Search This Blog

Tuesday, August 3, 2010

Early Life 10 (Nun thalo)

Aizawl ah chuan kan mi hausa fate chu kawm thinin, an zingah te pawh ka tal nasa ve hle thin. A hmaa ka ziah movie siam hma te khan kumhlui thlahna kan hmang te chu, kan hmanna in neitu te khan zu in ve thin lo mahse, an fate party nan khan Scotch, Vat 69 case hnih an rawn phawrh phal tlat mai. Khang hun lai kha chuan Zemabawk lama BRTF ho hnen atang khan Old Monk rum kha um khat Rs.110.00 ten kan va lak thin lai kha a ni a, hei hi Mizoram a liquor store awm hma kha a ni nghe nghe.

Milian fate kawm ve chuan rualawh te kha alo na ve duh khawp mai a, tum khat chu 'a huai tawk' an tih ang vel ka in hnu chuan ka pa chu ka fuih ta pek alawm mawle. Kapa MCS batch pui te emaw, batch 10 laia a aia junior ten sum an neih zia hai bik hek lovi, neih ve dan ngaihtuah turin ka fuih ta a. Ka pa chuan muang changin, " kan nei ve thei vek alawm Henry mahse, kan inkhawm ngam tawh dawn em ni,"? ti a zawhnaa min chhanlet kha ka dam chhungin ka theihnghilh leh tawh ngai lovang.

Tichuan, nula chitin chitang ka kawm kual a, mi hausa fate kawm thin bawk nen, hausa fa lo nih ve bawk loh chuan tlin loh chin a tam ngei mai. Tichuan, Brown Sugar 'chase' chu kawm thinte atangin ka zir tan ta a, nakinah phei chuan Heroin No.4 te chu ka ti ve ta a, ka ti nasa khawp mai. Hetih lai hian ka thianpa pakhat nen phei chuan Moreh ah a scooter chu no.4 in kan zuk thleng nghe nghe. Ka nunram chu a chau tawlh tawlh a, beisei ka neilo tulh tulh bawk. Mahni inchhung ka ngaina lova, zilhna reng ka hre peih lova, ka thin hi a ti rim tuk mai thin. Mahni khamkhawp leina neih reng a lo har a, Penicillin bur khat chu Rs.1000.00 emaw 1500.00 ten emaw kan lei a, kan then hrang a mahni tih tur dah bangin a dang lei leh natur te chu hmelhriat te ka lei chhawn tir ta thin a. Tum khat phei chu kan taxi driver hian Hawng 2 hi mi pe a, hralh zawh a, a hlep insemah a ti a ni. Kei erawh chuan hralh a hnehin, mahni ruih nan ka hmang zo ta vek a. Ka neih chhun thil reng reng chu ka hralh zo tawh a, ka chhungte bungrua in a tuar tan ta bawk a...

17 comments:

  1. ziak tha kher mai.....

    " kan nei ve thei vek alawm Henry mahse, kan inkhawm ngam tawh dawn em ni,"? --a Man's words

    nia , sawrkar hnathawk eiru lo fa nih hi chu naupan lai in hreawm hle mahse puitlin hnu in a nuam duh khawp mai...hreawm an lo ti thei awm te ka tia

    ReplyDelete
  2. Sual atanga ka tal chhuah lehna hmanraw tha tak a ni ta reng a ni.

    ReplyDelete
  3. i like the above comment... eiru lo fa nih chu nuam tak ani. A next hi chhuak har lutuk tawh lo se tih ka suggest e hehehe

    ReplyDelete
  4. Min chhiar sak peih a ka lawm viau mahse, mi hnenah ka inphawrh dere zo dawn tlata inhriatna pawh ka nei. Thu thup ka ngah mai

    ReplyDelete
  5. he he ....awm i tih leh i phal zat kha ni mai...kan society a la immature em a thil zawng zawng phawrh pawh hi a tha lo mai thei..he he

    ReplyDelete
  6. Autobiography ziah hi inphawrh dere na niloin, minti hausa zawk thin turah ka ngai physically and mentally, mahni leh midang tan pawh :))))

    ReplyDelete
  7. thanks for all the encouraging feedbacks,

    ReplyDelete
  8. pu hv a van thra em!! i pa thu mawlh khian i chauh ni leh down ni pawh in a chawikan thrin che ka beisei, ni e next post rei ltk toh lo see
    tih ka suggest ve e
    -Littlerascal-

    ReplyDelete
  9. Pu.HV. Salute

    i writing ah hian thil tha, zir/zawm tlak a inphum ru teuh tura kan beisei tlat pek chu le!??!!

    Way to go , Dude

    ReplyDelete
  10. ngaihnawm e...han ti zel teh khai....mi tamtakin zir tur kan neih phah dawn tlat...

    ReplyDelete
  11. A va ngaihnawm ve. A personal hmel sia, misual.com blog update link ah kha chuan hei hi a chhuah i duh ka ring chiah lova, ka lo tel lo mai ang.

    A next chu ka lo chang reng a nia, ka chhiar zawm chak tawh lutuk

    ReplyDelete
  12. ngaihnom tan. good stuff

    ReplyDelete
  13. sandman ka blog pawh a parsawnal ania aw lolzzzzz

    ReplyDelete
  14. Thra ltk tran e,tun a eiru cc huaitak a sawi ngam/theihna chhan hi i pa lo rinawm hmasak rah a nia, tun a rinawmlo mek te hi an tufa te nakinah anla zak ngawih2 dawn a ni, anmahni thra ngawt mahse an pa te past life vang a nem hniam leh complex nei rengin anla awm dawn...

    ReplyDelete
  15. In feedback chhiar a hahdam hle mai. Hman veleh ka belh ang e. Sandy, i thu2

    ReplyDelete
  16. a ngaihnawm in a lungchhiat thlak khawp mai

    ReplyDelete