Search This Blog

Wednesday, May 4, 2011

Judy nu (Pathumna)


Hlim takin kan innei chho zel dawn emaw tih lai chuan puitling rilru pu lova nupui/pasal neih pawi theih zia keimah atang chuan alo lang chho tan ta, avan pawi tak em.

Mizo film hrang hrang kan chang zo hlim, Mizoram handlooms lamin fashion show lamah te an puantah fakna atan te min lo hmang ve zel bawk nen chuan, kei ang rilru puitlinglo tak tan chuan insumtheihna tlakchham alo awl ta riau mai a. Hetiang te anih takah chuan inlam paw'n a tuar tan ta a ni.

D.C office (Aizawl) ah chuan hna ka thawk tawh lova, Tlangnuam sikul 3 ah nghet lovin ka thawk ve leuh leuh a. Guwahati lamah kapa sawrkarin an sawn avangin ka chhungte chuan min liam thlak san ta vek a, kan chhungkua te chuan inpui kan lo nghak ta a ni. Naute (fanu) te kan neih ve tak avangin indaih te alo harsa a, chhungte puihna ka dil ve ta chawt mai a. Kapa chuan a pawisa khawl ve chhun ang ang chuan sikul naupang hman chi pen, ziaklohbu leh thil dang dang kan zawrh chhawn tur min rawn thawn ta nghe nghe a ni. An bungraw min rawn thawn chu bei tham hle mahse, hralhna uluk taka chhut chuan inpeipungin bungraw lakna pawh kan neih belh zel turah kapa te chuan min chhut pui a ni.

Tichuan le, sikul lamah theihtawpin tang mah ila, sikul banah haw paha zu in ka hmang leh ta tlat mai a. Duh tawk lah ka nei hleithei thin si lova, ngaihtuah lah a tawi tut zel mai thin si, Judy nu avan hah thin tak em! Kan inhnuaia a dawr nghah te chu Mary Mount leh St.Pauls kal hoin dawr tha viau mahse, hlep chu sawi loh pawisa reng reng a awm thei talo. A awm ang ang ka tham vek a, ka hmangzo vek zel a ni. In ka thlen hun awmah hi chuan lungphu dep depin nghakhlel lo takin min lo thlir thin tih ahnu ah ka hre leh.. ka va han suaksual tak em vele!

Nula ka kawp san a, aniin a hriat chhuah lahin insawifel ka tum nasa mai thin a, ring tak takin aw ka ka chhuah khum thin. Kan thenawm te khan a rilru puitlin zia leh min hmangaih zia an sawi fo, kei paw'n ka hria mahse ka nun sim reng ka tumlo. Tumkhat phei chu keimah paw'n ka huat ber pakhat angin kut ka thlak ta a, chu pawh chu keima thiam lovah tho, insawifel ka tumnaah a ni. Tun hnu hian ka va han inchhir thin tak em, a sawt tawh silo. Ani naupang te mai, a nu leh pa kalsan tu kha tichuan hreawm leh thlabar reng rengin ka siam thin anih chu. A chhungte hnenah engmah a sawi ngailo, min fak theihna awm tlem hle mahse chung ang te chu alo sawi hram hram thin tih te a hnuah ka hre chhuak ta zel a ni.

Kan fanuin kal a zir tih chuan loh theih lovin a tlan ve ta a. Chanmari west ah a pa u, Pu. Sena Tochhawng inah an nufa chuan an lut a. Chutah pawh chuan riak phei ang mai maiin a lo insawi ani awm e. Chutah kei chuan kan kawmthlang pa, Upa. Pachhunga (fam) fapa Enga sawmin ka bike chuan kan va kal ta a. Ani Judy nu chuan zu ka nghei hunah alo haw dawn chauh tih min hrilh a. Keia thinrim chuan ka fanu nausen chu pawmin, "Hei chu kafa a ni, ka kiangah a awm ang," tiin ka chhuh sak ta a. Bike ah chuan hmathlaka pua in Kulikawn lamah kan inphur phei ta a ni. Ka enkawl leh thiam si lova atuk chuan anu chu kava pe leh ta a.

Judy te nufa hriat loh chuan a chhungte chuan sum an rawn chhuah ta. Kei lah ngaihsam zurui si chuan, "Min pe vat vat teh u, zu man ka neilo ania," te kalo tih khum vel; ka va han zahpuiawm tak em! Khata Cyndi pa Sena hnena ka sawi ang tawngkam kha tumah hian chhak chhuak ve lo sela ka duh a ni. Apa Senan naute lak an remtih dawn loh khan kei chuan, "Ka fa a ni a, ka ta a ni a, ka duh duh in ka ti ang, duh leh ka kangro anga, duh leh ka duat anga..." ka tih khum hrep a ni; Champhai lamah an hruai chho ta daih mai si a, hun a rei chuan ka lungleng chu awm ngaihna ka hrelo hi a ni ber awm e. Ka rilru hi a bing chuk chuk mai a, inchhir ve hle pawhin ka inhre nghe nghe a ni.

Judy nu pawh chu alung alo leng ve aniang chu, kanu hnenah lehkha a rawn thawn ta a. Kanu nen hian an inngaina em em mai a, kanu hian engkimah a tan em em ringawt mai kha ani reng reng; lehkha a thawn pawh kha a awm viau e. Engpawh nise, a lehkhaah chuan, "Henry khan khawngaihin min rawn ru chhuak mai teh se, kan fanu, pa lova a awm hi a tha ka tilo. Ka hmangaih a, a nun chu a insiam tha ve zel mai ang," tih hi a ni a. Kanu in chutiang thu min hrilh hma chuan nasa takin zilhna ka dawng a. Hrilh tlakah min ngai ta aniang chu a tawpah chuan a lehkha dawn chu min chhiar tir ve ta a ni.

Champhai lam chho tur chuan ka inpuahchah leh ta a.

CLICK PIC FOR LARGER SIZE

18 comments:

  1. Judy nu chu a va khawngaihthlak ve le. Tuna i awmdan te, i nundan te, i rilru puitlinzia te, pa tha, nupui-fanau ngaihsak tak mai leh chhungkaw tana thlamuanpui tham i nihzia te hi rawn hmu ve ta se..... A chhungte a kalsan a, innghahna tlakah ngai chein i thlazar hnuaiah a intulut a; hmeichhia an lo pachang mang e aw.

    A ngaihnawm leh khawp mai. Judy te nufa thlalak chu han tarlang tel tawh la maw le.

    ReplyDelete
  2. caribou, a hmasa berah khan Cyndi thlalak chu ka dah tawh a, mahse i ti tlat sia fahrah deuh chu ka rawn telh leh hram e. Judy kum 4 anih leh a nuin a pai lai.

    ReplyDelete
  3. Judy nu khi nu riru tha tak leh nu fel tak a ni tih a chiang khawp mai, a mah thlahtute a chhun a nih khi. A hmel pawh a tha hle a ni tih a thlalak a tang khian a hriat mai. Ka duh chi tak :-)

    Caribou sawi ang khian tuna i awm dan ang te hi han tawng ni sela a va han hlim dawn tehlul em. Judy pawh khi hmeichhe naupang duhawm tak a nih khi.

    ReplyDelete
  4. Judy nu i post hi a hmaa i post-te nen ka chhiar vek a, ka chhiar laia ka GPRS that loh vang ni maw, ka comment thei lo zat zat a. Judy nu pawh kha a hmelchhe lo ka ti kher asin. A ngaihnawm thei khawp mai.

    ReplyDelete
  5. Hman ni chu pastor senior ve dawn tawh nen kan titi a, misual.com kan sawi a a lo lut ve fo chu niin. 'H.Vangchhia hi i hria em' min ti a, "hre dawn dawn ka ti a". Ani chuan Aizawl tlangval bawraw ve tak thin heti taka a rawn puitling leh hi a mak ngawt mai, a comment leh post hi ka ngaihdan ni vek lo mahse a creative khawp mai' a ti a, i lo bawraw em tak a nih hi.

    Ka parawl lunglen deuh laiin ka chhiar a, i fanu i tih dan khian ka hnuk a ti ulh tep mai kei chu; mahse dem che ka tum miah lo inchhir thu i ziak leh thei hi a lawmawm ka ti tak meuh meuh.

    Tunah nupui fanau duhawm tak nen- Pathian malsawmna tam tak dawngin, i phu loh(ka ti dawn Pathian hi a tha ngawt mai tiraw) hlirin hlim takin i nung leh ta a ni. Kan ni vek mai.

    Heng i nun kal tawh atangin mi dang tana malsawmna nih hi Pathian duh dan che a ni ang e.

    I post hi ngaihnawm ngaiin a la ngaihnawm reng, ka kham lo thei viau.ka duh aiin ka'n luanliam chu(h)sory

    ReplyDelete
  6. Rp, ka bawraw lai chuan zanah kanu hi mu lovin alo tawngtai thin ani awm asin. Ka thih thu miin an hrilh mawlh kha a hlauh ber ani fo awm e.

    Putling rilru pu lova nupui/pasal neih alo pawi zia hi chu hrechiang tak tur ka ni awm e.

    Ka phu lovin Pathian malsawmna ka dawng chho zel a hei ka fanu hmingah pawh Malsawmtluangi kan sa e.

    ReplyDelete
  7. i blog hi chu ka chhiar taimai viau a, mahse ka la comment ngai lo a,i ziak thra leh pek hle mai a.Nidang a mi ho chu a ngaihnawm in a hlimawm viau thin a, tuna mi chuan mi khawih hle thung..

    ReplyDelete
  8. A ngaihnawm viau va...thinrimna leh lainatna rilru inkawp chungin ka chhiar chhuak.

    I thil zir chhuah, rilru puitling lova, nupuipasal neih that lohzia hi kan thalai te hnenah atam thei ang bera puanzar chi niin ka hria.

    Tlangnuam PS 3-ah Upa R Lungtiawia te nen in lo thawk ho thin ani maw ? ANih chuan, sikul banah chuan PATAN lam atangin i hanwg thin ani maw :-)

    ReplyDelete
  9. a tha thei khawp mai,i ngaihsan awm ka ti ,ka lo chhiar ve ziah thin e...

    ReplyDelete
  10. I Nu ang a tih tak zet a Pathian au thin hi tamtak awm sela chuan kan ram a ruihhlo leh sualna a tang mek te hian in lam letin an nun hlui an sim ngei ang..kei ni ve chu Pathian hming hi a naran in kan sawi mai mai a.Ual au tak leh pawn lawi tak a Lalpa kan auh thin hi bansan a va tul em.

    ReplyDelete
  11. duh leh ka kangro anga...min pe vat vat teh u...hu hu hu...tawng man mah mah thin...

    on a serious note a ngaihnawm khawp mai :thumsup:

    -zb

    ReplyDelete
  12. seki, Pu Lungtiawia chu kan Head thin alawm. Tlangnuam Vengthar lam atang zawkin mawle. Khatih lai kha chuan Patan nen a inang reng. Kan sikul hual leh kawng tluangin zu dawr a awm thluah thin.

    Engkim mai, a chintawk hriat loh pawi zia hi chu pawi tak a ni tawp.

    ReplyDelete
  13. Pu HV, ngaihnawm satliah mai ni lovin zirtir tha tak nei i ziak a, nangma Testimony dik tak i han ziak chhuak hi a va ropui em! Chhiar laiin Judy leh a nu lainatna avangin thin i tiur a, i inhmuhchhuahna leh i inchhirna avangin i ngaihsanawm bawk si! Nun khawlo tak te pawh hi Pathian khawngaihna chuan a lo siam ngil leh vek thei tih hriatna hian mite nunah beiseina a siamsak ve ngei ang. Han ziak zel teh. A ngaihnawm tulh tulh mai.

    ReplyDelete
  14. A chang chuan i chanchin hi thawnthu anga ngaiin ka chhiar thin! A plot hi a ropui ka ti thin khawp mai....

    ReplyDelete
  15. ka chhiar ziah tih chu i hria...ka comment ngai lo. Mahse tunhnai a i thil ziah avang hian rawn comment ngei2 ka BA tlat!!! chuan nakinah i hla min pek avang a ka rilru inthlak tak dan chungchang ka la rawn feedback ve dawn che nia... gud post!!!

    - WB

    ReplyDelete
  16. WB le midang te: min chhiar sak thin avangin ka lawm e.

    Khawvel ka nun kal chhoah hian chona tam tak ka tawk ve a. Hnehloh ka tawng fo mai, mahse tlawm hlen hi Pathian zarah ka tumlo. Kanu leh pa te tawngtaina hi a thlawn tur atan ka phal lo.

    ReplyDelete
  17. Ava ngaihnawm leh pek em! Film-ah siam ila, a Hit ngawt ang a!!

    ReplyDelete
  18. Iva han sual reuh mai mai. Ruihhlo leh sum tulloa hman khi chu keimahni tisa chakna in a demand thin avangin sual rau2 ah pawh ngaihnathiamna ka nei deuha, midang leh hmangaihte chunga rilru chhiat phah tel kher hi chu a sorry ve a ni. :P

    ReplyDelete