Search This Blog

Tuesday, November 16, 2010

Chet chhiatna tlem te (R - rated)

Thil hlui ngaihtuah hian nuihzatthlak a tam a, lung lah a tileng thei phian!

New Serchhip ah khian hmeithai fanu fit zeih zawih, pianthiam leh hmelchhe lo zet mai hi a awm a, kan innel viau mai (nula tlangval innelin!). Tum khat chu a room a khum pakhat zawkah chuan plan fel tak neisain zu ka in ru a (a nu hriat lovin). No hnih ka inzawh hma chuan ka chatthla ta kar mai a nih chu; an in ka luh dawn hian a rim nam sa nan zu in kam kalo thuah tawh sa hrim hrim! Chutia ka chatthla ta (kar) mai chu a nu hnenah chuan hrilhin, ka riah mai thain a sawi ta a, ka van lawm rilru tak em :D

Ka pheikhawk ilo te chu min phelh sakin puan min sin tira thosilen min zar sak bawk a. Tichuan, a nu a muhil tawh ang chu tih awmah ka tho them them a, a thosilen ka hlim ta. A ni chuan milo melh kuau mai a, a dawt leh chu ka hmai a ri chawrh kha a ni mai. Kei zurui (rui der) tan kha chuan tih ngaihna dang awm vak heklo, ka tho 'a' der ta a nih kha. Chhuatah chuan mu thla in zurui tawngvai ang hian ka chiar kual ta vel a, ka muhil leh ta a. Rei tawk nia ka hriat hnu chuan ka tho a, ka chhuak nal nal, lenga min sawm pawn ka kal tawh lo hrim hrim.

Kan thianpa pakhat pawh Lunglei ah a pa an post avangin a awm ve thin a. Kei pawh Chawngte ka awmlai niin, kan Jeep recondition tawng tawk ZRM 1006 in, Aizawl haw tumin Lunglei ka thleng chho ta a. Ka thianpa chuan a ruka min zui hawn a tum ve avang chuan a bag, an ventilation (tukverhah bar a awm)atanga apaih chhuah chu motorah kalo va dah fel a. A ni pawh chu ventilation atang chuan a ke lam lawr hmasa in a lo chhuak kut kut a. Chutih lai tak chuan a pa chaw eikham pawn a teihawi chuan a hmu ta alawm mawle. Mau tlawn sei tawk a la a, "go back, go back," tih pahin a mawngah ahawlh chho, a tlum lut leh zul zul; che chhe ve tak chu a ni. Amah tho hi a chhungte zin hlanin an inah party nuam tak an nei a, chhuatah chuan mut tlar dul hi a ni leh mai. A nu te zin an lo hawng ta thut mai, midang zawng chu in ha sawk sawka ngawi renga din kha a ni mai. A ni ber chu a bialnu nen khumah an la mu tui nasa mai a, a nu chuan blanket an hlim hawng pawp mai, ruak vekin an lo mu ( an harh miahlo). A nu chuan an pa hnenah, "my dear camera kha rawnla vat teh," an ti chiah mai chu nuih huks ani tawh mai.

Ka thianpa pakhat nen hian kan rui phur chuan "tih tawh/tih hual/tih it" tih list, an chhungte emaw, an veng emaw, an hming pum emaw kan hriat te chauh kan ziak tlar ve thap a. Tichuan tum khat chu "tih tawh" list a mi kha thianpa room ah chuan ka tawmfal pui leh pek a. Awng awm reng reng atang chuan thianpa leh a u leh midang chuan min lo enthla thup bawk chu lo niin! Engpawh chu nise,... khum an siam fel chuan thianpa lukham hnuaia lehkhabu chu hmuin a thlek vel mai mai a, a tap ta vak mai. Ka thlem, thlem ahar ngei mai timaw? Ele, 'tih tawh' ah a hming a awm a, 'tih hual' ah a nau a awm a, tih it ah a u hming chuang hek.

Thianpa pakhat pawh hian, kan thianpa te awmpui kha a it tlat pek a, a mutpui lai bihthla turin min ti hlawm a. A putea te kudam, rangva bang awng tam zet maiah chuan a tawmpui ta alawm mawle. A ni kha a style a thing mak khawp mai, vawilehkhatah a keuh thal thuai mai a nih chu. A hmeichhia lah lo duai bik heklo le, an bin thal ve thuai mai bawk a, tha te te in an lo chhuak leh alawm. :D

NB: phur viau leh chhunzawmah!

14 comments:

  1. "a dawt leh chu ka hmai a ri chawrh kha a ni mai. Kei zurui (rui der) tan kha chuan tih ngaihna dang awm vak heklo, ka tho 'a' der ta a nih kha."

    "Ele, 'tih tawh' ah a hming a awm a, 'tih hual' ah a nau a awm a, tih it ah a u hming chuang hek."

    "A hmeichhia lah lo duai bik heklo le, an bin thal ve thuai mai bawk a, tha te te in an lo chhuak leh alawm. :D"

    Lolzzz...Ka va nuihpui nasa em. Waiting for Part dang lehzel :D

    ReplyDelete
  2. ha ha ha....ar insual huai a ...

    ReplyDelete
  3. Hahaha!! Ka'n nuih huk huk chu le.. Chetchhiatna hi chu engtik lai mahin ka chhiar ning ngai lo. Han ziak zel teh. A ngaihnawm em mai.

    ReplyDelete
  4. Ngaihnawm lutuk thianpa, a dang i puahchah leh nghal vat vat ka beisei. Hei chauh hi i chetchhiatna a nilo! :D

    ReplyDelete
  5. hmeichhe tan pawh a comment ve thei tho ang chu maw?ka nui nasa lutuk i thil ziah khi:))))))..

    ReplyDelete
  6. hahaha. ka nuih iva ti za ve Pu HV. I tho a der vel chu video a han en a chakawm hlemai a. lolzzzz

    ReplyDelete
  7. 1st post atangin ka chhiar chhuak vek, ngaihnawm hlirin a khat a ni ringawt, ziak zel teh khai Pu-a

    Nula in riak mai tura a nu a dil sak lai che khan i lo hisap nasat tawh awm vei nen :-)

    ReplyDelete
  8. Mau tlawn sei tawk a la a, "go back, go back," tih pahin a mawngah ahawlh chho, a tlum lut leh zul zul

    hahahahahahahaha

    ReplyDelete
  9. chhunzom leh chi...nuih phal lo mahal ka nui lo thei lo...

    ReplyDelete
  10. Hahaha...i tho a der vel chu ...a va han zahthlak chem chem ve....nuih a va za ve...han chhun zawm leh vat la....

    ReplyDelete
  11. Nang chuan i chet chhiatna te huaisen takin i sawi zel ngam bik a, ka tluk lo che a ni e. Kei chuan ka ngawih bopui hmaks hmaks mai.

    ReplyDelete
  12. ha..ha..ha chanchin ngah ve tak chu i ni e. Mahse ka thianpa i tih khi, nangmah zawk te hi i ni lo maw?? >Mau tlawn sei tawk a la a, "go back, go back," tih pahin a mawngah ahawlh chho, a tlum lut leh zul zul; che chhe ve tak chu a ni.
    I younger bro nen hian shillong ah kan awm dun thin a, ani pawh kha chanchin nuihzathlak(a mawi lo zawng ni lo in) a ngah thei khawp mai. Mahse, a la tluk lo fe ang che.

    ReplyDelete