Search This Blog

Wednesday, August 18, 2010

Early Life 15 (Thar desert trekking contd')




Hmar-bai thak tek tawk kan hawp hnu chuan Moolsagar chu kan chhuahsan leh ta a. Sanghawngsei (Camel) panga, kan bungraw phur turin kan ruai a, a neitupa chuan Sanghawngsei pakhatin min zui bawk a. Sanghawngsei hi an hah hnu hian an kua hi a lo puar nasa ve thei khawp mai. An kua a puarh nasat deuh chuan ri thlurh thlurh hian an vawih a, an mahni lah hi an ner nung bawk a, a han uih em em mai lehnghal, khawlum nen in millo tak a ni. Sanghawngsei an vawih a kan hmalam a mi a nih chuan kan kal lehpel zung zung mai thin.

Vaivut tlang (sand dune) phenah tum khat chu kan hahchawl alawm mawle. Kan u Ruattea chuan chutih lai chuan tui intur min rawn pe a, ka lem zui pawp mai a, a lum al ta piat reuh a. A nui tiah tiah ta mai a, a ni lah chuan "Sanghawngsei kawchhung a mi" an tih mai a neitupa a lak chhuah tir test nan milo in hmasak tir chu a lo ni awm a, nuih a za tawi duh tet tawt khawp mai. Keini kha chu kan infiam thanga, huat enah kan in en ngailo hrim hrim bawk a, a tha vek e. Sam sand dune an tih chu kan thleng ta a, chuta tag chuan kan kal zel a, vaivut tlang (sand dune) dang lian zet mai kan thlen leh chuan kan hahchawl ta a. Heta tang hian khaw hnai ber chu Mel tam tak a ni ngei ang.

Kan leader, Pu. Lalneihsanga (fam) hnenah Sanghawngsei hman lawk ka dil a, tlang phenah chuan chak takin ka tlan a darkar chanve velah chuan Rajput ho local zu um khat hawnin ka kir leh ta. Khatiang thlaler ram pilril a zu lei tur ka hmu kha mak an van ti teh reng em! Rajput ho local hi chu meihawl nawi hi a awm niai reuh a a tak em em mai bawk si, um khat hi Mizo pa in ang pawn mi 4 tan tawk tak tur a ni ngei ang. Kan kal hma khan Sanghawngsei neitupa ka chah ru tih an hre der si lova, lei tur ka zawng der kha a ni reng si a, mak an ti kher mai.

Thla khat vel a liam ta tihah chuan inbual hlawm hek lovi,  kan pheikhawk rim a inang put mai a, vawih rim lah chuti bawk, thil uih reng reng inpuh ngaihna avang khawp mai. Puanin (tent) chhunga awm a hreawm a ni, a phui si, a uap si eng eng rim emaw a na bawk nen. Kan tum angin tluang takin kan kal zel a, Rul, a sir zawnga tleng chi hi kan hmu a, ka um vak a vaivut ah chuan a tlum ta daih a, kan en chiang a a lu chu a lo ti lawr tet reuh a, a dangdai khawp mai. Ke a thlaler han kal tak tak chuan hnim buk hniamte hlimah te hian ka lu te hi ka zuk dah lui hram hram fo mai.

Tichuan, kan kal theih chin kan kal hnu chuan Jaisalmer lam kan pan leh ta a, chuta tang chuan Jodpur ah kan hahchawl ta a. Jodpur ah hian Sanghawngsei vuna thil siam a lo tlawm laileng khawp mai a kan bazar nasa hle mai. Tibetan nula dawrkai kan ngaizawng der a, a tih chi phian mai; hei hi a thil zawrh tlawm zawka lei sak kan tum vang a ni. Hmeltha ka tih thu leh Jodpur chhuahsan ka hreh phah dawn thu ka hrilh hrep a,kan biak sikhaw viau hnu chuan Rs.200.00 man te chu Rs.10.00 ten kan lei ta hlawm. Thirsakawr kan hawh dun a, kan lengkual vel a, an inah Bawnghnute te min pe a. Tlai alo nia, bus station ah kalin haw kan tum ta a mahse, pu te hriatah a van zahthlak duh vele! Kha Tibetan nula kha a thiante nen lo kalin min rawn tah ta vak mai, ka kutah a pawt a, a tawng lah ka hre kim thiam der silo. Loh theih lova kalsan angai si, rilru anuamlo duh hle mai. Hmeichhia an nih vangin dawtin bum ka hreh lova, an rilru ka ti na a ni, a pawi ka van ti vawng vawng tak em!

14 comments:

  1. Thla khat vel a liam ta tihah chuan inbual hlawm hek lovi, Australian nula te nen chuan kan pheikhawk uih dan a inang put mai a, vawih rim lah chuti bawk, thil uih reng reng inpuh ngaihna avang khawp mai

    lolzzzzzzzzzzzzzzzz sexy lo ve

    ReplyDelete
  2. sanghawngsei kawchhunga tui i tih khi ka vawikhat hriatna

    ReplyDelete
  3. I kawchhungah tui a awm lo bik em ni a lol

    ReplyDelete
  4. lolzzzzzzzzzzzzzzzzzzzzzzzzzzzzzzzzz

    ReplyDelete
  5. I bul tanna hmar bai thak tek tawk hian ka chil ati put. thil kava ei nghal teh ang.. ghee rice kava ei nghal dawn. lolzz

    ReplyDelete
  6. Lo chhuak lehzel tur chhiar a chakawm khawp mai.

    ReplyDelete
  7. hehe i zu lei ber khi :) a duh thlak mai mai em a:) uih chitin reng in ang thup hi a sesky lo khawp mai bawk :) zei hlawm khawp mai in nula bum dan khi :)) a ngaihnawm lutuk a dang ka lo nghak leh e :)

    ReplyDelete
  8. sanghawngsei tui hi a tilo ngawt ang, luak a pawt tawp mahse thih ai chuan in mai kha a tha zawk ang chu

    ReplyDelete
  9. u henry nge nge...thu i thiam si..i hriat rengna a tha bok si...lo ziak zel la kan lo chhiar zel ang..i duh toka in sep hi chuan a ngaihnom bik tlat alom...nuihzatthak deuh te hi a hun takah i zep thiam a...i titi kotlanga dak thrang nih phei chuan mit thlaah i thil soi lai te poh alang alom le :))))

    ReplyDelete
  10. This comment has been removed by the author.

    ReplyDelete
  11. Lalhma, Sanghawngsei vawih, an ner nung hmel hi han mitthla teh khai hairehai tawp lol

    ReplyDelete
  12. hahahaha..chuzong ai chuan ..i nula tihder nu chu hlok lo om triah2 eee..cheng 200 man te cheng 10 chuan hahahahaha khongaih thlak top..

    ReplyDelete