Search This Blog

Sunday, July 25, 2010

Early Life 5 (Darlawn lam chhunzawmna)

Siktuithiangah "Bawmpek huai" an awm an tih chu kan chang zeuh zeuh nangin, Huai ai chuan sava kah tur kan chang chhuak tha zawk daih mai. Huai leh thlahrang hi hmu ilang chuan, a hlau ber ber pawh ka ni maithei. Mahse, hmuh loh hlauh ngawtna mihring ten kan nei thin hi kan rilru mai niin ka hre fo. Engpawh chu nise, Darlawn leh a chhehvel kan sawi laklawh bawk a, hun inanglo tak tak te pawh sawilai chuhin i han zep kual law law teh ang hmiang.

Tumkhat chu Serzawl ram (hei hi Darlawn atanga Ratu lam panna kawngpui atanga kal pen ngai a ni)ah Chakai meichher kan chhit a, Sa pumpui chiah kan ni a, tam manlo mah ila ei khawp chu kan man ve mai bawk a. Luite atanga Serzawl lam pana kan kal mek lai chuan an khaw khelmual (field) chungah chuan Tau-meichher-chhi, de phei chiah chiah hi kan hmu a, kan thlir reng a. Kan eng hmuh chu inzui phei diah diah in, tui fawn ang deuh hian eng intlar chu an fawn phei deuh ngiai ngiai a, hmuhnawm ti tak chuan ngawi rengin kan thlir reng a.

Tumkhat leh pawh Serzawl ramah tho hian airgun kengin sava kan veh a, kalkawngah chuan pitar thingfawm pawh kan hmu nghe nghe a (khua atanga hla lo te a ni). Kan kal zel a, chutah ngaw karah chuan thing insawi che leih leih hi kan hmu a, thawm dim takin kan pan phei a, Sava rahtlan hi Savawm pahnih hian a kung an lo sawi chu niin. Pakhat zawk chu a lawn tui mai a, pakhat zawk erawh chuan leiah dingin a sawi thung a. Chutia ngawi renga kan en lai chuan kan thian pakhat chuan sairawkherhin huk tuar khawpin thingkunga mi zawk chu a perh ta roh pek alawm mawle. A zit hian a rawn zit thla ni ber hian ka hmu, kan lamah an rawn tlan ta biang biang mai a. Keini chu le, bak lengin kan tlanchhia a, pitar thingphur kan hmuh kha savawmin min um thu leh tlan ve turin kan hrilh a. Ani lah chuan, "Silai keng zawk pawh in tlanchhia ania," a ti sam et lehnghal a. Pitar tawngkam han ngaihthlak hnu chuan tlan leh mawi tawh heklo le, tha khur zawih zawihin kan ding ngawi ta reng a. Kan tlan hla hman viau ni ngei tur a ni, min umzui ta lem lo.

Darlawn PWD J.E Mawitea (fam), pianpui unau ang maia ka en hnathawhnaah ka zui ve a. Min hruaina hi Vervek piah, Luakchhuah khua a ni. Luakchhuahah chuan buk chheteah hian thlakhat emaw lai kan va awm ta nghe nghe a. Kan awm chhung hian chanchin sawi tur atam hman hle mai. Tumkhat chu vawk talh hi an awm a, kan la awm rei dawn sia i rep ang u tiin, Kg 20 kan hauh a, Saum te pawh siam kan tum a ni. Luakchhuah daiah hian Raw kung lian zet zet mai hi an awm a, a then phei chu uipum tiat dawn te pawh an ni ang. Raw dang anglo takin an pan har mai a, Mautak ang lek hi an ni ber. Chumi chu Saum bur turin uluk takin ka suih vel e ka tih lai chuan, kan vawksa hauh lawk chu an lo dah ta a. Kha vawksa tluka cher kha a awm leh theih pawh ka ring tawh love. Mawitea chuan kir leh a rawt a, kan va kal dun ta a. A neitu, pitar hnenah chuan tihian a sawi," Ka pi, in vawk hi a ding tawk tawk em ni a," a tih kha ka theinghilh leh tawh ngai lovang. Nikhat pawh...

12 comments:

  1. Vawk cher lutuk khiiii.....ahahaha...ahahaa...dul vun a na....

    ReplyDelete
  2. lolzzzzzzzz @ the above... airgun chu a lo thlamuanpui deuh ani maw pitar sas chuan lolzzz ngaihnawm thin teh e

    ReplyDelete
  3. hahaha: keini pawh hmanah thrian hovin bawng kan talha, kan bawng talh kha alo cher lutuka kg ah 80 anih lai kha aniang, tu vak mah khan leiduh heklo, Rs 50 in kan sale vel mawle. kan chawi belh lo chauh. hehehe

    ReplyDelete
  4. funny, chutiang tur chuan ni engzat nge chaw pe lovin in thlun?

    ReplyDelete
  5. Tau-meichher-chhi hi engtin nge a awma ? In vawksa hauh chu a va cher awm tak ve mawle..Lolzzzz...

    ReplyDelete
  6. chhangte_ll, Tau-meichher-chhi chu mei alh niin, a lan dan berah chuan meichher ang hian a alh hlep hlep a ni ber. Sap ho chuan Will-o-the-wisp an ti.

    ReplyDelete
  7. Corpse candle te pawh an ti tho bawk

    ReplyDelete
  8. Sava perh thlak chu kan zawng kan zawng a, savawm perh thlak chu min zawng vat vat mai.

    ReplyDelete
  9. tau-meichher-chhi khi kahmu ve chak berr

    ReplyDelete
    Replies
    1. A hming hi anlo phuah rapthlak em mai a, hmulo a hlausa an awm nual maithei. Hmuh chiah chuan mak ve tak a ni, a dangdai riau...a . hmuhnawm.

      Delete