Search This Blog

Wednesday, December 15, 2010

Gauhati awm lai



Guwahati ala ni chiah lovin ka hria, 1992 chuan ka pa, sawrkarin a dahna hmun Gauhatiah ka zuk fin ve ta a. Hetih lai hian Mizoram house chu Ulubari tlang chhipah a awm thin. Chumi chung ber chu ka pa`n quarter angin a luah a, ka room chu a veilem ber, fal nalh, inchung zawl kaltlang ngai hi a ni nghe nghe.

Abhijith Nath (Assamese pa) thawhna, 'Data Prime Computers' ah chuan computer applications chu ka zir ve ta a. MS-DOS atangin kan zir tana, hmabak a thui viau a ni. Fur anni chho chiah chu kan zirna hmun chu tuilian hian a chim phak avang chuan motorin min thlah thleng thei lova, abuaithlak thin hle mai. A hnu chuan vai ho Lungi ka veng mai thin a, tuilian dai nan a chi phian. Ka hlim chho daih a, tuilian lo chin ah ka thlah thla leh mai a, zirna hmun ka thlen chuan ka insil faia, kekawr ka ha leh mai thin. Gauhati a computer ka zir duhna ka neih chhan ber nia ka hriat chu, khatih lai khan Aizawl DC office a an computer hotupa nita, Pu Biakdika Fanai khan Chanmari, Gauhati ah a zirlai mek niin, Aizawl atangin night bus ah kan chhuk ho na lama a that zia thu a min fuih vang kha niin ka hria.

Gauhati ah hian Kachari Basti a an Gunda hotu chu thianah ka siam a, zanah pawh Rickshaw an kal ngam lohnaah keimah pawn duh2 in, tuma tihbuai lovin ka leng thei ve thin. A lehlamah chuan an milian fapa, ULFA bang hnu mi hausa fapa Biswajit (Biswa), mi ten mi fela an sawi chu thianah ka siam bawk a, a tihchi khawp mai, Mizo dangte thlengin kan chhawr tangkai em em thin.

Tum khat chu Paltan Bazar rail station kiang, Manipuri basti ah chuan Mizo hmeichhe pakhat hi anlo chhaih tap ka va hmu a. Keia lo nam phial phual tawh chuan ka chhan e ka ti a, min khawih rawn ta mai alawm mawle. Ka tlawmngai chu kan in lamah tlan hawngin, ka nau, a thianten Saldarji ngunhnam (Khirpan) an pek chu la in ka zuk thawk tha leh. Ka vai kual vel chu Assam pulit ten Sten Gun tuiek a min tinin Police station lamah min hruai ta a.

Bihari mihur niawm tak, vainu berh tak2 an dahkhawmna ah chuan min lockup ve ta alawm mawle. Kei meng tur un mai si leh mipa kalo ni bawk si chu min hlau nge nidawn, ka awmloh na lam apiangah chuan an awm khawm dial dial reuh a. Police ho lah chuan zawng ang mai chuan bar pawn atangin mau tlawnin min rawn hawlh sek bawk a, kavan nuamsa lo
ber tak.

Gauhati ah hian Mizoram atang ten chinchang hrelo leh tawng dang thiamlo te, damlo tamtak an lo kal ve deuhreng thin. Chumi te hruai kual chu Mizoram house a kan lo khawsak takah chuan hna pui ber pakhatah neih a ngai fo thin. Hetiang huna mi puih ve theih chang ka neih te hian rilru ah hlimna namenlo ka neih phah thin, chhungril a hlim thin hle mai. Damlo lo kalpui tam tak an fel em em laiin thenkhat ruih na hun atana hman tum niawm tak a awm thin te erawh kha chuan mit an ti khamin Mizo an ti hmingchhe thin hlein ka hria.

Assamese model, tuna an movie star lar tak ni ta, Bollywood lamah pawh United Six tih a a changtunu, Luna Lahkar nen kan in hmelhriat/thian a, khawlai han hawi vel pawh anuam hle thin. Luna hi Mizoramah te pawh lo kal tawhin, nuam a ti ve hlein ka hria. Hman kum 2002 khan Mizoram House ah ka thlenga,a lo leng zawk chu Mizoram lam kohran hruaitu te pawn thlalakpui nuam an ti hle. Tun hnu phei chuan Bollywood lamah pawh staring pakhat ani ve ta nghe nghe.

Pic: Luna Lahkar
On this... to be contd. maybe :D

23 comments:

  1. I lo dai kim tawh hle mai a. Memoirs ziak peih la chuan a ngaihnawm ngawt ang :)

    ReplyDelete
  2. a dai kim lutuk hi a hahthlak zawk :D

    ReplyDelete
  3. gauhati in om lai khian ka damlo a,VIP room 1 ah kan ron thleng reng a.......u.Rintea ngei hian cycle khalh min zirtir asin.....rei toh superrrr

    ReplyDelete
  4. haha...dai chu daikual kim ve tawh e...tuilianah chuan ek a lang nuaih2 lo maw...

    ReplyDelete
  5. m_bawitlung, ek lang leh langlo pawh ngaihtuah hman lo aniang. Mahni kalna tur uluk taka melh loh chuan tluk purh ani mai a...

    ReplyDelete
  6. A khaia! Thianpa chu tluk loh rim hi i nam deuh zawng a ni!!! A va hmeltha reuh ve!!

    ReplyDelete
  7. Gunda Hotupa thian, Vai milian fapa thian, Star hmeltha thian, Vai lock up, tuilian Lungi nena dai..... tawn loh a hlei pawh nei tawh lo a mawi i ni e :)

    ReplyDelete
  8. Nun hlui i ngai ve thin hle dawn a nih hi. I thlalak rawn tarchhuah chu le(h)!

    ReplyDelete
  9. i dai kim hle maiiii...film lam ni bok...modelling ni bok...hmanni chu ka u hmeichhia ka zawt a, kulikawn a mi ania, i hre ngai em ka ti a, hre thin e...a luck thei lutyuk a lom a ti zauh mai.

    taka, i adventure hi ziak ve teh..ziah ngaihnawm tum run lo in, muang changin ziak ve teh...a hlimawm viau ang..hralh a kal viau ang...i sapram awm tirh vela hna i thoh cc te...ka ti tak tak.

    burgerstud2005

    ReplyDelete
  10. burgerstud2005, zawrh atan maw hairehai, mahni nau te bak leitur kan hmu zo ve nang mawle hahahaha

    ReplyDelete
  11. A ngaihnawm hle mai! He hmeichhia hi a hmel a tha hle mai! keipoh tuilian hi ka dai tawh alom! A hun lai chuan ten pawh sawi theih loh! Mahse a hnuah ka ten rap mai! Vawi tam tuilumin ka insil/inbual! lol

    ReplyDelete
  12. Luna ngeimai hi a ni kathinlung luahtu....thil dang hi chu thu dang.

    ReplyDelete
  13. I lockup tan thu hi chu ka lo hre zeuh tawh.....
    'ka awmloh na lam apiangah chuan an awm khawm dial dial reuh a. Police ho lah chuan zawng ang mai chuan bar pawn atangin mau tlawnin min rawn hawlh sek bawk a,"....ha ha haa....

    ReplyDelete
  14. "Gauhati ah hian Mizoram atang ten chinchang hrelo leh tawng dang thiamlo te, damlo tamtak an lo kal ve deuhreng thin. Chumi te hruai kual chu Mizoram house a kan lo khawsak takah chuan hna pui ber pakhatah neih a ngai fo thin."

    Midangte tanpui avanga i tha leh hun hlu tak te i khawhral thin ani maw? I pawisa pawh i seng ral fovin ka ring. I ti tha khawp mai.

    ReplyDelete
  15. caribou, Mizo ka nia, ka tih tur reng ka ti niin ka hria. Midang pawn an tih ve ngei tho ka ring.

    ReplyDelete
  16. "Pic: Luna Lahkar
    On this... to be contd. maybe :D"
    ...hehehe..'maybe' lo sela....
    Kum 10 hnu vela Mizoram House a rawn tlawh leh vang2 che chu, kohhran hruaitute pawn thlalakpui nuam an tih thu aia thui hret hi sawi zui tur a awm ka ring ve mai mai..
    -Hmeithai

    ReplyDelete
  17. thildang zawng ai chuan i tuilian daikai lai thla hi ka hmu chak e.....lol

    sihal

    ReplyDelete
  18. sihal, dai tur lai a thuk deuh leh kan hlim sang mai alawm :D

    ReplyDelete
  19. '95 kum khan ka pa damlo kalpuiin mizoram house ah hian kan thleng a, i pa awm lai kha a ni nghe nghe, i room sawi hi i nau Rinte khan a luah ta a nih hmel, zanah hian a zai vau vau thin, zan khat chu kan pahnih in kan zai dun chiam tawh inchung zawl i sawi ah khan.

    Dam lo kalpuitu te leh mi tlawmngai te kan inpui tlang dial dial thin khan min va tithlamuang thin tak em. Kha tih laia nula fel tak min pui thintu kha Jane-i ni ta in ka hria.

    ReplyDelete
  20. Luck hmel deuhin nula thlalak i tar ve kulh a, lock up ah takngial pawh i bulah nula an awm duhlo anih ber chu a. :D

    ReplyDelete
  21. funny, nula an nih pawh ka ring chiahlo, kuh fir fer, berh hmel deuh2 Vairampur slum a mi hmel ang ho hi mawle hairehai :D nula 1 pic hi luck tihna em ni? sha la la

    ReplyDelete
  22. Tuilian ah daina lamah beer khailai um 2 ngawt ka ti bo toh a, zawn hmuh leh chu a har mai!! :D tuna house kawt a rickshaw driver ho khuan kan thianpa an lo tibuai a, kan chhanna lamah min beng duk chur tawh!! a hnuah kan hostel vai ho kan pun ve ta thung a, 5 vel chu kan vuakchhiat sak....hehehe

    Mi thenkhat Sumo/Bus atang a an ron chhuk thla chiah hi, wine shop an han pan nghal ngawt mai thin a, a hmei a pa in!! Thenkhat lah in tlai thimhlimah "boxing" in show-na vel a vai lo ti buai ta mai thin te ho hian Mizoram House hmel chu an ti bal khop mai. Mahse tun a LO khu a strick a, a zia ta deuh!!

    ReplyDelete
  23. khatih hunlai vel kha a ni maw Nagaland atanga ka rawn kir ka rawn chawlh zawk kha...

    ReplyDelete