Search This Blog

Saturday, March 10, 2012

Ka tih loh dan! (1)

Zu hi ka nghei miah lova, kawl pawh ka kawl nual mai. Engemaw ni pawimawh emaw, chaw eikhawm nikhua angah te emaw chuan , a buatsaihtu ten an hlui (serve) anih chuan ka dawm hreh hauhvin ka ringlo. Chutiang ka nih vang erawhin, a awm remchan vang emaw, ka kiang ami ten an in vangin ka inve kher chuang hauh lovang!

Tun hmaa ka zu-in kha chu ruih hnuah pawh a awm chhung, ka la melh peih tek tek anih chuan ka dawm peih kerh kerh reng mai thin. Ka zurui lah hi ka pai tha duh der lova, ka mitah erawh a lang chiang thin viau ani awm e. Ka nokhat inpawh ka mit atangin a hriat thu ka nu khan a sawi thin reng a ni.

Ka blog ziak hmasa lamah ka zu hmun tal chanchin ka ziak nual tawh a. Khami chhiar kha chuan zu inthin mai nilovin a hmunah pawh chenchilh khawp a duh ka nih thin inhre turah ka ngai. Chaw ei mumal lova han in char char mai chu, inloh hlekin taksa chhungril a khur der der a, min hnawh up up mai thin bawk si. Intur neih mailoh chuan hreawm ve thei tak a ni.

Chhungkaw pawisa neih chhun ka hmangzo vek thin mai pawh a nilo, kan bungruate khan avan tuar thin tak em. Keilah chuan nghei reng reng tumna rilruah ka nei ngai lova, gospel camping kal emaw lah chu in leh tura inup khu vut vut ang mai ka ni thin a. Chhuah velah midang hriat lovin ka inru leh nghal vat mai thin. Chutiang vang chuan naupan lai a ka thiante chuan eizawnna tha neiin min tlansan vek reng a ni.

Tunah chuan kum lamin a zir vangah ka ngai lemlo nangin, nihna chen a neive tho maithei. Zu inchakna ka neita zen zenlo tlat mai, hun pawh ka neilo reng a! Ka rilru a, "Ka damchhung ka nghei lovang," ka tih meizial zuk pawh ka ngheina a rei ta a, zu in lemloh pawh a hun ve tawh ania'ng e.

Thian inkawmho naah emaw chuan ka-in hreh hauhlo nangin chutiang hun tur chu ka insiam duh lemlo. Nupui fanau nei kalo ni hlauh bawk nen, lengchhuak lovin chhungkua han inkawm thin chu alo nuam viau mai tih pawh Pathian zarah ka hmu chiang sawt hle.

Eizawnna lam hnaah phak tawk a theihtawp chhuah thinte chu entawn ka tum ve thin a. Kan chhungkua min chawmtu anih hriain an hlawh min pek chu a thlawn a lalo turin tan ka lak phah thin. Hlawh pun tura nawrna rilru siam ngailote, duhsak tlak a awmdan thiamte entawn ka tum thin bawk. Hlawh pun a hun dawnah, kan pu ten kan hnathawhdan thlirletna (review) min nei thin a. An hnen atangin thuchhia ka lakah a awmloh nan tan lak pawh a nuam kati ta viau mai. In lamah pawh nupa-in, titu bik awm lovin, tul ang ang kanti dun mai thin a, nupa pawh kan hlim zual phah viauin ka hria.

"Zu in-na hun emaw, ruihna hun emaw neilo tur chuan tul dap peih ila, mahni inchhung ngaina ila," tih hi ka thutlukna ani ber awm e.


13 comments:

  1. Zet-u-zu lamah chuan, mi vannei tak i nih hi maw le.
    Eng emaw han tih ni a, thian ten an han dawm ket ket hi chuan; a chakawm ve thin em lah tak a. Mahse, ka induh lo a ni lo; ka insum ve hram hram thin. Insum theih loh tawpkhawk te hi a awm ve a, mahse ka buai ngai chuang hlei lova. Ka duh ber zawk chu, insum zel hi a tha ka ti.

    ReplyDelete
    Replies
    1. Insum theihna hi mi puitling nihna niin ka hria.

      Delete
  2. A tha khawp mai. Nichina group pakhata ka comment danah i lo lungnilo viau ang e!

    ReplyDelete
    Replies
    1. Mai mai thin a, mi ngaihdan sawiai chuan mahni rilru kan ka atangin a chhuak zawk tur alawm. :)

      Delete
  3. Hlawh pun tur khian theih tawp chhuaha tan lak a ngai tihna a ni maw? A va hautak dawn ve le. Kan ramah chuan miin hna a thawk tha emaw, thawk tha lo emaw, kumtinin a hlawh a pung ngei ngei thin. Eng anga thatchhia pawh nise, a hun a lo inher chhuah ve chuan a kaisang ngei ngei thin bawk.

    Zu chungchang hi chu nhgaihdan nghet bur ka nei a. Zu hi, mizo bikah chuan, nun tichhetu, mi titlarantu, chhungkua tikehdarhtu leh chhungkaw retheihna thlentu mai a ni. Mizopa, 'zu in thiam' inti te pawh hi, a rei hnuah chuan an puam duh hle bawk.....

    ReplyDelete
    Replies
    1. Hlawh hi kumtinan pun a ni ber. Mahse, 3% te ani tlangpui thung. Review anneih naah duhthu a sam loh chuan 1% chauh pawhin kan hlawh a pung thei. Zirloh vangin pung miahlo pawhin a awm theih. 3 % a pung tur chuan duhsak tlakin hna kan thawh angai thin. Company/Co-op, county etc tih dan a hrang thliah hlawm ang, mahse a inang tlangpui maithei.

      Helam thatna nia ka hriat chu mi thatchhia-in hna a chelh rei thei lova, senior avangin kaisan tir ani ngawtlo bawk. Phu rêng tuten kaisanna an hmu tlangpui. Hna nghet tak tak pawh a awm heklo. Hna te ber atanga lianber thawktute an inzahtawn vek a, tul hunah a te ber pawhin a lal ber a chhang fawk ngam thin.

      Delete
  4. A tha hle mai, tuna i rilru ang kha i tleirawl chhuahin pu ta la i turu tawh viau ang chu. a tha tho ve, i turu tho a lawm le.

    Lo haw te kha i sawi riin ka hria ka ti? Hna hi thawh vak hian kan loin thawk tui nge nge a, ram changkang apiangah an thawk nasain ka hre mai.

    ReplyDelete
  5. I hringnun tawnhriat atang hian kan inzir hnem tawh mang e! I blog chhiar hi hlawhthlak tak a ni.

    ReplyDelete
    Replies
    1. RP : :)

      Zaia, fuihna tha takah ka ngai, ka lawm e.

      Delete
  6. I blog ka chhiar hmasak berah hringnun zirlai pawimawh tak mai ka chhar phah nasa hle mai. A tawp lam para khi ka duh zual khawp mai

    ReplyDelete
  7. Zu te chu in ila ni mai lawm.. han rui buai buia mai ila nuam ber.. :-)

    ReplyDelete
  8. A tha e, insumtheih chu a lawmawm.

    ReplyDelete