Search This Blog

Tuesday, August 24, 2010

Early Life 18 ( Khawvel hi!)

A chhelam leh thalam hian khawvel hi ka hman pawlh nasa ve hle tawh chuan ka inhre ve thin. Chungah chuan lung tileng tak tak te awm mahse, "Avan pawi," tih tam tak a awm tho bawk!

Shillong atanga Mizoram ka haw hnu khan tlangval kan hre ve tan chauh kha a ni a. Kawng han kal te hian hmeichhe ho chuan min han fiam vel a, kan han in chhaih zui chu inkawm ngeih tanna siamtu a ni deuh mai zel bawk. Shillong lamah hostela awm reng ka nih bakah mipa hlang luhna sikul a kal ka nih thin vang nge ni'ang, ka nep vang hrim hrim zawk, hmeichhia ah hian insum har ka ti chho ta telh telh ta mai a. Sawi tawh angin Mizo film te leh thil dang dang lo tih ve tawh chuan mihring la tlem nen, miin khawtin ah min hre ve fir fer a, kalna lam apiangah ka vai lem ngailo. Khawnge in ziak inkartawn nuk mai teh ang aw, hmeichhe hming erawh theih ang angah ka thup ang, Mizo chu insawi mualpho kan ching em mai (kan hrat mai a nilo).

Ka chhungte hi hmun dangah an awm vek a, chutih lai chuan Khatla piahlam (bazar lam)veng nula sawmpali hi a rualin ka kawl pek alawm mawle. A nuam nangin veng chhung, thenawm khawveng mitmei ven avan na tak em vele. Mi fa duhlai thah an ni bawk a, an chhungten rawn lam an tum thin. Bihruk tir zak zak chang a awm, a chang leh keiman ka lo dawngsawng thul. Tum khat phei chu Venglai nula kha apa hian rawn lam a tum a, a fanu chuan, "Kapa, i in saw ka in a ni tawhlo," a ti a, a pa chuan a beng pawp mai a, kei lah chuan, ka inchhungah kut thlak lo turin ka ngen bakah a thlak leh chuan keimah a mah ka khawih tur thu ka chhakchhuak; tun hnu hian ka zak. Khang ho lah kha, ka nin deuh hunah ka pet chhuak a, kan thenawm te inah va tap hawm hawm lah an awm zeuh zeuh, avan lo sual theih tak em vele.

Electric veng lam nula hmeltha leh fel em em mai ka kianga awm thin kha a fel tih takah a van fel tak em vele aw. Thla thum vel kan awm dun hnu khan loh theih lovin kan awm hrang ta a, awm hrang e tilo chuan ka sikul kal hlan (sikul a ka thawh lai) hian inchhung milo tih fel sak vek a, rawng a lo bawl fel thlap thin. Tum khat chu ka thianpa Te-a, Kulikawn thlanmual veng ami nen hian Sarawn veng police Qtr ah pajama ha in kan va kal a, kan nula kal chhan te Qtr kiangah chuan chirh diak ah ka tlu thlawrh mai a, zialo tak a ni. Dum uih rim nam vut vut chuan nula chu kan hruai chhuak ta a nih kha; dum uih rim nam leh pajama ha chungin hairehai.

Tum khat chu Palak dil expedition hi kan nei a, chutah chuan Arm veng nula chhelo deuh mai hi a tel ve a. Kalkawng atang chuan kan in be tha viau tawh a mahse, tlangval dang te pawn innel tir an tum tih chu a hriat theih. Tichuan, Palak dil chu thlengin zan ah hma takin kan mu a, a chhan chu a tukah Tawngkawlawng lamah AO Qtr a Kel min talh sak ei turin kan kal angaih dawn vang a ni. AO Qtr ah chuan kel chu kan han ei ta ngei a mahse, Tawngkawlawng ah zu man kan han ti pung nasa hle mai. Zu zuar pakhat chiah a awm a, um khat Rs.30 a tih chu tlai lamah chuan Rs.150 ah a chho dawrh tawh mai. Tawngkawlawng nula hmeltha lah lo bum an awm hman, a hnuah Aizawl thleng thlenga lehkhathawn dawng nawlh nawlh te pawh an awm tak nghe nghe kha mawle.

Zanah chuan Tawngkawlawng atang chuan boruak zang haih leh Maubur lianpui pui hawl chung chuan Palak dil chu kan pan thla leh ta a. Meipui kan chhep a, kan zai a a thei thei an lam mep mep ta mai, a van nuam tak e aw. Chutah, kei leh MCS pakhat fapa chuan Arm veng nula chu kan thut karcheh a. Ka kawrchung lianpui chu kan inzawn a kan malpui ilo te kan khuh a, a hnuaiah chuan eng eng emaw kan ti ru vel ta a. Chutih lai chuan a lehlam a thu chuan Arm veng nula kut chu a lo zut a lo zut ve a, kan in melh a kan nui ru leh tet tet thin, a hre der mai silo, a van nuam tak em. Kan haw kawngah chuan min lo hmutu an awm chu niin, " Mi induh laiin, a kut lehlam ilo hum thlan ve dup elaw," tiin an fiam ta vel a, ka khawngaih letling hle mai...

Tumkhat leh pawh nula pakhat, a pa pawn chaw kan eiho naah, "MA hi han zo se nakinlam pawh kan sawi aniang chu," min tih khum tawh chu a vairam lehkha zirna pan tur a thlawhna ticket ka laksak a. Lengpui atangin thlawhna a thlawh dawn loh avang chuan Aizawl lam kan kir dun leh ta a. Tichuan, tourist lodge ah hian zanin chu awm mai ila tichuan naktuk ah kan zuk tum leh chhin aniang chu tiin tourist lodge lam chu kan pan ta a. A pa a phone duh lawk thu a sawi a, a pa hnenah chuan (arui lungpuamin) khawiah mah kal ka phalloh thu leh rawn lam turin tap chungin Lunglei a va phone ta mai a nih kha. Phone a dah chiah tih chu chumi hmun atang chuan ka hnawt chhuak nghal a, a ticket pawh a tukah ka refund ta hmak a nih kha. Hmeichhia, pa te laka inti fel tak, dawt a chhungte bula midang puh hreh lo, mi rilru tih nat hreh heklo hi an lo tam khawp mai. He nu hi tunah chuan kawng dik zawh dan a zir an ti a, tha takin, mi dawtin a puh tawh ngai loh ka beisei.

(KUM INANG LO TAK TAK KAN PAWLHSAWP LAWK A NI E)

16 comments:

  1. saaala..ka internet chhiat lutuk vangin fonz an min ciomment khalh...lolzz

    ReplyDelete
  2. Va bawn rem2 ve...Thra viau zel e...

    ReplyDelete
  3. Ka fak phawt dawn che nge aw ka sawichhe phawt dawn che.. :)

    Nula sawmpali chungchang khi chu 'hepa hi a a deuh emawni le?' tih mai a awl dawn khawpin ka hria. 'Pan loah tho a u lo turah i ngai ang.

    Last paragraph khi chhui ta vak ila, Lunglei lam mi ka ni si a, ka chhuichhuak thei mai ang a.. tihte ka ngaihtuah rum rum. Lengpui Airport a lo awm tawh bawk si a, a hun hi rei lutuk a ni thei lo.

    I hriatna a thra khawp mai.. Teenager kan nih hunlai vel kha kan Ganja zuk runpui lai a ni a, hriat a mumal ka nei lo. Diary ziah phei chu kahase..

    I thuziak chhiar a nuam khawp mai bawk... go go go

    ReplyDelete
  4. I harem chu thlir ve mai2 va chakawm ve :D, ziakzel teh, tuhming mah zualbonez te hi hrilh duh hlek suh,anmahni anlo inhriatchhuah leh a pawi hleinem..

    ReplyDelete
  5. Hets J LO.... keimah chiah hi min hrilh se a tha ang lolzzzzzzzzzz

    ReplyDelete
  6. Pu HVa i hriatrengna a tha ti dawn ila, khang hunlaia i thiltawn nena ngaihtuah chuan theihnghilh theih mai a nih mai chu ka ring lo.

    I zinkawng chu a ngaihnawm chho zel e, han pal khu chho zel teh.

    Mi hming i thup a, an veng te pawh hi i tidanglam em le? I titha ka ti khawp mai, kan societyin frank taka sawi piap piap mai kha a la zo ve tlat lo a ni; tin khang hun lai nula te kha tunah chuan chhungkaw nu an lo ni nual anga, i titha khawp mai, i zinkawng hlutna a tibo hauh lo e.

    Way to go....
    ...khrum

    ReplyDelete
  7. ngaihnawm khawp mai, lo pui hem hem khawp mai zan khat a nula 14 rual chu :))) a rualin maw :)) Pu Chana i iang e :))

    ReplyDelete
  8. hahhaha last para hi i van che chhe chiang mai mai hahahha a chhawih deuh a ni lo maw :)) hotel nawm na pawh i chen hman lo a ni maw :)

    ReplyDelete
  9. gila, Zan khat ah tih reng reng ka ziak lo.

    ReplyDelete
  10. ngaihnawm chho zel e...

    ReplyDelete
  11. Ngaihnawm tak a ni PU HV han update leh thuai thuai teh

    -littlerascal-

    ReplyDelete
  12. a la kimlo, screw driver a la tello tlat, sawi tel ngei a ngai ang kha kha....ngaih nawm hle mai.

    ReplyDelete
  13. aldrin, screww driver kha chu sawi chi dawn em ni?

    ReplyDelete