Search This Blog

Thursday, July 29, 2010

Early Life 7 (Chawngte lam)

Kum 1985 alo thlen meuh chuan kapa, sawrkar in a sawnna Chawngte lam chu ka pan thla ve ta a. Chawngte hi veng pathumah inthenin, veng tin chu luiin a then hrang vek bawk. Keini chu Chakma district lam, Chawngte 'C' ah kan awm ve a. Sawrkar in an khap hma ani bawk a, Chawngte ah hian video hall te pawh kan nei ve thin. Chakma council lam an milar Pu Kushol a nupui, Bidia hming chawiin Bidia video hall kan sa a, a lun phah viau nghe nghe. A hun leh a hmun a awm zel ngai e. Chakma politician ni ta, Nirupam a driver Atil-a chu video operator ah kan ruai a, Amitabh channa a chhuah chuan house full a ni ziah.

Chakma nula hmeltha Suruti hi kan rim thin a, Daba (an mei zukna) hi min chhawp ngei bawk thin. Tumkhat chu Chakma tlangval ho kha an lo leng thap a, mahse duhsakna Daba kha keimah min pe hmasa ta ber si, tlangval pakhat chu a thinrim ta a, a kekawr kar a zen rawk rawk a, a englo hmul apawt chhuak teuh a, dawhkanah chuan a chhawp hnur a a chhuak nal nal. Khapa thikthu tih lan dan ang kha ka la tawng ngai reng reng lo.

Chakma thi an awm hian lui kam, khua atanga hla ve deuh takah hian an halral thin a, ka tel ve zeuh zeuh thin. Lawngleng ah mitthi ruang nen lui mawng lam kan pan thla a, mitthi chhung te chuan a hal tu tur te chu duhsakna zu tha chi Duichuani emaw, Dosani emaw Mautheiin min pe theuh thin. Mitthi luruh chu kan han vaw keh pawp a, thingkhawn ang maia thing lian pui pui rem chhipah chuan ruang chu zalhin kan hal thin. An kang that tak tak hma hian an kawm ngawl ngawl thin a, han hlap ngil zawt chang pawh a awm fo. An lu kan vuak keh thin nachhan kha chu, luruh hi meiah chuan apuah pup thin vangin a puah loh nan tih a ni ber.

Chawngte leh Lungsen inkar ah hian Jeep in buhfai thiarin kan kal ve fo thin a, kawng a chhe thei em em mai si, puanin, suahdur leh bawngtuthlawh hi ka pai reng thin. A chang chuan kawng chhia ah chuan motor ke a pali te hian a kang vek (a rep) thin a, kan in lai ngat ngat fo bawk. Dum uih, hnah tawih te hi a ni thin si a, a nuamlo ve thei khawp mai. Hetiang vel kan chhut kir hian Vaingalsin mai hi Tribal an lo ni bik love tih min hriat chhuah tir a! Kum sang tel hnu ah pawh an mawlzia en hian, "an tribal viau lo maw," ka ti fo!

Ka ngaihtuah chhuah changa mahni pawh a ka nuih put put fona chu, ka thianpa pa, Chawngte civil SDO chezia kha a ni fo mai. A quarter living room bangah hian "I am the boss of this house because my wife is not here," tih a ziah tir a, an nu a lo zin, a thinrim hmel mawlh mai kha a ni. A quarter sirah hian Babel insang a tih mai, Vietnam war movie vel a an duty post ang hi a sak tir a, chutah chuan zu a han in thin, an nu a lawm ve ngam lova, a chhuhsak theihloh vangin. Chuta tang chuan an nu kha a zuk chhuk deusawh vel thin a nih chu. Sazuk naute an pe a, a len hnu chuan a quarter thlang ramhnuaiah a chhuah a, a zuk kap. Pa tha tak leh fel tluangdam deuh ni mahse, a che dangdai thei khawp mai.
Thudik sawingam anih chuan, Chakma hmeichhiain zahmawh hmul an neilo tih hi dawt a ni, mahse, hmulchhia ang a awm. Hemi ka sawi kher na chhan chu fact and ... awm thin vang a ni.

18 comments:

  1. a sazu hmul apawt chhuak teuh a, dawhkanah chuan a chhawp hnur a a chhuak nal nal. lolzzzzzzzzzzzzzzzzzzzzzzzzzz

    ReplyDelete
  2. eu eu eu duichuani khi ka ruisual hrep tawh Tuipuibari ah lolzzzzzzzzzzz ... driver hming leh in Chakma nula rim hming te khi ngaihtuah chian chuan a sexy ka ti tlat :p

    ReplyDelete
  3. Chakma chhu hmul neih leh neih loh te lam a hriat fai vek mai pawh chu ava mak bawk vele aw..... :)

    ReplyDelete
  4. This comment has been removed by the author.

    ReplyDelete
  5. ThaiBoy sawi ang deuh khian Chakma chhu hmul neih leh neih loh te chu ilo hre hman vek pek a maw?? A va han tuan that thlak ve maw le...

    ReplyDelete
  6. Feild lai tak ah .. tih vel ka nghak e kei chuan

    ReplyDelete
  7. Anti tih vel mai2 te pawh i lo prove thlap2 a.. he he thudik lailan na a lo ni jel a.. kan fiah ta uar uar mai hi..hi..

    ReplyDelete
  8. Mithi luruh vuak keh pawp hi ka van rap! a sak viau lo maw? an kang rawn khawr vel te pawh chu aaaa. I 'man' khawp mai! lol

    -pi bmw

    ReplyDelete
  9. hmm va han ngaihnawm thrin ve aw!!! nia luruh vuak keh khi rapawm


    -littlerascal-

    ReplyDelete
  10. mickeya pa sdo chu tunge a

    burgerstud2005

    ReplyDelete
  11. i englo hmul chu pawh ve treuh a, tu pawt tam2 tiin chawp ve treuh mai tur alawm....lolzzz

    mitthi ruang hi ka sawngbawl ve nual tawh a, luruh vuak keh kher khi chu ka trih deuh tlat!

    ReplyDelete
  12. burgerstud2005, 1985 a Chawngte a awm :D

    ReplyDelete
  13. hmnn, Pu HV chu i autobiography i buatsaih mek a va ang em, chhiar a nuam hle mai tak tak a. Ngaihzual Nang Nen film chan hun lai a nghahhlelhawm ta hle mai :)

    ReplyDelete
  14. E khai, Pu HV, a va ngaihnawm em! Pa dai zau ngang hi i nia, kalna apiangah thawnthu ngaihnawm deuh deuh hi i siam thei zel mai a nih hi! Han ziak zel teh khai!

    ReplyDelete
  15. ngaihnawm thei hle mai, ka vawi khat comment na mahse ka la chhiar ziah e

    ReplyDelete
  16. mitthi lu ruh vuak keh hi mahni thiante an nih phei chuan nuam lo duh khawp mai...hindu in hal naah ka kal ve tawh a

    ReplyDelete
  17. DylanSailo, "mitthi lu ruh vuak keh hi mahni thiante an nih phei chuan nuam lo duh khawp mai...hindu in hal naah ka kal ve tawh a," a ni asin.

    ReplyDelete
  18. A ngaihnawm chho zel e. Hmul tih chungchangah khi chuan i tidik, ka thlawp thlap a che, sawibuai tur a awm lo e.

    ReplyDelete