Search This Blog

Thursday, November 11, 2010

VISA a tawp!


America ramah chuan kum tel teh meuh ka awm ve ta tih chuan min sponsor tuin, cham theihna (visa) pawhsei a dil mek ala felloh avang chuan sawrkar phalnain ka la awm thei a. Ka la awm theihna chhan hi kan dilna an khawih mek lai a nih vang a ni. Tichuan, a kum leh pawh chu ka awm ta zel a, immigration lamin visa pawhseina an rawn thawn thlen meuh chuan an pawhseina tawp ni chu a karleh a ni der mai. Lianthuama Vangchhia (Thuama) nupui Zuali nen chuan ka hawna tur ticket kan buaipui ta a mahse, kumtawp lam anih vang nge mawni a lo vang khawp mai a, ka hmuh hmasak ber kan lak chuan duhlo chungin ni hnih ka visa ka overstay ta hram.

Daduhi te ho Mizo day rawn hmang an la cham lai a ni bawk a, kan inah (Thuama te inah) an thleng bawk nen Saithangpuia te ho nen chuan Dulles airport, Virginia state ah min va thlah ta a. Ka thian pakhat chuan min sponsor nghal duhin min ui ve viau mahse, ka visa a tawp hman tawh avangin phalna nei hmasa lo chuan ka awm duhlo a ni. Visa tawp tawh bawk, Mizoram lam ngaih lo na ve bawk chu haw mai kha ka thlang ta a nih ber awm kha maw! Mi tamtak lah chuan, " a lo chhuk leh thei tawh awmlo em mai" tiin tawngkam an lenna karah chuan ka pianna Zoram nuam chu kum 2002 November thla chuan ka pan ta a ni.

Aizawl ka hawng ta chu remchang ah la in Durtlangah insawiselna neuh neuh ka neih ve te ka inenkawl tir zui ta a. Lawmthu sawina tur hlir ka nunah hian a awm ni berin ka hria. Durtlang damdawiin ka in enkawl lai pawh hian nula fel em em maiin min enkawl a, min awmpui reng, ka van lawm tak em. Mahse, ka thu tiam ni (day) ka hai avang leh dawt thuleng vel avang chuan min duatna chu ka hlankir ve hman talo (chhut thiam te tan!).

Chanmari a mi thianpa Sawmtea(fam) nen chuan kan inkawm thin a, MZP hruaitu te nen pawh Mizoram internet man sang lutuk tih hniam tir tumin, Biakhlatna pisa pui te pawh kan kal zak zak thin. Serlui kam, Tlangnuam atanga Lungleng kalna a lei (bridge) dawh a ka lo inhlawh na thin te kan zuk tlawh leh a, a lunglen thlak hle mai. Kan buk sakna te chu alo chul rep tawh a, hnimin a bawh khat vek tawh. Kan lei dawh pawh a pal/vawnban thir pipe chu an lo ru zo titih tawh a, a uihawmin ram kan hmangaih lo hle tih a hriat kher mai. Chumi kawngah chuan kan lei dawh chu tha la awm chhun a ni mai a, Ramri lui chunga lei te chu a hnuai lungrem a inkhaikang vei vui tawh hlawm.

PIC khi Dulles International airport, Virginia, Azl ka haw tur Daduhi ten min thlah lai.

8 comments:

  1. "Mahse, ka thu tiam ni (day) ka hai avang leh dawt thuleng vel avang chuan min duatna chu ka hlankir ve hman talo (chhut thiam te tan!)"

    Ka chhut chhuak tawh :lol:

    ReplyDelete
  2. pic a i keng khi meizial nge pen var

    ReplyDelete
  3. Meizial, ka zuk thin lai a nih khi....

    ReplyDelete
  4. Hv, i ziak ngaihnawm e, ka lung i ti leng kher mai! Sawmtea thih champha pawh a thleng leh tep tawh! kan huphurh khawp mai!

    ReplyDelete
  5. a chhuak khat yhei lutuk a,a vir awk chhiahin min siam thina a buaithlak thei eee

    ReplyDelete
  6. HV...ziak ngaihnawm leh bawk e! Nangzawng i lo dai kim a ni...Ochen Harashaw! Lolz

    ReplyDelete
  7. I chanchin ngaihnawm tak tak hi chhiar a nuam a, min cho thin khawp mai.

    ReplyDelete