Search This Blog

Sunday, December 5, 2010

Chet chhiat theih ngei mai

Kum 1990 a tlin hma hret khan Lunglei lamah Mizoram Handlooms neitu hrang hrang te chuan an thilsiam, puantah ilo tih lar nan fashion show an buatsaih a. Hemi tum hian an puan hmanga thuamhnaw hrang hrang han ha a mipui hmaa han tilang vel tur an thlan ziangah ka tel ve nghe nghe a ni. Hetiang lai hi chuan Mizo mipa model an hman te kha tunlai anga tuai ze zu kan ni velo tih hriat a tha viau ang.

Fashion show neih hma chuan Lunglei lama sawrkar officer pakhat chuan, "Kal huaina," tiin rum um khat min paipawn a. Tichuan, Lunglei lam zaithiam hmeichhia te nen chuan kan in ho ta a ni. Kan lo huai ta mah mah ni ngei tur a ni, ka chhuah hun lo ah te chuan ka kal chhuak dawn ta pek a, ka hai chiangin ka zak kher mai. Lunglei lam nula zaithiam lah chu a lu a lo hai ve deuh nge ni mike stand chu a bawh thlu ri ve ta rum rum mai a, zah a double chiang kher asin. Tlema tlemah kan mualpho lo chauh ni berin ka hria.

Lunglei hotel pakhatah chuan driver pakhat nen nula kan riah luh pui ve alawm mawle. Room khatah khan khum pahnih a awm a, room pahnih lakna nei talo chuan chu chu kan la ve mai bawk a. Zanlai a pelh hnu pawh chuan, "Zawnga tum tum mahla i hlawhchham chiang ngawt ang," tiin an la in bawh chuk chuk reng si, a ninawm ngei mai. Zing khawvar pawn thlan hluamin an la inbuan tiang tiang nia mawle. A mipa zawk lah chuan ka thei dawn tho tho che tiin a rui lungpuam tlawmngai chuan thlem pawh a tum tawh heklo, kan che tribal hle a ni.

Lunglei ah bawk, Chanmari 2 an party naah min sawm ve a, hemi kum hi 1985 a ni. Kan hlim tlangin kan lam tui ngang mai, kan ri hep hep a ni ber awm e. Tlangval pakhat chuan chik deuh hian awm zingah theih ka neih tawh em tih min zawt sek mai a. Sawi duh vaklo chung chuan min zawt ta sek chu pakhat ka kawk zuk pek alawm mawle. Ka kawh ber kher kha anau alo ni pek a, kan insual chu a ni zui ta mai a, a pawi ngawt mai. Min zawt sek lo sela chuan engmah thlenglo mai tur kha ania, te ka tia.

21 comments:

  1. Sawi duh vaklo chung chuan min zawt ta sek chu pakhat ka kawk zuk pek alawm mawle. Ka kawh ber kher kha anau alo ni pek a, kan insual chu a ni zui ta mai a, a pawi ngawt mai. Min zawt sek lo sela chuan engmah thlenglo mai tur kha ania, te ka tia.

    lolzzz.z.........midang kawk pawh nila ka nau a ti tho tho ang...insual pui a chak ve hrim hrim che anih chu lol /.////

    ReplyDelete
  2. "Hetiang lai hi chuan Mizo mipa model an hman te kha tunlai anga tuai ze zu kan ni velo tih hriat a tha viau ang."

    "Ka awih chiah lo mangeee..." han ti mai ila i haw awm mange..lolzzz...

    ReplyDelete
  3. Zaithiam khi rin ka nei..hihihi

    ReplyDelete
  4. In fashion show ang chu ka la en ve miah lo...hmuhnawm dang dai phian ang a!! lol I modelling tih vel hunlai thlalak i nei lo maw? rawn pho lang la mawle :-)

    -bmw

    ReplyDelete
  5. haha,va ngaihnawm leh pek v,heia thui hian lehpekah chuan chhuak tawh se ka van ti:beiseina sang tak nen:


    Sihal

    ReplyDelete
  6. a nih leh nangmahni chu khum leh lamah chuan eng ting nge in awm???? lol

    i la sawi tha du lo mai2 in ka ring tlat.....hahaha


    tunlai chu blog ka tloh kual peih thlot lo a...sorry!!!

    ReplyDelete
  7. bmw, blog hmasa lamah 1 chu ka dah. Wonderboy, i tlawh a ka lawm hrim2 :)

    Ka lawm e in vaia chungah, ka blog fahrah tur min rawn fuih tho zel a.

    ReplyDelete
  8. H.Vangchhia, i post hmasa lamah khan ka comment zuka, ilo bih loh takin...Ka hmelhriat ve thin Henry-a kha i nih ka ring ta riau a. I thlalak ah hian i danglam nasa tawh mai si a, Tin, khatihlai khan Vangchhia ni lovin Khawlhring (?) kha ini bawksi a. Hun a rei ta a, ka hresual pawh a ni maithei e.

    Engpawhnisela, thu leh hla ah (a bikin misual.com ah) i contribution te hi ka ngaisanga, i thawh hlawk ka ti thei khawp mai. I blog pawh hi ka tlawh zeuh zeuh reng a nia.

    ReplyDelete
  9. Sena, Ngaihzual Nang Nen tih movie siam lai khan Vangchhia nih kha ka lo zak thin a (min chhaih thin avangin), kan nau Khawlhring kan chawi vel alawm mawle, a lo zahthlak zawk khawp mai. Khawlhring ni lovin, Vangchhia ka ni e.

    ReplyDelete
  10. Va ngaihnawm leh pek ve, tawi deuh mah mah thrin chu a ni pu HV

    Littlerascal

    ReplyDelete
  11. HV chu i va nikhua lo ve..Vangchhia ni na na Khawlhring nih tlat tum. Kei chu kan naupan laiin kan zirtirtu ten eng hnam nge i nih min tih hian Pawihte ka ti thin a.ka pa hi a nuih a za thin khop maio.Ka pa chuan Pawih nih kha kan naupan laiin kan zask thin a, nang ni chu in zak lpo ngei mai min ti thin.

    Engpoh ni se, i ziak tha thin...chet chhiatna hlim awm deuh2 i nei a.kan tuipui e. I chet thatna lo ziak ve teh.lol

    burgerstud2005

    ReplyDelete
  12. burgerstud2005, chet thatna sawi chuan, " A insawithei," min ti leh hlawm si ang e hairehai.

    ReplyDelete
  13. Het Saalaa..i thuziak chhiar chu boruak ava sang duh ve. Tha hle mai. I chetchhiat dan hi a dangdai khawp mai. I sawi pawp pawp a tha.

    I chetchhiatna tawp bera zawhna i dawn khi tha ka ti hle bawk. Hmanlai chuan zawhna tha tak a ni. Tunah chuan ni tawh lem lo ni mai thei ni,a reh ve tawh ang chu.History a ni i ziah hi.

    Tha khawp mai. I blog hi nuam e.

    ReplyDelete
  14. Hi..Pu Vangchhia thil i sawi thiam thin, a ngaih nawm e.... Zing khawvar pawn tih khi kaihtawi i tum mah mah, hrethiam tho mah ila, zing khawvar hnuah pawh emaw zing khawvar paw'n (zing khawvarah pawh tihna) hmang la a mam thlap zawk in kei ve mai mai hian ka lo hre deuh a.

    ReplyDelete
  15. Ngaihnawm hle mai.

    ReplyDelete