Search This Blog

Thursday, August 12, 2010

Early Life 12 (Adventure sports lam 2)

.. Tichuan leh, Pualthawh suar ngei mai chu kan han ner thlak khum ta a nih kha. Angaihna kan hre ta deuh bawk a, Mau tlawn mai hmang lovin, Vaicha (lawng karna) Mau a kan tah chawp nen chuan kan ri thla ta thuai thuai mai a, class 4 rapid Maupum a eitur nen bungbel nen a paltlang zen zen hi khawvel ah hian an awm ka ring love. Suar tam, ram tamah ka kal hnu hian kala hre ngailo. Kan ri thla piat puat a, kan dawk thla ta zawk mai, lawm hlaah whistle avan ri ring tak em.

Thlang lama riahbuk kan sual zeuh zeuh hnu chuan, Mizoram calender 2010, February a lem chuang, Lungmak an tih mai mawi ve tak chu kan thleng thla ta a. Lungmak thlang chiah luikam (beach) nuam takah chuan Lawngtlai leh a chhehvel mi ten, Nghafuan an lo veng mek chu lo niin. Buk za (100) vel niin kan chhiar a, khawte a ni ngawt mai. Mizoram lui dang ang lo takin Chhimtuipuiah hian February hi Nghafuan hun a ni a mahse, an ven dan erawh sangha heklo chi (timai ang) bomb hmanglo an ni tlangpui, an fakawm khawp mai. Sahram lah a tam, Burma lam atanga lo kal Len (fishing net) zuar leh Sahram veh tum lah hmuh tur an awm reng.

Chhimtuipui ah hian a luidung tluanin, lui kamah Zawngtah kung sang tak tak hi a awm thla deuh nuk mai. Ngaw zawngtah e tilo chuan a rah phak a awm reng reng lova, chutiang tho chuan Lairawk emaw, Khaileng kher lo pawh Tumbu phak reng a awmlo, Mizoram hmun a ka hriat vawikhatna leh hriat chhun a ni ta.

Hemi chanchin hi tawi zawngin sawi ta mai ila, a hnu kum chuan Mizoram aiawh a White/Plain water sports training tur thlanna sawrkar lamin an nei ta a. Tah chuan tichhin tu tamtak zingah ka tel ve a, Chhimtuipui Li zaulai chu min hleuh tir zak zak hnuah min liluh tir a, adang tamtak te nen. Chuta tang chuan Mizoram aiawh tur mi pariat zingah thlan tlin ka ni ve ta hlauh nghe nghe a ni.

Chhimtuipui hi cho vak chi a nilo tih ka sawi duh a, tui hi dam dupa lang siin a lui hi chhuk ataka luang a ni a, chumi vanga a Suar te pawh na a ni. Chumi vang chuan a tui volume hi a sang em em tih hriat a, hmelfai sual cho ngawt chi an nilo anga rilru put angai tih ka sawi duh bawk. Tin, tuia khawsa tur chuan Sap tawng a stretching an tih ang te hi tih chin a tha viau maithei, hei hian kaihza thachat awm tur a veng a ni.

6 comments:

  1. henry: khaileng hi enge ni? ka van hre ngailove

    ReplyDelete
  2. tui hi chu swimming pool velah bak kia hleuh ngam lo... lui leh dil vela ka chen ngamna chu ka in zo thei ang tih vel ani

    ReplyDelete
  3. LILIUM, Tumbu khaileng chu a hmuan tawh loh, lo uai chhuak tawh hi. Lairawk tumbu te a nih ngawt loh chuan a phak duh lutuk.

    ReplyDelete
  4. chanchin I nei ngaihnawmin chhiar a manhla hle mai.han chhunzawm zel rawh! kan lo chhiar zel ang.
    I suahsual rawngbawl lai velah khian thu phum I neih teuh ka ring a.a chhia, a thain han tar lang keuh keuh la maw le, he he... :)
    chuan No.4 hi I lo khawih nasa ve hle tawh a nih chuan, vawi khat ai a tam chu ek I cheh ve tawh ngei dawn tihna a ni maw.
    chiri tawh ngai em? :) :-D

    ReplyDelete
  5. bawmrang, cheh em love, chiri te chu mi rethei tan chuan "fo" thil a ni ngai e.

    ReplyDelete
  6. zawngtah i sawi hi a tui phian lo maw a phak loh chuan, ka pawh a rim chhe miah lo anga, a ngaihnawm thin hle.

    ReplyDelete