Search This Blog

Thursday, March 3, 2011

Delhi ah tattoo ka paih tir (mi ka tibuai nasa hle)

US visa a tawp avang khan Mizoram ka haw leh kha a ni a. Tunah erawh kan nu US citizen anih zar zoin pem hlen theihna ka dilna chungchangah US consulate, Mumbai lamah chuan tul ang ang tifel turin chhukthlak ka ngai dawn ta a. Chumi ka kal hma chuan ka lehkha pawimawh neih tul ang ang te ka dap khawm a, Mumbai thlenthlak hmain ka thil ngawimawh em em mai chu paih tir ka rilruk a ni. Chumi chu ka ban dinglama ka tattoo ziahtir ngei mai chu a ni. Kan tlangval laiin kan thianzahoin inang vekin kan chhut tir kha ani a, ka taksaa a awm reng mai chuan min ti tawp riaua hriatna ka neih vanga peih tir tum ka ni a, mahse a hnu chuan ka paih kha ka tan alo tha nasa mai tih ka hre zui ta bawk a! Chumi ti tur chuan Mumbai aia a tlawmna Delhi ka pan hmasa ta a ni.


Delhi Mizoram House Chanakyapuri lamah chuan ka innghat ve ta ran mai a. A thawk te an fel viau e tih tawh nak laiin, zirlai leh thalai dang hnathawk te pawh an va han fel hlawm tak em. Ka chunga an thatna kha ka damchhung hian ka theihnghilh leh tawh ngai lovang. Ka thiantha tak, Lalhmangaihi, Delhi lama hnathawka awm mek chuan damdawiin tattoo paih sak thei tur an zawt kual zung zung a. Apollo Hospital ah chuan appointment te siamin chutah chuan paih tir ka tum ta a ni. Doctor chuan laser a paih chuan hun a duh rei dawn a mahse, ser (scar) a awmloh zawk tur min hrilh a. Hun ka ngah loh avang chuan ka malpui vun hlepa tattoo an hlehthlaknaa bel mai turin (skin grafting) thu ka tluk ta a.

Min ti muhil ta a mahse mak tak maiin min zai laklawh lai chuan ka harh ta luau roh pek a, an buai kher asin. An hmaikhuhna chu ka hmaiah an rawn vuah vata, rei lovah ka muhil leh nghal mai bawk a. Hetih lai hian Lalhmangaihi chuan tlawmngai takin min lo nghak char char a ni. Ka ban chu a chet lohnan ka awmah an phuar bet tlat a, ka ke pawh khawng takin chelo turin an cher bawk a, ka khawng vel vek anih ber chu. Chuti chuan Mizoram House lam chu min pan pui ta a. Rin aiin an thil tihdan a lo buaithlak hrep mai a, tumah tel lova (hruai neilo) ka ti ngawt kha a inchhir theih rum rum dawn mai!

Mizoram House ah hian dormatory a awm ka ni bawka inthlahrun ana angreng hle mai. Chuti e tilo chuan, students ho chu an lo fel em em mai a, engkimah chuan min buaipui ta hlawm a. An phone te chuan US lamah kan nu te min biak tir bawk a, ka lawm takzet a ni. Phone kha ka dilloh khan min hmantir nachang hrelo sela chuan kan nu hnenah ka chanchin hrilh ngaihna ka tan a awm dawn miahlo a ni. Chawei hunah inchungber atangin inhnuaiah min zawn thla a, ka rit ve nulh si a, a inthlahrunawm duh ngei mai. A hnu chuan room ka chang ve ta hlauh mai a, chutah chuan Lalhmangaihi leh a thianten min vil chawt mai a, an riak nghal a, tul ang ang min buaipui zel a.

Dream Hunter an zaitupa, Muanpuia pawh Delhi alo thleng ve hlawl mai a. Ani chuan a rawn zui te inluah, a khawsak naah chuan min hruai phei ta. A in neitu ber chu Mawitei, Manipur lam Mizo niin Delhi ah hnathawk mek a ni a, midang Muanpuia tih loh nula 2 Muanpuia te nen rawn chhuk rual an awm ve bawk a. Hetia Aizawl lam atanga hmelhriat sa, Lalhmangaihi mai nilo, Muanpuia kan hmuleh zel chu inthlahrun na viau mahse a lawmawm kher mai. Tichuan, kar thin Apollo lama min thuina (ka banah hian hmun 195 ah an chilh/staple a ni) an tihfai bakah an chilh (stapled) na chu phawi te angai thin a, Muanpuia te thianzaho hian min buaipui reng a ni. Bual hunah min bual a, ka inthiar pawh min vil reng hlawm (Muanpuia tiam lovin). Zirlaite, hnathawk te leh midang dang min rawn kan an peih a, na tur pawh nuihnaah min chhuah sak a, rilru thlamuang takin, inthlahrun ngai miahlo khawpin min duat a ni.

"Mizo nih hi alo van nuam em," tih hi ka rilruah hian chiang takin alang reng dawn a ni. Tattoo paih nan leh inenkawl zui nan hian Rs.70,000.00 bawr vel seng angin ka inchhut.

25 comments:

  1. A ngaihnawm hle mai. Inzai laklawh laia han harh luau mai chu! A zaitute tan a hrilhhaithlak duh âwm mang e aw..! I patë zawk zawk àwm si lo va, Melthum nula Lalhmangaihi chuan a beisei che a ni ngei ngei ang..hahaha.
    Kei, tattoo hi ka nei lo va, vannei ka intiin ka inchhir lo khawp mai. I sènso rëng a tam.

    ReplyDelete
  2. Zai laklawh laia har hi chu sim leh hram teh! Hairehai........ :)))

    ReplyDelete
  3. Ts, beisei love, ka thian ania, a pa (Er) Ngaizel khama a accident khan keimah hi apu chhuaktu ka nia, a hre reng aniang. Ka lawm viau nangin min buaipui over a, a zahthlak zawk mah mah a ni.

    ReplyDelete
  4. ha haha...kha daih kha asin...battery tatoo mahni chhut chawp te chu nalh lo deuh mai ania..he he he...keini angin porfessional hnenah per sq inch @ rs 5000 in chhut tir ve la chuan apollo i ti tuah hum lovang...lolzzz hi hi hi

    i malpui skin tih hi mawngtam skin anih ka ring zawk ...he he

    ReplyDelete
  5. A ngaihnawm kher mai. Tih chhiat hi chu a awlsam a, siam that erawh a harsa hle thin an tih kha. Tattoo chhut kai hi awlsam hle mahse, a tih reh lam erawh a harsat zia i rawn ziak lang chiang khawp mai. Tattoo chhut hi a that lohna ka hre lova, mahse hrehawm nasa tak tuar phah leh sum nasa tak senral phah nan i hmang si anih chuan, tattoo hi a lo thalo hle ani tih ka hre ta. A that loh em vang hi a niang, kan sikul lamah pawh khap bur a ni.

    Midang chunga i thatna te, mi laka i tlawmngaih thinna te kha, tanpui ngaia i awm hunah a rah duhawm tak i seng a, i lakah mi ten tlawmngaihna an lantir a nih kha. Zo nunmawi hi mizo tlemna hmun apiangah a par vul thinin ka hria.

    ReplyDelete
  6. ka la chhuttir lo hlauh. Chhuttir tumna rilru ka la pu lo. Bubble gum a stickers a chhawm, nembei ve hi a tawk ka la ti rih viau e...lolzzzz

    ReplyDelete
  7. Tattoo chu tih ve loh tur nih chu...

    Ngaihnawm pah bawk khawp mai...

    ReplyDelete
  8. A ngaihnawmin Mizo nih a nuam thar leh hle mai...
    Tattoo hi chu thil tul fahran chu a ni lo khawp mai. Intih pa nan te hian an han chhu ve khanglang a. Tattoo an chhut avangin pa ta riauh ah te an la han inngai zui a! ka ten zawng tak a ni.

    ReplyDelete
  9. Bon leh pek!! Ana awm mange!

    AZL a ka thianpa pawn, Chiense character alo chhut tir ve a. Open the door tihna ani tih ka hrilh hnu chuan a lungawi lo hle.

    ReplyDelete
  10. seki, Meghalaya Times neitu Thomas Lim khu tumkhat chu a nui kur kur ka hmu a. A nuih chhan chu Naga nula inti nalh fe kawr awma Chinese inziak awmzia kha, "I am a pig" tihna alo ni awm a hairehai :D Hriat chian loh hi tih ngawt chi anih loh hmel :D

    ReplyDelete
  11. A TATTOO FUL STORY:150 vel senga Addy,Malsoma te nen a bung hnuai a putartea kan chhut ho tir kha ania.Henrya hi an chhut joh sak hma in a khol a chhia a,a tuk ah kn va chhut jom tir leh a,na a ti ropui.a mitui te a tla vel a,cuan an chhu jo ve hram a.hei keini ho chuan kan la pu far mai..khang hunlai a kan thian ho inkomngeih ang khan tunlai mi hi an inkomngeih angem oo tih hi ka tattoo k en apiang hian k ngyhtuah thin.

    ReplyDelete
  12. r - i sawi lunglen thlak hle mai. Ni e, a tuk a lo belkang hman tawh an han chhu nawn leh kha chu mittui a per sak sak thei mai alawm mawle :)

    ReplyDelete
  13. Mitthlaa hmu chunga chhiar chu a ngaihnawm duh phian. Tattoo a va tangkai lem lo tak em! Mahse nang chuan Mizo nih hlutzia hmuh chian leh zual nan i hmang a, a tha viau tho e.

    ReplyDelete
  14. thil pakhat kan zeh tel duh chu,hei a coment tu reng2 hian tattoo hi a tullo an ti viau jel a.mizo ah cuan a chhu nasa pol tak k ni anga kei ngei poh hian a tullo k ti in k incir khop mai a,mhse kan soi duh tak jok cu,tattoo ani emo,bengverh,hnar verh,hairstyle leh inceidan engpoh hi min an duha an tih hi lo hmuhsit a lo tongtaw soisel ngot hi a fuh ber lemlo k ti.mi kn va soisel te hian min ron hmu perfect bik cuanglo a kn nun ah hian soisel tur an hre ve teuh tho tih hriat fo a tha ve ania.

    ReplyDelete
  15. Tattoo neih hi engmah a ni lova, neih loh pawh hi engmah a lo ni chuang lo anih hi.

    ReplyDelete
  16. caribou, a next ilo chhiar leh aniang chu.

    ReplyDelete
  17. keichu Pu Eich-a hi ka hmu kim viau toh ania

    ReplyDelete
  18. Hmai, min puihna kha ka dam chhungin ka theihnghilh tawh ngai lovang. May God bless and keep you always.

    ReplyDelete
  19. Hma-i hehe... Hv i lo va bei nasa ve. Tun hnua i tana lo that nasat dan han sawi leh teh. Chanchinbua chhuah tlak a ni, a chhan chu kan thalai naupang tete hi aware an ngai teh mai ania.

    ngaihnawm ka ti hle mai. Mak deuh deuh experience i nei bik a, han ziak zel la, a buin kan la chhuah dawn nia.

    ReplyDelete
  20. I harh luau..ha ha ha...Daktawr pa i hnek thlutawp lo chu a va tihzia ve mawle..Lolzzzz...Enga tan nge tatoo te i taksa ah i ziahtir reng renga...

    ReplyDelete
  21. Kan thianzaho khan kan inkawmngeih em em thin. Tumah dang kan ngailo tih theih a ni ber. Chuta tanga ngaihtuahna piangchhuak chu a ni maithei.

    ReplyDelete
  22. chhiar a manhla hle mai!!! keipoh Mizo nih hi nuam ka ti teh a nia!

    ReplyDelete
  23. mizo kan ni kan hmel a tha, tralalalala, keichu Henry zung tur kan buai laih2 kha ka lung a ti leng. :)))

    ReplyDelete