Search This Blog

Friday, December 23, 2011

Mizo tih awmzia!

Tunlai thangtharte leh kan pa rualte thlengin "Mizo" tih awmziaah inhnialna, a awmzia hre zawk nih tumna a awm ta fo mai hi mak ka tilo theilo a ni. Tawngkam thiamin awm ang tak mai a an han sawi chiam hi chuan anih duh hmel thin bawk em a ni e!


Englekhawle, tunlai thangthar lehkha zirsang tak tak zingah, "Mizo" tih hi hnam (tribe) hming anga sawi an tam ta hle mai. Mizo tawng hlawm lian zual pasarih ie: Hmar, Lai (Pawi), Ralte, Paite, Mara, Zahau leh Lusei tawnga tawng hausa ber Lusei tawng meuh pawh a hausa tawklo tih nemnghettu pakhat niin ka hria. Tin, Mizo tawngah hian ethnic group, race, tribe leh subtribe/clan hi kan sawi pawlh emaw kan hriat pawlh fo thin vang ani maithei bawk.


Ethnic group kan sawi dawn chuan keimahni leh kan thlahtute engtia hriat nge annih leh 'nation' sawina a ni ie. Mizo, Khasi, Naga tih ang hi ani a. Race kan sawi dawn chuan kan chawrchhuahna, hmel puthmang sawina a ni ie. Mizo te chu Mongoloid kan ni. Tichuan, tribe kan sawi leh dawn anih chuan, "hnam" kan sawi tih kan hriat a pawimawh leh ang ie. Lusei, Hmar, Lai adt. Chutiang deuh chuan Subtribe/clan kan sawi leh dawn anih chuan "hnam-tepeng" kan sawi ani tih hriat a tha leh hle awm e ie. Siakeng, Dochhil, Hauhnar, Sailo adt.

Khitiang khi thu awmzia anih vangin, "Mizo" tih hi tribe hming a nilo tih kan hriatchian a pawimawh em em ta anih chu. Kan aiawhtu hmasa ten min awptute hnena 'Mizo Memorandum' an zuk thehluhah ngei pawh khan a nihna takin an ziak a mahse, khami lehkha chhiar fo tawhte pawh khan an bih chianglo fo thin anih hmel hle, kan sawi sual fo tho mai! Anni chuan, "Mizo race" tih te, Mizo tih awmzia sawi nan, "Numerous family of tribes" ti ten, "Mizo people" ti te in an lo ziak thlap a nih kha.


Kumpinu (British) hnuaia kan kunlai khan, Lusei lalna khuaa mite kha Lusei vek emaw tiin, kan vai huap a min koh nan (identify nan) "Lushai" tih an hmang ani a. Lusei lalna khuaah khan tam tak chu Lusei lal hovin "Hnamchawm" tia an kohte pawh anni hlawm. Chutiang anih vang leh Lusei vek annih loh avang chuan Mizoram a Zohnahthlak hnam zawng zawng huam turin Lushai tih chu "Mizo" tiin thlak alo nita reng a ni.

Tichuan, Mizoram a Zohnahthlak hnam hrang hrang, Hmar, Lusei, Mara (Lakher), Lai(Pawi), Zahau, Thadou, Ralte, Paite leh hnam tepeng (subtribe/clan) tam takte min huam vek a, min huikhawm theitu tur atan chuan Mizo tih chu alo piang ta a ni. Tichuan, April ni 29, kum 1954 a "The Lushai Hills District (change of name) Act 1954 [Act No.18 of 1954] "hmang chuan India sawrkar laipui hriatpuina-in Lushai Hills pawh "Mizo District" tih ani ta a. Mizoram a Zohnahthlakte chu "Mizo" tiin hriat kan ni ta bawk a, kan insawi dan (kan in identify dan) pawh ani chho ta zel a ni.


Mizo tih chu kan hnam hming nilo vin, kan nihna, Zohnahthlak hnam hrang hrangte min huikhawm a min awpkhawmtu, kan identity anih chu. A awmzia tak chu "Indian" hnam a awm lova Indian race a awm a chumiah chuan hnam hrang hrang (vai hnam ho) an awm ang hi a ni. Native American an awm a an hnam hming erawh chu Sioux adt. niin an hnam-tepeng/subtribe erawh, Lakota, Dakota te ani hlawm. English thiam vaklo chungin tihian entirna thutluan (sentence) kan siam ang e: "I belong to Mizo tribe of Ralte tribe of Siakeng subtribe/clan," tih nilo vin, "I am a Mizo of Ralte tribe and Siakeng is my subtribe/clan" kan ti zawk tur a ni ang.

Kan awmna tlang leh mual a zirin alo awmsa ten min koh dan a dang nual hlawm. Min koh dan (min identify dan) dang mahse chumite hnam hming chu "Mizo" tih huam chhung ami alo ni tho mai... ie: Chin, Kuki, Zomi, Mizo, Zo leh Thadou te hi hnamdang kan ni hauh lo tih chu Mizo Memorandum khan chiang takin a sawi chhuak a ni.

Tin, Red Indian kan tihte, United States, Canada leh Mexico a awmte hi an inen hrang hauhlo mai. Chhulkhat chhuak annih an hai lova, innel takin an intawkkhawm (Powwow) ho thin a, tawng hrang an la hmang nasa viau bawk (English erawh an tawng tualleng ani tawh a). Ka chhim ve fo nghe nghe a ni. Zohnahthlakte pawh hian kohdan emaw tawng bil kan la hman avangin mihrang emaw kan intih mai loh a tul hle a ni.

Mizo hnam hrang hrangte:

Lai (Pawi) hnam tepeng (subtribe/clan) te:


Paite hnam tepeng (Subtribe/clan) te:


Mara, Ralte adt. tepeng te:


Hmar (Lai (Pawi) hnam link hnuai zawkah khian Hmar hnam thenkhat a awm tel. Heihi chhunzawmnaah ngai mai ila):


Lusei leh Thadou (link ah hian Thadou, Kuki hnuaiah dah a ni a, Kuki hnuai a hnam hming awmte kha Thado hnuaia dah tur anni zawk e):

NB: Mizo te hi hnam hming inang si, Lai (Pawi) ah emaw Hmar ah emaw awm hrang emaw an awm nawk thei. Hei hian Saphun-mi kan nih a tichiang viau bawk awm e. Tin, hnam list a dahte khi a source ziah ngaiin ka hre lova ka dah talo mai. A chhan chu, Lusei, Lai, Mara, Paite adt. te khi Mizo annih chuan an tepeng (subtribe/clan) te chu Mizo anni ngei tih a chiansa vang a ni e (period)

33 comments:

  1. Ziak tha khawp mai. 'Mizote' inpui, Mizorama awm te hian rilru zau tak kan put a ngai hle in ka hria. Kan Unau, kan chipui tam tak te huikhawm theitu kan nih ang bawkin um bo theitu kan ni tlat a.

    Chutih rualin, Mizo ni ve duh lo na na na tih Mizo tir tum tlat hi impumkhatna zawn atang chuan thil lawmawm tak ni mahse a tlawm thlak ve duh ngawtin ka ring thin.

    Unau vek kan ni a, in en hrang tur kan awm lo

    ReplyDelete
  2. Duh vanga Mizo emaw Mizo nilo emaw kan ni lova, kan thisen/kan thlahtu te avanga kan nihna nei kan ni a. Chuvangin nih loh tum emaw, nilo emaw intih emaw, midang ni velo emaw tih ngawt hi a fuhlo a ni.

    ReplyDelete
  3. Ziak tha hle mai. Thumbs up e!

    Mizo Hnam inpumkhatna duhtu diktak i nih hi ka chhuang lutuk a che, hetiang Mizopa diktak hi kan hnam hian kan mahmawh hnem hle niin ka hria.

    God bless you Pu Vangchhia!

    ReplyDelete
  4. A chang hi chuan ka Mara thriante ho threnkhat hi chu ka sawipui peihlo law law thrin, "Mara in nih vang khan a lawm Mizo in nih, keipawh Tlau Bawlchhim ka nih avangin a lawm Mizo ka nih, Singh te chu lo ni ila Mizo ka ni tawp nang", te ka ti tawp thrin...Mizo ni tho si, Mizo nih duh miahlo hi an lo awm ve nual a sin..Kan inanglo thrin teh e..Kan veng Bawngkawn-a ka Nepali thriante ho ve lah chu Mizo i nilo han tih chu huphurhawm zawk khawpin an inla Mizo ve lehthung lawi sia, "Keini Mizo tlangval" ti ve ngat thrin kha an ni ve bawk sia..

    ReplyDelete
  5. Judd, kan duh vek ang chu mahse, a ngaihna kan hrelo thinte pawh ania'ng e. :)

    ReplyDelete
  6. bhruai_tea, Mizo memorandum kha print la sem hlawm teh khai. :)

    ReplyDelete
  7. I ziah hi a dik chiah ani. Hnam/chi hrang hrang Mizoram a awmte hi mizo kan inti bik reng ani. Mizoram atang origin na nei lem lo te chu Mizo hian a a huam ve lem lo..

    ReplyDelete
  8. ka hriat dan leh pawn dan i rawn sawi a, a tha ka ti hle mai. kan thalai te hian Kan hnam chanchin ai chuan Indian History lah hnam dang chanchin an hre zawk, 1966 ran buai pawh an hre lo hle. Rambuai hunlai ch ch han sawi te hian inhnial a ngai ta ziah mai. kan rual u zawkte pawh hi an chiang lo nge hriatdan a inang lo. Pu R Vanlawman "Ka ram leh kei " a ziaka. Pu Ch Saprawnga leh Pu Thangtinkhuma ziah dan nen chuan in ang lo tak a ni. Thangthar ten khawi zawk nge dik hriat ngaihna a awm lo. nge Party politic in thudik a thukru zawk aw.

    ReplyDelete
  9. khawvela, Min chhiarsak a ka lawm hle mai.

    An ziak ka thlir hian thlurbing an nei bik thinin ka hria a, a pawi ka ti thin khawp mai. I sawite chauhlo pawh, Mizo chanchin ziak thin tute reng reng hi anni deuh zel mai. Pawi tak niin ka hria.

    Thudik behchhan thosiin âwn lam an nei tui thin a, hetiang hi phuahchawp (fiction) ziak atan bak an tha in ka hrelo ve tlat. I sawi angin thangthar zelte rilru chawkbuai thei tu tur anni tlat.

    ReplyDelete
  10. ka ngaihtuah loh lam daih a ni a, a hma chuan ka ngaih dan chuan, Mizo nih duh chu mizo ni vek maise.. ni duh lo chu mizo chiang kuang mahse ni lo tawp mai se ka lo ti thin a.. I ziak tha khawp mai. Nih kan duh loh pawhin kan ni tho tho tihna a ni a, hei hi chiang ila, mizo te hi kan inpum khat thei chiang ang mawle..

    ReplyDelete
  11. kan tawng a dan vang leh ka khawsakna a dan avang ringawt hian mizo kan ni lo tihna a ni si lova.. engtin nge hei hi chiang fak a kan inzirtir theih ang aw ka ti ve...

    ReplyDelete
  12. digi, Mizo Memorandum angte kha sem darh chi ani maithei. Kan awmna lamah chuan mahni tawng la hmang hote hi e-mail nen, mitthi vuina lamah te a copy ka sem thin. A tha an tiin an lawm thei khawp mai.

    ReplyDelete
  13. I ziak tha hle mai. Heti lampang hi i tuina lampang tak niin ka hria a, chuvangin uluk lehzualin han ziak la, nakinah pawh reference hiala la hman theih turin tan la sauh sauh teh.

    ReplyDelete
  14. caribou, min fuihnaah ka lawm e. Hun neih a chakawm khawp mai.

    ReplyDelete
  15. E khai ! Pu H.Vangchhia, i ti tha lutuk. Mizo Memorandum kha a kimchangin min rawn email theih chuan ka lawm ngawt ang. Email address- omteapakt@gmail.com

    ReplyDelete
  16. E khai ! Pu H.Vangchhia, i ti tha lutuk. Mizo Memorandum kha a kimchangin min rawn email theih chuan ka lawm ngawt ang. Email address- omteapakt@gmail.com

    ReplyDelete
  17. omteapa, Link ah khian Mizo Memorandum chu a kimchangin a awm e. :)

    ReplyDelete
  18. e khai Pu vangchhiaka varvta hawk mai, rilruzimtakin, mizo niduhlo na na chu zolotawp sela ani mai alawm, ka lo ti thin a, tin lusei tawng hmang lo leh thiam lo te chu ka lo hnamdang en hmiah hmiah mai asin, anduh vanga zo leh zo lo an lo nilova an thisen avang zawka zo anlo ni reng si, kei in an thisen thlir lo in an tawng hman atang in ka lo teh a ka tehna alo ler hle tih ka in hre chhuak e, thanks he ti lam hi ziak uar zel teh u, HSA ah te MZP ah te YMA, Siamsin Pawlpi adt. ho journal ah ziah uar atha ngawt lo maw!!!

    ReplyDelete
  19. Darngawn, min chhiarsak a ka lawm e. Mizo chanchin emaw ziak tute hian awn lam emaw nei ran a an ziah thin bakah, keini Mizote chu mi sawi tam apiang kan thlawp tlangpui mai thin anih hi.

    Ram leh hnam thilah chuan dik fumfe chiahlo ai chuan, anih ang ang ziak zel mai nise ka duh dan a ni.

    ReplyDelete
  20. I ziak tha hle mai! Ka pawm dan leh ka hriat dan pawh a ni e.

    ReplyDelete
  21. Diktea_Pa, Min chhiar sak a ka lawm e.

    ReplyDelete
  22. ava han hlu tak em....Mizo tawng hrang2 a leh lin a chak awm khawp mai...

    ReplyDelete
  23. Keipawh tiang zawng a ka lo la ngaihtuah miah loh lam a nia..a tha hle mai

    ReplyDelete
  24. Tha lutk,ka pawmdan chiah a ni bawk... ka hmang tangkai zar zar dawn a nia aw... :)

    ReplyDelete
  25. A Thra hle mai! Mi a lo chuan achiar anga hma aswn pha ngei ang, Kei Ngei pawh DUHLIAN trawn katiam lo a Mashe MIZO chu kani reng Thou mai Ka duh vanga MiZO a ka duh vanga MIZO lo thei kani tlat lo. Ka thisen zawk hi mizo ani TRAWNG arawh hichu kan seilian na azira in thlak a thiamlo thei ani, Zir chuan athiam thei hle boka, Unau Mizoram a cheng Te hi Ka ngen nawn leh cheuh In in Hawng zau hle atrul ani Atu pawn eng trawng pawh lo hmang athisen zok kha anihna ania tin DUHLIAN trawn pei fe a an lo hmanga ENG HNAM NGE INI MIZI TRAWNG IVA THIAM LO VE ti ang chi kha chu awm tawh lo se a duh awm hle mai MIZORAM UNAU te hi ani In pumkhat a min thren dar thei tu rilru lintak pu a in hawng zau in ngai em em ani Kan unau tehi inlo hmu Mikhual pal ang.( Ka thu ziak pawh hi nuih nature atam khawp ang DUHLIAN tawng ka thiam vaklo vang in Mashe Kalo zir chaw ve mek ania)

    ReplyDelete
  26. guess we'll never know why some clans having the same name are under Pawi, Hmar or Lusei. for example, renthlei is hmar, pawi and lusei at the same time. Kipgen is also a paite and a thadou. Parate is a zote and a ngurte, both under hmar,etc etc. Confusing ain't it? Different sources come up with different data. Appreciate your 'NB', meaning of Saphun-mi?. Keep up the good work..

    ReplyDelete
  27. Lai (Pawi) tawngin kan dah leh reng reng teh ang:

    'MIZO' TIMI A SULKAM

    Tuilio mino hna le kan pa le rual tiang in, "Mizo" timi umzia hi i al peng a si a, a hngal deuh si u cuh peng a si mi hi khuaruah har a si. Biathiam deuh pawl nih si dawh ngai in an hun chim ah hin cun, si dawh viar zong hi an lo.

    Zei a si hmanh ah, tulio mino cathiam, cawng sang hna nih "Mizo" ti hi phunmin (tribe) a si rua tiin a ruat sual mi an tam ngai. Mizo holh ti dingah holh lian deuh mi pasarih Hmar, Lai, Ralte, Paite, Mara, Zahau, le Lusei holh hna hi si i, hi hna lak ah i tling bik deuh in ruah mi Luesei holh hmanh hi, 'Mizo holh' hun ti awk in a tling thlu hlei lo. Cun Mizo holh ah hin, ethnic group, race, tribe/clan timi hi, kan chim tik ah siseh kan chim ning in siseh kan cawh viar caah a si kho men.

    "Ethnic group" timi chim kan duh asiah cun kan pipu hna zeitin dah rak hngalh an si, rak auh an si timi kan hrampi (Nation) kha a chim duh mi a si i, Mizo, Khasi, Naga tibantuk hi an si. "Race" timi kan chim duh ah cun, kan chhuah kehnak kan muisam chim duh mi a si i, Mizo pawl hi Mongoloid thlah kan si. Cun "tribe" timi cu miphun tinak a si. Cu bantuk deuh cun subtribe/clan timi cu, phunmin, Cinzah, Bawitlung, Siakeng, Dochil tbk hna hi an si.

    A cung lei i kan chim mi bantuk khin thil umtu ning a si caah, 'Mizo' ti hi (tribe) miphun min a si lo tinak fiang tein kan hngalh a herh. Kan aiawhtu hmasa hna nih a rak kan uktu hna Mirang sinah "Mizo Memorandum" an rak tial i an rak pek mi zongah cu ti bak cun a rak si ko. A si nain kha ca a rel tawn mi zong nih khan tha tein kan ruat tawn lo i kan chim palh peng. An nih nih cun "Mizo race" ti hna in, Mizo timi a huaptu min can ah 'Numerous family tribes' Chunghkhar nganpi aa fonh mi ti te hna "Mizo people" Mizo mi ti hna in an rak tial.

    Mirang (British) nih an kan uk lioah khan Lusei Bawi i kan uk mi pawl kha Lusei an si rua tiin kan dih lak in 'Lushai' tiin an rak kan auh, asinain Lusei Bawi i a uk mi tangah khan phun hme tete zong an um caah khan, Lusei timi nih a huap khawh lo caah, "Mizo" tiin hun thlen a sinak cu a si.

    Cuticun Mizoram chhung i Mizo he hrinsor khat asi mi vialte, Hmar, Lusei, Mara, Lai, Zahau, Thadou, Ralte, Paite tibantuk phun min vialte a funtom kho tu "Mizo" timi cu a hung chuahnak chan a si. Cu bantuk cun, April 29, 1954 kum ah "The Lushai Hill District, Act No.18 of 1954 hmang in cozah theih pinak in "Lushai Hills" ti cu Mizo District tiin thlen a si i, kan miphun zong cu "MIzo" tiin auh kan si, cun hmai lei zongah hi bantuk in kan si peng cang lai tinak a si.

    Cu caah Mizo ti cu kan phun min a si lo i, kan dih lak in kan sinak funtomtu kan (Identity) a si. A umzia cu India miphun ti an si lo i, India ram ah miphun tampi a um ko nain (Indian) India mi an ti hna bantuk khi a si. America zongah "Native American" an um i, an phun min cu, Sioux, tibantuk in an i dang dih ve ko, phun tengnge zong Lakota, Dakota... tibantuk in an um len ve. Mirang holh in hun phuah chom ning law "I belong to Mizo tribe of Ralte tribe and Siakeng is my subtribe/clan" ti si lo in, "I am a Mizo of Ralte and Ralte tribe and Siakeng is my subtribe/clan" kan ti awk deuh asi.

    Kan umnak fing le tlang zulh in mi nih an kan auhnak cu an i dang cio hna, asinain "Mizo" kan timi nih cun a huap dih, Chin, Kuki, Zomi, Mizo le Thadou tibantuk hi miphuhn dang kan si hrim lo ti cu "Mizo Merorandum" ah khan fiang tak in tial le chim a si.

    Cun Red Indian pawl hi USA, Canada le Mexico i a um mi pawl hi an holh aa khat ve lo nain unau an sinak an i philh lo, tonnak pui an ngei tawn i an i (Powwow) ton hna, Mirang holh tu in an i kom hna. Mizo pawl zong hi kan holh aa khah lo ruangah phundang kan si hrim lo ti kan hngalh hi a biapi tuk ve.

    ReplyDelete
  28. Tha hle mai. Mizo tih hi HNAM ani chu Hnam chuan chi leh peng tamtak a nei. Pa huaisar deuh deuh duhtawka lo rehbun ching te hian thuneihna an neilo. Mizo luipui hi luang zel rawh se.

    ReplyDelete
  29. Mizo tih awmzia (Hmar tawngin):

    Tulai thangtharhai le ka pa ruol chenin “Mizo” ti umzieah inhnielna/inselna , a umzie hre lem ni tumna a um rawp tah hi mak ka tinaw thei naw a nih. Tawngkam thiemin awm taka an hang hril hin chu a nih hmel thei bawk a ni ie!

    Iengkhawm nisienla, tulai thangthar lekha inchuksang tak tak hai lai hin “Mizo” ti hi hnam “Tribe” hming anga hril an tam ta khawp el. Mizo tawng hlawm lien zuol pasari ie: Hmar, Lai(Pawi), Ralte, Paite, Mara, Zahau le Lusei, tawnga tawng hausa tak Lusei tawng meuh khawm a hausa tawknaw ti namnghettu pakhat niin ka hriet. Chun, Mizo tawngah hin ethnic group, race, tribe le subtribe/clan hi ei hril pawl amanih ei hriet pawl rawp hlak lei ani elthei bawk.

    Ethnic group ei hril ding chun eini le ei thlatuhai ieng tia hriet am annih le “Nation” hrilna a nih i,e. Mizo, Khasi, Naga ti ang hi ani a, Race ei hril ding chun ei piengsuokna/seilienna hmel putdan hrilna a nih i,e. Mizo hai chu Mongoloid ei nih. Chuongchun, tribe ei hril nawk ding chun “hnam” ei hril ti ei hriet a pawimaw nawk a i,e. Lusei, Hmar, Lai adt. Chuongang deuh chun Subtribe/clan ei hril nawk ding a ni chun “hnam-kaupeng” ei hril a nih ti hriet a tha nawk hle awm i,e. Siakeng, Dochhil, Hauhnar, Sailo edt.

    Khiengang khi thu umzie a nih leiin “Mizo” ti hi tribe hming a ninawh ti ei hrietchieng a pawimaw em em tah a nih chu. Ei aiawtu hmasa haiin a mi awptuhai kawlah ‘Mizo Memorandum’ an zu thelut ah ngei khawm khan a ni dan ang takin an zieka anachu, kha lekha tiem rawp hlaktu hai khawm khan an bi chiengnaw rawp hlak a nih hmel hle. Ei hril suol rawp tho hlak! Anni chun, “Mizo race” ti dam, Mizo ti umzie hril nan, “Numerous family of tribes” ti dam, “Mizo people” ti dam in an lo ziek thlap a nih kha.

    Kumpinu (British) hnuoia ei kunlai khan, Lusei lalna khuoa mihai kha Lusei vawng amanih tiin, ei renga huop a mi ko na’n (Identity) ti an hmang a ni a. Lusei lalna khuoah khan tam tak chu Lusei lal haiin “Hnamchawm” tia an kohai khawm anni tawl. Chuongang a ni lei le Lusei vawng an nih naw leiin Mizoram a Zohnathlak hnam popo huom dingin Lushai ti chu “Mizo” tiin thlak alo nita zing a nih.

    Chuongchun, Mizoram a Zohnathlak hnam hran hran, Hmar, Lusei, Mara(Lakher), Lai(Pawi), Zahau, Thadou, Ralte le hnam kaupeng (subtribe/clan) tam takhai mi huom vawnga, mi huikhawm theitu dingin Mizo ti chu alo pieng ta a nih. Chuongchun April ni 29, kum 1954 a “The Lushai Hills District (change of name) Act 1954 [Act No. 18 of 1954]” hmang chun India sawrkar laipui hrietpuina in Lushai Hills District khawm “Mizo District” ti a nih ta a. Mizoram a Zohnathlak chu “Mizo” tiin hriet ei ni ta bawk a, ei inhril dan (ei in identity dan) khawm ani tung ta pei a nih.

    Mizo ti chu ei hnam hming nilo in, ei nina, Zohnathlak hnam hran hranhai mi huikhawm a mi awpkhawmtu, ei identity a nih chu. A umzie tak chu “Indian” hnam a um nawh a Indian race a um a, chutakah chun hnam hran hran (vai hnam hai) an um ang hi a nih. Native American an um a an hnam hming ruok chu Sioux adt. Niin an hnam-kaupeng/sub-tribe ruok chu , Lakota, Dakota hai an nih tawl. English thiem raklo sain hienghi entirna hang siem inla: “I belong to Mizo tribe of Ralte tribe of Siakeng subtribe/clan,” ti nilo in, “I am a Mizo of Ralte tribe and Siakeng is my subtribe/clan” ei ti lem ding nieng a tih.

    Ei umna tlang leh muol i zirin a lo umsa hai in an mi ko dan a dang nuol tawl, an mi ko dan (an mi identify dan) dang sienkhawm chuonghai hnam hming chu “Mizo” ti huom sunga mi alo ni tho hlak--- i,e. Chin, Kuki, Zomi, Mizo, Zo le Thadou hai hi hnamdang eini naw tawp ti chu Mizo Memorandum khan chieng takin a hril suok a nih.
    Chun, Red Indian ei ti hai , United States, Canada le Mexico a umhai hi an inen hran der nawh, sulkhat suok an nih an theinghil nawh a, innel takin an intuokkhawm (powwow) hlak a, tawng hran hran an la hmang nasa vieu bawk. (English ruok chu tawng tuolleng a ni tah a). Ka sim/uop ve rawp nghe nghe a nih. Zohnathlak hai khawm hin kodan amanih tawng hran/bik ei la hmang leiin mihran amanih inti el naw/lo hi a pawimaw hle a nih.

    ReplyDelete