Search This Blog

Thursday, January 6, 2011

Ngaihzual Nang Nen


Venghlui lam atangin Chawngthu Sweet neitu Pi Hlimpuii te leh, Durtlang lam atangin Pi Mamawii w/o Dr.Rema te chuan, Mizo movie hmasa ber dawttu ni turin, Rebecca Saimawii chanpui tur atan min rawn sawm ve a. Makuri te nen lo inkawm thin kan ni bawk a, zak deuh reuh chung chuan NGAIHZUAL NANG NEN chang tur chuan ka 'aw' ve ta a; hemi kum hi 1986 a ni. Drama lam ti ngai vaklo tan chuan zam a awlin camera hmachhawn alo har ngei mai. Script chhah tha ve lel lawl tak mai chu min pe a, mahni tawngkam hman thin nen inanna awm heklo le, mihring nunphung anga nunpui atana sawi chhuah ahar thim thiam kher mai.

Nghilhlova (Otto band) nen chuan script zulzuiin kan han titi dun ta a, alo har hrep mai tih ka hre zual zel a. Tichuan, a thawnthu mil siin mahni tawngkam pangai chuan kan ti danglam ta vel a. A har deuh bawk nen, zak deuh bawk nen kalo meng hnual deuh thin ni ngei tur a ni, directorin meng deuh tura min han signal chuan ka meng leh kuau thin. Lak nawn leh kha awm vak heklo le, a hnua a movie an hralh hnu pawh chuan ka la meng ta kuau zel a nih chu. Moonlight bar awmlai a ni bawk a, an discotheque chu hmangin kan ri beng bung thin. Aizawl nula leh tlangval tha tha an thlankhawm an han phe siau suau mai thin kha chu thlir an nuam thei deuh doh hle a ni. Hotel Rajj room pakhat chu Makuri chuan a room anga hmangin bathtub ah rimtui nen an inbual phar phar mai te kha, Mizoram tan chuan thil thar ani chiang khawp mai.

Zonunsangi beauty parlour/handlooms neitu, amah Zonunsangi chu Makuri (Rebecca) leh hmeichhe dang te cheitu niin, hetih lai hi kan pahnih inzui ve lai (innocent) a ni nghe nghe. Tichuan, Tuirial lamah shooting neiin kan chhuk thla a, heta kan makeup erawh a dangdai phian. Swim suit a hmeichhe ho an han inthlak chu, Makuri, a changtu ber mal kha ka mal aiin a lo hang si a, chirh te min chulh sak ta vel a nih kha mawle. Tuirial atanga kan hawlam chu Tuirial lei atanga thuilo teah chuan Lalhmachhuana (Treasury Sq) leh David (Nursery veng) te inphurhna Rajdoot Yamaha (350cc) chuan kawngkawiah truck nen intawk thutin an tleng phei ta vak mai a. Davida ngal dinglam chuan truck ke hmalam chu hlapin, a kephah chuan lehlam a hawi ta thuai mai a nih chu.

Davida te hnung chiaha tlan kan ni bawk a, thlir anuam lo kher asin. Motor ti dingin kan zuang chhuak a, Davida chu kan mut rem tir hnu chuan kawng thlang lamah ka zuang thla a. Mau ka zuk sat a, ka kawr haklai chu pawt thlerin a ngalruh tliak chu siam rem sakin, mau leh ka kawr hmang chuan kan cher sak ta a ni. Damdawiin kan thlenpui chuan, casualty a kawngka hnaih zawk khumah chuan muttirin, mi pahnih awmpui an remti a, Makuri nen chuan kan awmpui lailawk ta a. A ngalruh them, nawalh bawm tiat vel chu an phawrh sak ta a, a khawngaihthlak awm khawp mai. Chutiang chanchin chu Mizoram chanchinbu hrang hrangah te a chhuak ta chuai chuai mai a, heihi Ngaihzual Nang Nen tih film lar zualna chhan pakhat pawh a ni ngeiin ka ring.


Ngaihzual Nang Nen tih movie kan chan lai hian Makuri chu a thawnthu ang deuhin Bombay (Mumbai a la nilo) a kal thlak a hun tawh avangin min liam san ta si. Movie shooting kan la zo silo mahse, a mah tiat thuak tu Zonunsangi chuan a ai aawh ta a nih kha;Mizo film ah hetianga mi ai channa hmasa ber anih ka ring! Tuirial airfield a Vayodoot thlawhna thlawk chhuak lai kan thlir zawh chuan Zonunsangi chu ka bike chuan Makuri phurhin ka phur hawng ta vang vang a ni. He movie poster hi Pu Tlangrokhuma chuan lian puiin a ziak a, Aizawl hospital Rd. ah, kawngpui chungah an khaikang vu mai a, sen tawn tawnin ka kaltlang thin.

Tlipna: he movie siam lai hian kan la naupang bawk nen, Vangchhia nih kha ka zak thin a, Vangchhe nau, Khawlhring ka hmang thin. Ka ngaihtuah let chang hian ka zakin pawi ka ti takzet a ni. Ka Vangchhe unau ten min ngaihdam ka ngaiin ka dil bawk e.

35 comments:

  1. sen trawn2 in ka kaltlang thin tih khi a hit hkop mai.. i kekawr style chu a va puk re re ve.

    burgerstud2005

    ReplyDelete
  2. Kekawr khi Lalhmangaiha ta ka hawh mawle hairehai :D 1986 fashion alawm

    ReplyDelete
  3. Hey...thianpa... a ropui thin e...han ti zel te' khai!...Makuri chu hmanni khan fb-ah 'Hi, First Lady' ka va tia...a khi sung..haha (thianpa Ri-a AMC a tlin vang khan)

    ReplyDelete
  4. I va han ziak ropui leh em! keini tan chuan history chhiarin kan chhiar zel ta ami nih hi......

    ReplyDelete
  5. Hei zet chu chhiar a nuam hle mai....

    ReplyDelete
  6. hetih lai hi kan pahnih inzui ve lai (innocent) a ni nghe nghe... Han sawi belh zel teh

    ReplyDelete
  7. ihiau.... film star lo zuk ni reng che a!!
    Describe the word 'innocent' ;)

    Ziak tha/ngaihnawm khawp mai. Ka chhiar khamlo!

    ReplyDelete
  8. Ngaihnawm kher mai! in film chan hi ka la hmu ve miah lo tlat mai! A hun lai hian i la naupan hmel bawka, zah pawh chu a awm viau alawm! 'Vangchhia' tih hnam hming hi i lo zahpui thin anih pawhin..... tunah chuan a ti lar tu chu i ni chiang mai! :)

    ReplyDelete
  9. maisek, zawng miah suh aw hahahha awm pawh a awm tawhlo.. Makuri'n a ti :D

    ReplyDelete
  10. hairehai...pherh i lo ni thin ani mau

    ReplyDelete
  11. Khai aw, thianpa chuh.... mizo filmstar hmasa ber zing ami i lo ni reng a ni maw? 'Ngaihzual Nangnen' film kha ka mizo film en hmasak ber a nia sin. Nang zet zawng i lo dai zau takzet e.

    I lo dai tawh ram, a dang pawh han ziak zel teh khai. A ngaihnawm thei khawp mai.

    ReplyDelete
  12. film star hmelhriat nih hi ava nuam emmmm...

    ReplyDelete
  13. caribou leh shailendra te mai mai chu aw hahaha

    ReplyDelete
  14. ngaihnawm leh pek hle mai mahse duh aiin a tawi deuh thina a,hei ainhian ziak sei deuh hret la...heh!

    sihal

    ReplyDelete
  15. Kan pian hma daih mai a ni a. Ava ngaihnawm em. History lam a ni e. Mi in anlo la zawh fo che ka ring. Keipawn thil kala zawt thin ang che!

    I tih tawp na a i Vangchhe uanu te ngaihdam i dil thei khi ka fak khawp mai che. Ngaihdam dil thei thian/U neih hi nuam ka ti thin...

    ReplyDelete
  16. Pu HV, "Durtlang lam atangin Pi Hlimpuii w/o Dr.Rema"..tih hi Pi Mamawii ani zawk lo maw..!!
    Ka en ve ngei tawh alawm, naupangte kan nih lai..middle sikul kan kal ve tan lai ani ta in ka hria...durtlang/chaltlang chhuk vel a rajdoo bike switch off a tlan in a chain in vaw ri pawh in nula..nula...nula a ti e an tih hun lai an sawi thin kha ni mai awm tak ani a..han sawi zau duh deuh phei la chuan ngaihnawm tak tak a tam viau in a rinawm e... :))

    ReplyDelete
  17. A va ngaihnawm miah miah ve leh! Kei pawh filmstar hmelhriat hi nuam ka ti! :-D

    ReplyDelete
  18. Lung avan ti leng em!! behind the scene story tlem han tam deuh se! A changtunu leh achangtupa chanchin bik te hi :-)

    pu dula sawi ang khian, Venghnuai Pi Hlimpuii, ( ex-MLA ) w/o Dr Rema - ti zawngin ka ngai trep!

    ReplyDelete
  19. ka la en miah lo a, (live show chu hmu tawh mah ila....hahaha) @thaiboy-a lah hian ka nei a tia maw ni, mahse min pek ve a tum der bok si lo.....la zawng chhunzawm char2 hhrih mai teh ang...a hmuh nawm hmel talt!!! :))

    wonderboy

    ReplyDelete
  20. Ngaihzual nang nen tih film chu ka la zawng chhuak anga, ka la en triah triah ang, mizoram haw hunah ;)

    -Sober littlerascal-

    ReplyDelete
  21. wonderboy, zawng reng reng suh, a awm pawh a awm tawhlo (Makuri'n a ti). Hmuhnawm loh bawtawl, a hmasa a ni mai.

    ReplyDelete
  22. I chalsam buk dan chu Duran Duran vang nge Bawngpa chalsam sei deuh i ngaihsan vang aw. Symco hair fixer-a tihkhawng chu a harsa fu ang mawle..lewlll..ha ha ha..

    'Hairehai Nang Nen' a kan intawn hun chu autawgraf ka dil ngei ang che :D

    ReplyDelete
  23. chhangte_ll, ka secretary i sign tir dawn nia hairehai lolzzz

    ReplyDelete
  24. Movie hi youtube ah rawn upload thei la, han en ve a chakawm hle mai.

    ReplyDelete
  25. HV..hei ka lo leng ve..i ziak tha lutuk.Chawngthu Sweet neitu te hi ka hre ve.

    ReplyDelete
  26. a van pui rem2 emmm!!!ka ngaisang hle mai che u!!! :)

    ReplyDelete
  27. Uiiiiii autograph please.. :-P Tinge i hming khi i thlak daih a?? :-D

    ReplyDelete
  28. A top a i ziah khi ka chhiar leh ta chiah e.. :-) tinge ilo intih Khawlhring mai mai ni?? Vangchhia a tang kan ban dawn che.. :-P

    ReplyDelete
  29. Ka en chak lutuk tlat...chutin a bo hlen ngawt thei lo ang.. ka zwng dawn khop.. :)

    ReplyDelete
  30. A thu a mam tha hle mai..Davida kha khawngaihthlak awm ni lovin, khawngaihthlak se a va khawngaihthlak zawk awm ve(ka sawi tum chu khawngaihthlak awm tiha awm khi a chuang riau)..ka'n sawi ve mai mai a nih chu

    ReplyDelete
  31. ma-in a hmangaih che tih lo chhuahna a ni thei em?

    ReplyDelete
  32. Nicky, nilo Ma-i chu hmeichhe dang daih a ni

    ReplyDelete
  33. Vangchhia nih i lo zak thin a, i inchhir a, zahthlak i tih thu i sawichhuak ngam leh vek a, i ti tha re re eee... i ngaihnawm ve re re ee nangmah pui hi! :)

    ReplyDelete
  34. Heh, vawiinah ka'n chhiar ve chauh chu. Ngaihnawm ve aw!!

    I thu hi ka chhiar ve ta zeuh zeuh a, i hriatrengna a tha ka ti thin khawp mai. Tin, i chanchin i ziah hi thawnthu ngaihnawm a tliang zel mai. A tawpah a buin la chhuah la a tha ang.

    ReplyDelete