu min rawn hrilh ta hlauh mai a, dawr neitu vervek tak te chu kalsan nghalin chu engineer (tuna ka co-worker ni ta) hnuaiah chuan ka zuk inhlawh ve tan ta a ni. Vervek ka tih chhan hi, work permit ka neilo tih an hria a, min chhawr duh tho siin hlawh min pe tha duh thin lo, tih ngaihna awm vak bawk si heklo, za lo deuhin patling thinhnur hi kan nui khur tet tet mai ania.

Ka sawi dan,"inhlawh ve ta a ni," tih ngawt hi a ni hauhlo ania. Ka zuk interview chu (ti maiang) "good morning sir" inthlahrung tak chuan kan ti ve bawk a, a ni lah chuan, "what the fuck did you call me, my name is Greg sit down," min melh hrek hrawk hian an ti vin thuai mai a, nelawm hmel loh viau a ni. He engineer, Greg atang hian Mizo ten inzir tur kan neih ka hre ve tlat. A ni chu a tawng duh ang a sawi bawrh bawrh a tawngkam chhia/tlahawlh pawh a tih theih ngei ang mahse, kum 2001 atanga tun thlenga ka hnathawh pui tawh (hmun hrang hrangah) teah ani tluka mi puih peih, rilru tha leh thawhpui te ngaihsak leh rinawm hi ka la hrelo tlat. Mizo te hi chu kan tawngkam a tha hleng hlawm reuh a, kan rilru a kha thur fuk hlawm lawi si thin a nih hi maw!

College Park khua atanga, Washington,DC a hnathawk tur hian, ka awmna Lianthuama te in atangin kein, Kulikawn atanga Sikulpuikawn ang vel Bus channa hmun ka kal zingtin a (dar 5 velah). Bus chang hian sik leh sa e, vur sur e, ruah e sawi thei lovin kum hnih dawn ka kal ta thin a ni.Chumi atang chuan bus in metro station ka pan leh a, metro chuan Washington,DC chu ka pan leh ta thin anih chu. Lianthuama Vangchhia tun, 2010 a MSA (Mizo Society of America) president ni mek te nupa hi keimah mai nilo, Mizo dang hrim hrim hnenah hian an tha em em mai a, an neih an ui lova, an in an ui heklo. Ka awm ve thin lai pawh khan an mahni kha an mikhual chet lek lek zawk thin a ni. Khatiang rilru pu an nihna vang pawh khan aniang e, Pathian in namen lovin mal a sawm reng a ni.

PIC CHUNG ZAWK KHI TUNA KA HNA THAWHNA

22 comments:

  1. Hei chu thui deuh hlek nise ka va ti ve. Zir tur a tam tlat. Part II, III thleng pawhin ziak la, i autobiography synopsis deuh reuh a ni mai alawm.

    ReplyDelete
  2. Experience chu i ngah ve fu tawh anih hi! Kan experience (mizo tawngin ka dah thiam lo)atang hian thil chu kan zir zel ania! i thil ziak chhiar a nuam hle mai!

    ReplyDelete
  3. A ngaihnawm hle mai.

    "Mizo te hi chu kan tawngkam a tha hleng hlawm reuh a, kan rilru a kha thur fuk hlawm lawi si thin a nih hi maw!"

    A dik bawk si a, ka nuuihpui vur vur mai :D

    ReplyDelete
  4. vervek takah i chhuak lo chu i vannei hle mai Eich Vee Z :))))

    good job

    ReplyDelete
  5. Pu Lianthuama te nupa chu an fel awm hle mai. Ram dangah mahni pianpui pawh ni lo han awmpui tawp chu an fakawm ka ti takzet. Pathianin awmna tur thra deuh a pe che a nih chu.

    Mizoram i lo chhuah hunah i cookies leh ice-cream siam chu kan la taste ve ngei ka beisei!

    -bmw

    ReplyDelete
  6. bmw, i awmlai a nih a, hun a awm phawt chuan kan siam sur sur dawn nia :)

    ReplyDelete
  7. Chhiar manhla thin e..han ti zel teh.

    ReplyDelete
  8. Picture chung zawk ami ang khian kawngpui zau tak leh mam tha tak neih ve hun a nghahhlelhawm mang e.

    @HV: I kawng lo zawh tawh chanchin i ziak thin hi a ngaihnawm thei khawp mai. Ziak zawm zel rawh, ka lo chhiar zel dawn nia.

    ReplyDelete
  9. ""what the fuck did you call me, my name is Greg sit down," a tih lai che chuan rangtaka petek chhuah daih i chak viau lo maw... :lol:

    ~kilung

    ReplyDelete
  10. Henry, i ti dik khawp mai, America hi "Customer Service" skill nei tha ber #1 an ni reng ani. India ram dawr nen chuan a in ang lo taih taih khawp mai. India ram ah chuan dawr nghaktu ten min vin khur khur mai ania.Tech support tam tak calling center a an chhawrte pawh hi nasa tak a an train hnu pawhin an la thiam lo lutuk a, mi tam tak chuan a man tam zawk pek a domestic customer service support tha zawk neih an duh reng ani.

    ReplyDelete
  11. Chilthli tla duah duah in kan chhiar leh ta nih hi..mahse a khat thei lutuk a a nghahleh awm thei eee..nang hi chu engkim mai hi nuam tih hmel tak (ti tak tak lo mah la
    )hian i ti thei mai zel a,ice cream guy i nih lai ber mai chu a ni ka hmuh chak lai tak chu :D

    Lasi

    ReplyDelete
  12. Han ziahzom zel teh....Customer service lam chu kei poh kum 4 lai ka thok ve... India ram dawr nghah nen chuan a dang khop mai!

    ReplyDelete
  13. Ngaihnawm khawp mai. Mahse ka hriatthiam loh deuh chu a chang leh harsa tak a America kal ang in i insawi a, chawhmeh i zawrh thu leh i thlen pawh a dollar 4 chauh i neih thu te. I post hlui chhiar hian mihausa leh zirsang tak fa i nih hmel bawk sia. Mi tam tak phak loh Thar desert, Delhi etc etc i tlawh kualin Brown sugar leh No 4 thleng i khawih tawh bawk a. I nun sual thin i sim hi chu a lawmawm a, mahse i intikhawngaihthlak mah mah emawni ka ti mai mai. US a Mizo harsa tak a kal ve te ai chuan i zia deuh lo maw ka ti.

    ReplyDelete
  14. Kapa hi MCS batch hmasa a ni, a eiruk lem loh vangin officer dang fate angin pawisa hman tur kan nei ve ngailo. Thar desert kha Sports & Youth service sponsored a kal thei ka ni. Brown sugar leh No.$ ti turin pawisa neihsa angai lemlo.

    Ka chanchin ka sawi hi kimlo lutuk zawk a ni a, ka ziah chinah hian dik lo lai i hriat theih chuan min correct dawn nia. Ka chanchin ka ziak te hi kim lo tak mahse, accurate thei ang ber tura ka ziak a ni e.

    ReplyDelete
  15. This comment has been removed by the author.

    ReplyDelete
  16. This comment has been removed by the author.

    ReplyDelete
  17. Ka chanchin ziak te min chhiarsak hlawm thin avangin ka lawm. Mahse, ka ziak te in chhiar ta rau rau a nih chuan uluk lehzuala min chhiar sak hram2 turin ka ngen a che u.

    Early Life 14 ah chuan "Mizoram sawrkar sponsored hmasak ber Thar thlaler kal tur zingah thlan tel ka ni ve hlauh mai." tiin ka ziak tan.

    ReplyDelete
  18. Ka beisei aiin thu hi i thiam zek zel mai, chuvang a niang i thuziak hi ka hmuh ve chinchin chu hmaih miah lova ka lo chhiar ve thin tak ni.

    ngente

    ReplyDelete
  19. ngente leh midang chhiar tu te, min chhiar sak thin, ka lawm e.

    ReplyDelete
  20. ngaihnawm hle mai. Steve jobs a bultan dan vel nen pawh a in ang deuh roh.

    ReplyDelete
  21. a ngaihnawm bawk aniang.phone joystick tha vak tawh manglo in post hlui ho ka chhiar chhuah dap mai chu..next char char..taimak thlak khawp mai.

    ReplyDelete
  22. "what the fuck did you call me, my name is Greg sit down," min melh hrek hrawk hian an ti vin thuai mai a, nelawm hmel loh viau a ni.
    Mizo te hi chu kan tawngkam a tha hleng hlawm reuh a, kan rilru a kha thur fuk hlawm lawi si thin a nih hi maw!

    A va han dik tak em...Mizo te hi chu kan in PU PU hlum lo choh

    ReplyDelete