Search This Blog

Tuesday, August 10, 2010

Early Life 11 (Kut hnathawh)


Hun leh ni te aliam ve zel a, Thakthing bazar ah Antam kan zuar ta a nih kha. Ka antam zuar chu kharchhawng hoin ka tel alian deuh aniang chu an la zo vek mai. A tukah chuan an tel tiat ang el awlin ka siam thiam ve ta a nih kha. Ka antam zuar chu nu thenkhat chuan " 1st class officer fa i nih kha i pa i ti mualpho," te an ti a kei lah chuan pawisa thianghlim hlawh tluk a hlu ka hre lo tlat mai, ka zak der lo.

Tichuan, Lungleng lamah Hmunphiah keh ka zir chawp a, kar hnih thangin nitin Hmunphiah ka kek ta a, kan u Lalrinchhana te kawmcharah chuan ka pho ve dal mai a. Hmunphiah chu Lungleng khaw bus in Kulikawn lamah ka phur phei ve ta a, phiah sang chuang chu kalo ngah ve der mai, ka lawm hle mai. Sawrkar pisa ah te ka pu kual thin a, tlawmngaiin min lo lei sak ve thin.

Chutia Antam leh Hmunphiah ka put kual zak zak hnu chuan eng engemaw ka dap ve nasa. Ka vanneih asiamin, Tlangnuam block BDO te chuan min khawngaiha Tlangnuam atanga Lungleng kalna, Serlui bula Lei dawh tur chu enkawl hna min pe ta hlauh mai. Chumi hmunah chuan buk te sualin, thla thum chuang inhlawhin ka zuk awm ta a ni. Serluiah hian zan lamah Hawlrawk hi kan hawlh thin a, a nuam ve thei hle mai. Kaikuang eikhawp hi chu kan man ve fo a ni. Kan hnathawk chu ka lo uluk mah mah aniang e, estimate revise angai ta a, chuta tang chuan lawmman min pe ve a, tun thleng hian kan Lei siam chu a la tha e, tiin min hrilh a, ka lawm ve hle mai.

Han sawi leh lawk ila, kan Lei ban khur tur kha a lung a chang lutuk kan mangang hle mai a. Geletine tlawn li ka tel khawm a, Lianzuala tuna IR a awm ta nen chuan Nawalh zen chu cigarette foil ah a zit ran zawng kan chhin hnu chuan chumi chu a fuse anga hmangin ban khur tur ah chuan kan hal ta alawm mawle. A zit chiah tih chuan ka zuang chhuak a, leivung phenah ka bawk thlawp a, Lianzuala chuan mistiri cement plate a rawn vawm phei a, chumi chuan ka lu ka khuh; rin aiin ala puak rang ta fo mai a, kan paw tha phek phawk ngei mai.

Hetia Serlui kama hna kan thawk hi a kalkawng a Fu huan neitu, S.Hlimen a mi chuan min lo thik a. Motor kalkawngah chuan thing/Banril alo phun phei fur mai a. Kawng enkawltu te remtihna in ban chu kan phawi a hmanrua pawh kan chaw lut leh thei ta. Zanah an pafa in an rawn thawk thla ta pek a, Elbun silai kengin ralkhat atangin thawm an rawn nei a. Kan buk an lo thlen chuan inkah ah min cho/vau ta a. Hetih lai chuan ka hnathawhpui pakhat chuan Changel phen atangin Laiphirin a lo tin ve reng tho. Tichuan, kei chuan, sawrkar lam thu a engkim thawk ka nih ka sawi hnu chuan, ka pa rual a nihnaah ka zah viau thu ka hrilh a, thingpui no min dawm pui turin ka thlem zel a. A fu huan pawh chu Patta loh a nih avangin a huan siam phalna chu an paih sak ta nghe nghe a nih kha. Kut khur zawih zawih a patling thingpui han dawm kha chu a nuam lemlo hle mai, a pawi thin ngawt asin.

11 comments:

  1. "Ka antam zuar chu nu thenkhat chuan " 1st class officer fa i nih kha i pa i ti mualpho," te an ti a kei lah chuan pawisa thianghlim hlawh tluk a hlu ka hre lo tlat mai, ka zak der lo."

    ka duh lutuk... hetilai hi. Eiru lo fa nih nawmna, chutah ila taima em2 zuia. Bakah hna ah hian a hniam leh a sang a awm loj zia a lang e... very nice

    ReplyDelete
  2. I ngaihsan awm e. S Hlimen VC chu han sawi la ka hriat mial ka ring :-)

    ReplyDelete
  3. i ziak ngaihnawm hle mai....a thu chheh lam chu ka ril loh na lam ania comment tur ka hrelo a, mahse i chanchin hrim hrim khi a ngaihnawm hle mai. thil chi hrang hrang i lo dai kual ve nasa hle mai tih min ngaihtuah tir - Kingpin

    ReplyDelete
  4. This comment has been removed by the author.

    ReplyDelete
  5. hmm van ngaihnawm thrin ve le, pu Hv nge nge
    rawn ti zel teh, mit vai rum rum in kan lo chhiar thrin a nia.

    -littlerascal-

    ReplyDelete
  6. Ruihhlo etc bawih a ta i talchhuah leh dan tak cc kha thralaite fuih nan leh tun a tang ve mek talchhuak duhte entawn tur ziah tel sak kha a pawi viau em? :D ,tin, tun a mahni kutkawih ngei a nupui fanaute han chawm seilen nawmna te kha... ha ha i fate chuan anva la chhuang dawn che ve aw..

    ReplyDelete
  7. JLo... ruihtheih thil vel kha chu a raw deuh lo maw aw ka lo tia

    ReplyDelete
  8. gothica...nia, a chase dan niloin a tlansan dan leh tih loh a tumruh dan lampang kha mawle, tum tlat te chu anhlawhtling mai a, tun a ngawlvei kan tih ho pawh hian HV ang hian tumruh vese enge antheihlohna tur? enge harsatna awm? tin, nu leh pa tan hlei2 pawh engtin nge ruihhlo buaipui thrin fa nei taila engtia tihnge thra ang le.. tih te pawh miin an expi ngei ansawi hi ngaihnawm dangdai bakah example a hman ve chhin a tan te a thrat ka beisei mai2, mahse threnkhat(midang) mualphona khawp hming,veng etc tel kherlo pawhin...

    ReplyDelete
  9. Mihring dam chin pathianin a ruat, a tih tawi chu mihring kut a ni fo.

    ReplyDelete
  10. `Thakthing bazar ah Antam kan zuar ta a nih kha` ka chhuang lutuk che Henry, khang zawng zawng rah kha tun ah i phur chhuak tawh a lawm.

    ReplyDelete